Ghjuventù Indipendentista - Sezzione Corti

18/03/2019

Sta sera à partesi di 6 ore è mezu dopu meziornu a Ghjuventù Indipendentista v'aspetta à u Caffè di a Piazza per un dibatittu nant'à a Piazza di e donne in Corsica ! Ci serà cù noi Lauda Guidicelli, cunsigliera esecutiva à l'Assemblea di Corsica, è Caroline Torres, prufessore à l'Università di Corsica. Venite numarosi !

14/03/2019

Ci ritruvemu stu luni u 18 à 6ore è mezu u dopu meziornu per un dibattitu nant’a piazza di a donna in Corsica, à u « Café de la Place ».

Venite numerosi !

05/03/2019

Simu à fiancu à Stéphane Tomasini, Félix Benedetti è Jean-Marc Dominici, chì passanu oghje in prucessu per avè ricusatu di figurà in u FIJAIT (Fichier Judiciaire National Automatisé des Auteurs d'Infractions Terroristes).

Stu dispusitivu, à l'iniziu privistu per i terruristi islamisti, s'hè stesu à l'anziani prigiuneri pulitichi, corsi o d'altrò. I militenti pulitichi ùn devenu esse cunsiderati à paru à l'urganisazione religiose respunsevule di parechje decine di morte sti pochi anni in cuntinente.

D'altronde, i patriotti corsi anu ottenutu una prima vittoria di ghjennaghju : u ghjudice di e libertà è di a detenzione di Parigi hà accettatu di sguassà u cartulare di Marc Clément, anzianu militente incarceratu. Quellu ghjudice hà dichjaratu chì e cause di a cundanna di Marc Clément ùn currispundianu à u primu scopu di u FIJAIT. Salutemu sta prima vittoria, ancu sì u precuratore hà fattu appellu.

Vi chjamemu à sustene à Félix Benedetti, Jean-Marc Dominici è Stéphane Tomasini à 2ore dopu meziornu davanti à u tribunale di Bastia.

Ricusemu u FIJAIT !

01/03/2019

26/02/2019

Rendez-vous ce jeudi 28 février au Casino de Corte pour notre prochaine opération caddie en coopération avec Ghjuventù Indipendentista - GI.
Nous comptons sur vous 😚

21/02/2019

Cent’anni dopu à u principiu di a guerra d’indipendenza è allora chì s’avvicina u Brexit, a Ghjuventù Indipendentista prupone un dibattitu nant’à a storia di u naziunalisimu irlandese, è e so sfide, stu luni u 25 di ferraghju à u Trésor à 6ore è mezu. L’uccasione di sapè ne di più, aspittendu a ghjunta di a delegazione irlandese per i Scontri 2019 !

14/02/2019

Ringraziemu u publicu d’esse venutu cusì numerosu per u nostru dibattitu nantu à l’avvene di u Mediterraniu. Ringraziemu dinù i sfarenti associ d’avè participatu. Seremu sempre à fiancu à elli per prutege a nostr’isula !

Ritratti di Jean-Baptiste Andreani

07/02/2019

Marti u 12 di ferraghju, à sei ore è mezu u dopu meziornu, ci truveremu à l’Oriente per un novu dibattitu apertu à tutti : chì inghjochi è chì avvene per u Mediterraniu ?

Venite à cuntrastà cù i sfarenti associ chì si battenu ogni ghjornu per a so salvezza :
CorSeaCare, Global Earth Keeper, Corsican Blue Project, La Water Family - Du Flocon à la Vague è Stampa d'Idea

Venite numerosi !

01/02/2019

A Ghjuventù Indipendentista era assente di l'elezzione di l'UFR chì si tinianu eri.

Allora chì aviamu ottenutu sette posti è 250 voti dui anni fà, emu decisu quist'annu di lascià e nostre piazze à a GP è a CGC.

Emu custattatu chì di manera generale, i trè sindicati avianu listessi prugrami è listesse idee. Sapemu chì i studienti seranu raprisentati bè à i sfarenti cunsigli da i dui altri sindicati. Ch'ella sia chjara : ùn sò nè i nomi nè a vulintà chì ci mancanu.

A Ghjuventù Indipendentista essendu più un muvimentu di giovani cà un sindicatu studientinu, emu decisu di cunsacracci per u più à u terrenu. Sò poch'è micca prisenti i muvimenti di giovani corsi nantu à u terrenu. Hè quessa oghje a nostra primura.

Oramai, a Ghjuventù Indipendentista si prisenterà solu à l'elezzione di i Cunsigli d'Amministrazione (CROUS è Università), è à i CFVU, chì ci parenu veradimente i più impurtenti.

A nostra cuscenza hè resistenza!

23/01/2019

Ringraziemu l’intervenenti è e persone prisente chì sò venute à dibatte nant’à u tema di l’agricultura in Corsica.

Ne prufittemu per dì una volta di più ch’è no simu à prò d’un sviluppu di l’agricultura corsa ind’è u rispettu di a so terra è di a so ghjente.

Fà per a suvranità alimentaria hè una tappa necessaria prima d’accede à a suvranità pulitica.

Vi ramintemu chì a Ghjuventù Indipendentista hè pronta à aiutà l’agricultori per via d’operate paisane, cuntattateci puru ! Vi demu appuntamentu per u prossimu dibattitu di ferraghju, nant’a tematica di l’ambiu.

20/01/2019

Vi demu appuntamentu dumane à sei ore di sera à u Central per un dibattitu nantu à l'avvene di l'agricultura in Corsica.

V'aspettemu numerosi !

A nostra cuscenza hè resistenza