გორის მუნიციპალიტეტის ტრანსპორტის სააგენტო

14/08/2026

🚧გორში, ჭავჭავაძის გამზირის ერთ მონაკვეთზე სატრანსპორტო მოძრაობა დროებით შეიზღუდება

15 აგვისტოდან, დაგეგმილი სარეაბილიტაციო სამუშაოების გამო, გორში, ჭავჭავაძის გამზირზე, ჭავჭავაძისა და ქართლის ქუჩების კვეთიდან ჭავჭავაძისა და გურამიშვილის ქუჩების კვეთამდე სატრანსპორტო მოძრაობა დროებით შეიზღუდება.

🚧მოძრაობის შეზღუდვის პერიოდში, ავტომობილები და მუნიციპალური ავტობუსები ქართლის ქუჩის გავლით იმოძრავებენ.

სატრანსპორტო მოძრაობა აღნიშნულ მონაკვეთზე სარეაბილიტაციო სამუშაოების დასრულებისთანავე აღდგება.

ბოდიშს გიხდით შექმნილი შეფერხებისთვის და გთხოვთ, გადაადგილებისას გაითვალისწინოთ აღნიშნული შეზღუდვა.

08/08/2026

გორის მუნიციპალიტეტის ტრანსპორტის სააგენტოს თანამშრომლებმა 8 აგვისტოს, ტრადიციულად, პატივი მიაგეს აგვისტოს ომში დაღუპულთა სულებს და გვირგვინით შეამკეს საქართველოსთვის თავდადებული გმირების მემორიალი.

05/06/2026

🔹გორის მუნიციპალიტეტის ტრანსპორტის სააგენტოს თანამშრომლებს პირველადი სამედიცინო დახმარების საკითხებზე ტრენინგი ჩაუტარდათ.

ტრენინგის მონაწილეებმა შეიძინეს როგორც თეორიული, ისე პრაქტიკული ცოდნა, რომელიც გადაუდებელ სიტუაციებში პირველადი დახმარების აღმოჩენისთვისაა საჭირო. სწავლება მოიცავდა დაზარალებულის მდგომარეობის შეფასების, შესაბამისი მოქმედებებისა და დროული რეაგირების საკითხებს.

ტრენინგის მიზანი თანამშრომელთა ცოდნისა და პრაქტიკული უნარების გაძლიერება იყო, რათა საგანგებო შემთხვევების დროს მათ ეფექტურად და ოპერატიულად შეძლონ დახმარების გაწევა.

26/05/2026

08/04/2026

🚌 მიცვალებულთა მოხსენიების დღეს გორში დამატებითი ავტობუსები უფასოდ 09:00 - დან 18:00 საათამდე იმოძრავებს.

13 აპრილს, ორშაბათს, მოქალაქეები სასაფლაოს მიმართულებით უფასოდ მგზავრობას ქალაქის ყველა უბნიდან შეძლებენ.

ყველა უბნიდან გამოსული ავტობუსის ბოლო გაჩერების წერტილი სასაფლაოსთან არსებული სამების ტაძრის მიმდებარე ტერიტორია იქნება.

🚌 დამატებითი ავტობუსები ქალაქის მასშტაბით მგზავრებს აიყვანს შემდეგ ლოკაციებზე:

🔹 ჭალის დასახლება (გორის მუნიციპალიტეტის მერიის ადმინისტრაციული შენობის მიმდებარე ტერიტორია)

🔹 წმინდაწყლის დასახლება (ყიფიანისა და ტყვიავის ქუჩების კვეთა)

🔹 კომბინატის დასახლება (კულტურის ცენტრის მიმდებარე ტერიტორია)

🔹 ვერხვების დასახლება (მამარდაშვილის მემორიალის მიმდებარე ტერიტორია)

🔹 სადგურის დასახლება (რკინიგზის სადგურის მიმდებარე ტერიტორია)

👉 ტრანსპორტი ერთსაათიანი ინტერვალით იმოძრავებს.

გორის მუნიციპალიტეტის ტრანსპორტის სააგენტო

06/03/2026

გორის მუნიციპალიტეტის ტრანსპორტის სააგენტოში ჩატარდა სასწავლო - სამუშაო ტრენინგი შრომის უსაფრთხოებისა და ჯანსაღი სამუშაო გარემოს უზრუნველყოფის შესახებ.

👷‍♂️ ტრენინგს უძღვებოდნენ შრომის უსაფრთხოების ექსპერტები.

მონაწილეები გაეცნენ:

🔹 სამუშაო გარემოში რისკების იდენტიფიცირებას

🔹 პრევენციულ ღონისძიებებს

🔹 ინდივიდუალური დაცვის საშუალებების სწორ გამოყენებას

🔹 ელექტრო და სახანძრო უსაფრთხოების საკითხებს

🔹 საგანგებო სიტუაციებში მოქმედების წესებს

🔹 პირველადი სამედიცინო დახმარების აღმოჩენის საკითხებს

🔹 გარემოს დაცვის საკითხებს

👥 ტრენინგში მონაწილეობა მიიღეს სააგენტოს ადმინისტრაციის წარმომადგენლებმა, მძღოლებმა და ტექნიკურმა პერსონალმა.

💡 ჩვენი პრიორიტეტია კომფორტული სამუშაო გარემოს შექმნა და მგზავრების უსაფრთხო გადაადგილება!