ሳልሳይ ወያነ ትግራይ

14/09/2026

መግለፂ ሳልሳይ ወያነ ትግራይ

ኣብ ዝሓዝናዮ ሓዱሽ ዓመት ዘላ ፀባብ ዕድል ሰላም ፀንቂቕኻ ናይ ምጥቃም ዓመት ክትኸውን ምትስፋው ሓደ ሰናይ ነገር ኾይኑ፡ ሐዚ እውን ኩሎም ተዋሳእቲ ሓይልታት ንኲናት ካብ ዝፅውዕ ህቀናን ምንቅስቓስን ተቖጢቦም ንሰላም ሓያሎ ፃዕሪ ክዓሙ ኣብ ዝግባኦም ሰዓት ኣጋ ግዘ ከምዝርከቡ ክርድኡ ይግባእ እውን ንብል።

ኣብ ውሽጢ ትግራይ ዘሎ ኣፈላላይ ሐዚ ውን ካብ ብረት ወፃኢ ብሰላማዊ መንገዲ ዝውደአሉ ዕድላት ከም ዘለው ዝኣምን ሳልሳይ ወያነ ትግራይ፡ ሰበ ህወሓት ይኹን ኻልኦት ኹሎም ሓይልታት ትግራይ ሐዚ እውን ንብሄራዊ ዘተ ድልዋት ክኾኑ እናተላበወ፡ ሐዚ እውን ረብሓ ይኹን ጠለባት ትግራይ ዝረጋገፁ ንዓቕምታት ትግራይ ዝእክብ ሓዱሽን ብርቱዕን ብሄራዊ መንግስቲ ምምስራት ምዃኑ ይኣምን።

ምስ ስርዓት ኢትዮጵያ ዘሎ ኲነታት ኲናት፡ ብሰላም ንምፍታሕ ዘኽእሉ ሰላማዊ ስጉምቱታት ክውሰዱን ማሕበረሰብ ዓለም ፅዕንትኡ ከሐይል፡ ዝከኣሎ ኹሉ ከም ዝገብር ቃሉ ዘሐድስ ሳልሳይ ወያነ ትግራይ፡ ብቃላትን ብብረትን ዝተጀማመረ ኲናት ይኹን ኣብ ልዕሊ ሲቪላዊ ዕላማታት ይፍፀሙ ዘለው ገበን ደብዳባት ብህፁፅ ደው ክብሉ ድማ ይፅውዕ።

ሳልሳይ ወያነ ትግራይ
04 መስከረም 2019
ትግራይ፡ መቐለ

10/09/2026

ሰናይ ሓዱሽ ዓመት ንኹለኹም ደቂ ትግራይ!

ዘመነ 2019 ትግራይና ብብሄራዊ ዘተ ኣቢላ ደቃ ትእክበሉ ፣ ኹሎም ብሄራዊ ፀገማትና ዝሕከመሉ ዘበን ክኸውን ድማ ሳልሳይ ወያነ ትግራይ ይምነ።

08/09/2026

ኣቦ ወንበር ውድብና Gebretensae Woldemichael ምስ Romanat Online ዝነበሮ ፃንሒት ተዓደሙታ።

ህወሓትን ብልፅግናን ተናቢቦም እዮም ዝሰርሑ ዘለው... ምስ ገብረትንሳኤ ወልደሚካኤል (ኣቦ ወንበር ውድብ ...

07/09/2026

መግለፂ ሳልሳይ ወያነ ትግራይ

1) ትኹረት ንድርቂን ጥሜትን!

ክሊማዊ ለውጢ ኣየር ዝፈጠሮ ድርቂ ስዒቡ፡ ትግራይና ብስቓይን ጥፍኣትን ሰብ፣ እንስሳትን ትካላትን ኣብ ዝግለፅ ኣዝዩ ከቢድ ሰብኣውን ኢኮኖሚያዊ ረግረግ ጥሒላ ትርከብ። ሐዚ ኣብ ትግራይ ተፈጢሩ ዘሎ ድርቂ ሞት እንስሳት መዓልታውን ንቡርን ዘምሰለ ኾይኑ ብዝተወደበ መልክዕ መፍትሒ ተዘይተቐሚጥሉ ኣብ ሂወት ደቂ ሰባት ከቢድ ሓደጋ ሒዙ ምምፅኡ ድማ ኣይክተርፍን።

ሐዚ ውን ኣብ ትግራይ ተፈጢሩ ዘሎ ከቢድ ሓደጋ ድርቂ ህፁፅ መፍትሒ ክናደየሉን ሂወት እንስሳት ካብ ምብላዕ ሓሊፉ ኣብ ልዕሊ ህዝቢ ኸቢድ ጉድኣት ከየስዓበ ክግታእ ዝፅውዕ ሳልሳይ ወያነ ትግራይ፡ ኩሉ ዝምልከቶ ህዝብና ካብ ኣንፀላልይዎ ንዘሎ ሓያሎ መከራ ጥሜት ከይሳጣሕ ክረባረብ ድማ ይፅውዕ።

2) ግፍዒ ሰበ ህወሓት ጠጠው ይበል!

ከተማ ኣላማጣ ግዳይ ዝኸረመ ግፍዒ ዕጡቓት ሰበ ህወሓት ኾይና ኣላ። ኣብ ከተማ ኣለማጣ ኣብ ልዕሊ ሰላማውያን ደቂ ትግራይ ዝተፈፀመ ቕትለትን መጥቃዕትን መቐፀልታን ኣካልን መግለፂ ሰፊኑ ዘሎ ስርዓት ኣልቦነት ሰበ ህወሓት ዝመርሕዋ ትግራይ ከምዝኾነ ድማ ሳልሳይ ወያነ ትግራይ ይኣምን።

ብተደጋጋሚ ኣብ ልዕሊ ሰላማውያን ደቂ ትግራይ ይፍፀም ዘሎ እዚ ቀይደ በተኽ ነውራም ገበን ብቅልጡፍ ደው ክብል ድማ ሳልሳይ ወያነ ትግራይ ይፅውዕ።

ጥሜት ይኹን ስርዓት ኣልቦነት ብርቱዕን ግዱስን ብሄራዊ መንግስቲ ብምትካል ምክልኻል ከም ዝከኣል ዝኣምን ሳልሳይ ወያነ ትግራይ፡ ምልኣተ ህዝብና መፈለምታን መደላድልን ብሄራዊ መንግስቲ ንዝኾነ ብሄራዊ ጉባኤ ሓቢሩና ክፅውዕን ንኽውንነቱ ክቃለስን ድማ ይፅውዕ።

ሳልሳይ ወያነ ትግራይ
ጳጉሜን 02 2018
ትግራይ፡ መቐለ

04/09/2026

ኣቦ መንበር ውድብና Gebretensae Woldemichael ምስ Brakhe Show - ብራኸ ሾው ኣብ እዋናዊ ጉዳያት ኣዲሂቡ ዝገበሮ ፃንሒት ተዓደሙታ።

WelCome To Berakhe Show YouTube Channel Like Share Subscribe For Mo...

04/09/2026

ኣባል ብሄራዊ መሪሕነት ውድብና ኣሉላ ሃይሉ ነጋ ምስ Romanat Online ዝነበሮ ፃንሒት ተዓደሙታ።

"እምቢታ ህዝቢ መን ይምርሓዮ?"... ምስ ኣሉላ ሃይሉ ነጋ (ኣባል መሪሕነት ሳወት) ሰፊሕ ወግዒ ገይርና ...

31/08/2026

መግለፂ ሳልሳይ ወያነ ትግራይ

ግዱድ ወተሃደራዊ ዕስክርና (ግፋ) ንመንእሰይ መንበሪ ካብ ምኽላእ ሓሊፉ፡ ኣብ ልዕሊ ንብዓትን ጓሂን ኣዴታት ትግራይ ክሳብ ምጭካን ዝበፅሕ ክፍኣት ካብ ዝኮን ፀኒሑ ኣሎ።

ኣብ ዝተፈላለዩ ከባብታት ትግራይ ተጠናኺሩ ዝቐፀለ 'ግፋ' ሎሚ ለይቲ ኣብ ከተማ መቐለ ዝተረአየ ተጓንፎ ድማ ጭካነ ግፋ ግልፅ ኣቢሉ ዘርኢ እዩ። ከምቲ ኣብ ዝተፈላለዩ ከባቢታት ትግራይ ዝረአናዮ፡ ኣዴታት መቐለ ደቀን ካብ 'ግፋ' ንምትራፍ እንትፅዕራ 'ገፈፍቲ' ተኩሲ ምኽፋቶም፡ ኣልቦ ብሄራዊ ሓልዮት ሰበ ህወሓት ቁልጭ ኣቢሉ ዘርኢ ተወሳኺ መሕዘኒ ኣብነት ኾይኑ ኣሎ።

ኣብ ልዕሊ ህይወቶም ከትርፉ ዝፍትኑ መናእሰይ ጥይት ብምትኳስ ዝተዓጀበ ሰፊሕ ዓፈና ይግበር ምህላው፡ ዋና መድሕን ትግራይ ዝኾነ መንእሰይ ኣብ ዓዱ ተስፋ ክስእን ዝገብር ካብ ምዃኑ ሓሊፉ ፖለቲካዊ ብስርውና ፖለቲካ ሰበ ህወሓት ክንደይ ዝኣክል ከም ዝተረመሰ ድማ ግሉፅ ይገብር።

'ኣዘዝትን ፈፀምትን' እዚ ግፋ ዝተብሃለ ኽፉእ ዕዮ ነዚ እከይ ስራሕኹም ብህፁፅ ደው ክተብሉ ዝፅውዕ ሳልሳይ ወያነ ትግራይ፡ ሐዚ እውን መፈለምታ መዋፅኦ ናይዚ ኹሉ ደልሃመት ካብ ብሄራዊ ጉባኤ ዝፍልፍል ምዃኑ ብምእማን፡ ምልኣተ ህዝብና ኣብ ፃውዒት ብሄራዊ ጉባኤ ሓቢሩና ፀቕጡ ከሐይል ንፅውዕ።

ሳልሳይ ወያነ ትግራይ
25 ነሓሰ 2018
ትግራይ፡ መቐለ

26/08/2026

ናብ ኩሉኹም “ደለይቲ ለውጢ ዉዳበታትን” ፣ ቤት ምኽሪ ሰላምን ለዉጥን
ኣብ ዘለኹምዎ

ዋኒኑ: ንብሄራዊ ዘተ ድልውነት ክተርእዩ ምሕታት ይምልከት

ትግራይ ገጢሚዋ ዘለ ናይ ህልውና ሓደጋ መበገሲኡ ፖለቲካዊ ውድቀት ምኳኑ ንፁር እዩ። ትግራይ ብሰንኪ ፖለቲካ ውድቀት እትከፍሎ ዘላ ዋጋ ብብርኪ ዝቀፀለ ጆኖሳይድ ዝግለፅ ኣብ ልዕሊ ምኳኑ ሐዚ ድማ ድርቅን ዓፀቦን ተወሲክዎ ህልውና ህዝብና እናዓረበ ይርከብ። ነዚ ዘሎ ጥፍኣት ደው ብምባል ዘላቒ ፍታሕ ንምምፃእ ናይ ደቂ ብሄር ሓባራዊ ምርድዳእ ወሳኒ ምዃኑ ዝኣምን ሳልሳይ ወያነ ትግራይ፡ እቲ ጥፍኣት ተገቲኡ ህዝብና ዝድሕነሉ ቆራፅ ፖለቲካዊ ውሳነ ንምውሳድ ናብ ዘድሊ ታሪኻዊ መድረኽ ተበፂሑ ኣሎ።

ሳልሳይ ወያነ ትግራይ፡ ትማሊ ኾነ ሎሚ ህዝብና ንምድሓን ኣገደስቲ ዝብሃሉ መፍትሒታት እናኣንፈተ ከምዝመፀ ዝፍለጥ ኮይኑ፡ ሎሚ እውን ህዝብናን ዓድናን ብተጋሩ ብዝመፅእ ውሽጣዊ ፍታሕ ንምድሓን ኣይመሸየን እሞ ከይዱን ውፅኢቱን ዘይፍለጥ ብግዳማውያን ዝዝወር ናይ 'ሰዓራይን ተሰዓራይን' ፖለቲካዊ ቃልሲ ብምግታእ፡ ንብሄራዊ ዘተ ድልውነትኩም ብምርኣይ ህዝብና ኣብ ምድሓን ናይ ባዕልኹም ግደ ክትፃወቱን ሳልሳይ ወያነ ትግራይ ይፅውዕ።

ሳልሳይ ወያነ ትግራይ
ነሓሰ 19/2018
መቐለ: ትግራይ

26/08/2026

ናብ ሓይሊ ሰላም ትግራይ (TPF)
ኣብ ዘለኹምዎ

ዋኒኑ: ንብሄራዊ ዘተ ድልውነት ክተርእዩ ምሕታት ይምልከት
ትግራይ ንዝሓለፉ ዓመታት ገጢምዋ ዘሎ ፀገም ፖለቲካዊ ብስርውና ኾይኑ ሎሚ ከም ብሄር በቢመዓልቱ እንኸፍሎ ዘለና ዋጋ ፣ ጆኖሳይድ ምውላዱን ምቕፃሉን ከምዘሎ ኾይኑ: ድርቅን ዓፀቦን ተወሲኽዎ ህልውናና እናፀልመተ ኣብ ኣፍ ሙሉእ ጥፍኣት ንርከብ።

ኣብ ትግራይ ዝተፈጠረ ፖለቲካዊ ብተና ዝወለዶ ስሑት ዉሳነ ላዕለዎት ወታሃደራዋ ኣዘዝቲ ጥሪ 15/2017 ስዒቡ ንስኹም ክትፍጠሩ ምክንያት ኾይኑ እዩ። እንተኮነ ኣብ መንጎ ደቂ ብሄር ወታደራዊ ወፈራ ፍፁም ፍታሕ ከምዘይኮውን ዝኣምን ሳልሳይ ወያነ ትግራይ ፡ ኣብ ከይዲ ዘሎ ጥፍኣት ንኸይቕፅልን ህዝብና ንክድሕንን ፖለቲካዊ ሓይልታት ትግራይ ቆራፅ ውሳነ ክውስኑ ናብ ዘድልየሉ ታሪኻዊ መዋእል በፂሕና ኣለና።

ንስኹም (ሓይሊ ሰላም ትግራይ (TPF)) እዉን ካብ ወታሃደራ መፍተሒ ወፂእኹም ኣብ ዘላቂ መፍትሒ ኣብ ዝግበር ፖለቲካዊ ዘተ ደቂ ብሄር ድልዋት ክትኾኑ ጥራሕ ከይኮነስ ካብ ዝኾነ ፖለቲካዊ ዉዳበ ውግንናን ድጋፍ ምሃብን ኢድኩም ስሒብኩም ትግራይ ብሰላምን ዘተን ፖለቲካዊ ፀገማታ ክትፈትሕ ናይ ባዕልኩም እጃም ክትዋፀኡ ሳልሳይ ወያነ ትግራይ ይፅውዕ።

ሳልሳይ ወያነ ትግራይ
ነሓሰ 19/2018
መቐለ: ትግራይ

26/08/2026

ናብ ሓይልታት ፀጥታ ትግራይ (TDF)
መቐለ
ዋኒኑ: ንብሄራዊ ዘተ ድልውነት ክተርእዩን ባይታ ክትፈጥሩን ምሕታት ይምልከት

ትግራይ ብሰንኪ ፖለቲካ ውድቀት እትከፍሎ ዘላ ዋጋ ብብርኪ ዝቀፀለ ጆኖሳይድ ዝግለፅ ኣብ ልዕሊ ምኳኑ ሐዚ ድማ ድርቅን ዓፀቦን ተወሲክዎ ህልውና ህዝብና እናዓረበ ይርከብ። ነዚ ጥፍኣት ደው ብምባል ዘላቒ ፍታሕ ንምምፃእ ናይ ደቂ ብሄር ሓባራዊ ምርድዳእ ወሳኒ ምዃኑ ዝኣምን ሳልሳይ ወያነ ትግራይ፡ እቲ ጥፍኣት ተገቲኡ ህዝብና ዝድሕነሉ ቆራፅ ፖለቲካዊ ውሳነ ንምውሳድ ኣብ ዘድልየሉ ታሪካዊ ምዕራፍ ንርከብ። ሳልሳይ ወያነ ትግራይ ትማሊ ኾነ ሎሚ ህዝብና ንምድሓን ኣገደስቲ ዝብሃሉ መፍትሒታት እናቐመጠ ከምዝመፀ ዝፍለጥ ኮይኑ ትግራይ ንዝሓለፉ ዓመታት ገጢምዋ ዘሎ ፀገም መበገሲኡን መዛዘሚኡ ፖለቲካዊ ምዃኑ ግሁድ ሓቂ እዩ። እዚ ድማ መዕለቢ ዝረክብ፡ ትግራይ ብሓድነትን ብስምምዕ ደቃን ክትድሕን ዘኽእል ዘተ ንክግበር ንኹሎም ፖለቲካዊ ሓይልታት ትግራይ ብማዕረ ዝሓቁፍ ሰለማዊ ናይ ፖለቲካ ዘተ ኣቢሉ ዝመፅእ ርሱን ብሄራዊ ሓድነት እንትፍጠር ጥራሕ እዩ።

ስለዚ ንስኹም (ሓይልታት ፀጥታ ትግራይ /TDF) ንዝኾነ ፖለቲካዊ ሓይሊ ከይወገንኹም እቲ ፖለቲካዊ ዘተ ዕዉት ክኾን ዘክእል ስራሕቲ ብህፁፅ ክትጅምሩ ታሪኻዊ ፣ ሞራላዊን ሞያውን ሓላፍነት ክትሽከሙን ዋና ናይ መፍትሒ ኣካል ክትኮኑን ፣ ሐዚ እውን ኣይረፈደን እሞ ነቲ ሎሚ ኣቲኹሞዎ ዘለኹም ከይድን ውፅኢቱን ባዕልኩም ዘይትቆፃፀርዎ ወፈራታት ዓፂፍኩም ንዘተ ድሉው ዝኾነ ባይታ ክትፈጥሩን ህዝብና ኣብ ምድሓን ኣወንታዊ ግደ ክትፃወቱን ሳልሳይ ወያነ ትግራይ ይፅውዕ።

ሳልሳይ ወያነ ትግራይ
ነሓሰ 19/2018
መቐለ: ትግራይ