14/06/2026
"სკოლების გამოფენა - 2026"
როგორც მოგეხსენებათ, 12 ივნისს, საქალაქო ღონიძიება - „სკოლების გამოფენა - 2026“ გაიმართა გორის კულტურისა და დასვენების პარკში. სკოლები, დამთვალიერებლის წინაშე, საკუთარი ნამუშევრებით წარსდგნენ სპეციალურად მათთვის გამოყოფილ ფანჩატურებში.
ღონისძიება გახსნა გორის საგანმანათლებლო რესურსცენტრის უფროსმა, ბატონმა გიორგი ბერძნიშვილმა; მისასალმებელი სიტყვები წარმოთქვეს სტუმრებმა: გორის მუნიციპალიტეტის მერმა - კონსტანტინე ბუზალაძემ, საკრებულოს თავმჯდომარემ - მარლენ ნადირაძემ.
სცენასთან განთავსებული იყო მშობლების უკუკავშირის ყუთი, სადაც მშობლებს შესაძლებლობა ქონდათ საკუთარი აზრი, შეხედულებები, რეკომენდაციები დაეფიქსირებინათ.
XI სკოლისთვის გამოყოფილ ფანჩატურში წარმოდგენილი იყო: ჩვენი პატარა მხატვრების ფერწერული ტილოები; საუკუნოვანი ჰერბარიუმი; ენერგიის განახლებადი და არაგანახლებადი წყაროების მინი-მოდელები; ხელნაკეთი, მრავალჯერადი გამოყენების, საგაკვეთილო რესურსები - მაკეტები.
მოსწავლეებმა (VIII-IX-X კლ.), სტუმრებისთვის, ადგილზე გამართეს ცოცხალი აქტივობები: უჩვენეს ენერგიის გარდაქმნის გზები; დნმ-ის ძაფები გამოაცალკევეს ხილისგან.
სცენაზე, მუსიკალური ნომრით წარსდგნენ თომა ქოქაშვილი გარმონით (VIII კლ.) და ლაზარე კაპოიანი ტამტამით (V კლ.).
ღონისძიების ერთ-ერთ მნიშვნელოვან, დასკვნით ნაწილს წარმოადგენდა სკოლების მიერ წინასწარ შერჩეული და წარდგენილი, წარმატებული მასწავლებლებისა და მოსწავლეებისთვის სიგელების გადაცემა.
ჩვენი სკოლიდან, აღნიშნულ ნომინაციაზე, მადლობის სიგელებით დაჯილდოვდნენ:
🔹პედაგოგი (ფიზიკის მასწავლებელი)👉 ელიზა ყაზიშვილი
🔹მოსწავლე (VII კლ.)👉 საბა ვართანიანი
ღონისძიება დასრულდა ფოიერვერკით.
როგორც ბატონმა გიორგი ბერძნიშვილმა აღნიშნა, ამ საღამომ საფუძველი ჩაუყარა კიდევ ერთ მნიშვნელოვან ტრადიციას და ეს ღონისძიება, ყოველი სასწავლო წლის ბოლოს ჩატარდება.
მადლობას ვუხდით ქალაქ გორის საგანმანათლებლო რესურსცენტრი ს და გორის მუნიციპალიტეტის მერიას
( https://www.facebook.com/CityHallofGori/?locale=ka_GE ) საინტერესო ღონისძიების ორგანიზებისათვის.
