ኮሙኒኬሽን ከተማ ሓውዜን Communication of Hawzen City

15/05/2026

ምምሕዳር ከተማ ሓውዜን ን129ስድራ ስውኣት ናይ መንበሪ ቦታ ዓዲሉ።

ንመንበሪ ቦታ ዝከውን ን129 ስድራ ስውኣት ንሕድሕዶም 140ካሬ ሎሚ ዕለት 07/09/2018ዓ/ም ከም ዝተዓደለ ምምሕዳር ከተማ ሓውዜን ኣፍሊጡ።
ሓላፊ መሬትን ካዳስተርን ከተማ ሓውዜን ኣይተ ተወልደ ተስፋይኣብቲ ስነ ስርዓት ምውፃእ ዕፃ ዝበልዎ ብዝምልከቶ ኣካል ተፃርዩ ንዝመፀ መረዳእታ መሰረት ብምግባር ንናይ ሰለስቲኡ ምዕራፍ ቃልሲ ብክብሪ ዝተሰውኡ መሬት ብምድላው ኣብ መንደር ስድራ ጀጋኑ ከም ዝተዓደለ ገሊፆም። ድሕሪ እቲ ዕፃ ድማ ዝበፅሖም ቦታ ከም ዘርአዩን ብተግባር ከም ዘረከቡን ኣብሪሆም።
ኣብቲ ስነ ስርዓት ዕደላ ዝተረኸቡ ከንቲባ ከተማ ሓውዜን መምህር ኣርኣያ ሃ/ማርያም ነቲ ኣብ 2017ዓ/ም ዝተወሃበ መቀፀልታ ከም ዝኾነን ብምግላፅ ብቀፃልነት እቲ ከይዲ ንዝምልከቶም ኣካላት ጥራሕ ከም ዝወሃብን ገሊፆም።

ካብ ነዚ ዕድል ተጠቀምቲ ዝኾኑ ድማ ምዝንጋዕ ዋላ ይሃልዎ እቲ ቦታ ምርካቦም ፅቡቅ ከም ዝኾነ ገሊፆም። ካብዚ ብተወሳኺ ስድራ ስውኣት ብዘላቅነት መነባብርኦም ነክመርሑ እቲ ዝወሃብ ዘሎ ቦታ ንስራሕ ኣብ ዝምቹ ተዝኸውን ይሓይሽ ኢሎም።
ኣብ መወዳእታ እቶም ስድራ ነቶም ዘይበፅሖም ዘሎ ከምኦም ዝበሉ ስድራ እቲ ዕድል ንክረክቡ ክስራሕ ከምዘለዎ ገሊፆም።
07/09/2018 ዓ/ም
ሓበሬታን ርክብን ከተማ ሓውዜን
#ሓውዜን

10/05/2026

።

ካብ ምድባ ጋንታ ኩዕሶ እግሪ ሓውዜን ፅዋዕ መሰቦ ቐዳማይ ዲቪዥን ጋንታታት ትግራይ ፍፃምኡ እንዳረኸበ እንትኾን፡ ጋንታ ሓውዜን ሻምፒዮን ምድብ "ለ" ፅዋዕ መሰቦ ቐዳማይ ዲቪዥን ኾይና።

ናብ መዛዘሚ ሰሙን ነቲ ምድብ መሪሓ ዝበፀሐት ጋንታ ሓውዜን ሎሚ ኣንፃር ጋንታ ዕዳጋ ሓሙስ ዘካየደቶ ግጥም 1ን0 ተዓዊታ ብ30 ነጥቢ ሻምፒዮን ኾይና ዘላ።
01-09-2018ዓ/ም
ርክብን ሓበሬታን ከተማ ሓውዜን
#ሓውዜን

09/05/2026

ካብ ወይዘሮ Tirhas Amare ን ሚስ #ሊዛ ን
Dimtsi Weyane

09/05/2026

ቤት ምክሪ ከተማ ሓውዜን መደባት ትሸዓንተ ወርሒ ገምጊሙ
==========================
ቤት ምክሪ ከተማ ሓውዜን 4ይዘበን መበል 53 ስሩዕ ጉባኤኡ ከምዘካየደ ኣፈ ጉባኤ ቤት ምክሪ ከተማ ሓውዜን ኣይተ ሓዱሽ ብርሃነ ገሊፆም።
ከም ኣገላልፃ ኣይተ ሓዱሽ ብርሃነ ኣብዚ ስሩዕ ጉባኤ መደባት ትሸዓንተ ወርሒ ኣብ ዝገምገመሉ ካብ ኣባላት ቤት ምክሪ ከተማ ሓውዜን ኣብ ጥዕና ትካላት ዘጋጥም ዘሎ ሞት ኣደረታት ከመይ ይርአ ኣሎ፣ ምቁራፅ ተምሃሮ ንምቅናስ እንታይ ይስራሕ ኣሎ፣ ብዘላቅነት ፀገም መስተ ማይ ከተማ ሓውዜን ብዘላቂ ከመይ ይፍታሕ ዝብሉን ካልኦትን ሕቶታት ከም ዝተልዓሉን ነዙይ ካብ ዝምልከቶ ኣካል መፍትሒ ከምዝተወሃበን ኣብ ትምህርቲ ናይ ኩሉ ግደ ቤት ትምህርቲ፣ ኣመራርሓ፣ ወለድን ተምሃሮን ምስታፍ ከምዘድሊ፣ ኣብ ፀገም መስተ ማይ ድማ ግድብ ብምግዳብ ክፍታሕ ከም ዝክእልን ዝብሉ መብርሂ ከም ዝተውሃቡ ገሊፆም።
አፈ ጉባኤ ቤት ምክሪ ከተማ ሓውዜን ኣይተ ሓዱሽ ብርሃነ መዋቅራዊ ፕላን 10ዓመት ከተማ ሓውዜን ከም ዝፀደቁ እውን ወሲኾም ሓቢሮም።

01/09/2018 ዓ/ም
ሓበሬታን ርክብን ከተማ ሓውዜን
#ሓውዜን

08/05/2026

ኣብ ከተማ ሓውዜን በዓል ማርያም ጉንበት ምኽንያት ብምግባር ንዝተፀገሙ ወገናት ሓገዝ ተዋሂቡ
=============================
ኣብ ምምሕዳር ከተማ ሓውዜን ንዝርከቡ ኣብ ከቢድ መነባብሮ ንዝርከቡ ወገናት ሓገዝ ከም ዝተወሃበ ዘፈር ጉዳይ ተሳትፎን ተጠቃምነትን ሕ/ሰብ ከተማ ሓውዜን ገሊፁ።
መተሓባበሪ ከይዲ ስራሕ ማሕበራዊ ፀገም ከተማ ሓውዜን ኣይተ ገ/ስላሴ ቢኢደ ማርያም እዚ ሓገዝ ዝተወሃበ ኩሉ ግዜ በቢወርሑ ን20ዝተፀገሙ ወገናት እትሕግዝ ወ/ሮ ትርሓስ ኣማረ ን20 ብ40ሽሕ ብር ዝወድአ ኣብ ከቢድ ፀገም ንዝርከቡ ብተኸታታሊ እትሕግዞም ንሕድሕዶም 25ኪሎ ዝተጠሓነ ዕፉን ተዋሂቡ እዩ።
ካብዚ ብተወሳኺ ድማ ሚስ ሊዛ ሸከደ ዝተበሃለት ነባርነታ ኣብ Uk ዝኾነት በዓል ማርያም ጉንበት ምኽንያት ብምግባር ን25ዝተፀገሙ ወገናት ንሕድ ሕዶም 2000ብር ብድምሩ 50ሽሕ ብጥረ ገንዘብ ሓገዝ ከም ዝገበረት ኣይተ ገ/ስላሴ ቢኢደ ማርያም ገሊፆም።
ኣይተ ገ/ስላሴ ቢኢደማርያም እዚ ብገበርቲ ሰናይ ዝወሃብ ዘሎ ሓገዝ ኣብ ብጣዕሚ ከቢድ ፀገም ዘለዉ ኣረጋውያን፣ ጥዕና ዘይብሎም ወገናት፣ ኣካል ጉዳኣትን ዝወሃብ ዘሎ ኮይኑ እዚ ሰናይ ተግባር ኩሉ ንክስዕቦ ፃውዒት ኣቅሪቦም።
ነዚ ካብ ሚስ ሊዛ ሓገዝ ዘተኣላለሸን ዘምፀአን ኣካል ኣብ ገርዓልታ ሎጅ ናይ ዓይነታት ሰራሕቲ ምግቢ ሰራሕ መካየዲ ዝኾኑ ኣይተ ገ/መድህን ኪዳነ ዝተበሃሉ እዛ ግድስቲ ወገን ኣብ ዝሓለፈ እዋን ብዙሕ ሓገዝ እናገበረት ከምዝመፀት ብምግላፅ ብቀፃልነት ሓገዝ ከም እትገብረሎም ገሊፁ።
ኣብ መወዳእታ እቶም ተሓገዝቲ ብወገኖም ብምኽንያት በዓል ማርያም ጉንበት ነዝተውሃብዎ ሓገዝ እናመስገኑ ድጋፎም ንኽቅፅል ተላቢዮም።

30/08/2018 ዓ/ም
ሓበሬታን ርክብን ከተማ ሓውዜን
#ሓውዜን

03/05/2026

=================================
ንኹልኹም ተወለድቲ ሓውዜንን ደገፍቲ ልምዓትን ናይ ኸተማ ሓውዜን ናይ 10 ዓመት ስትራክቸራል ፕላን ተሰሪሑ ተዛዚሙ ስለ ዘሎ ቅድሚ ብቤት ምክሪ ፀዲቁ ናብ ተግባር ምእታው አብ ከተማ መቀለ ሆቴል አክሱም ምስ ሰብሞያታት፣ ሰብ ሃፍትን መድረክ ስለ ዘዳለና ኣብቲ ዝተዳለወ መድረክ ተረኺብኹም መማሓየሺ ሓሳብ ክትህብሉ ረቡዕ ዕለት 28/08/2018 ዓ/ም ስዓት 3:00 ክትርኸቡ ፃውዒት የቅርበልኹም ኣሎ።
ንእትህቡና ሃናፂ ሓሳብ ንዕብየት ከተማ ሓውዜንን ከባቢኣን ወሳኒ ስለ ዝኾነ ኣቀዲምና ነመስግን!!!!
🌀 ብሰላም ምፁ!!!!
ርክብን ሓበሬታን ከተማ ሓውዜን
#ሓውዜን
25-08-2018

01/05/2026

01/05/2026

ቤት ምኽሪ ከተማ ሓውዜን 4ይ ዘበን መበል 7ይ ህፁፅ ጉባኤኡ ኣካይዱ።
=========================
ብዝብል መሪሕ ሓሳብ ማእኸላይ ኮሚቴ ውድብ ህወሓት ዝተወንዘፈ ቤት ምኽሪ መንግስቲ ትግራይ ናብ ሰርሑ ንኽምለስ ዘማሓላለፎ ውሳነ መሰረት ብምግባር በቢ ዝምልከቶ ውዳበ፣ ሲቪል ሰርቫንትን ነበርትን ኣብ ከተማ ሓውዜን እናተካየደ ዝፀንሐ ኮይኑ።
ኣብዚ ጠቅላላ ኣመራርሓ ከተማ፣ ታሕተዋይ ኣመራርሓ ፣ ነባር ዓቅሚ ፣ ነበርቲ ከተማ ሓውዜን ከምኡ እውን መንግስቲ ሰራሕተኛ በቢ መዓልቱ ተፈልዩ እናተካየደ ከም ዝፀንሐ ኣይተ ሓዱሽ ብርሃነ ኣፈጉባኤ ከተማ ሓውዜን እናገለፁ።

ሎሚ ድማ ጠቅላላ ኣባል ቤትምኽሪ ምእንተ ስምምዕ ፕሪቶርያ ተባሂሉ ተወንዚፉ ዝፀንሐ ቤት ምኽሪ ትግራይ ክምለስን ናብ ስርሑ ክኣቱን ከምዘለዎ ብሙሉእ ድምፂ ተደምዲሙ ኢሎም።

ክሳብ ሐዚ ዝካየዱ ዘለዉ መድረኻት ድማ ነናይ ባዕሎም ቅዋም መርገፂ ብምቅራብ ብሙሉእ ድምፂ ነቲ ብማእከለይ ኮሚቴ ህወሓትን ላዕለዎት መራሕቲ ዝቀረበ ውሳነ ከም ዘፅደቅዎ ተዛሪቦም።

23/08/2018 ዓ/ም
ሓበሬታን ርክብን ከተማ ሓውዜን
#ሓውዜን

30/04/2026

ብኣልማሚት ወፍሪ ዕደላ መድሓኒት መካላከሊ ሕማም ትራኮማ ተዛዚሙ
=========================
እዚ ወፍሪ ኣልማሚት ዕደላ መድኒት ትራኮማ ኣብ ከተማ ሓውዜን ካብ ዕለት 12/08/2018 ክሳብ 21/08/2018ዓ/ም ዝተካየደ ኮይኑ ኣብዚ ወፍሪ ከዐውቱ ይኽእሉ እዮም ዝተበሃሉ ውዳበታት መራሕቲ ሃይማኖት፣ኣመራርሓ ጣብያን ወረዳን፣ ሰብ ሙያ ጥዕና ፣ ኣመራርሓ ኣብያተ ት/ቲ ፣ ኩሎም ውዳበታት ህዝቢን ከም ዝተሳተፉ ሓላፊ ዘፈር ማሕበራዊ ልምዓት ኣይተ ገ/ሂወት ሃ/ማርያም ገሊፆም።

ከም ኣገላልፃ ኣይተ ገ/ሂወት ሃ/ማርያም ልዕሊ 38ሽሕ ዕደላ ንምክያድ ትልሚ ተታሒዙ ከምዝነበረን ካብዚ ልዕሊ90 ሚኢታዊ ከም ዝተፈፀመ ድማ ገሊፆም።

ኣብዚ ኣልማሚት ወፍሪ ዕደላ መድሓኒት ትራኮማ ፅቡቋት ስራሕቲ ኣይተ ገ/ሂወት እንትገልፁ መድሓኒት ብእዋኑ ምምፅኡ፣ ናይሰብ ሙያ ኮሚትሜንት ተሳትፎ ዝሐሸ ምንባሩ፣ ናይ ድጋፍን ክትትልን ስርዓትና ዝተናበበን ናይ ኩሉ ዓቅሚ ዝዓረፎ ምንባሩ ይዛረቡ።

ነቲ ዝነበረ ወፍሪ ሙሉእነት ከይህልዎ ዝነበሩ ዕንቅፋት ድማ ህዝቢ ኣብ ገዝኡ ዘይምርካብ፣ ናይ ነዳድን ትራንስፖርትን ሕፅረት ፀገም ከም ዝነበረ ብምግላፅ ንኩሎም ኣብዚ ወፍሪ ዝተሳተፉ ኣካላት ኣይተ ገ/ሃወት ሃ/ማርያም ምስጋነኦም ኣቕሪቦም።

22/08/2018 ዓ/ም
ሓበሬታን ርክብን ከተማ ሓውዜን
#ሓውዜን

28/04/2026

ህዝባዊ መድረኽ ኣብ ከተማ ሓውዜን እናቀፀለ ይርከብ።
=================================
ብዝብል መሪሕ ሓሳብ ማእኸላይ ኮሚቴ ውድብ ህወሓት ዝተወንዘፈ ቤት ምኽሪ መንግስቲ ትግራይ ናብ ሰርሑ ንኽምለስ ዘማሓላለፎ ውሳነ መሰረት ብምግባር በቢ ዝምልከቶ ውዳበ፣ ሲቪል ሰርቫንትን ነበርትን ኣብ ከተማ ሓውዜን እናተካየደ ይርኸብ።
ኣብዚ መድረኻት ጠቅላላ ኣመራርሓ ወረዳ፣ ታሕተዋይ ኣመራርሓ ፣ ነባር ዓቅሚ ፣ ነበርቲ ከተማ ሓውዜን ከምኡ እውን መንግስቲ ሰራሕተኛ በቢ መዓልቱ ተፈልዩ እናተካየደ ከም ዝርከብ ኣይተ ፀጋዘኣብ ተስፋይ ሓላፊ ምልዕዓል ምምሕዳር ከተማ ሓውዜን ገሊፆም።
ከም ኣገላልፃ ኣይተ ፀጋዘኣብ ተስፍይ ኣብቶም ዝተካየዱ መድረኽ ምእንተ ስምምዕ ፕሪቶርያ ተባሂሉ ተወንዚፉ ዝፀንሐ ቤት ምኽሪ ትግራይ ክምለስን ናብ ስርሑ ክኣቱን ከምዘለዎ ተደምዲሙ ኢሎም።
ክሳብ ሐዚ ዝካየዱ ዘለዉ መድረኻት ድማ ነናይ ባዕሎም ቅዋም መርገፂ ብምቅራብ ብሙሉእ ድምፂ ነቲ ብማእከለይ ኮሚቴ ህወሓትን ላዕለዎት መራሕቲ ዝቀረበ ውሳነ ከም ዘፅደቅዎ ኣይተ ፀጋዘኣብ ተዛሪቦም።

20/08/2018 ዓ/ም
ሓበሬታን ርክብን ከተማ ሓውዜን
#ሓውዜን

25/04/2026

ዜና ስፖርት
=========================
ኣብ ከተማ ሓውዜን ሎሚ ዕለት 17/08/2018ዓ/ም ዝተካየደ ናይ ቀዳማይ ዲቪዥን መሰቦ ጋንታታት ትግራይ ኩዕሶ እግሪ ውድድር ኣብ መንጎ ጋንታ ሓውዜንን ጋንታ ሑፃ ቆላ ገርዓልታን ብማዕረ ውፅኢት ተዛዚሙ።
ሓውዜን 1: 1 ሑፃ ቆላ ገርዓልታ ዝተዛዘመ ኮይኑ ናይቲ ፅዋታ ኮኮብ ድማ ፍፁም ኪዳነ ካብ ሓውዜን ተመሪፁ።
ርክብን ሓበሬታን ከተማ ሓውዜን
#ሓውዜን