18/09/2026
ብምትሕብባር ቢሮ ትምህርቲ ትግራይ፣ ኮምሽን ሓርበኛታት ትግራይ፣ ማሕበር ደቂ ስውአት ተጋደልትን ዘፈር ተጠቃምነት ክፍለ ከተማ ኵሓን ዝተአኻኸበ ናውቲ ትምህርቲ ብሓገዝ ተበርኪቱ።
ኢትዮ ቴሌኮም ከምኡውን መንግስቲ ሰራሕተኛ ክፍለ ከተማ ኵሓን አብ ኵሓ ዝርከቡ ዝተፈላለዩ ትካላትን 615 ደርዘን ደፍተር 948 እሰክርቢቶ 111እርሳስን 111 ላጲስን ብ597 ሽሕን 714 ብር ዓዲጎም ንፅጉማት ተምሃሮ አከፋፊሎም።
እቲ 550 ደርዘን ደፍተር ብኢትዮ ቴሌኮም ዝተበርከተ ከምዝኾነ ድማ ተገሊፁ እዩ።
ብተመሳሳሊ ባንኪ ዳሽን ዲሰትሪክት መቐለን ሽረን ብ308 ሽሕን 400 ብር ዝዋግኦም ደፍተርን ቢሮን ንፅጉማት ተማሃሮ ኵሓ ዝሓገዙ እንትኾን፡እቲ ሓገዝ ንሕደሕድ ተምሃራይ 12 ደፍተርን ሰሰለስተ ቢሮን ተዓዲሎም አለው።
አብቲ እዋን ተረኺቦም መልእኽቲ ዘሕለፉ ምክትል አማሓዳሪ ክፍለ ከተማ ኵሓ ተጋ አብርሃ ንጉስ፡ እዚ ናውቲ ትምህርቲ ንምትእኽኻብ ብክፍለ ከተማ ደረጃ ኮሚቴ ተጣይሹ ዝተአከበ ኾይኑ ነቶም ናዉቲ ትምህርቲ ዝለገሱ ዘተሓባበሩ አካላትን ዝለዓለ ምስጋና አቕሪቦም።
ከም ክ/ከተማ ብሕፅረት ናውቲ ትምህርቲ ካብ መአዲ ትምርቲ ክርሕቕ የብሉን ነዚ ድማ ኩሉ ዝከአሎ ይገብር አሎ ተጠናኺሩ ክቕፅል አለዎ ብምባል ብፍላይ ንኢትዮ ተሌኮምን ባንኪ ዳሽንን ዲሰትሪክት መቐለን ሽረን ዝገበርዎ ሓገዝ ብሽም ህዝብን ምምሕዳርን ናእድኦም አቕሪቦም።
አብ መወዳእታ ሓገዝ ካብ ዝተገበረሎም ወለዲ ደቂ ስውአት ወ/ሮ ትርሓስ ተስፋይ፣አስኳል በላይን ርግአት ገ/መድህንን ዝተገበረ ሓገዝ ዝነኣድ ተግባር ምዃኑ ብምሕባር እቶም ደቂ ስውኣት አብ ናይ ውልቀ ኣብያተ ትምህርቲ ዝመሃርሉ ዕድል ተዝሞቻቸየልና ክብላ ርኢቶ ሂበን ክብል ሓበሬታን ርክብን ክፍለ ከተማ ኲሓ ፀብፂቡ።
