06/05/2025
Imalli duudhaa ganamaa ijaaruu haaromsa aadaan milkaa'a!
=
Mootummaan Naannoo Oromiyaa Cabiinsa Aadaa muudate fayyisuun dhalootni Aadaa duudhaafi safuu ganamaatti deebi'uun beekumsa xabboo Abbootii isaarraa dhaale osoo hin gatiin Addunyaa dijitaalawaa waliinis qixa barbaadamuun kaayyoofi galma barbaadamuuf qofaaf teknolojiittis akka gargaaramu haaromsa aadaa gaggeessuun barbaachisee jira.
Haaromsi Aadaa, Aadaa hojii fooyyessee dinagdee biyyaa humneessa.Kanaanis guddina hawaasummaafi dinagdee biyyattii keessattis shoora olaanaa taphata.
Haaromsi Aadaa kun,kaayyoowwan gooroo beekumsa oomishuu,diinagdee Oromoo ceesisuu,Aartii Oromoo haaromsuun humneessuu, Aadaa Oromoo Caaseffamaan sirnoomsuufi miidiyaafi kominikeeshinii karaa beekumsaafi ogummaa giddugaleeffateen gaggeessuun jijjiiramni hunda galeessi naannicha keessatti akka argamu kaayeffatamee hojjetamaa jira.
Jijjiirama hunda galeessa ta’e biyyattii keessatti fiduufis ta'e dhaloota boru biyya kana itti fufsiisan qabaachuuf haaromsi aadaa murteessaadha. Dhalootni safuufi safeeffannaan angafoota isaa kabajuun wal dhageettii qabaatee, beekaan wallaalaa isaa gorfachuudhaan abdii egeree biyyaaf abdataman oomishuu dandeessisa.
Kanuma bu'uureffachuun, Mootummaan Naannoo Oromiyaas Hawaasa sadarkaan jiraniif, dargaggoota dabalatee yeroo garaagaraatti marii dhimma haaromsa Aadaarratti xiyyeeffate gaggeessaa jira.
Odeeffannoo Dabalataa Argachuuf;
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
YouTube:
https://www.youtube.com/
------
TikTok: tiktok.com/
------
kallachaOromia: https://m.facebook.com
Whapp:https://whatsapp.com/channel/0029VbAXcNtAu3aRrGAUuV28
