https://www.facebook.com/103922821682711/

Mana Hojii Abbaa Alangaa Aanaa Abbichuu fi Nya'aa, Fitche (2026)

14/01/2023

Himatamtoonni Miidhaa qaamaa Cimaa geessisan adabaman
==============================
Himatamtoonni 1ffaa Efreem Mulugeetaa fi 2ffaa Mulugeetaa Kallilee jedhaman waliin ta'uun gaafa guyyaa 05/02/2015 Galgala keessaa tilmaaman sa'aatii 12:30 yoo ta'u Aanaa Abbichuu fi Nya'aa,ganda Adaree Collee,iddoo Gooroo jedhamutti miidhamaa dhuunfaa Warquu Birhaanuu jedhamutti lola kaasuun himatamaa 1ffaan dhagaa darbatee lafee buqqee mataa gara mirgaa irra rukkutee kan cabsee fi himatamaa 2ffaan immoo ulee baargamootiin lafee cinaachaa gara bitaa lama rukkutee waan cabseef Abbaan Alangaa lameen isaanirratti keewwata rogummaa qabuun himata saaqeera. Guyyaa dhagahaatti himatamtoonni gocha ittiin him ataman hambifannoo tokko malee guutuutti waan amananiif bu'ura amantaa isaaniin murtiin balleessummaa kennameera. Manni murtiis dhaddacha gaafa 11/05/2015 ooleen yaada adabbii bitaa fi mirgaa xiinxaluun tokkoon tokkoon isaanii Waggaa lama lamaan adabeera.

14/01/2023

Himatamtoonni Miidhaa qaamaa Cimaa geessisan adabaman
==============================
Himatamtoonni 1ffaa Fiqaaduu Fiqree fi 2ffaa Shifarraa Fiqree jedhaman waliin ta'uun gaafa guyyaa 15/05/2014 Guyyaa keessaa tilmaaman sa'aatii 5:00 yoo ta'u Aanaa Abbichuu fi Nya'aa,ganda Gaadullaa Mooyyee iddoo Maliyyuu jedhamutti miidhamaa dhuunfaa Geetaahuun Dassituu jedhamutti lola kaasuun himatamaa 1ffaan uleen mataa gara bitaa irra rukkutee dhiigni keessatti dhangala'uun lafeenis kan cabe waan ta'ee fi dabalataanis miidhamaa Xagguu Dassituu jedhamu dhagaa harka keessatti qabatee mataa gara bitaa irra rukkutee waan dhiigseef fi himatamaa 2ffaan immoo miidhamaa Geetaahuun Dassituu jedhamu ulee baargamoon sarbaa bitaa irra rukkutee waan dhiitesseef Abbaan Alangaa lameen isaanirratti keewwata rogummaa qabuun himata saaqeera. Guyyaa dhagahaatti himatamtoonni gocha ittiin himataman irratti mirga isaanii eeggatanii waan amananiif ragaan Abbaa Alangaa dhagahamee shakkiidhaa ol waan irratti mirkaneessaniif akka ofirraa ittisan yoo ajajaman illee ragootni Ittisaa isaanii irraa ittisuu hin dandeenye. Manni murtiis himatamtoota balleessaa taasisuun dhaddacha gaafa 11/05/2015 ooleen yaada adabbii bitaa fi mirgaa xiinxaluun himatamaa 1ffaa Waggaa 4 fi ji'a 5 fi himatamaa 2ffaa Ji'a lamaan adabeera

14/01/2023

Hanni Xiqqoo Hin Qabdu
====================
Himatamaan Fiqaaduu Fiqree jedhamu gaafa guyyaa 02/05/2015 halkan keessaa tilmaaman sa'aatii 10:00 yoo ta'u Aanaa Abbichuu fi Nya'aa,magaalaa Mandiidaa,ganda 01,iddoo addaa Dhaaba Horii jedhamutti qabeenya miidhamaa dhuunfaa Taklamaariyaam Nugusee ta'e,qoraaliyoo pilaastikaa tilmaamaan qarshii 120 baasu hatee fudhatee osoo deemuuf jedhuu harkaa fi harkatti waan qabameef qalmeen qorannaa yakkaa mala RTD tiin qulqullaa'ee Abbaan Alangaa hanna cimaan himateera. Guyyaa dhagahaattis bimatamaan gocha yakkaa ittiin himatame akkaatuma himannaa Abbaa Alangaatiin hambifannoo tokko malee guutuutti waan amaneef balleessaa taasifamee manni murtii Aanaa Abbichuu fi Nya'aa dhaddacha gaafa 03/05/2015 ooleen yaada adabbii bitaa fi mirgaa xiinxaluun himatamaa 1ffaa Waggaa 1 fi ji'a 2 tiin adabee jira.

07/01/2023

Guyyaa 27/04/2015
================
Miseensota Milishaa gandoota shan keessaa walitti qabamaniif heera mootummaa,Seera Yakkaa fi Seera deemsa falmii yakkaa bu'ura godhachuun mata duree
@ mirga namoomaa
@ naageenya eegsisuu keessatti adeemsota seeraa hordofamuu qaban irratti hubannoon kennamee jira.

26/12/2022

Himatamaan Baajaajii inshuraansii qaama sadaffaa balaa konkolaataa osoo hin qabaatiin konkolaachisaa ture adabbii maallaqaatiin adabamee jira.
===========//=========
Himatamaan maqaan isaa Saamu'eel Geetaachoo Andaargee jedhamu gaafa guyyaa 16/04/2015 wd sa'aatii 03:00 yoo ta'u Go/Sh/Kaabaa A/Abb/Nya'aa Ganda Daayyolee iddoo addaa Daayyolee Maazoraa jedhamee waamamutti Baajaajii inshuraansii qaama sadaffaa balaa konkolaataa hin qabne osoo konkolaachisuu Poolisii tiraafikaan qabamee galmeen qulqullaa'ee a/alangaa himata labsii 799/2003 kwt.3(1) fi 30 jalatti RTDn hundeessee himatamaan waan amaneef bu'uura Sdfy kwt.134(1) Murtiin balleessummaa kennamee yaadni adabbii bitaa fi mirgaa fuudhamee himatamaan adabbii qarshii 3,000(kuma sadi) akka adabamu dhaddacha guyyaa 16/04/15 ooleen murtaa'ee jira.

26/12/2022

Himatamaan meeshaa waraanaa hayyama malee qabatee deemu hidhaa salphaa fi qarshiin adabamee jira.
===========//================
Himatamaan maqaan isaa Damooz Asaffaa Makuriyaa jedhamu gaafa guyyaa 07/04/2015 wb sa'aatii 11:00 yoo ta'u Go/Sh/Kaabaa A/Abb/Nya'aa M/Mandiidaa Ganda 01 iddoo Keellaa naannoo Gadaamii jedhamee waamamutti Meeshaa Waraanaa Shugguxii Istaarii lakk.61010716 ta'e rasaasa fakkaataa isaa 5 waliin qabatee Motoraan M/Mandiidaa irraa gara Dannabaa osoo deemaa jiruu keellaa irratti Milishoonni eegumsa irra turan sakatta'anii waan qabaniif galmeen qulqullaa'ee a/alangaa himata labsii 1177/2012 kwt.22(2) jalatti RTDn hundeessee himatamaan waan amaneef bu'uura Sdfy kwt.134(1) Murtiin balleessummaa kennamee yaadni adabbii bitaa fi mirgaa fuudhamee himatamaan adabbii hidhaa salphaa ji'a 6 fi qarshii 5,000(kuma Shan) akka adabamuu fi Meeshaan waraanaa dhaalamee mootummaaf galii akka ta'u dhaddacha guyyaa 08/04/15 ooleen murtaa'ee jira.

20/07/2022

Hojjetotni Waajjira Abbaa Alangaa Aanaa Abbichuu fi Nya'aa duula Ashaaraa Magariisaa akka biyyatti jiru sababeefachuun biqiltuu gosa adda addaa dhaabuun olaantummaa seeraa kabachiisuu cinaatti hirmaana misoomaa keessattis qooda bahachuun aantummaa uummataa agarsiisaniiru.

10/04/2022

Ebla 2, 2014 Mandiidaa
Godiina Shawaa kaabaa Aanaa Abbichuu fi Nya'aatti Yaa'iin Jaarsolii Mana Murtii Aadaa sadarkaa jalqabaa fi hundeefamni Mana Murtii Aadaa ol dabarfata gaggeefame jira.
Manni hojii keenyas hundeefama Mana Murtii Aadaa kana irratti argamuun barbaachisummaa, kaayyoo fi qabiyyee labsii fi dambii mana murtii Aadaa Naannoo Oromiyaa hundeessuu fi beekamtii kennuuf bahe irratti yaa'ichaa fi hirmaatota yaa'ichaatiif hubannoo kan uume yoo ta'u, yaada fi gaaffii hirmaatotaan ka'e irrattis ibsi kenneera.
Waliin taanee Aadaa fi duudhaa keenya yaa guddifnu!!

12/03/2022

Guyyaa:- 03/07/2014
Hojiin hubannoo seeraa dhimmoota Heera Mootummaan walqabatu akka Waajjira keenyatti kennaa turre akkuma itti fufetti jira.
Guyyaa har'aas Milishoota Gandoota 3 irraa walitti bahaniif Ganda Daayyooleetti hubannoon seeraa kennameera.
"Hubannoo seeraa cimsuun yakkoota dhala namaa irratti raawwatamu waliin yaa ittisnuun dhaamsa keenya!!!"

11/03/2022

Guyyaa 02/07/2014
Hubannoon seeraa itti fufiinsan kennamaa jira
Waajjirri Abbaa Alangaa Aanaa Abbichuu fi Nya'aa hubannoo seeraa dhimmaa qabiinsa mirga namoomaa fi diimookiraasii irratti akkasumas haala qabiinsa shakkamaan walqabatee heera mootummaa, seera deemsa falmii yakkaa fi tumaa adabbii seera yakkaan wal qabsiisun milishoota Aanaa keenyaa Gandoota jaha irraa walitti bahaniif Gaafa guyyaa 01/07/2014 Bulchiinsa magaala guddatu gabaa jimaatati fi gaafa guyyaa 02/07)2014 immoo milishoota Gandoota 3 irraa walitti dhufan Ganda Amantee Gaamootti hubannoo kenneera!
"Mirga namoomaa fi dimookiraasi kabajuu fi kabachiisuu yaa aadeeffanuun dhaamsa keenya!!!"

09/03/2022

Guyyaa 30/06/2014
Waajjirri Abbaa Alangaa Aanaa Abbichuu fi Nya'aa hubannoo seeraa dhimmaa qabiinsa mirga namoomaa fi diimookiraasii irratti akkasumas haala qabiinsa shakkamaan walqabatee heera mootummaa, seera deemsa falmii yakkaa fi tumaa adabbii seera yakkaan wal qabsiisun milishoota Aanaa keenyaa Gandoota adda addaa irraa walitti bahaniif Ganda Boxoraa Billat iddoo addaa gaara boxoraa fi dambalii jedhamutti hubannoo kenneera!
"Mirga namoomaa fi dimookiraasi kabajuu fi kabachiisuu yaa aadeeffanuun dhaamsa keenya!!!"

08/02/2022

Oolmaa Dhaddachaa
A===D===A===B===B===I===I===
Himatamtoonni 1ffaa Balaachoo Girmaa fi 2ffaa Taammiruu Girmaa jedhaman gaafa guyyaa 21/10/2013 guyyaa keessaa timaaman sa'aatii 7:00 yommuu ta'u Godiina Shawaa Kaabaa Aanaa Abbichuu fi Nya'aa Ganda Dooyyoo Daawwee iddoo addaa Gorfeelee jedhamuti waliin ta'uun miidhamaa dhuunfaa Geetuu Baqqalaa jedhamu sababa tokko malee lola itti kaasuun miidhaa qaamaa cimaa waan irraan gahaniif jedhu eeruu dhiyaateen, Abbaan Alangaa fi Poolisiin galmee waliin erga qulqulleessanii booda Abbaan Alangaa himatamaa 1ffaa irratti Seera yakkaa bara 1996 bahe kwt. 32(1)(a) fi 555(B) bira darbuun miidhamaa kana dhagaacha darbatee ilkaan fuulduraa kan gara olii tokko rukutee kan keessa baasee fi ilkaan fuulduraa kan gara olii tokko immoo yoo cabsu, ilkaaan fuulduraa kan gara olii lama immoo waan sochooseef miidhaa qaamaa cimaa namarratti raawwachuun jedhuun himannaa yoo dhiyeesu, himatamaa 2ffaan immoo seera yakkaa kwt. 556(2)(a) bira darbuun miidhamaa dhuunfaa kana ulee baargamootiin gurra gara bitaa fi fuula gara bitaa yeroo tokko rukutee waan madeesseef yakka miidhaa qaamaa salphaa namarratti raawwatame jedhuun mana murtii Aanaa Abbichuu fi Nya'aatti himannaa dhiyeessen MM himatamtoota dhaddacha irratti dhiyeesse eenyummaa isaanii erga adda baasee booda jecha amantaa fi waakkii gaafatamaniin waan waakkataniif ragaan Abbaa Alangaa dhagahamee himatamtoonni gocha kana raawwachuu waan irratti mirkaneessaniif, Manni Murtii akka of irraa ittisaan ajaja kenneen himatamtootni ragaa ittisaa dhiyeeffatanis of irraa ittisuu waan hin dandeenyeef keewwatuma ittin himataman jalatti balleessa erga jedheenii booda yaada adabbii bitaa fi mirgaa dhagahameen adabbii himatamtoota kanaa fi fakkaatota isaanii barsiisuu danda'u dhaddacha gaafa guyyaa 30/05/2014 oleen himatamaa 1ffaa adabbii hidhaa cimaa waggaa lamaa fi baatii jahaatiin, himatamaa 2ffaa adabbii hidhaa salphaa baatii afuriitin adabeera.

Mana Hojii Abbaa Alangaa Aanaa Abbichuu fi Nya'aa

14/01/2023

14/01/2023

14/01/2023

07/01/2023

26/12/2022

26/12/2022

20/07/2022

10/04/2022

12/03/2022

11/03/2022

09/03/2022

08/02/2022

Address

Website

Alerts

Shortcuts

Share

Category