Waajjira Qonna Magaalaa Shanoo

17/03/2026

Sochiin misoomaa Qamadii jallisii bonee Bulchiinsa magaalaa shanoo ganda Mogoroo gaara dagaa sadarkaa kana irra gahee.

01/03/2026

11/02/2026

09/02/2026

29/01/2026

Qonna: Ka’umsa Badhaadhinaafi Birmadummaa Dinagdee Biyyaa !
==

Jiruufi jireenyi uummata Itoophiyaa qonna kan bu'uureffateedha. Uummata biyya keenyaatiif qonni madda nyaataa, carraa hojiifi lafee dugdaa dinagdeeti. Haa ta’u malee, akka biyyaattis ta'ee akka naannootti sirni qonnaa keenya duubatti hafaa, tarsiimoo laafaafi hoggansa sirri dhabuun ofii cee'ee seektara dinagdee biroo ceesisuu hin dandeenye.

Sanaanis naannoo qabeenya uumamaa naannicharra darbee biyya guutuu sooruu danda'u qabdu keessatti hiyyumniifi eeggattummaan hiddi gadi jabeeffate.

Sirnoota darban keessa qonna ceesisuuf yaaliifi fedhiin jiraatus, sirni, tarsiimoofi hooggansi wal simuun qonna sadarkaa barbaadamutti ceesisuu hin dandeenye.

Qonni rooba gannaa qofarratti hirkachuun, qonnaan bulaan jireenya harkaa gara afaanii dhiibuun, abdii badhaadhinaa akka dhabu ta'e.

Barii jijjiiramaatii as garuu naannoon qabeenya uumamaa hedduu irraaafi jala lafaatii hammaaramee hin dhumne qabdu, uummanni ishee beela’uun qaanii ta'uu ifatti dubbatamuun
hoggansi mul’ata ifaa, tarsiimoo sirriifi kutannoo cimaa qabachuun qonna naannoo keenyaa ija bu'uura badhaadhinaa taasisaa jira. Qonni jecha qofaan osoo hin taane, qabatamaan deeggarsa galteewwaanii, ogummaafi teeknolojii akka argatu ta'eera. Hojiin qonnaa qorannoo jabaan akka utubamus hojii cimaan itti fufiinsan hojjatameera. Kana malees deeggarsi ogummaa olaanaan taasifamuun hojii qonnaatiif dirree mijataa uumee jira.

Kunis harki hojjachuu danda’u hundi hojjachuun hiyyummaa saba mataa gadi qabachiise injifachuun badhaadhina fageenyarraa hawwinu bira gahuun akka danda'amu akeekee jira. Kanarraa kan ka'e yeroo ammaa qonni naannoo keenyaa ofirra darbee qonna biyyaa kufaatirraa baraaruun injifannootti ceesisaa jira.

Hojiin jallisii irratti hojjatamaa jiru oomishaafi oomishtummaa dabaluun
qonna naannoofi biyya keenyaa rooba gannaa qofarratti hirkatee ture seenaa taasisaa jira.

Naannichatti bona jallisiifi bishaan kuufamaan hojiirra ooluun, bonaa - gan

26/01/2026

"Qonni birmadummaan biyyaa utubaa jira."-Obbo Geetuu Gammachuu.
‎
‎'OBN Cyber Media' Amajjii 14, 2018
‎
‎Mootummaan Naannoo Oromiyaa utubaawwan qonnaa ijoorratti xiyyeeffatee hojjechuun bu’aa buusaa jira jedhan, Hogganaan Biiroo Qonnaa Oromiyaa Obbo Geetuu Gammachuu.

Hojiiwwan adda durummaan hojjetamaa jiranis: Wabii Midhaan nyaataa mirkaneessuu, Oomshoota alaa galan kan biyya keessaan bakka buusuu, Al-ergiidhaaf qulqullinaan oomishuufi Carraa hojii akka uuman gochuudha jedhan.
‎
‎Utubaawwan qonnaa afran kanneen hojiirra oolchuun, Oomishaafi oomishtummaa dabaluuf ammoo inisheetiiviiwwan qonnaa 33 qoratamanii hojjetamaa jiran jijjiirama qabatamaa fiduu himan.

‎Hojiin Misooma qamadii irratti akka Naannoo Oromiyaatti hojjetamaa jirus, aadaa hojii qonnaan bulaa kan jijjiire, diinagdummaa lafaa kan dabaleefi birmadummaa midhaan nyaataa lammiilees mirkaneessaa jiraachuu ibsan.
‎
‎Hawaasni miliyoona 1 ol deeggarsa seeft-neetii keessaa barana ba'anis kanaaf agarsiiftuu ta'uu himan.
‎Ce'umsi gargaaramuu irraa gara oomishtummaatti taasifamaa jirus, inisheetiiviwwan qonnaa 33'n utubamee daandii milkaa'inaa qabateera kan jedhan Obbo Geetuun, milkaa'inni damee qonnaan galmaa'aa jiru kun badhaadhina maatii mirkaneessuun birmadummaa wabii nyaataa lammiilees dhugoomsa jira jedhan.

Fayyeeraa Fufaatiin

24/01/2026

24/01/2026