Waajjira Abbaa Alangaa Kutaa Magaalaa Malkaa Sirbaa

11/03/2026

Waajjirrii Abbaa Alangaa kutaa Magaalaa Malkaa Sirbaa hubannoo kennee
________02/07/2018________
Waajjiirrii Abbaa Alangaa Kutaa Magaalaa Malkaa Sirbaa karaa Abbaa Alangaa Barisoo Guyyeetiin mana barumsaa karaaraa Faana Guddinaatti argamuun barattootaaf hubannoo seeraa dhimmoota mirga daa'immaniif dubartootaa, seera yakkaa fi fudha umrii malee irratti hubannoo bal'aa barattootaaf kennanii jiru.

12/02/2026

Himatamtoonni yakkaa Hannaa raawwatan adabaman.
-------------------$--------------------------
Himtamtoonni waliin ta'uun yakka Hannaa raawwatan adabaman. Himatamtoonnii kunnin waliin ta'uun gaafa guyyaa 03/06/2018 ganama keessaa sa'aati 3:00tti qabeenya miidhamaa dhuunfaa kan ta'ee nama maqaan isaa Amaan Qamadii jedhamuu jalaa Hoolaa 2 haadhoo fi ilmoo tilmaamaan qarshii 17,000 baasaan haatanii osoo gurguruuf naanneessaa jiranii hiika Hoolaa Aanaa Eddoo Leencaa keessatti hordooffi godhameen kan qabaman yoo ta'u. Abbaa Alangaa fi waajjiirri poolisii Kutaa Magaalaa Malkaa Sirbaa eeruu isaan dhaqqabee qoratanii qulqullessanin booda, Abbaan Alangaa himannaa Mana Murtiitti dhaqqabsisuun Himatamtoonnii gocha ittiin himataman gutumaan gutuutti kan amanan waan ta'eef, dhaddacha gaafa guyyaa 04/06/2018 oleen bu'uuruma amanataa isaanitiin himatamtoota lachu tokkoon tokkon isaanii adabbii hiidhaa salphaa waggaa 1 fi baatii 4n adabamani jiru.
HAQAAN HAQAAF HOJJANNA.

03/02/2026

Himatamaan meeshaa seeraan alaa qabatee argamee adabbi hidhaatiin adabame.
-------------------------- $ -------------------------
Guyyaa 26/05/2018
Waajjirri Abbaa Alangaa Kutaa Magaalaa Malkaa Sirbaa himatamaa meeshaa waraanaa seeraan alaa qabatee argamee irratti galme qulqullessuun adabsise jira.
Himatamaan maqaan isaa Kabbee Huseen jedhamu gaafa guyyaa 24/05/2018 tilmaamaan ganama keessaa naannoo sa'aati 4:30 yoo ta'u Kutaa Magaalaa Malkaa Sirbaa Aanaa Eddoo Leencaa iddoo addaa Wotara Dhangaggoo jedhamutti Shuguxii Turkii rasaasa waliin hayyama seeraa osoo hin baafatiin meeshaa seeraan alaa qabatee waan argameef galmeen qorataa poolisiin erga qulqulleessee Abbaa Alangaaf dabarsee booda Abbaan Alangaa labsii lakk. 1177/2012 jalatti himachun dhaddacha gaafa guyyaa 25/05/2018 oleen himatamaan gocha isaa gutumatti kan amanee waan ta'eef bu'uuruma amantaa isaatiin adabbii hidhaa waggaa tokkoo fi qarshii 3000 adabamee jira.

13/01/2026

Waajjirri Abbaa Alangaa Kutaa Magaalaa Malkaa Sirbaa Hubannoo Seeraa Kenne.
--------------------------$----------------------------
Waajjirri Abbaa Alangaa Kutaa Magaalaa Malkaa Sirbaa gaafa guyyaa 05/05/2018 karaa Abbaa Alangaa Abdulnasiir Huseenitiin hubannoo labsii hayyama daldalaa lakk 980/2008 fi labsii insuraansii qaama 3ffaa lakk. 799/2005 irratti hubannoo seeraa maalummaa labsiilee kanniinii fi adabbii yakkaa isaan hordofsisan irrattii konkolachistoota baajaajii Kutaa Magaalaa keenya keessatti argamaniif hubannoon kenname jira.

25/12/2025

25/12/2025

Deggarsaa fi Hordoffiin hojii Kur. 2ffaa Waajjira Abbaa Alangaa Kutaa Magaalaa Malkaa Sirbaattii taasifame.
________________$_________________
Gareen hordoffii hojii waajjira Abbaa Alangaa Bulchiinsa Magaalaa Shaashamannee dursaa garee naamusaaf inispeekshinii kabajamoo H Waaqayyoon durfamu waajjira keenyatti argamuun hojiilee baatii 6 darban hojjatamaa turan sakatta'ee jira. Sakatta'insa kanaanis hanqinniif ciminni hojii erga adda bahe booda, garichi duub-deebii kennuun daawwannaa xumuree jira.

11/12/2025

Himatamaan miidhaa saal qunnamtii daa'ima irratti raawwate hidhaa cimaan adabame.

Sadaasa 30, 2018 KWAAMSH

Himatamaan maqaan isaa Ibraahim Badhaanee Osolii jedhamu gaafa guyyaa 03/11/2017 guyyaa keessaa tilmaaman sa'aatii 10:00 yoo ta'u Bulchiinsa Magaalaa Shaashamannee Kutaa Magaalaa Malkaa Sirbaa Aanaa Iddoo Leencaa iddoo addaa Gooxii 4ffaa jedhamutti miidhamtuu dhuunfaa umriin ishee waggaa Torbaa hanga sagalii (7-9) gidduu taate, Mooraa Mana jireenya isaa keessa seensisuun lafatti erga kuffise booda, gocha saalqunnamtii irratti raawwate jechuun seera yakkaa bara 1996 baye kwt. 627(1) jalatti A/Alangaa Himannaa dhiyeessee ture.

Himannaa dhiyaate himatamaan waakkatee kan falme yommuu ta'u, ragaan Abbaa Alangaa namaa fi barruu dhiyaate himatamaan gocha yakkaa ittiin himatame raawwachuu isaa irratti mirkaneessuudhaan akka ofirraa ittisu jal murtiin kennamus, ragoonni ittisaa himatamaa dhiyaatanii dhagayaman himatamaa irraa waan hin ittifneef Manni Murtii Olaanaa Bulchiinsa magaalaa Shaashsmannee keewwatuma ittiin himatame jalatti balleessaa qaba jechuun yaada adabbii bitaa fi mirgaa caqasuun dhaddacha gaafa 29/3/2018 ooleen adabbii hidhaa cimaa waggaa 16tiin adabee jira.

11/12/2025

Waajjirri Abbaa Alangaa Kutaa Magaalaa Malkaa sirbaa Abbootii Alangaaf hubannoo kenne.
---------------------------- $ ------------------------------
gaafa guyyaa 02/04/2018
---------------------------- $ ------------------------------
Waajjirri Abbaa Alangaa Kutaa Magaalaa Malkaa Sirbaa Maanuwaalii sirna odiitii galmee murtii dhumaa argatan irrattii Abbootii Alangaa isaaf hubannoo kenne jira. Hubannoo kana irrattii kaayyoo Maanuwaalichaa fi qajeeltowwaan Maanuwaalichi qabatee dabalatee galmeewwan keenya hundaa haala kamiin akka hojjatamuu qabuu fi dambii naamusaa irrattii hubannoon bal'aan kenname jira. Abbootiin Alangaa hojii isaanii akkaataa maanuwaalii fi dambiilee jiraniin hojii isaanii karaa naamusa qabuun hojjachu akka qaban hubanno kennuun xumurame jira

10/12/2025

24/11/2025

Waajjira Abbaa Alangaa Kutaa Magaalaa Malkaa Sirbaatti Adeemsii Hariiroo Hawaasaaf Dantaa ummataa sagantaa Ayyaana sabaaf sablammootaa irratti argamuun hubannoo seeraa kenna tajaajila seeraa bilisaa namoota harka qalleyyii, dubartootaaf daa'imman fi miidhamtoota yakkaatif kennu irratti hubanno kenne jira

24/11/2025

Waajirri Abbaa Alangaa kutaa Magaalaa Malkaa Sirbaa ayyaana sabaaf sablammootaa fi ummattootaa marsaa 20ffaaf kabajamuu sababeeffachuun hawaasa Aanaa Eeddo Leencaatiif Hubannoo fi barumsa mata duree maalummaa sirna federaalawa fi sirna diimokiraasii irratti kenneera. Hawaasni sagantaa kana irratti argamees barumsaa kenname dhaggeffachun gaaffiiwwan bal'a kaasuun Abbaan Alangaas deebii itti kennun hawaasni beekumsa fi hubannoo sirna dimokiraasii fi federalaawa irratti qabuu gabbifatee jira.