Wajj/Kantiibaa Bul/Mag/Dadar - Deder Town Mayor Office

Wajj/Kantiibaa Bul/Mag/Dadar - Deder Town Mayor Office Contact information, map and directions, contact form, opening hours, services, ratings, photos, videos and announcements from Wajj/Kantiibaa Bul/Mag/Dadar - Deder Town Mayor Office, Government Organization, Deder.

Ijaarsa Biyyaa Keeysatti Gaheen Nama Baratee Murteysaadha. Dhaloota Barumsaan Cimsuuf Hoggansi Sadarkaan Jiru Gahee Isaa...
11/08/2026

Ijaarsa Biyyaa Keeysatti Gaheen Nama Baratee Murteysaadha. Dhaloota Barumsaan Cimsuuf Hoggansi Sadarkaan Jiru Gahee Isaa Bahachuu Qaba. Kantiibaa Bulchiinsa Magaalaa Dadar Obbo Salahaddiin Yuusuf

Waajjirri Barnoota Bulchiinsa Magaalaa Dadar gamaaggama raawwii hojii bara 2018 fi Karoora Bara 2019 irratti Barsiisota, Koree Tiraanisfomeeshinii Barnootaa, Koree Gamtaa Maatii manneen Barnootaa hunda fi bakka bu'oota qaamman hawaasaa waliin waltajjiin sosochii hawaasaa gaggeeyfamaa Jira

Waltajjii kanaan gabaasni raawwii hojii bara 2018 dhiyaatee kan jiru yoo ta'u karoora hojii bara 2019 irrattii mariin bal'aan gaggeeyfamee jira.

Bulchiinsa Magaalaa Dadaritti Kenna Tajaajila Fayyaa Dhaqqabamaa fi Si'ataa Taasisuuf Qindoominaan Hojjatamaa Jira.(Haga...
11/08/2026

Bulchiinsa Magaalaa Dadaritti Kenna Tajaajila Fayyaa Dhaqqabamaa fi Si'ataa Taasisuuf Qindoominaan Hojjatamaa Jira.

(Hagayya 5/2018 KMD)
Godina Harargee Bahaa Bulchiinsa Magaalaa Dadaritti Dhaabbanni miti mootummaa Fayyaa Intergerated Development Organization (FIDO)n Bulchiisa Magaalaa Dadaritti Sektaroota Mootummaa Waajjira Bishaanii, Buusaa Gonofaa fi Waajjira Fayyaa waliin qindoominaan hojii fayyadamummaa ummataa mirkaneeysu bal'aa hojjataa turee jira.

Dhaabbanni miti mootummaa FIDOn Bulchiinsa Magaalaa Dadaritti deeggarsa meshaalee yaalaa fi Buufata Fayyaa keenyaf deeggarsaan dhiheeysaa kan ture yoo ta'u har'allee deeggarsa itti fufee jira.
Kenna Tajaajila Fayyaa Qulqullina qabu, si'ataa tahe kennuuf bakka Tajaajilaa tajaajilamaaf mijawaa gochuun dhimma murteeysaa waan taheef Buufata Fayyaa Magaalaa Dadar keeysatti Ijaarsa mana turmaata Haadholii Ulfaa Maternity Waiting Room Dabalatee suphaa kutaalee tajaajilli gara garaa itti kennamuu raawwachuuf walii galtee mallatteeysuun fudhatee jira.

Waliigaltee kun Bakka Kantibaa Bulchiisa Magaalaa Dadar Obbo Saaladdiin Yuusuf, Qindeeysaa Dhabbata miti Mootummaa FIDO Obbo Fiqraalem Salamoon , Kontiraaktarri Ijaarsaa Obbo Barihun, itti Gaafatamaan Waajjira Fayyaa Magaalaa Dadar obbo Dajanee Girmaa, Manajimentii Waajjira Fayyaa fi hojjettoota Dhabbata miti Mootummaa Fayyaa Intergerated Development Organization FIDO argamanitti Waliif Mallatteessanii jiru.
Kantibaa Bulchiisa Magaalaa Dadar Obbo Saaladdiin Yuusuf Dhabbanni Miti Mootummaa Fayyaa Intergerated Development Organization hojii deeggarsaa Magaalaa Dadaritti hejjechaa jiru galateeyfachuun milkaa'ina hojii suphaa fi ijaarsaa waliigaltee mallatteeysan kanaas deeggarsa fi hordoffii cimaa akka godhan akkasumaas hojichi qulqullinaa fi yeroo qabame keeysatti akka xumuramu deeggarsa akka taasisan saganticha irratti dubbatanii jiru.

Magaalaa Dadaritti guddina diinagdee itti fufiinsa qabu bu'ura kaayuu fi Fayyadamummaa ummataa mirkaneessuudhaaf hojiin ...
07/08/2026

Magaalaa Dadaritti guddina diinagdee itti fufiinsa qabu bu'ura kaayuu fi Fayyadamummaa ummataa mirkaneessuudhaaf hojiin hojjatamaa jiru milkaa'ina gonfatee milkaa'ina caalu dabalataa jira.

Sagantaa diinagdee bilchinaa fi qulqullina qabu mootummaan baase sirnaan hojirra olchuun Hujiiwwan Misoomaa Bara 2018 hojjachaa ture cinatti Baajata Qabu Qusannaan itti fayyadamuun Siinoo Trucki haarawa Baajata Bara 2018 qusateen bitee Galchee jira.
Bulchiinsi Magaalaa guddina Magaalaa kenyaa hojiin mirkaneeysuuf hujii bonsaa hojjataa jira. Hawwattummaa Magaalotaa kenyaaf hojiin ijaarsa Paarkii, Misoomni Koridarii fi parking, waliin gahiinsa daandii keeysa keysaa fi tajaajila bishaan dhugaatii, ijaarsi seensa Magaalaa fi Wirtuun olmaa dargaggootaa, iddoo bashannana daa'immanii fi hara galfii, ijaarsa Inishiyeetiivota gara garaa fi kkf hojiin misoomaa magaalaa Dadaritti hojjatame fayyadamummaa dargaggootaa fi fayyummaa diinagdee Magaalaa kenyaa mirkaneeysaa jira.

Yeroo dhiyoo asitti hojiin hojjatame abbootiin qabeenyaa misooma magaalaa kessatti akka hirmaatan daandii kan saaqe yoo ta'u abbootii qabeenyaa investimantii irratti babbahaa jiran fi misooma magaalaa jajjabeeysuuf Bulchiinsi Magaalaa Dadar konkolaataa kana qarshii miliyoona 17n bitee galchee jira.

Dargaggoonni, daldaltoonni, abbootiin qabeenyaa, hojjataan mootummaa, Hawaasni Magaalaa Dadar bahanii akkasitti simatanii jiru.

Hawaasni Magaalaa Dadar Baga Gammaddan!

Itoophiyaanonni har'a qofatti biqiltuu mil.805.3 ol dhaabuun record haaraya galmeeysanii jiru.Itoophiyaan dhiibbaa jijji...
03/08/2026

Itoophiyaanonni har'a qofatti biqiltuu mil.805.3 ol dhaabuun record haaraya galmeeysanii jiru.

Itoophiyaan dhiibbaa jijjiirama qilleensaan addunyaa qarqabamtee jirtu ittisuuf biyya takkittii lammiilee miliyoonotaan hoggansa isaa jala hiriiree bara baraan biqiltuu biliyoonota dhaabee record isaa haaromsu qabduudha.

Milkaa'ina har'aa kessaa qooda kan qabdan hoggansa fi hawaasni keenya baga gammaddan!!!

08/07/2026

Paarkii Obbii Fi Mil'uu OBN

Barii jijjiiramaan booda guddinaa fi hawwattummaa magaalotaaf xiyyeeffannoon addaa kennamee hojiin hojjatame bu'aa ajaa'ibsiisaa argamsiisee jira.

Paarkii Tokkummaa, Paarkii Michummaa- 1, 2, Paarkii Inxooxxoo, God-Hambaa Saayinsii, Paarkii Araadaa, Mandara Ikoo-Turizimii Wancii Dandii, Ikoo-Riizortii Gorgoraa, Loojii Daanaa Arbaa Cabaraa, Riizortii Halaalaa Kellaa, Ikoo-Loojii Danbii, Riizortii Hara Loogoo, Riizortii Shabeellee, Loojii Palmii Ni'iin Lee, Beeynunaa, Misooma Soof umar, Haaromsa Masaraa Mootii Jimmaa A/Jifaar, Ijaarsa giddu gala Aadaa Booranaa; Walumaa galatti Mootummaan Paartii Badhaadhinaa qabeenya turiizimii killiyaa fi killiyaa hin tahin mosoomsuun Imala Olka'iinsa Itoophiyaa humneeysee jira.

Paarkiin Obbii Godina Harargee Bahaa Bulchiinsa Magaalaa Dadaritti fakkeenyummaa hojii sadarkaa biyyaatti hojjatame kanaa hordofuun hojii boonsaa hojjatameedha.
Hojiin misooma Turiizimii sadarkaa biyyaatti hojjatame guddina fi hawwattummaa magaalota biyya kenyaa dachaan dabalee dinqisiifannaa idil-addunyaa gonfachiisee jira. Dhiibbaa uumtota fi diplomaatonni Biyyoota gara garaa irraa dhufanii argan kanaas ragaa bahanii bahaas jiru.

Sadarkaa biyyaatti gama misooma Magaalaatiin hojii hojjatamaa jiran keysaa misoomni paarkiiwwanii ijoodha. Haaluma kanaan Bulchiinsi Magaalaa Dadar fakkeenyummaa hojii sadarkaa biyyaatti hojjatame fi hojjatamaa jiru sadarkaa hundatti hojjachuun akka danda'amu mirkaneysee jira.

Hojiin Magaalaa Dadaritti hojjatame kun Fayyadamummaa Dargaggootaa fi Humna Misooma Magaalaa dhaabbiin kan cimsuudha.
Ijaarsa piroojektii kanaa waldayaan ijaaramanii kan hojjatan Dargaggoota, hojii oogummaa fi hojii humnaa sadarkaa hundatti kan irratti hirmaatanii fayyadamaa tahan dargaggoota, iddoo akkasitti misoome kanatti gahuumsa qaamaa dabalatee hojii gara garaa hojjachuun kan irraa fayyadamu dargaggoota, ... walumaa galatti piroojektiin kun dhaabbiin madda galii fi humna diinagdee Magaalaa kan cimsu, Fayyadamummaa ummataa addatti fayyadamummaa Dargaggootaa kan mirkaneysuudha.

Viidiyoon OBN Afaan Oromoo

Kominikeeshinii Magaalaa Dadar

"Gamaaggamni Hojii Gaggeeyfamaa Ture Daawwii Hojii Lafarraatiin Goolabame."Amajjii 21/2018 Godina Harargee Bahaa Bulchi...
29/01/2026

"Gamaaggamni Hojii Gaggeeyfamaa Ture Daawwii Hojii Lafarraatiin Goolabame."

Amajjii 21/2018

Godina Harargee Bahaa Bulchiinsa Magaalaa Dadaritti Hojiin Piroojaktoota fi Inisheetiivii Gara Garaa Hojjatame fi Hojjatamaa Jiru Hoggansa Sadarkaan Jiruun Daawwatame

Daawwannaan hojii Inisheetiivii kilastara Horsiisa loon Aannanii, Furdisaafi Horsiisa lukkuu fi Hojiin kooridara Magaalaa, ijaarsa Paarkii Gaara Obbii fi Hojiin Badhaadhina Maatii gandoota keysaa Hoggansa Magaalaafi Gandaatiin Bakka Kantibaa Bul Mag Dadar Obbo Salahaddiin Yuusuf fiKoreen Qindeeysaa Magaalaa jiranitti Daawwatamee jira.

Magaalonni qormaata keysaa bahuun, dilbii qaban Magaalaa tarkaanfilee-addaa bocamaniin sochii keeysa galaniiru. Kanneen keysaa tokko misooma kilaastara Magaalaati. Inisheetiviin bara 2018 hojjataman fayyummaa diinagdee Magaalaa keenyaa eeguu fi fayyadamummaa Dargaggootaa mirkaneysaa kan jiruudha.

Walumaa Galatti Magaalaan Dadar haala qabatamaa jiruun leecalloofi humna qabdu qixaan fayyadamuun inisheetivoota fayyadamummaa ummataa mirkaneeysan adda addaa Bocaman hojiirra oolchuurratti Argamti. Bu'uuruma kanaan, Magaalaan keenya giddugala omishaa ta'uun milkaa'ina kan gonfate yoo ta'u gabaa tasgabbeeysuufi dargaggoota hedduufiis carraa hojii bal'aa uumuu irratti argamti.

Bulchiinsa Magaalaa Dadaritti Qonna Magaalaa Milkaa'ina Gonfate.Barii Jijjiiramaan Asitti Magaalaan Iddoo Bittaa Fi Gurg...
26/11/2025

Bulchiinsa Magaalaa Dadaritti Qonna Magaalaa Milkaa'ina Gonfate.

Barii Jijjiiramaan Asitti Magaalaan Iddoo Bittaa Fi Gurgurtaa Qofa Osoo Hin Taane Jiddugala Oomishaa fi Muuxannoo Akka Taatu Hojjatamaa Jira.

Baadiyyaa fi Magaalattiis Eeggattummaa irraa gara Oomishtummaatti cehuuf hojiin abdachiisaan hojjatamaa jira.
Bulchiinsa Magaalaa Dadar Bishingaan Kilaastaraan qotame kun akka fakkeenyaatti kan fudhatame yoo ta'u gandoota baadiyyaa hundatti, Qe'ee manneen dhunfaa, mooraa manneen hojii mootummaa fi dhaabbiileetti haaluma walfakkaatuun hojiin fakkeenyummaa qabu hojjatamaa jira. Tarsimoon Qonna Magaalaa Magaalaa Dadaritti haala gaariin hojiirra kan oole yoo ta'u Wabii midhaan nyaataa mirkaneysuu, carraa hojii babal'isuu fi fayyummaa diinagdee mirkaneysuu irratti argama. Kanaan olittiis Magaalaa Dadar iddoo bittaa fi gurgutaa qofa osoo hin taane jiddugala oomishaa fi muuxannoo gaggaarii taasisuuf xiyyeeyfannoon hojjatamaa jira.
Jijjiirama gama kanaan mul'ate irratti qotee bilaan dubbifne Tarsimoo Qonna Magaalaa mootummaan gad buuse sirnaan hubannee fi hojiirra yoo oolchine Nyaata keenya qe’ee keenyatti oomishachuun madda nyaata madaalawaa argachuu, hamma tokko dhiibbaa qaala’insa jireenyaa dandamachuu, carraalee hojii babal'isuu fi dhiibbaa hirkattummaa galteewwan baadiyyaa irraa hafuu akka dandeenyu hubannee jirra ja'an.
Magaalonni akka baadiyyaa lafa bal'aa qonnaaf oolu qabaachu baattuus isuma jirutti yoo fayyadamame hojii gurguddaa hojjachuun akka danda'amu hojii waggoottan darbe hojjatameen ilaalchi hawaasni magaalaa qonnaaf qabu kan jijjiirame tahuu yaada nomootaa irraa hubatamee jira.

Guyyaan Alaabaa Marsaa 18ffaa Bulchiinsa Magaalaa Dadaritti Kabajame.
13/10/2025

Guyyaan Alaabaa Marsaa 18ffaa Bulchiinsa Magaalaa Dadaritti Kabajame.

~Dadar‼️Qajeelfama Raawwii Fooyya’iinsa Iskeelii Mindaa Haaraya labsii lakk.29/2018 baherratti Hojjattoota Mootummaaf...
13/10/2025

~Dadar‼️
Qajeelfama Raawwii Fooyya’iinsa Iskeelii Mindaa Haaraya labsii lakk.29/2018 baherratti Hojjattoota Mootummaaf Orenteeshiniin kennamee jira.

3/2028
Godina Harargee Bahaa Bul.Magaalaa Dadaritti Waajjira Bulchinsa Magaalaa Dadariin Qajeelfamni Raawwii Fooyya’iinsa Iskeelii Mindaa Haaraya labsii lakk.29/2018 baherratti Hubannoon kennamee jira.
Labsicha irratti Hoggansa, Hojjataa Mootummaa hundaaf Bakka I/Gaafatamtuun Waajjira Paartii Badhaadhinaa B/Mag.Dadar Aadde Helan MahammadI/G fi Waajjira Paartii B/M/Dadaritti I/G Damee Ijaarsa Paartii Obno Ahmed Umara Argamanitti hubannoon kennamee jira.
Waltajjii marii kana irratti I/G Waajjira Kantiiba Obbo Fuad Awwal fooyya'iinsi mindaa itti quufinsa kenna tajaajilaan mirkanaa'uu qaba ja'an. Labsicha kan dhiheeysan A/Adeemsa Humna Nama Waaj.Bulchiinsa Obbo Saani Abroo hojjattoonni xiyyeeyfannoo mootummaan hojjataa mootummaaf kanneen olitti tajaajila kannuuf of qopheeysuu qaba ja'an.
Fooyya'iinsi mindaa hojjattoota mootummaaf haldureen barbaachisu hundi guutamee hojiirra akka aaluus himame.

Ayyaanonni Ummataafi Amantaa agarsiistuu heddummina Itiyoophiyaati"******Bulchiinsa Magaalaa Dadaritti Ayyaanni Damaraa ...
26/09/2025

Ayyaanonni Ummataafi Amantaa agarsiistuu heddummina Itiyoophiyaati"
******

Bulchiinsa Magaalaa Dadaritti Ayyaanni Damaraa haala ho'aan kabajamee jira.

Ayyaanni Daamaraa Masqalaa hambaalee kiliyyaa Itiyoophiyaan sadarkaa idil-addunyaatti galmeeysiste keeysaa tokkoodha.
Ayyaanicha irratti argamuun ergaa baga geeysanii kan dabarsan Kantiibaan Bulchiinsa Magaalaa Dadar Obbo Salahaden Yusuf ayyaanni bara kanaa ayyaana seena qabeeysa yeroo alka'iinsa Itoophiyaa kabajaa jirrutti kabajnu waan taheef akka ayyaana tokkummaa keenya calaqqisutti kabajuu qabna ja'anii hordoftoota amantichaaniis baga ittiin isin gahe baga nuun gahe ja'anii jiru.

Ayyaana Gaarii

Address

Deder

Website

Alerts

Be the first to know and let us send you an email when Wajj/Kantiibaa Bul/Mag/Dadar - Deder Town Mayor Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category