Ambassade de Madagascar en France

09/09/2026

08/09/2026

01/09/2026

📌 FOTOAM-PIVAVAHANA IRAISAM-PINOANA NITONDRANA AM-BAVAKA NY FIRENENA MALAGASY TETO PARIS

Ho tohin’ny fihaonana teo amin’Andriamatoa Michel RABEMAHEFA, Ambasadaoron’i Madagasikara any Frantsa, sy ireo solontenan’ny FFKM-Frantsa, dia notanterahina ny zoma 28 aogositra 2026 tao amin’ny Église de la Rédemption, Paris, ny fotoam-pivavahana iraisam-pinoana natokana hitondrana am-bavaka an’i Madagasikara, Tanindrazana sy Taninjanaka iombonan’ireo zanaka am-pielezana ety ivelany.

Nandray anjara tamin’izany ny Ambasadaoro, ireo tompon’andraikitry ny Fiangonana mivondrona ao amin’ny FFKM-Frantsa ary ireo Malagasy tonga nanatrika. Tao anatin’ny firaisam-po sy firaisam-panahy amin’ny Malagasy any an-tanindrazana no nanatanterahana izany fotoam-bavaka sy fiombonana izany, manoloana ireo sedra lalovan’ny firenena, sady nahatsiarovana ireo namoy ny ainy sy ireo fianakaviana tra-pahoriana.

Nentina am-bavaka manokana ny vahoaka malagasy sy ny Tanindrazana, mba hanjakan’ny fiadanana sy ny filaminana ary ho fitahiana hatrany i Madagasikara. Nentina am-bavaka ihany koa ny Filohan’ny Fanavaozana ny Repoblikan’i Madagasikara, Andriamatoa Michaël RANDRIANIRINA, ny Fitondrampanjakana izay tarihiny, sy ireo mpiara-miasa aminy iray manontolo.

Tao anatin’ny finoana, ny firaisankina ary ny fanantenana no nanankinan’ireo mpandray anjara tamin’Andriamanitra ny hoavin’ny firenena, sady niraisan’izy ireo vavaka ho amin’ny fihavanana sy ny firaisan-kinan’ny Malagasy.

« Zanahary ô, tahio ny Tanindrazanay. »



📌 CULTE ŒCUMÉNIQUE DE PRIÈRE POUR MADAGASCAR À PARIS

Dans le prolongement de la rencontre entre Son Excellence Monsieur Michel RABEMAHEFA, Ambassadeur de Madagascar en France, et les représentants du FFKM-Frantsa, un culte œcuménique spécialement consacré à Madagascar s’est tenu le vendredi 28 août 2026 à l’Église de la Rédemption à Paris.

Réunissant l’Ambassadeur, les responsables des Églises membres du FFKM-Frantsa ainsi que des membres de la communauté malagasy, ce temps de recueillement et de prière a été vécu en communion de cœur et d’esprit avec la Nation malagasy, dans le contexte des épreuves traversées par le pays et en mémoire des victimes et des familles endeuillées.

Les prières ont été élevées pour le peuple malagasy, pour la paix, la protection et la bénédiction divine de Madagascar, ainsi que pour les autorités de l’État, sous la conduite du Président de la Refondation de la République de Madagascar, Son Excellence Monsieur Michaël RANDRIANIRINA.

Dans un même élan de foi, de solidarité et d’espérance, les participants ont confié à Dieu l’avenir de la Nation et appelé à l’unité de tous les Malagasy.

« Zanahary ô, tahio ny Tanindrazanay. »

22/08/2026

📌 FITSIDIHANA ARA-POMBA FANAJANA NATAON’NY AMBASADAORON’I FRANTSA VOATENDRY HO ANY MADAGASIKARA

Noraisin’Andriamatoa Michel RABEMAHEFA, Ambasadaoron’i Madagasikara nahazo fankatoavana avy amin’ny Fanjakana frantsay, tao amin’ny Résidence de Madagascar ao Paris, ny zoma 21 aogositra 2026, Andriamatoa Jean-Marc GROSGURIN, Ambasadaoron’i Frantsa voatendry ho any Madagasikara, izay nanao fitsidihana ara-pomba fanajana mialoha ny handraisany ny asany any Antananarivo.

Tao anatin’ny fifanakalozan-kevitra tamim-pirahalahiana no nanambaran’Andriamatoa GROSGURIN fa safidy nataony manokana i Madagasikara ho amin’ny toerana hanendrena azy, ary nanehoany ny hafaliany amin’ny fanatanterahana ny iraka miandry azy any Madagasikara.

Nandritra ny fihaonana dia noresahina ihany koa ny fahalianany amin’i Madagasikara, ny kolontsaina ary ny soatoavina malagasy. Anisan’ireo fomba fiteny malagasy efa nahasarika manokana ny sainy ny ohabolana hoe :

« Ny fanahy no maha-olona. »

Ny Ambasadaoro Michel RABEMAHEFA kosa dia nanantitrantitra ny maha-zava-dehibe ny fanamafisana ny fifampiresahana eo amin’i Madagasikara sy Frantsa, ao anatin’ny fiaraha-miasa eo amin’ny firenena roa tonta izay mifantoka bebe kokoa amin’ny fampiasam-bola ara-toekarena sy ny fifanakalozana ara-barotra voalanjalanja, ary koa amin’ny fanamafisana ny fahaiza-manaon’ny tanora ho antoky ny fampandrosoana iombonana sy ny fiandrianam-pirenena.

Nohamafisin’ny Ambasadaoro roa tonta araka izany ny fahavononany handray anjara amin’ny fampitomboana sy fanamafisana hatrany ny fifampiresahana sy ny fiaraha-miasa eo amin’i Madagasikara sy Frantsa.

Nirary fahombiazana ho an’Andriamatoa Jean-Marc GROSGURIN amin’ny fanatanterahana ny andraikitra miandry azy any Madagasikara ihany koa ny Ambasadaoro Michel RABEMAHEFA.

Marihina fa, noho ity fihaonana ity natao ny zoma, dia nanao fitafy nentim-paharazana malagasy ny Ambasadaoro Michel RABEMAHEFA, ho fanomezana lanja ny maha-Malagasy sy ny vakoka ara-kolontsaina nasionaly.

-------------------------------------------------

📌 VISITE DE COURTOISIE DE L’AMBASSADEUR DÉSIGNÉ DE FRANCE À MADAGASCAR

Son Excellence Monsieur Michel RABEMAHEFA, Ambassadeur agréé de Madagascar en France, a reçu, le vendredi 21 août 2026 à la Résidence de Madagascar à Paris, Monsieur Jean-Marc GROSGURIN, Ambassadeur désigné de France à Madagascar, à l’occasion d’une visite de courtoisie précédant sa prochaine prise de fonctions à Antananarivo.

Au cours d’un échange particulièrement cordial, Monsieur GROSGURIN a tenu à souligner que "Madagascar constituait un choix personnel" dans la perspective de sa prochaine affectation et a fait part de sa satisfaction à l’idée d’y exercer sa mission.

L’entretien a également permis d’évoquer son intérêt pour Madagascar, sa culture et ses valeurs. Parmi les expressions malagasy auxquelles il s’est déjà intéressé figure notamment le proverbe :

« Ny fanahy no maha-olona. »

Pour sa part, l’Ambassadeur Michel RABEMAHEFA a souligné l’importance d’approfondir le dialogue franco-malagasy dans le cadre d’une coopération bilatérale davantage axée sur les investissements économiques et des échanges commerciaux équilibrés, ainsi que sur le renforcement des compétences des jeunes comme levier de croissance inclusive et de souveraineté.

Les deux Ambassadeurs ont ainsi réaffirmé leur volonté de contribuer à l’approfondissement du dialogue et de la coopération entre Madagascar et la France.

L’Ambassadeur Michel RABEMAHEFA a enfin adressé à Monsieur Jean-Marc GROSGURIN ses meilleurs vœux de réussite dans l’accomplissement de sa prochaine mission à Madagascar.

À noter que cette rencontre s’étant tenue un vendredi, l’Ambassadeur Michel RABEMAHEFA portait à cette occasion une tenue traditionnelle malagasy, dans le cadre de la valorisation de l’identité et du patrimoine culturel national.