Komishinka Booliska DDS የሶማሌ ክ/መ/ፖሊስ ኮሚሽን

  • Home
  • Ethiopia
  • Jijiga
  • Komishinka Booliska DDS የሶማሌ ክ/መ/ፖሊስ ኮሚሽን

Komishinka Booliska DDS የሶማሌ ክ/መ/ፖሊስ ኮሚሽን This is the Official page of the Somali Regional State Police Commission.

https://www.tiktok.com/?_t=ZM-8sqiQHHJrYT&_r=1

https://youtube.com/?si=A4XSWz35TZNEeXhf

https://t.me/Boolisk

31/05/2026

G/sare Maxamuud Xasan Mursal, Madaxa Adeega Guud ee Booliska DDS (logistics) ayaa sheegay in maalinta doorashada ee 24 Ginbot/2018 la joojindoono dhamaan iskusocodka gaadiidka marka laga reebo gaadiidka gurmadka degdegga ah (Emergency).

30/05/2026

Komishineerka Booliska DDS Sareeye Guud Cabdi Cali Siyaad ayaa sheegay in ciidamada ammaanku ku sugan yihiin heegan buuxa, isla markaana ay diyaar u yihiin ka hortagga wax kasta oo carqalad ku noqon kara habsami u socodka doorashada.

Wuxuuna shacabka deegaanka ugu baaqay in ay si nabad ah uga qayb qaataan doorashada, isla markaana la shaqeeyaan ciidamada ammaanka si doorashadu ugu qabsoonto jawi nabadgelyo, xasillooni iyo kala dambayn leh.

“Waxaanu si buuxda ugu diyaar-garoownay sugidda amniga doorashada 7-aad si ay ugu qabsoonto nabadgelyo iyo xasillooni.” ...
30/05/2026

“Waxaanu si buuxda ugu diyaar-garoownay sugidda amniga doorashada 7-aad si ay ugu qabsoonto nabadgelyo iyo xasillooni.” Komishineerka Komishinka Booliska DDS, Sareeye Guud Cabdi Cali Siyaad

Komishineerka Komishinka Booliska Dowladda Deegaanka Soomaalida, Sareeye Guud Cabdi Cali Siyaad, oo waraysi siiyey warbaahinta deegaanka, ayaa sheegay in xaaladda amniga guud ee deegaanku tahay mid deggan oo nabadgelyo ah. Waxa uu xusay in si buuxda loo dhamaystiray dhammaan diyaar-garowgii iyo qorshayaashii lagu sugayey amniga doorashada.

Komishineerku waxa uu sheegay in la dhisay toddoba guddi oo si gaar ah uga shaqayn doona sugidda amniga doorashada, kuwaas oo ka hawlgeli doona dhammaan goobaha codbixinta ee deegaanka. Guddiyadan ayaa diiradda saari doona ilaalinta badqabka codbixiyeyaasha, hawl-wadeennada doorashada, guddiyada doorashada iyo goobaha codbixinta.

Sareeye Guud Cabdi Cali Siyaad ayaa sidoo kale sheegay in ciidamada ammaanku ku sugan yihiin heegan buuxa, isla markaana ay diyaar u yihiin ka hortagga wax kasta oo carqalad ku noqon kara habsami u socodka doorashada.

Ugu dambayn, Komishineerku waxa uu shacabka deegaanka ugu baaqay inay si nabad ah uga qayb qaataan doorashada, isla markaana la shaqeeyaan ciidamada ammaanka si doorashadu ugu qabsoonto jawi nabadgelyo, xasillooni iyo kala dambayn leh.

Kaalinta Ciidamada Ammaanka ee Qabsoomidda Doorashooyin Xor ah, Xalaal ah, isla markaana loo wada dhan YahayEthiopian Fe...
29/05/2026

Kaalinta Ciidamada Ammaanka ee Qabsoomidda Doorashooyin Xor ah, Xalaal ah, isla markaana loo wada dhan Yahay

Ethiopian Federal Police

Komishinka Booliska DDS ayaa xidhay Dable Yasiin Daahir Axmed, oo si khaldan u laagay gabadh ku sugnayd degmada Dheeka s...
27/05/2026

Komishinka Booliska DDS ayaa xidhay Dable Yasiin Daahir Axmed, oo si khaldan u laagay gabadh ku sugnayd degmada Dheeka suufti.

Taliska Booliska DDS ayaa sheegay in tallaabo sharci ah, laga qaaday askarigaas, cadeeyayna in Boolisku u taagan yahay ilaalinta shacabka, sugidda amniga, iyo dhowrista xuquuqda muwaadiniinta. Qof kasta oo ku xadgudba sharcigana, ha noqdo askari ama shacab, sharciga lala tiigsanayo.

CIID MUBAARAKKomishineerka Komishinka Booliska DDS, Sareeye-guud Cabdi Cali Siyaad, ayaa Hambalyada munaasabadda Ciidul-...
26/05/2026

CIID MUBAARAK

Komishineerka Komishinka Booliska DDS, Sareeye-guud Cabdi Cali Siyaad, ayaa Hambalyada munaasabadda Ciidul-Adxaa 1447 u diray shacabka Deegaanka Soomaalida, Ciidanka Booliska DDS, Qoysaskooda iyo dhammaan shaqaalaha Komishinka Booliska DDS.

Wuxuuna sidoo kale bogaadiyey Ciidanka Boolisku dadaalka iyo shaqada wanaagsan ee ay ka hayaan sugidda amniga, ilaalinta nabadda, iyo u adeegidda bulshada xilliyada ciidda iyo xili kastaba

Ciid Mubaarak.

Guddiga qabanqaabada munaasabadda Ciidul-Adxada ee xarunta Deegaanka Soomaalida ayaa sheegay inay soo gabogabeeyeen dham...
26/05/2026

Guddiga qabanqaabada munaasabadda Ciidul-Adxada ee xarunta Deegaanka Soomaalida ayaa sheegay inay soo gabogabeeyeen dhammaan diyaargarowga munaasabadda ciidda ee ka dhici doonta magaalada Jigjiga.

Madaxa Adeegga Guud ee Komishinka Booliska DDS, G/le Sare Maxamuud Sheekh Xasan, ayaa warbaahinta u sheegay in si buuxda loo diyaariyey goobta salaadda ciidda iyo qorshaha sugidda amniga, si bulshadu ugu gudato salaadda ciidda si nabadgalyo ah.

Wuxuuna bulshada ugu baaqay in aan fagaaraha ciidda lala iman waxyaabaha mamnuuca ah, Sida: Hubka, Ulaha, Taleefoonnada dansan, Qalinka iyo wax kasta oo noqon kara aalad waxyeello lagu geysto, sidoo kale wuxuu bulshada usoo jeediyay inay si dhow ula shaqeeyaan ciidamada ammaanka, si munaasabadda ciiddu ugu dhacdo si habsami leh oo ammaan ah.

Hay'adaha isku dhaf ka ah ee amniga ee ka hawlgala Magaalo xudeeda wajaale ayaa yeeshay kulan ku saabsanaa u diyaargaraw...
25/05/2026

Hay'adaha isku dhaf ka ah ee amniga ee ka hawlgala Magaalo xudeeda wajaale ayaa yeeshay kulan ku saabsanaa u diyaargarawga sugida amniga munaasabada ciidal-adxa iyo doorashada

Shirkan ayaa waxaa ka soo qaybgalay Booliska Magaalada Wajaale, maleshiyada iyo boolis Fadaralka. Ujeedada shirkan ayaa ahayd, u diyaar garowga munasabada ciidal-adxa iyo doorashada qaranka ee nagu so foodaleh sidii ay ugu dhici lahayeen Nabadgalyo. Waxayna si wada jir ah uwadaan baadhitaano, iyo kormeero lagu xoojinayo sugida amniga, laguna dardargelinayo hawl galada, danbi kahortaga

Booliska Degmo-hoosaadka Garabcase ee MMJ ayaa gacanta ku soo dhigay eedaysane C/Sayid Maxamed, oo taleefan wayn iyo mid...
25/05/2026

Booliska Degmo-hoosaadka Garabcase ee MMJ ayaa gacanta ku soo dhigay eedaysane C/Sayid Maxamed, oo taleefan wayn iyo mid yar oo ay lacagi ku jirto ka xaday Odey xanuunsanaa oo Hotel ku yaal xaafada 1aad ee Degmo-hoosaadka Garabcase jiifay, isaga oo falka fulinayana ay duubtay Garabcase amniga ee CCTV-ga hotelka.

Intaas kadibna Booliska oo bilaabay raadinta eedaysnaha ayaa maanta gacanta ku soo dhigay eedaysanihii iyo labadii mobile ee uu xadayba, baadhis dheeri ah oo ay sameeyeena waxaa lagu helay taleefan Ipad ah oo uu hotel kale ka xaday. Booliska ayaa xusay inay sii wadayaan baadhistiisa, islamarkaana eedaysanaha la horgayn doono sharciga.

Shirkii Guddiga Maamulka Booliska DDS, oo uu shir-guddoominayay Komishinka Booliska DDS, Sareeye Guud Cabdi Cali Siyaad,...
25/05/2026

Shirkii Guddiga Maamulka Booliska DDS, oo uu shir-guddoominayay Komishinka Booliska DDS, Sareeye Guud Cabdi Cali Siyaad, ayaa ka qabsoomay xarunta Komishinka Booliska DDS.

Kulankan ayaa lagaga hadlay waxqabadkii toddobaadyadii u dambeeyay ee u diyaargarawga Ciidda iyo doorashada, geeddi-socodka shaqada Booliska, iyo sidii loo xoojin lahaa hawlaha ka hortagga dambiyada, baadhista iyo wada-shaqaynta hay’adaha kale iyo shacabka.

Sidoo kale, shirka ayaa diiradda lagu saaray sidii loo dardargelinlahaa shaqada Booliska iyo kor u qaadista hufnaanta adeegyada amniga.

Address

Jijiga

Telephone

+251925400164

Website

Alerts

Be the first to know and let us send you an email when Komishinka Booliska DDS የሶማሌ ክ/መ/ፖሊስ ኮሚሽን posts news and promotions. Your email address will not be used for any other purpose, and you can unsubscribe at any time.

Shortcuts

Share

Category