23/05/2026
Haweenku Waa Laf-dhabarta Horumarka, Xisbiga Barwaaqona Waa Xisbi Awood iyo Fursad Siiyay Haweenka
Waxaa si heer sare ah magaalada Shiniile uga qabsoomay kulan ballaadhan oo ay soo qabanqaabiyeen Garabka Haweenka ee Xisbiga Barwaaqo ee 2-aad Qabalaha magaalada Shiniile. Iyo Garabka Xisbiga Haweenka Gobolka
Munaasabaddan oo si qurux badan loo agaasimay ayaa diiradda lagu saaray xoojinta doorka haweenka ee horumarka bulshada, ilaalinta midnimada shacabka, iyo ka qaybqaadashada geeddi-socodka dimuqraadiyadeed ee dalka. Waxaa sidoo kale si weyn loogu muujiyay taageerada ay haweenku u hayaan musharaxiinta Xisbiga Barwaaqo ee degmada Shiniile uga sharaxan doorashada.
Kulanka waxaa lagu bogaadiyay kaalinta muuqata ee haweenku kaga jiraan abaabulka bulshada, wacyigelinta shacabka, ilaalinta nabadda, iyo xoojinta guusha ololaha doorashada. Haweenka ayaa lagu tilmaamay tiirka ugu muhiimsan ee bulshada iyo awoodda dhabta ah ee hormuudka u ah horumarka iyo wadajirka bulshada.
Mas’uuliyiin, hoggaamiyeyaal, iyo musharrixiin ka tirsan Xisbiga Barwaaqo oo munaasabadda ka hadlay ayaa si weyn u ammaanay dadaalka iyo kartida haweenka degmada Shiniile, iyagoo xusay in haweenku yihiin awoodda ugu weyn ee horseedi karta guusha doorashada iyo horumarka mustaqbalka.
Gabagabadii munaasabadda, waxaa la gudoonsiiyay abaalmarino iyo shahaadooyin sharaf haldoorro kala duwan, masuuliyiintii ka qaybgalay munaasabadda, iyo musharrixiinta Xisbiga Barwaaqo ee degmada Shiniile uga qaybgalaya doorashada, taasoo muujinaysa dhiirrigelin iyo qadarin ku wajahan kaalinta ay bulshada ugu adeegayaan.
Dooro Xisbiga Barwaaqo
Dooro Midnimo iyo Horumar
Dooro Mustaqbalkaaga.
