Ajuntament de Naut Aran

09/09/2026

🤩Sensacionau naua edicion d’aguest Aran SBK Festival ena poblacion de Garòs.

🕺💃Centeats de persones s’amassèren entà gaudir dera milhor Salsa, Bachata e Kizòmba en un ambient immilhorable plen de ritme e dança a on se pogueren gaudir de talhèrs, classes de professionaus d’aguest sector e sessions de DJ.

Ua accion patrocinada per Ajuntament de Naut Aran e que compde damb era organizacion de BalhAran e Dame Una Social Dance.

🔝Aguest a estat un des darrèrs eveniments der ostiu. Naut Aran a esdevengut clar referent en acuélher massius eveniments damb un gran succès.

01/09/2026

😍Naut Aran torne a èster noticia e ei que deth 4 ath 6 de seteme viueram ua naua edicion der Aran SBK Festival en Garòs.

🕺💃Balhs coma era bachata, salsa e kizòmba seràn es protagonistes en un recinte a on se poirà gaudir d’actuacions en dirècte, ‘workshops’, ‘food trucks’, sessions de DJ e mès talhèrs formatius.

🚀Organizat per BalhAran e Dame Una Social Dance, compde damb eth patrocini der Ajuntament de Naut Aran, que seguís apostant per eveniments sociaus e collectius tà aumplir de ritme e vida es pòbles deth municipi.

Vos demoram en Garòs aguest fin de setmana.

26/08/2026

Eth 29 d’agost se desvoloparà en otèl Tuc Blanc de Baqueira ua jornada especifica sus sciéncia.

Aguest eveniment, patrocinat per Ajuntament de Naut Aran, serà de 10:30 a 13:30, a on diuèrsi professionaus deth mon dera sciéncia s’amassaràn entà parlar sus diuèrsi camps d’aguest airau.

Cau confirmar assisténcia en pròpri ajuntament – 973 64 40 30

25/08/2026

⛪️Era glèisa de Santa Maria d’Arties acuelhec eth dusau acte dera 27au edicion deth Romanic Musicau.

🎵🎶Aguesta accion destaque per descorbir eth romanic a trauès des glèises deth nòste territòri e gaudir d’un concèrt plen de magia e sonoritat.

📸Arties e Salardú an estat es scenaris d’aguestes representacions en uns eveniments culturaus de naut niveu e damb ua excellenta participacion.

Seguim dinamizant Naut Aran

22/08/2026

Salardú Country Rock Festival - Dia 2 ✔️

🤠👞Seguim somant moments enes concèrts e en recinte d’aguest espectacular e unic eveniment. Aguest dissabte jornada plea d’activitats entà toti es publics.

Que non t’ac conden! Viu eth milhor country en Salardú, en Naut Aran.

20/08/2026

Naua ubicacion, madeish esperit.

Salardú Country Rock Festival is 🔛

Dempús de dètz edicions, eth hestivau estree un nau emplaçament en airau a on se place era hèira. Parlam damb eth sòn director, Lolo Rodríguez, des rasons deth cambiament e de çò que mos demore ena 11au edicion.

14/08/2026

🎶🎤Naut Aran viu pendent aguestes setmanes era 27au edicion deth Romanic Musicau.

Ues jornades que consistissen en ua visita guidada entà gaudir des entorns des glèises romaniques deth municipi, en aguesta escadença era de Sant Andrèu de Salardú, entà seguir damb ua representacion musicau de “Quartet Immortality”.

Gràcies a totes es persones que s’apropèren entà gaudir dera cultura en casa nòsta. Era següenta visita guidada e representacion serà eth 22 d’agost ena glèisa de Santa Maria d’Arties.

05/08/2026

🤩Naut Aran torne a èster noticia.

🕺💃Deth 7 ath 9 d’agost poiratz gaudir dera 4au edicion deth hestau “Sons dera Garona” en Salardú. Un eveniment culturau que aproparà ara lengua occitana e gascona autant coma ara nòsta pròpria, er aranés.

🎙️🗣️Visites guidades, talhèrs de percussion, balhs tradicionaus, cant polifonic o mercats, seràn part des activitats que se poiràn hèr pendent aguesti dies.

T’ac vas a pérder?

31/07/2026

‼️Per directritz normativa deth Conselh Generau 160/2026, des der Ajuntament de Naut Aran informam que:

🚫Non se pòden hèr huecs en cap d’espaci de léser ne barbacòes enquia qu’atau sigue indicada bèra modificacion.

🙏🏻Cau respectar aguesta normativa perqué es conseqüéncies d’un huec enes nòstes montanhes poderien èster catastrofiques.

Gràcies a totes e toti pera comprension.

27/07/2026

🤩👏🏻Des der Ajuntament de Naut Aran volem extier diuèrses felicitacions sus era 32au Corsa d’Aran per sa Lengua.

En prumèr tèrme, ath Collectiu Lengua Viua, pera organizacion d’aguest eveniment culturau qu’amasse a tota era Val d’Aran en Vielha. Un gran succès que demòstre era combinacion d’experiéncia e naues energies qu’arriben ena associacion.

D’un aute costat, ath grop de musica aranés Sarabat. Ua magnifica trajectòria que se consolide damb er autrejament d’aguest prèmi Lengua Viua. En especiau, volem felicitar ara nòsta tinent d’alcalde e còsso de cultura, Anna Geli, qui forme part d’aguest talentós grop.

E fin finau a toti es vesins d’Aran per ua jornada plea de lengua e cultura. Des de Montgarri gesseren ua trentia de valentes e valenti (entre caminaires e corredors) e anèren remassant ara rèsta de persones per toti es endrets deth municipi. Èm un país e damb accions coma aguestes ei demostrat.

Jamès desbrembetz qu’eth parlar qu’auem ei eth nòste gran tresaur.