01/06/2026
აჭარის სოფლის მეურნეობის სამინისტროს ა(ა)იპ „აგროსერვის ცენტრში“, „აგროსექტორის განვითარება რეგიონში“ პროგრამის ფარგლებში, აგრარული მიმართულების სტუდენტები და კურსდამთავრებულები ანაზღაურებად სტაჟირებას გადიან.
პროგრამის მიზანია ახალგაზრდების პროფესიული განვითარების ხელშეწყობა, სოფლის მეურნეობის სფეროში კვალიფიციური კადრების მომზადება და მათი პრაქტიკული უნარ-ჩვევების გაძლიერება.
სტაჟიორებმა 2-თვიანი თეორიულ-პრაქტიკული სწავლების შედეგად მიღებული ცოდნისა და გამოცდილების შესახებ ანგარიშები წარადგინეს. შეხვედრას აჭარის სოფლის მეურნეობის მინისტრის მოადგილე არჩილ ბერიძე, ა(ა)იპ „აგროსერვის ცენტრის“ დირექტორის მოვალეობის შემსრულებელი მირზა სუქნიშვილი და სანერგე-საჩითილე მეურნეობების პროგრამების ხელმძღვანელი ლაშა მელაძე ესწრებოდნენ.
პროგრამის ფარგლებში დასაქმებული ახალგაზრდა აგრონომები „აგროსერვის ცენტრში“ თეორიულ და პრაქტიკულ სწავლებას 6 თვის განმავლობაში გაივლიან.
სტაჟიორები აქტიურად არიან ჩართულნი „აგროსერვის ცენტრის“ მიერ ორგანიზებულ სხვადასხვა აქტივობასა და მიმდინარე სამუშაო პროცესებში.
