21/08/2026
🏠Does unman yn debyg i gartref i gleifion sy'n defnyddio gwasanaeth monitro iechyd o bell
🩷
Mae pobl sy'n byw gyda methiant y galon ledled Cymru yn elwa o wasanaeth monitro cleifion o bell. Mae hyn yn eu helpu i reoli eu cyflwr yn ddiogel o gartref ac yn lleihau'r angen am ymweliadau ysbyty.
Trwy weithio mewn partneriaeth â byrddau iechyd ledled Cymru a'r darparwr gofal rhithwir Doccla, mae Perfformiad a Gwella GIG Cymru yn cefnogi cyflwyno'r gwasanaeth digidol arloesol hwn, sy'n galluogi cleifion i gofnodi mesuriadau iechyd allweddol gartref a'u rhannu'n ddiogel gyda'u tîm clinigol arbenigol.
Yn gynharach eleni, Bwrdd Iechyd Prifysgol Cwm Taf Morgannwg oedd y bwrdd iechyd cyntaf yng Nghymru i gyflwyno gwasanaeth monitro cleifion o bell ar draws ei holl wasanaethau methiant y galon, gan gefnogi cleifion ledled Pen-y-bont ar Ogwr, Rhondda Cynon Taf a Merthyr Tudful. Ers hynny mae'r gwasanaeth wedi ehangu i fwy o fyrddau iechyd yng Nghymru, gan gynnwys Powys, Betsi Cadwaladr, Hywel Dda a Bae Abertawe.
Mae canlyniadau cynnar yn awgrymu bod y dechnoleg yn helpu clinigwyr i nodi arwyddion o ddirywiad yn gynt, addasu triniaeth yn gyflymach a chefnogi cleifion i reoli eu cyflwr gyda mwy o hyder.
Diolch yn fawr iawn i'r timau ymroddedig sy'n gwneud hyn yn bosibl ac sy’n helpu i ddarparu gofal diogel ac effeithiol yn nes at y cartref i gleifion ledled Cymru.
Yn y llun o'r chwith i'r dde mae Rebecca Smith, Lisa Smith, Danielle Gwillym a Chantel Pope o dîm methiant y galon Cwm Taf Morgannwg.
