Xafiiska Xisbiga Barwaaqo Laantiisa Degmada Erer

02/06/2026

Xog Muhiim ah:

Doorashooyinkii Qaran ee 7-aad k**a aysan dhicin goobihii lagu muransanaa ee u dhexeeya Deegaanka Soomaalida iyo Deegaanka Canfarta, oo ay ku jiraan magaalooyinka Garbaciise, Cadaytu iyo Cundhufo. Arrintan waxaa si cad u xaqiijiyay go’aankii dhawaan kasoo baxay Guddiga Qaranka Doorashooyinka.

Sidaa darteed, sheegasho kasta oo ka hor imaanaysa go’aankaas ma laha aasaas sharci, waana mala-awaal aan xaqiiqo ku dhisnayn.

Waxaan shacabka la socodsiinaynaa inay ka taxadaraan xoggaha aan la hubin ee la xidhiidha doorashooyinka ee baraha bulshadda lagu daabaco, ayna qaataan oo keliya xoggaha rasmiga ah ee kasoo baxa hay’ada dawliga ah ee sharciga u leh arimaha doorashooyinka, oo ah Guddiga Doorashooyinka Qaranka.

Mahadsanidiin.

01/06/2026

Madaxweyne Ku-xigeenka DDS, Mudane Ibraahim Cusmaan Faarax, ahna musharrax ka sharaxan Degmada Erar ee Gobolka Siti, iyo musharraxiinta Degmada uga sharaxan Xisbiyada kala-duwan ayaa codkooda ka dhiibtay mid ka mid ah goobaha codbixinta ee Degmada Erar.

18/05/2026

Musharaxiinta Xisbiga Barwaaqo ee ka sharaxan Degmada Erer oo Socdaal ku soo maray Magaalooyinka Casbuli Iyo Caydoora.

Musharaxiinta Xisbiga Barwaaqo ee ka sharaxan degmada Erer ee gobolka Siti kana kooban heer federaal iyo heer deegaan ayaa socdaal ku soo maray tuulooyinka Casbuli iyo Caydoora ee ka tirsan degmadaasi.

Musharaxiinta ayaa waxaa weheliyey hoggaaminta heer deegaan, heer gobol iyo maamulka degmada Erer, iyadoo bulshada iyo taageerayaashu si diirran kusoo dhaweeyeen magaalooyinkaasi.

Kadib soo dhaweynta, musharaxiinta iyo hoggaaminta la socotay ayaa kulamo la yeeshay shacabka iyo taageerayaasha, kuwaas oo diiradda lagu saaray barnaamijyada siyaasadeed, waxqabadka xisbiga iyo qorshayaasha mustaqbalka ee lagu horumarinayo adeegyada iyo baahiyaha bulshada.

Dhankooda, shacabka iyo taageerayaashii ay musharaxiintu la kulmeen ayaa ballanqaaday in codkooda si kalsooni leh u siin doonaan musharaxiinta iyo Xisbiga Barwaaqo, iyagoo muujiyey taageero iyo garab istaag buuxa.

18/05/2026

Musharaxiinta Xisbiga Barwaaqo ee ka sharraxan degmada Erer ee heer federaal iyo heer deegaan ayaa magaalada Erer ku qabtay tartan kubadda cagta ah oo ay ka qayb galeen dhalinyarada iyo hoggaaminta kala duwan.

Tartankan oo ahaa mid saaxiibtinimo ayaa ujeeddadiisu ahayd dhiirrigelinta dhalinyarada, xoojinta isdhexgalka bulshada iyo taageerada Xisbiga Barwaaqo.
Musharaxiinta ayaa sheegay in Xisbiga Barwaaqo muhiimad gaar ah siinayo horumarinta ciyaaraha iyo taageeridda dhalinyarada, maadaama sportigu door weyn ka qaato caafimaadka bulshada, wadajirka iyo horumarka

17/05/2026

Kulamadii kala duwanaa ee musharaxiinta Xisbiga Barwaaqo oo wali ka socda degmada Erer ee gobolka Siti.

Kulamada ololaha doorashada ee musharaxiinta Xisbiga Barwaaqo ayaa si habsami leh uga sii socda degmada Erer ee gobolka Siti, iyadoo musharaxiinta heerarkooda kala duwan ay shacabka la yeelanayaan kulamo isdaba joog ah oo lagu xoojinayo taageerada iyo wada shaqaynta bulshada.

Musharaxiinta ka sharaxan degmada Erer, oo ay weheliyaan hoggaaminta heer deegaan, heer gobol iyo maamulka degmada Erer, ayaa kulan ballaadhan la qaatay haweenka degmada, halkaas oo lagu wadaagay barnaamijyada waxqabadka iyo qorshayaasha horumarineed ee Xisbiga Barwaaqo.

Kulanka ayaa si gaar ah diiradda loogu saaray muhiimadda ay haweenku ku leeyihiin horumarka bulshada iyo kaalinta muuqata ee ay kaga jiraan taageerada iyo guusha Xisbiga Barwaaqo, iyadoo haweenkii ka qayb galay ay muujiyeen taageero iyo dhiirrigelin ay la garab taagan yihiin xisbiga.

17/05/2026

Musharaxiinta Xisbiga Barwaaqo iyo hoggaaminta heer deegaan ayaa kulan ballaadhan la yeeshay shacabka magaalada Erer oo qayb ka ah dardargelinta hawlaha ololaha doorashada ee sida habsamida leh uga socda deegaanka.

Kulanka ayaa diiradda lagu saaray xoojinta wada shaqaynta bulshada iyo qaab-dhismeedyada kala duwan, iyadoo shacabka lagu baraarujiyey muhiimadda ka qaybqaadashada ololaha iyo doorashada. Dhankooda, shacabka magaalada Erer ayaa ballanqaaday inay codkooda si kalsooni leh u siin doonaan Xisbiga Barwaaqo, iyagoo carrabka ku adkeeyey in waxqabadka 8-dii sano ee udambaysay uu noqday mid midho'dhal ah isla markaana bulshadu ay si weyn ugu diirsadeen.

Waxay sidoo kale tilmaameen in horumarka dhinacyada adeegyada bulshada, kaabeyaasha dhaqaalaha iyo xasilloonidu ay yihiin kuwo si muuqata loo dareemay.

11/05/2026

Tababarka Xubnaha Iskaashiga Xisbiga Barwaaqo ee degmada Erer ayaa si habsami leh uga qabsoomay degmada Erer ee Gobalka Sitti iyadoo ay ka soo qeyb galeen Xubnaha xisbiga degmadasi iyo Iskashiyada Xisbiga barwaaqo

Tababarkan oo diiradda lagu saaray
Adkeynta amniga Doorashada
Codaynta malinta Doorashada Ee Xisbigena Barwaaqo Tayeynta adeegbixinta si loo horumariyo adeegyada bulshada
Isku Xidhka Xubnaha Xisbiga, Qoysaska iyo Iskashiyada barwaaqo

Ugu dambayn Tababarkan ayaa lagu soo gabagabeeyay is-afgarad iyo go’aan mideysan oo lagu xoojinayo Doorashada Inagu Soo adaan.

06/05/2026

05/05/2026

Xisbiga Barwaaqo waa mideeyaha bulshoweynta siyaasadeed ee dalka Itoobiya: xisbi ka gudbay kala-qaybsanaanta, kuna dhisan aragti wadajir iyo is-aaminaad qaran. Waa madal ay ku kulmaan kala-duwanaanshaha bulshada, laguna mideeyo himilo guud oo ku dhisan nabad, horumar iyo wada-noolaansho.

Xisbiga Barwaaqo waa xisbi leh himilo iyo hiigsi fog. Waa xisbi shirraba-baxay oo ballanqaadyadiisii fuliyey, xaqiijiyeyna wax-qabad la taaban karo, kuna hawllan sidii uu dalka iyo deegaanka u gaadhsiin lahaa barwaaqo dhammaystiran oo loo dhan yahay: barwaaqo dhaqaale, bulsho iyo siyaasadeed oo gaadha deegaan kasta iyo qof kasta.

Astaanteennu waa Xidhmo Qamadi ah: astaanta midnimo, iskaashi iyo wadajir. Sida xidhmada qamadigu u mideeyo midho kala gooni ah, ayuu Xisbiga Barwaaqo u mideeyaa shacabka si ay u noqdaan xoog mideysan oo horumar iyo barwaaqo gaadha.

Dooro Mustaqbalkaaga!
Dooro Xisbiga Barwaaqo!

30/04/2026

Waxa magaalada diridhaba kaqabsoomay madal tababar lagu siinayay hogaaminta gobolka sitti

Madasha waxa soo agaasimay xafiiska xisbiga barwaaqo laantiisa gobolka sitti waxaana kaso qayb-galay hogaaminta xisbiga barwaaqo ee heer gobol iyo heer dagmo

madasha tababarka waxa furay madaxa xafiiska xisbiga barwaaqo laantiisa gobolka sitti mudane sharma'arke maxamuud xasan waxa uuna sheegay ujeedada kulankan in ay tahay in la kobciyo garaadka siyaasadeed ee hogaaminta sidookale waxa uu sheegay in ay muhiim tahay in si joogto ah hogaaminta loosiiyo tababar nuucan ah

madasha ay waxa cashiro kasoo jeediyay kuxigeenka madaxa arrimaha xisbiga barwaaqo laantiisa deegaanka soomaalida mudane maxamed cabdillahi maxamed iyo madaxa komishinka dabagalka iyo anshaxa xisbiga barwaaqo laantiisa gobolka sitti mudane maxamed cigaal