ኮሚሽን ፖሊስ ትግራይ Tigray Police Commission

ኮሚሽን ፖሊስ ትግራይ Tigray Police Commission TO INFORM AND EDUCATE

ኣብ ከተማ ኣኽሱም ቅድሚ ሓደ ሰሙን ወዲ ክልተ ዓመትን መንፈቕን ህፃን ጨውዮም ተሰዊሮም ዝፀንሑ ተጠርጠርቲ ምስ ልዕሊ 700 ሽሕ ብር ኤግዚቢቶም ኣብ ከተማ ዓድዋ ተታሒዞም። እዚ ሰሎሞን ግ...
18/06/2026

ኣብ ከተማ ኣኽሱም ቅድሚ ሓደ ሰሙን ወዲ ክልተ ዓመትን መንፈቕን ህፃን ጨውዮም ተሰዊሮም ዝፀንሑ ተጠርጠርቲ ምስ ልዕሊ 700 ሽሕ ብር ኤግዚቢቶም ኣብ ከተማ ዓድዋ ተታሒዞም።

እዚ ሰሎሞን ግደይ ዝተብሃለ ህፃን ሰነ 4/2018 ዓ.ም ሰዓት 12:30 ኣጋምሸት ካብ ከተማ ኣኽሱም ጣብያ ኣባይ ፀሃየ ብክልተ መናእሰይ ብስዉር ተጨውዩ ተወሲዱ ዝነበረ እንትኸውን ፖሊስ ብዝገበሮ ዝተፈለየ፥ ውዱብን ረቂቕን ክትትል፤ ናብ ሎሚ 11 ሰነ 2018 ዓ.ም ኣብ ዘውግሕ ለይቲ ተሓባበርቶም ሓዊሱ 5 ተጠርጠርቲ ኣብ ከተማ ዓድዋ ኣብ ቁፅፅር ኣውዒለ ስሩዕ ምፅራይ ጀሚረ ኣለኹ ኢሉ ፖሊስ።

ነባርነቶም ወረዳታት ጭላን ማይቅነ'ጣልን፤ ከተማታት ዓድዋን እንትጮን ዝኾኑ ተጠርጠርቲ ተታሒዞም ስሩዕ ምፅራይ ከም ዝተጀመረ ዝሓበረ ፖሊስ፤ ፈለማ ተጠርጠርቲ ኣብቲ ገበን ጭውያ ብምፍፃም ተጠርጢሮምሉ ዘለዉ ከባቢ ናብ ምእራይ ወርቂ ክንከይድ ኢና ብምባል ንክልተ መዓልትታት ገዛ ተኻርዮም ዝፀንሑ ኮይኖም፤ ኣብ መንጉኡ ግና ካልእ ትልሚ ገበን ሓንፂፆም ወዲ ክልተ ዓመት ህፃን ካብ መረባ ገዝኡ ጨውዮም ምስክርን መረዳእታን ከይርከብ ብምባል ድማ ዝኾነ ዓይነት መጓዓዝያ ከይተጠቐሙ ብበረኻ ሓንጊሮምዎ ብምኻድ ኣብ ከተማ ዓድዋ ኣእትዮም ሓቢኦምዎ ከም ዝቐነዩ ፖሊስ እቲ ዞባ ኣረዲኡ።

እዚ ተግባር ብጥንቃቐ ምስፈፀሙ ድማ 2.5 ሚልዮን ብር ሓቲቶም፤ 750 ሽሕ ብር ተላኢኹሎም ዝነበረ እንትኸውን ፖሊስ ፍሉይ መፅናዕትን ክትትልን ከካይድ ድሕሪ ምፅናሕ ናብ ሎሚ 11 ሰነ 2018 ዓ.ም ኣብ ዘውግሕ ለይቲ ብዘካየዶ ዕዉት ስርሒት እቲ ህፃን ናብ ስድርኡ ብምርካብ ተጠርጠርትን እቲ ከባቢ 40 ሽሕ ዝተጓደሎ ገንዘብን ኣብ ቁፅፅር ኣውዒሉ ፖሊስ ከተማ ኣኽሱም ምሉእ ምፅራይ የሳልጥ ከም ዘሎ መምርሒ ፖሊስ ዞባ ማእኸል ትግራይ ገሊፁ።

“ዘተኣማምን ሰላም ከባቢና ብዝለዓለ ተሳትፎና ይረጋገፅ” ኢሎም ነበርቲ ከተማ መቐለ ክፍለ ከተማ ዓይደር፤ ካብ ኩሉ ክፋል ሕብረተሰብ እቲ ክፍለ ከተማ ዝተወከሉ ነበርቲ ዋዕላ ሰላም ኣሳሊጦም...
14/06/2026

“ዘተኣማምን ሰላም ከባቢና ብዝለዓለ ተሳትፎና ይረጋገፅ” ኢሎም ነበርቲ ከተማ መቐለ ክፍለ ከተማ ዓይደር፤ ካብ ኩሉ ክፋል ሕብረተሰብ እቲ ክፍለ ከተማ ዝተወከሉ ነበርቲ ዋዕላ ሰላም ኣሳሊጦም።
እቲ ሎሚ 7 ሰነ 2018 ዓ.ም ዝተሳለጠ ዋዕላ ሰላም፤ ኣብቲ ክፍለ ከተማ ኣብዚ 11 አዋርሕ ዘሎ ህልው ኵነታት ገበንን ሜላታት ምክልኻሉን ምስ ሕሉፍ ዓመት ብምንፅፃር ዝተዳለወ ፀብፃብ ብኣዛዚ ፖሊስ ክፍለ ከተማ ዓይደር ኢንስፔክተር ደሳለኝ በርሀ ዝቐረበ ኰይኑ ተሳተፍቲ ድማ ብዕምቆት ክዝትይሉ ክኢሎም።
ኣብዚ ዓመት ዝተፈላለየ መልክዕ ዘለዎም ገበናት እናተፈፀሙ ዝመፁ እንትኾኑ እቶም ገበናት መበገሲኦም ኣፅኒዕካ ሜላታት መከላኸሊኦም ብምስትምሃርን ህዝቢ ብምንቕናቕ ኣብ መርበብ ምክልኻል ገበን ክዓስል ብምግባርን ክስራሕ ከም ዝኽእል እቶም ኣዛዚ ገሊፆም።
ዋና ኣመሓዳሪ እቲ ክፍለ ከተማ ኣይተ ሃፍቶም ውሬታ ብግደኦም ውሑስ ከባቢ ዝፍጠር ብልዑል ተሳትፎ ህዝቢ ብምዃኑ ግቡእ መሪሕነትን ድጋፍን ዓሪፍዎ ብትኹረት ምስራሕ ይጠልብ ኢሎም።
ኣብቲ መድረኽ ተረኺቦም መልእኽቶም ዘሕለፉ ኣዛዚ ፖሊስ ከተማ መቐለ ዋና ኢንስፔክተር ገብረእግዛብሔር ኣለማዮ ከም ዝበሉዎ ድማ ኣብቲ ክፍለከተማ ኣብ ቀደማይ ርብዒ ዓመት ተደጋጊም ዝፍፀሙ ዝነበሩ ዘይተለመዱ ገበናት ብዝተወደበ መሪሕነት ኣካላት ጸጥታን ተሳትፎ ህዝብን ንምክልኻልን ምቁፅፃርን ዝተገበረ ፃዕሪ ዝበለፀ ተጠናኺሩ ክቕጽል ይግባእ ኢሎም።
ተሳተፍቲ እቲ መድረኽ ድማ ካብቲ ዝቐረበ ሓቃዊ ምስሊ ከባቢኦም ዘርኢ ፀብፃብ ተበጊሶም ኣብቶም ቀንዲ ትኹረት ዘድልዮም ጕዳያት ጸጥታ ኣድህቦ ሂቦም ከም ዝሰርሑ ገሊፆም።

ኣባላትን ኣመራርሓን ፖሊስ ኩለን ዞባታት ትግራይ መቐፀልታ እቲ ብርኪ ክልል ዝተጀመረ ምይይጥ የሳልጡ ኣለዉ። ካብ ኩለን ወረዳታት ዞባ ማእኸል ዝተወከሉ በብብርኩ ዘለዉ ኣመራርሓ ፖሊስ እው...
06/06/2026

ኣባላትን ኣመራርሓን ፖሊስ ኩለን ዞባታት ትግራይ መቐፀልታ እቲ ብርኪ ክልል ዝተጀመረ ምይይጥ የሳልጡ ኣለዉ። ካብ ኩለን ወረዳታት ዞባ ማእኸል ዝተወከሉ በብብርኩ ዘለዉ ኣመራርሓ ፖሊስ እውን ምይይጦም ሎሚ 29 ጉንበት 2018 ዓ.ም ጀሚሮም ከም ዘለዉ ተገሊፁ።

እቶም ካብ ኩለን ወረዳታት ዞባ ማእኸል ዝተወከሉ ኣካላት ኣመራርሓ ፖሊስ መበገሲ ምይይጦም ገምጋም ኣፈፃፅማ ስራሕ መደባት 9 ወርሒ 2018 ዓ.ም ዝገበሩ እንትኾኑ እቲ ብክልል ብርኪ ዝተዳለወ ኣብ እዋናዊ ኵነታት ዘድሃበ ፅሑፍ ምምይያጥ ድማ ቀፂሎም።

እቲ መድረኽ ብዋና ኣማሓዳሪ ዞባ ማእኽል ትግራይ ኣይተ ሽሻይ ግርማይ ዝተኽፍተ ኮይኑ ኣብቲ ዞባ ዘሎ መላእ ሓይሊ ፖሊስ ኣብ ኣወሃህባ ፖሊሳዊ ግልጋሎቱ ዘሎ ብርኪ ኣፈፃፅማን ሓፈሻዊ ምድላው ኩለንተናዊ ስብእንኡ ክህልዎ ዝግባእ ዓቕምን ኣተሓሳስባን ኣአንፊቶም።

ኣብ 22 ወረዳታትን 6 ንኡሳት ወረዳን እቲ ዞባ ዝነበረ ኣፈፃፅማ መደባት እዚ 9 ኣዋርሕ ጥማር ፀብፃብ ዘቕረቡ ኣዛዚ መምርሒ ፖሊስ ዞባ ማእኸል ኮማንደር ኣብርሃ ታደሰ ብጥንካረን ድኽመትን ካብ ዝቐረቡ ኣፈፃፅማ ስራሕቲ ግቡእ ትምህርቲ ወሲድና ኣብ ቅድሜና ዘለዉ ኩሎም ፈተናታት ንምስጋር ዘኽእል ኩለንተናዊ ድልውነት ክንውንን ይግባእ ድማ ኢሎም።

ተሳተፍቲ እቲ መድረኽ ዝኾኑ ኣባላት ፖሊስ ብግደኦም ሰላምን ድሕንነትን ህዝብና ንምርግጋፅ ካባና ትፅቢት ዝግበር ኩሉ ንምፍፃም ድልዋት ኢና ኢሎም ኣለዉ።

በብብርኩ ዘሎ ኣመራርሓ ፖሊስ ትግራይ ኣብ እዋናዊ ኵነታት ኣድሂቡ ዝተዳለወ ፅሑፍ መሰረት ገይሩ ዘካይዶ ምይይጥ ቀፂሉ።ኣብ ዝሓለፈ ሰሙን ብብርኪ ላዕለዎት ኣመራርሓ እቲ ኮሚሽን ምስ ዝተቓነ...
05/06/2026

በብብርኩ ዘሎ ኣመራርሓ ፖሊስ ትግራይ ኣብ እዋናዊ ኵነታት ኣድሂቡ ዝተዳለወ ፅሑፍ መሰረት ገይሩ ዘካይዶ ምይይጥ ቀፂሉ።

ኣብ ዝሓለፈ ሰሙን ብብርኪ ላዕለዎት ኣመራርሓ እቲ ኮሚሽን ምስ ዝተቓነዐ ገምጋም ኣፈፃፅማ ስራሕ 9 ኣዋርሕ 2018 ዓ.ም ተኣሳሲሩ ኣብ እዋናዊ ጕዳይ ትግራይን ትካል ፖሊስን ዛዕባ ዝገበረ መመያየጢ ፅሑፍ ተዳልዩ ዕሙቕ ዘተን ምርድዳእን ከም ዝተኻየደሉ ዝዝከር ኮይኑ፤ ሐዚ ድማ ካብኡ ቀፂሉ ዘለዉ ኣመራርሓ ፖሊስ ሓዊሱ እቲ ምይይጥ ቀፂሉ ኣሎ።

ትካል ፖሊስ ግቡእ ግልጋሎት ህዝቢ ንምሃብ ዘኽእሎ ቁመናን፤ ኣብ ምርግጋፅ ፍትሒ ኣብ ዝህልዎ ብፅሒትን ተወሳኺ ዓቕሚ ዝፈጥረሉን መድረኽ ምዃኑ ዝተገለፀ ዘተ፤ ፖሊስ ውሽጣውን ደጋውን ሰላም ትግራይ ንምውሓስ ዘኽእሎ ቁመና ንምህናፅ ድማ መኣዝን እቲ ምይይጥ ምዃኑ ኣብቲ መድረኽ ተገሊፁ።

እቲ መድረኽ ዘተ ትማሊ ብጕጅለታት ተወዲቡ ክመያየጥ ዝወዓለ ኰይኑ ሎሚ ድማ ብኮሚሽነር ጀነራል ይሕደጎ ስዩም እናተመርሐ ብሓባር መጠቓለልን ቀፃሊ ኣንፈቱን ይንፀረሉ ከም ዘሎ ካብቲ መድረኽ ምርዳእ ተኻኢሉ።

እቲ ምይይጥ በብብኩን መሓውሩን እናቐፀለ ክሳብ ታሕቲ ወሪዱ መላእ ኣባል ፖሊስ ተመሳሳሊ ግንዛበን ድልውነትን ንምፍጣር ከም ዝስረሓሉ ድማ ተገሊፁ ኣሎ።

ኣብ ከተማ መቐለ ክፍለከተማ ዓዲ ሓቂ መኪና እናሰረቐ ኢድ ብኢድ ዝተትሓዘ ውልቀ ሰብ ብፅኑዕ ማእሰርቲ 8 ዓመትን 4 ሽሕ ብርን ክቕፃዕ ተወሲኑዎ።ነባርነቱ ከተማ መቐለ ክፍለ ከተማ ሓድነት ጣ...
04/06/2026

ኣብ ከተማ መቐለ ክፍለከተማ ዓዲ ሓቂ መኪና እናሰረቐ ኢድ ብኢድ ዝተትሓዘ ውልቀ ሰብ ብፅኑዕ ማእሰርቲ 8 ዓመትን 4 ሽሕ ብርን ክቕፃዕ ተወሲኑዎ።

ነባርነቱ ከተማ መቐለ ክፍለ ከተማ ሓድነት ጣብያ ወርዒ ዝኾነ መለስ ሰሎሞን ኣማረ ዝተባሃለ ተኸሳሲ ሎሚ 27 ጉንበት 2018 ዓ.ም ሰዓት 9:15 ድሕሪ ቀትሪ ኣብ ክፍለ ከተማ ዓዲ ዓዲ ሓቂ፤ ዳግም ኣምሳል ኣብ ዝበሃል ፍሉይ ከባቢ ሰሌዳ ቁፅራ 03839 ትግ ዝኾነት መኪና ቁልፊ ሰቢሩ ብምእታው ገመድ ኤሌትሪክ እታ መኪና ፈታቲሑ ገጢሙ ኣልዒሉ ክኸይድ ኣብቲ ከባቢ ብዝተዋፈሩ ኣካላት ፀጥታን ሕብረተሰብን ኢድ ብኢድ ኣብ ቁፅፅር ምውዓሉ ኣዛዚ ፖሊስ እቲ ክፍለከተማ ምክትል ኢንስፔክተር ገ/ክርስቶስ ፋሲል ገሊፆም።

ፖሊስ ክፍለ ከተማ ዓዲ ሓቂ ኢድ ብኢድ መዝገቡ ኣፃርዩ ሽዑ ንሽዑ ክሲ ምስ ተመስረቶ፤ ቤት ፍርዲ እቲ ክፍለ ከተማ ድማ መዝገቡ መርሚሩ ጥፍኣተኛ ኮይኑ ስለ ዝረኸቦ ብፅኑዕ ማእሰርቲ 8 ዓመትን ብር 4000 ሽሕን ክቕፃዕ ከም ዝተወሰኖ ምክትል ኢንስፔክተር ገብረክርስቶስ ወሲኾም ገሊፆም።

ካብ ዓዲ ግራት ኣታሊሎም ናብ ዓዲ ዓረብ ክንወስደክን ኢሎም ኣብ ቤተ ክርስትያን ሓቢኦምወን ዝነበሩ 6 ትሕቲ ዕድመ ደቂኣንስትዮ ብጥቆማ ሕብረተሰብ ተረኺበን።ካብ ዓዲ ግራት ኣታሊሎም ናብ ...
31/05/2026

ካብ ዓዲ ግራት ኣታሊሎም ናብ ዓዲ ዓረብ ክንወስደክን ኢሎም ኣብ ቤተ ክርስትያን ሓቢኦምወን ዝነበሩ 6 ትሕቲ ዕድመ ደቂኣንስትዮ ብጥቆማ ሕብረተሰብ ተረኺበን።

ካብ ዓዲ ግራት ኣታሊሎም ናብ ዓዲ ዓረብ ክንወስደክን ኢሎም ኣብ ቤተ ክርስትያን ሓቢኦምወን ዝነበሩ 6 ትሕቲ ዕድመ ደቂ ኣንስትዮ ብጥቆማ ሕብረተሰብ ተረኺበን

እዘን ካብ ዛባ ምብራቕ ትግራይ ከተማ ዓዲ ግራት ጣብያ 05 ደለልቲ ኣታሊሎም ዘምፅእወን ህፃውንቲ ኣብ ከተማ መቐለ ቤተክርስትያን እንዳ ኪዳናምሕረት ሓቢኦም ብርሕቐት ብስልኪ እናተኸታተልወን ከለዉ ሰዓት 6:00 ለይቲ ንፖሊስ ብዝተውሃበ ሓበሬታ ብፅኑዕ ክትትል ዝተረኸባ እንትኾና ሓንቲ መትሓዚት ዓራትን ሓጋዚት እቶም ደለልትን ዝኾነት ተጠርጣሪት ድማ ካልኦት ከምኣተን ዝበላ ኮብለልቲ ደቂሰናሉ ናብ ዝነበራ እንዳ ዓራት ኣምሪሐን ምስ ኣርአያ እተን ኣብኡ ደቂሰን ዝነበራ ደቂ ኣንስትዮ ወሲዶምወን እኳ እንተፀንሑ እታ መትሓዚት ዓራት ተሓጋጋዚቶም ምዃና ብዝተረኸበ ሓበሬታ ኣብ ቁፅፅር ፖሊስ ክፍለከተማ ቀዳማይ ወያነ ከም እትርከብ ድማ ተገሊፁ።

ሰላም ከባቢ ንምርግጋፅ ወሳንነት ተሳትፎ ህዝቢ ልዑል ምዃኑ ተገሊፁ ኣብ ከተማ መቐለ ክፍለከተማ ዓዲ ሓቂ ምልኣተ ህዝቢ ዘነቓነቐ ዋዕላ ሰላም ተሳሊጡ።እቲ ሎሚ 23/ሚያዝያ 2018 ዓ.ም ዝተ...
31/05/2026

ሰላም ከባቢ ንምርግጋፅ ወሳንነት ተሳትፎ ህዝቢ ልዑል ምዃኑ ተገሊፁ ኣብ ከተማ መቐለ ክፍለከተማ ዓዲ ሓቂ ምልኣተ ህዝቢ ዘነቓነቐ ዋዕላ ሰላም ተሳሊጡ።

እቲ ሎሚ 23/ሚያዝያ 2018 ዓ.ም ዝተሳለጠ ዋዕላ ሰላም ብምምሕዳር እቲ ወረዳ ተማእኺሉ፥ ኣመራርሓ ፀጥታ ዞባን ወረዳን ዘሳተፈ ሰፊሕ ዋዕላ ተሳሊጡ።

ኣብቲ መድረኽ ዝተረኸቡ ዝተፋላለየ ክፋላት ማሕበረሰብን ውዳበታትን ወኪሎም ዝተረኸቡ ኣካላት ኣብቲ ብኣዛዚ ፖሊስ እቲ ወረዳ ዝቐረበ ጥማር ፀብፃብ 9 ኣዋርሕ 2018 ዓ.ም ተደሪኾም ካብቶም ብጥንካረን ድኽመትን ዝተልዓሉ ኣፈፃፅማታት ግቡእ ትምህርቲ ብምውሳድ ሰላም ከባቢኦም ንምዕሳል ከም ዝረባረቡ ገሊፆም።

ነቲ መድረኽ ዘማእዘኑ ኣመራርሓ፤ምምሕዳር፥ ፀጥታ፥ ፖሊስን ካልኦት መራሕቲ ፀጥታ ወረዳን ዞባን ወኪሎም ዝተረኸቡ ኣካላት ድማ ዝተረጋገዐ ሰላም ሓደ ከባቢ ንምፍጣር ወሳንነት ተሳትፎ ህዝቢ ልዑል ምዃኑ ኣብሪሆም።

ፖሊስ ዘተኣማምን ውሽጣዊ ሰላም ከረጋግፅ እንተድሊ ድማ ናይ ደገ ሓደጋ ንምክልኻል ተሓሲቡ ዳግም ዝተጣየሸ ትካል ብምዃኑ ንክልቲኡ ተልእኾ ወትሩ ድልዋት ክትኮኑ ይግባእ ኢሎም ፕረዚደንት ትግ...
28/05/2026

ፖሊስ ዘተኣማምን ውሽጣዊ ሰላም ከረጋግፅ እንተድሊ ድማ ናይ ደገ ሓደጋ ንምክልኻል ተሓሲቡ ዳግም ዝተጣየሸ ትካል ብምዃኑ ንክልቲኡ ተልእኾ ወትሩ ድልዋት ክትኮኑ ይግባእ ኢሎም ፕረዚደንት ትግራይ ዶ/ር ደብረፅዮን ገ/ሚካኤል። ኣመራርሓ ፖሊስ ትግራይ ኣብ ኣፈፃፅማ መደባት 9 ኣዋርሕ 2018 ዓ.ም ኣድሂቡ ገምጋም የሳልጥ ኣሎ።

ኣዘዝቲ ዞባን ወረዳን ሓዊሱ ኣመራርሓ ፖሊስ ትግራይ ዘሳተፈ ገምጋም ኣፈፃፅማ ስራሕ፤ ኣብ ከተማ መቐለ ዝሳለጥ ዘሎ እንትኸውን ኣብ ምክልኻል፥ ምፅራይን ካልኦት ሞያታት ፖሊስን ዝነበረ ኣፈፃፅማ ስራሕ ገምጊምካ ካብቶም ብጥንካረን ድኽመትን ዝተፈለዩ ፍፃመታት ትምህርቲ ወሲድካ ቀፀልቲ መደባት ንምዕዋት ዝዓለመ ምዃኑ ኣብቲ መድረኽ ተንፀባሪቑ።

ኣብ መኽፈቲ እቲ መድረኽ ተረኺቦም መምርሒ ስራሕ ዝሃቡ ፕረዚደንት ብሄራዊ ክልላዊ መንግስቲ ትግራይ ዶ/ር ደብረፅዮን ገ/ሚካኤል፤ ፖሊስ ትግራይ ዝደለዮ ክፍፅም ዘኽእሎ ሓዱሽን ውህሉልን ዓቕሚ ዘለዎ ትካል ብምዃኑ ዘተኣማምን ውሽጣዊ ሰላም ብምስፋን ኩነታት እንትሓምቕ ድማ ደጋዊ ሓደጋ ክከላኸል ዘኽእሎ ቁመና ወኒኑ፤ ዕማም ወሲኹ ዳግም ዝተጣየሸ ስለ ዝኾነ ንኽልቲኡ ተልእኾ ወትሩ ድልዋት ክትኮኑ ይግባእ ኢሎም።

ኮሚሽነር ጀነራል ኮሚሽን ፖሊስ ትግራይን ይሕደጎ ስዩም ብግደኦም ኣብዚ ቅንያት ገምጋምን ካልኦት ተወሰኽቲ ምይይጣትን ዝድህሰሱ ዛዕባታት ብምንፃር ዝረኣይሉ ኩርናዕ ኣአንፊቶም።

መበገሲ ገምጋም ፀብፃብ ኣፈፃፅማ ስራሕቲ 9 ኣዋርሕ 2018 ዓ.ም ኮሚሽን ፖሊስ ትግራይ ብኢንስፔክተር ጉዕሽ ግደይ ምስ ቀረበ ኣብ ዞባታት ዘሎ ህልው ኩነታት ፀጥታ ተዳህሲሱ ክግምገምን ቀፀልቲ መደባት ፀጥታ ክንፀርሉን ይግበር ኣሎ።

ኣብ ዞባ ደቡባዊ ምብራቕ ትግራይ ወረዳ ሕንጣሎ ቅድሚ 5 ኣዋርሕ ናይ ዝተቐተለት ንእስቲ ሓቃዊ ተጠርጣሪ ረኺበ ሙሉእ ምፅራይ ይውግን ኣለኹ ኢሉ ፖሊስ እቲ ወረዳ። ኣብ ወረዳ ሕንጣሎ ታሕሳስ1...
25/05/2026

ኣብ ዞባ ደቡባዊ ምብራቕ ትግራይ ወረዳ ሕንጣሎ ቅድሚ 5 ኣዋርሕ ናይ ዝተቐተለት ንእስቲ ሓቃዊ ተጠርጣሪ ረኺበ ሙሉእ ምፅራይ ይውግን ኣለኹ ኢሉ ፖሊስ እቲ ወረዳ።
ኣብ ወረዳ ሕንጣሎ ታሕሳስ18/2018 ዓ.ም መንነቱ ብዘይተፈለጠ ሰብ ኣብ መንበሪ ገዝኣ ተቐቲላ ኣብ ሳልስቲ ኣስከሬና ዝተረኸበ ንእስቲ፤ ፖሊስ እቲ ወረዳ ንከባቢ 5 ኣዋርሕ ብዙሓት ተጠርጠርቲ እናሓዘ ኣብ ዕሙቕ ምፅራይ ከም ዝፀንሐ ገሊፁ። እቲ ገበን ኣዝዩ ስውሩን ለይቲ ዝተፈፀመን ብምዃኑ ምስ መዋቲት ርክብ ይነብሮምን ክነብሮም ይኽእልን ዝተብሃሉ ተጠርጠርቲ ኣብ ቁፅፅር ዝወዓልሉ ግፍዓዊ ገበን ቅትለት ነብሲ እቲ ትኽክለኛ ተጠርጣሪ ምስ ተሓባበርቱ ኣብ ቁፅፅር ውዒሉ ኣፈፃፅማ እቲ ገበን እውን ኣምሪሑ ከርኢ ክኢሉ ከም ዘሎ ፖሊስ ወሲኹ ገሊፁ።
እዚ ወዲ 53 ዓመት ተጠርጣሪ ነቲ ገበን ምስ ፈፀመ ኣብ ከተማ መቐለ ብር 4 ሽሕ ተቖፂሩ ኣብ ሓደ መንደር ኣባል ፀጥታ ሓለዋ ለይቲ ኮይኑ እናሰርሐ ዝመፀ እንትኸውን ፖሊስ ብዘካየዶ ረቂቕ ክትትልን ሓደሽቲ መንገድታት ምፅራይን ቀትሪ ኣብ መዓልታዊ ስራሕ መኪና እናሓፀበ እንተሎ ኣብ ሓምሻይ ወርሑ ኣብ ቁፅፅር ከም ዝወዓለ ካብ ፖሊስ ወረዳ ሕንጣሎ ዝተረኸበ ሓበሬታ የረድእ።
መዓልቲ ክነውሕ እንተዘይኰይኑ ገበን ፈፂምካ ካብ ተሓታትነት ከም ዘይምለጥ ዝገለፀ ፖሊስ እቲ ጕዳይ ኣፃርዩ ኣብ ምዕቡል ብርኪ ምስ ኣብፀሖ ብምትሕብባር ኣመራርሓ ደቂ ኣንስትዮ ዞባ ደቡባዊ ምብራቕን ኮሚሽን ፖሊስን እቲ ኣፈፃፅማ ተቐሪፁ ብመረዳእታ ንቤት ፍርድን ካልኦት ዋኒናትን ከገልግል ተሰኒዱ ከም ዘሎ ድማ ገሊፁ።

ንዘለናዮ መድረኽ ዝምጥን ኣወዳድባን ተሳትፎን ህዝቢ መተካእታ ዘይብሉ ኣማራፂ መስርሕ ምክልኻል ገበን ኣሚንና ምንቅስቓስና ክነሐይል ኢና ኢሎም ነበርትን ኣካላት ፀጥታን ክፍለከተማ ሓወልቲ። ኣ...
23/05/2026

ንዘለናዮ መድረኽ ዝምጥን ኣወዳድባን ተሳትፎን ህዝቢ መተካእታ ዘይብሉ ኣማራፂ መስርሕ ምክልኻል ገበን ኣሚንና ምንቅስቓስና ክነሐይል ኢና ኢሎም ነበርትን ኣካላት ፀጥታን ክፍለከተማ ሓወልቲ። ኣብቲ ክፍለከተማ ምልኣተ ህዝቢ ዘሳተፈ ሰፊሕ ዋዕላ ሰላም ተሳሊጡ።

እቲ ሎሚ ጉንበት 15/2018 ዓ.ም ኣብ ኣደራሽ ሓወልቲ ሰማእታት ዝተሳለጠ ዋዕላ ሰላም ክፍለከተማ ሓወልቲ፤ ካብ ኩለን ጣብያታት እቲ ክፍለከተማ ዝተወከሉ ክፋላት ማሕበረሰብ፥ መላእ ኣካላት ፀጥታ እቲ ወረዳ፥ ኣመራርሓ ምምሕዳርን ኣካላት ፀጥታን ከተማ መቐለን ካልኦት ዝተፋለለያ ውዳበታትን ወኪሎም ዝተረኸብሉ ሰፊሕ መድረኽ ሰላም ተሳሊጡ።

ነቲ መድረኽ ብዕሊ ዝኸፈቱ ምክትል ከንቲባ ከተማ መቐለ ኣይተ ሃይላይ ኣረጋዊ፤ ምርግጋፅ ሰላምናን ሓድነትናን ንዓና ምቹው ንፃፍ ኩለመዳያዊ ምንቅስቓሳትና ንፀላእትና ዕረ ስለ ዝኾነ ነዚ ልዑል ትኹረት ሂብና ውዳበታት ሰላምና ኣጠናኺርና ንዘለናዮ መድረኽ ዝምጥን ኣወፋፍራ ክንክተል ይግባእ ኢሎም።

ቀፂሉ ብዋና ኣመሓዳሪ እቲ ክፍለከተማ እናተማእዘነ ብኣዛዚ ፖሊስ ክፍለከተማ ሓወልቲ ኢንስፔክተር መጎስ ወርቁ ህልው ኩነታት ገበንን ስግኣታትን ክፍለ ከተመኦም ብጥንካረን ድኽመትን ዘርኢ ፀብፃብ ንምይይጥ ተዓደምቲ ብዝጥዕም ኩነት ኣቕሪቦም።

ኣብቲ ክፍለከተማ ካብ ቅትለትን ፈተነ ቅትለትን ጀሚሩ ክሳብ ዝተፈላለዩ ዓይነታት ስርቂ ዝተመዝገቡ እንትኾኑ ነዚ ንምክልኻል ሰፊሕ ተሳትፎን ዋንነትን ህዝቢ፥ ዝተዋደደ ኣወፋፍራ መላእ ኣካላት ፀጥታን ስሙር ዕማም መሓውራት ፍትሕን ክህልወና ይግባእ ድማ ኢሎም ኢንስፔክተር መጎስ።

ድሕሪ እዚ ውሽጣዊ ምስፋን ሰላምናን ደጋዊ ስግኣታትናን ተመጋገብቲ ስለ ዝኾኑ ካብቲ ክፍለከተማ ሰጊሩ ዘለዉ ሃገራውን ዓለማውን ህልው ኩነታት ዘርኢ ገለፃ ብኣይተ ተስፋይ ታደሰ ቀሪቡ ተሳተፍቲ ኣብ ክልቲኦም ፅሑፋት ተመያይጦም ሰላም ከባቢኦም ከፅንዑ ዘኽእል ዕውትን ውዕይን መድረኽ ምስላጡ ተሳተፍቲ ገሊፆም።

Address

Tigray
Mekelle

Website

Alerts

Be the first to know and let us send you an email when ኮሚሽን ፖሊስ ትግራይ Tigray Police Commission posts news and promotions. Your email address will not be used for any other purpose, and you can unsubscribe at any time.

Shortcuts

Share

Category