12/11/2025
Wasaaradda Caafimaadka Federaalka Itoobiya
Xafiiska Wacyigelinta iyo Xakamaynta Cudurrada Qaranka
War-saxaafadeed ku saabsan feejignaanta cudurrada dhiig-baxa (Hemorrhagic Fever)
iyo tallaabooyinka lagu xoojinayo kormeerka iyo ka hortagga cudurradaas
Wasaaradda Caafimaadka iyo Hay’adda Ka Hortagga iyo Xakamaynta Cudurrada Itoobiya waxay ku wargelinayaan shacabka in si taxadar leh looga hortago cudurrada dhiig-baxa (Hemorrhagic Fever) oo laga helay degaanno gaar ah oo dalka ka mid ah.
Warbixin rasmi ah oo kasoo baxday wasaarada ayaa sheegaysa in dhowaan la xaqiijiyay cudur dhiig-bax ah oo ka dilaacay degaanka koonfurta Ethiopia gaar ahaan magaalada jinka , halkaas oo 8 qof lagu arkay calaamadaha cudurka, lana xaqiijiyay dhowr kiis.
Cudurkan dhiig-baxa ah (Hemorrhagic Fever) waxaa lagu gartaa qandho, madax-xanuun, murqo-xanuun, matag, iyo dhiig bax ku dhaca sanka, ciridka ama caloosha. Cudurku wuxuu ku fidaa xoolaha (lo’da, ari, iyo ido) iyo cayayaanka sida kaneecada ama shilinta, wuxuuna sidoo kale ku faa'i karaa qof ilaa qof taabasho dhiig ama dheecaan jirka ah.
Wasaaraddu waxay dadweynaha ugu baaqaysaa inay feejignaadaan oo ay raacaan talooyinka soo socda:
In la iska ilaaliyo taabashada dhiigga ama dheecaanka qof cudurka qaba ama xoolo cudurka qaba.
In qof kasta oo yeesha calaamado la mid ah qandho, matag, iyo dhiig bax degdeg loola cararo xarunta caafimaadka ugu dhow.
In la ilaaliyo nadaafadda deegaanka iyo jirka.
Haddii qof uu u dhinto cudurka dhiig-baxa (Viral Hemorrhagic Fever), waa in si taxadar leh loo aaso iyadoo la raacayo talooyinka caafimaad.
Faahfaahin dheeraad ah iyo warbixin degdeg ah, fadlan la xiriir lambarradan: 8335 ama 952, ama la xiriir xarunta caafimaadka deegaankaaga.
---
Wasaaradda Caafimaadka Federaalka Itoobiya
Hay’adda Ka Hortagga iyo Xakamaynta Cudurrada
Maarso 2011 (EC) / November 2025 (GC)
Addis Ababa, Itoobiya
