Paartii Badhaadhina A/O/Shaakkiso

26/12/2022

25/12/2022

Mudde 16/2015 Sirni awwaalchaa Abbaa Gadaa Gujii duraanii Dr.Kabajaa Aagaa Xeenxanoo Magaalaa Shaakkisootti raawwatee jira.

Sirni awwaalcha isaaniirraattis Abbotiin Gadaa, haadholiin Siiinqee, aanga'oonni Mootummaa Federaalaa fi naannoo argamaniiru.

Sirna gaggeessaarratti Bulchaan Godina Gujii Obbo Taaddalaa Uddoo ergaa dabarsaniin, Yuubni Aagaa Xeenxanoo ummanni Gujii akka beekamu taasisuu, ummataafi mootummaa gidduu nageenyi fi hariiroon gaariin akka jiraatu hojjetaniiru jedhan.

Komishinarri Koomishinii Nageenya Oromiyaa Obbo Ibrahiim Hajii, nageenyaaf, tokkummaaf, Aadaaf, Sirna Gadaatiif hayyuu tattaafatan ta’uu eeran.

Ministir Deetaan Ministeera Indaastirii Obbo Taaraqanyi Bulultaa gamasaaniin sirni guddaan Oromoon qabu Sirna Gadaa ta’uu himuun, Yuubi kunis sirnichi deebi'ee akka dagaaguu fi mul'atu taasisuu himan.

Gaaffiin ummataa akka deebii argatu, hariiroo ummataa fi ummata gidduu akkasuma ummataa fi mootummaa gidduu nagaafi araaraaf nama ifaajjan ta’uu himan.

Gadaa lallabuu fi barsiisuu qofa osoo hin taane, Gadaan nama jiraate ta’uu dubbatan.

Gaggeessaan isaaniif malu istaadiyoomii Adoolaattis qaamoolee adda addaatiin taasifameera.

Yuuba Aagaa Xeenxanoo Muddee 13, Bara 2015 dhukkubsatanii utuu yaalamaa jiran lubbuunsaanii darbuun kan yaadatamuudha.

25/12/2022

Poolisiin Federaalaa naannoo Tigraay keessatti dhaabbilee Federaalaa fi nageenya Hawaasaa eeguuf itti gaafatamummaa isaa seeraan bahaachaa jira jedhame.

OBN Mudde 16,2015- Poolisiin naannoo Tigraay keessatti dhaabbilee Federaalaa fi nageenya Hawaasaa eeguuf itti gaafatamummaa isaa seeraan bahaachaa jira jedhan, Komiishinarri Jeneraalaa Dammallash G/Mikaa'eel.

Komiishinarri Jeneraalaa Komiishinii Poolisii Federaalaa Dammallash G/Mikaa'eel ibsa kennaniin, poolisiin iddoowwan naannoo Tigraay keessatti mootummaan to’atee jirutti dhaabbilee federaalaa fi nageenya hawaasaa eeguun itti gaafatamummaa isaa seeraan bahaachaa jiraachuu himan.

Akkasumas Poolisiin Federaalaa Itiyoophiyaa yakkoota daangaa qaxxaamuranii naannichatti raawwataman ittisuu keessatti ergama isaa karaa bu’a qabeessa ta’een raawwachaa akka jiru eeraniiru.

Waliigaltee nageenyaa taasifame hordofuun poolisiin gargaarsa namoomaa,tajaajilii yaalaa fi hawaasummaa biroon akka kennumuuf hojii bal’aa hojjechuus himaniiru.

Kana malees ummanni nagaan bahe akka galuuf hojii bal’aa hojjetamuus eeraniiru.TOI

Odeeffannoon Wayitaawaan bakka jirtanitti akka isin dhaqqabuuf fuula miidiyaa hawaasaa OBN irraa yoo argachuu feetan:
Yuutuubii: Youtube.com/OBNoromiyaa
Feesbuukii Afaan Oromoo: http://facebook.com/OBNAfaanoromo
Raadiyoo OBN https://zeno.fm/radio/obnradio/
Tiwiitarii: https://twitter.com/OBNoromiyaa
Feesbuukii Afaan Amaaraa:- http://facebook.com/OBNAmharic
Feesbuukii Afaan Ingilizii:- http://facebook.com/OBNEnglish Teeleegraamii:https://t.me/OBN_VoiceOfthepeople
Yeroo hunda waan nu waliin jirtaniif ulfaadhaa.
OBN Sagalee Uummataa.