Harari Region Ethics & Anti corruption Commission

09/09/2026

ኮሚሽኑ በ2019 ዓ.ም ስራዎች ዙሪያ ከስነ ምግባር መኮንኖች ጋር ተወያየ።

ዻጉሜ 4,2018
ሀረር

የሀረሪ ክልል የስነ ምግባር እና የፀረ ሙስና ኮሚሽን በክልሉ ከሚገኙ የወረዳዎች እና ተቋማት ስነ ምግባር መኮንኖች ጋር በ2019 በሚሰሩ ስራዎች ላይ በማወያየት አቅጣጫ ሰጥቷል።

በመድረኲሞ የኮሚሽኑ ኮሚሽነር አዳል ሙላተ ተገኝተዉ ያወያዩ ስሆን ለ2019 ዓ.ም ስራዎች በደንብ ንቁ እና ሙስናን ለመከላከል እንድሁሞ በተቋማቸዉ እና ባሉበት ወረዳ የግንዛቤ ስልጠናዎችን በማመቻቸት እንዲሰጡ እና የሙስናና ብልሹ አሰራር ጥናቶችን በማጥናት እንዲለዩ እና እንዲታገሉ መልዕክት አስተላልፏል።

09/09/2026

09/09/2026

08/09/2026

08/09/2026

ሙስናን በጽናት በመታገል የብልፅግና ጉዟችንን እውን እናድርግ!

****************

ሙስና የሀገርን ሀብት የሚያባክን፣ የሕዝብን እምነት የሚሸረሽር፣ የልማትና የብልፅግና ጉዟችንን የሚያደናቅፍ አደገኛ ወንጀል ነው። ሙስና የጥቂቶችን ጥቅም ለማስጠበቅ የሚፈጸም ድርጊት ብቻ ሳይሆን፣ መላውን ሕብረተሰብ የሚጎዳና የሀገርን የዕድገት አቅም የሚያዳክም አጥፊ ወንጀል ነው። ስለሆነም ሙስናን መታገል የመንግሥትና የተቋማት ብቻ ኃላፊነት ሳይሆን፣ የእያንዳንዱ ዜጋ የጋራ ኃላፊነት ነው።

ማንኛውንም የመንግሥት ወይም የሕዝብ አገልግሎት ለማግኘት ሕጋዊ ክፍያን ብቻ መፈጸም እንጂ፣ ጉቦ መስጠትም ሆነ መቀበል የለብንም። ጉቦ በመስጠት አገልግሎትን ለማፋጠን ወይም ለማግኘት መሞከር ለጊዜው መፍትሔ የሚመስል ቢሆንም፣ ሙስናን የሚያጠናክርና መላውን ሕብረተሰብ የሚጎዳ ድርጊት ነው።

የሙስና ድርጊት ሲያጋጥመን ዝም ከማለት ይልቅ፣ በሕጋዊ መንገድ መረጃና ማስረጃን መሠረት በማድረግ መጠቆም ይገባል። ጥቆማችን እውነተኛና ተጨባጭ እንዲሆን የተፈጸመውን ድርጊት፣ ጊዜና ቦታ፣ ተዋናዮችን፣ ሰነዶችን፣ ቪዲዮና ኦዲዮዎችን ወይም ሌሎች ሕጋዊ ማስረጃዎችን መሠረት ማድረግ ይገባል። በተጨማሪም የሐሰት መረጃ ከመስጠት በመቆጠብ፣ የጥቆማ ሂደቱንና የሌሎችን መብት ማክበር የሁላችንም ኃላፊነት ነው።

ስለሆነም ሙስናን በጽናት መታገል፣ ጉቦን አለመስጠትና አለመቀበል፣ የሙስና ድርጊትን በተጨባጭ መረጃና ማስረጃ መጠቆም የእያንዳንዳችን ድርሻ ነው። ይህን ኃላፊነት በትጋት በመወጣት የሀገርን ሀብት እንጠብቅ፤ የሕዝብን እምነት እናጠናክር፤ የልማትና የብልፅግና ጉዟችንን እውን እናድርግ።

ትውልድን በሥነምግባር፣ ተቋምን በአሰራር!

የሙስና ወንጀል መጠቆሚያ አማራጮች👇🏾

ሞባይል መተግበሪያ

ስልክ ተጠቃሚዎች

https://play.google.com/store/apps/details?id=com.codewaveet.ecis

or iPhone ስልክ ተጠቃሚዎች

https://apps.apple.com/us/app/ncrs/id659366231

በስልክ ቁጥር፡- 095 322 2255 በመጠቀም ይጠቁሙ!

07/09/2026

ሙስናን ለመከላከል የልዩ ልዩ ተቋማት ሚና በጣም ሰፊ፣ መዋቅራዊ እና ወሳኝ ነው። ተቋማት በህግ ማስከበር ብቻ ሳይሆን፣ አሰራርን በማቃለል፣ በግልፅነት እና በተጠያቂነት አሰራር ላይ የተመሰረተ ስርዓት በመገንባት የሙስና እድሎችን የማጥበብ ሚና አላቸው።
የተቋማት ሚና በዋናነት በሚከተሉት ቁልፍ ዘርፎች ይከፈላል፡
1. የመንግስት እና የአገልግሎት ሰጪ ተቋማት ሚና
የመንግስት ተቋማት ለሙስና አሰራር ህፃይ ወይም ተጋላጭ እንዳይሆኑ፡
አሰራርን ማቃለል እና በዲጂታል ማደራጀት (Digitization)፦ የሰዎች ግንኙነትን በሚቀንሱ አገልግሎቶች (ለምሳሌ፡ በኦንላይን የሚሰጡ አገልግሎቶች) የጉቦ እና የእጅ መንሻ እድሎችን ማስወገድ።
ግልፅነትን ማስፈን (Transparency)፦ የአገልግሎት አሰጣጥ መመሪያዎችን፣ ክፍያዎችን እና መስፈርቶችን ለህዝብ ግልፅ በሆነ መንገድ ማሳወቅ እና መለጠፍ።
የውስጥ ቁጥጥር እና የኦዲት ስርዓትን ማጠናከር፦ የፋይናንስ እና የአሰራር ጉድለቶችን ቀድሞ ለመግታት የሚያስችሉ የውስጥ ኦዲት እና የስነ-ምግባር መከታተያ ክፍሎችን በብቃት ማደራጀት።
2. የህግ እና የፀረ-ሙስና ተቋማት ሚና
የህግ ማስከበር እና ፍትህ መስጠት፦ የሙስና ወንጀል የፈጸሙ አካላትን ያለ አድልዎ መመርመር፣ መክሰስ እና ተመጣጣኝ ቅጣት እንዲያገኙ ማድረግ።
መከላከል እና ጥናት (Prevention & Research)፦ ለአሰራር ክፍተት የሚያጋልጡ ህጎችን እና ደንቦችን በመገምገም ማሻሻያዎች እንዲደረጉ ምክረ-ሃሳብ ማቅረብ።
የስነ-ምግባር እና የእውቀት ግንባታ፦ በህብረተሰቡ ዘንድ ስለ ሙስና ጎጂነት እና ስነ-ምግባር ግንዛቤ መፍጠር።
3. የትምህርት እና የስልጠና ተቋማት ሚና
ቅርፅ ያለው ትውልድ መገንባት፦ ከታችኛው የትምህርት ደረጃ ጀምሮ ስለ ታማኝነት፣ የስነ-ምግባር እሴቶች እና ስለ ሀገር ፍቅር የሚያስተምሩ ትምህርቶችን ስራ ላይ ማዋል (ሙስናን የሚፀየፍ ትውልድ መፍጠር)።
ጥናትና ምርምር፦ የሙስና ስሩ የት እንደሆነ የሚያሳዩ ሳይንሳዊ ጥናቶችን በማካሄድ ለመፍትሄው መንገድ ማሳየት።
4. የብዙሃን መገናኛ (ሚዲያ) እና የሲቪክ ማህበራት ሚና
ፋኖስ ማብራት (Whistleblowing & Investigative Journalism)፦ የተሸሸጉ የሙስና ድርጊቶችን በመርማሪ ጋዜጠኝነት አውጥቶ ለህዝብ ማሳወቅ።
ተጠያቂነትን መጠየቅ፦ የመንግስት አሰራርን በመከታተል ተቋማት ለህዝብ ተጠያቂ እንዲሆኑ ጫና መፍጠር።
5. የግል ዘርፍ (Private Sector) ተቋማት ሚና
ፍትሃዊ የንግድ ውድድር ማካሄድ፦ በኮንትራት፣ ጨረታ እና ንግድ ፍቃድ ሂደት ውስጥ በህጋዊ መንገድ ብቻ መስራት እና ከጉቦ አሰራር መራቅ።
የግል የኮርፖሬት ስነ-ምግባር ደንብ ማውጣት፦ ሰራተኞቻቸው ከሙስና የጸዳ አሰራር እንዲከተሉ ግልፅ መመሪያ ማስቀመጥ።
ሙስናን መከላከል የሚቻለው እነዚህ ሁሉ ተቋማት በቅንጅት ሲሰሩ እና የየራሳቸውን ሀላፊነት በገለልተኝነትና በብቃት ሲወጡ ብቻ ነው።

07/09/2026

06/09/2026

ሙስናን ለመታገል የተጀመሩ እርምጃዎች ዘላቂነት ባለው መልኩ ሊጠናከሩ ይገባል

***************

(የፌ.ሥ.ፀ.ሙ.ኮ ነሃሴ 30/2018 ዓ.ም አዲስ አበባ) ሀገሪቱ የጀመረችውን አጋዥ እና ተስፋ ሰጪ የልማት ጉዞ ለማስቀጠል ብሎም የህዝብ ሀብት እንዳይባክን ለመከላከል የሚደረገው የሙስና እና የብልሹ አሰራር ትግል ተጠናክሮ ሊቀጥል እንደሚገባ የህግ ባለሙያና አማካሪው ግርማ መኮንን(ዶ/ር) ገለጹ።

ግርማ(ዶ/ር) ከአዲስ ሚዲያ ኔትዎርክ ጋር ባደረጉት ቆይታ፤ ሙስና ዓለም አቀፍ በሽታ መሆኑን ጠቅሰው፡ ሀገራት የራሳቸውን የአሰራር ስርዓት በመዘርጋት የመከላከል ስልቶችን እንደሚከተሉ አብራርተዋል።

በኢትዮጵያም በቅርቡ እየተወሰዱ ያሉ እርምጃዎች ተስፋ ሰጪ መሆናቸውን የጠቆሙት የህግ ባለሙያው፣ የተጀመሩት በጎ ስራዎች የበለጠ ዘላቂነት እና ተከታታይነት ሊኖራቸው እንደሚገባ አጽንኦት ሰጥተዋል።

በተጨማሪም ባለሙያው ሙስና ማለት ገንዘብ መቀበል ወይም መስጠት ብቻ እንዳልሆነ ገልጸው፤ አገልግሎት ፈላጊን ማንገላታት፣ ውሳኔ ሳያገኙ ማመላለስ እንዲሁም ቀልጣፋና ጥራት ያለው አገልግሎት አለመስጠት ትልቁ የሙስና መገለጫ መሆኑን አስረድተዋል።

መንግስት አሰራሮችን በዲጂታል ቴክኖሎጂ ለማስደገፍ እና ግልጽነት ያለው አሰራር ለመዘርጋት እያደረገ ያለውን እንቅስቃሴ ያደነቁት ግርማ(ዶ/ር)፤ በተለይም በቅርቡ የተዘረጉት የዲጂታል እና የአንድ ማዕከል አገልግሎቶች ብልሹ አሰራርን በማስቀረት ረገድ ከፍተኛ አስተዋጽኦ እያበረከቱ በመሆናቸው ተስፋፍተው ሊቀጥሉ እንደሚገባ ጠቁመዋል።

ሙስና የፍትሃዊ ተጠቃሚነትን የሚያዛባና የሀገርን ሰላም የሚያናጋ በመሆኑ ችግሩን ከስር መሰረቱ ለማስቀረት ከቤተሰብ እና ከትምህርት ቤት ጀምሮ በትውልዱ ላይ የሥነምግባር እና የሀገር ፍቅር ግንዛቤን ማጎልበት እንደሚገባ አሳስበዋል።

ትውልድን በሥነምግባር፤ ተቋምን በአሰራር!

የሙስና ወንጀል መጠቆሚያ አማራጮችን፣ ወቅታዊ እና የተሟሉ መረጃዎችን ለማግኘት👇🏾

ሞባይል መተግበሪያ

ስልክ ተጠቃሚዎች

https://play.google.com/store/apps/details?id=com.codewaveet.ecis

or iPhone ስልክ ተጠቃሚዎች

https://apps.apple.com/us/app/ncrs/id659366231

ለሀብት ማሳወቅና ምዝገባ፦ https://feaccears.gov.et/

ዌብሳይት፦ https://www.feacc.gov.et

ፌስቡክ፡- https://www.facebook.com/feaccOfficial/

ቴሌግራም፦ https://t.me/feacc

ዩትዩብ፡- https://www.youtube.com/-corrupti149

ትዊተር፦ https://twitter.com/EthiopiaFeacc በመወዳጀት ይከታተሉን፡፡

05/09/2026

ሙስናን የሚፀየፍ ትውልድ እንፍጠር!!

ሙስና በአሁኑ ጊዜ በኢትዮጵያ ውስጥ ትልቅ ችግር ነው። ይህ የህዝብን አመኔታን፣ የኢኮኖሚ እድገትንና ማህበራዊ ፍትህን ያዛባል። ሙስናን ለመዋጋት ብዙ ጥረቶች ቢደረጉም፣ ይህን ችግር ለመፍታት ትልቅ ለውጥ ለማምጣት ሁላችንም መተባበር አለብን።
ሙስናን ለመዋጋት በጣም ውጤታማ መንገድ የህዝብን ትምህርትና አተያይ ማስተካከል ነው። ሙስና ጎጂ እንደሆነና በህብረተሰቡ ላይ ስቃይ እንደሚያመጣ መገንዘብ አስፈላጊ ነው። የህዝብን ስነ-ምግባርና መርሆችን በማሳደግ፣ ሙስናን የሚፀየፍ ትውልድ መፍጠር እንችላለን።
ለዚህም፥ የተለያዩ የትምህርት ዘርፎችን በመጠቀም፣ ስለ ሙስና ጎጂነትና ስነ-ምግባራዊ ተገቢነት ግንዛቤ ማስጨበጥ እንችላለን። በትምህርት ተቋማት፣ በመገናኛ ብዙሃን፣ በማህበራዊ ሚዲያ፣ እና በመሳሰሉት መንገዶች የህዝብን ትኩረት መሳብ እንችላለን።
በተጨማሪም፥ ሙስናን የሚፀየፉ መሪዎችና ተምሳሌቶች መፍጠር አስፈላጊ ነው። ሙስናን የሚያወግዙ፣ ስነ-ምግባራዊ ተገቢነትን የሚያስጠብቁ መሪዎች፣ ለህዝቡ ትልቅ ተነሳሽነት ሊሰጡ ይችላሉ።
ሙስናን ለመዋጋት የምናደርገው ጥረት፣ የሁላችንም ኃላፊነት ነው። ሁላችንም መተባበር፣ ሙስናን የሚፀየፍ ትውልድ ለመፍጠር ትልቅ አስተዋጽኦ ማበርከት እንችላለን። ሙስናን በመዋጋት፣ ፍትሃዊ፣ እኩልና የበለፀገች ኢትዮጵያ መገንባት እንችላለን።