Bahir Dar Animal Health Investigation and Diagnostic Laboratory

26/02/2026

ለአማራ ክልል እንስሳትና ዓሳ ሐብት ልማት ቢሮ ተጠሪ የሆኑ ተቋማት

1. የክልሉ የበግ ብዜት ማዕከል፣

2. የባሕርዳር ዳልጋ ከብት ሰው ሰራሽ ዝርያ ማዳቀል ማዕከል፣

3. የክልሉ የእንስሳት በሽታ ቅኝትና ጥናት ላብራቶሪ ማዕከላት፣

4. የሰቆጣ ዶሮ ብዜት ማዕከል፣

5. የኮምቦልቻ ዶሮ ሃብት ልማት ኢንተርፕራይዝ፣

6. የላልይበላ ብሔራዊ የንብ ሙዚየም፣

7. የክልሉ የፈሳሽ ናይትሮጂን ማምረቻ ማዕከላት፣

8. የክልሉ የእናት ንብ ማባዣ እና ማሰልጠኛ ማዕከላት፣

9. የቻግኒ የዳልጋ ከበት ብዜት እና ጥበቃ ማዕከል ናቸው።

በተለያዩ የማህበራዊ ሚዲያ አማራጮች ስለ እንስሳትና ዓሳ ሃብት ልማት ቢሮ ወቅታዊ መረጃዎችን ለማግኘት
Like,Shares & Comment ያድርጉ

📌 ድረ-ገጽ፦ http://www.anrslivestock.gov.et/
***********
📌 ፌስቡክ፦ https://facebook.com/AmharaLivestockBureau
***********
📌 ዩቲዩብ፦ https://www.youtube.com/
***********
📌 ቲክቶክ፦ www.tiktok.com/
***********
📌 ቴሌግራም፦ https://t.me/AmharaLivestockBureau
***********
📌 ቴሌግራም ቦት፦ https://t.me/Amhara_Livestock_Bot
***********
📌 ቲዊተር፦ https://x.com/AmharaLivestock
***********
📌 ኢንስታግራም፡- https://www.instagram.com/amhara_livestock_bureau/
***********
📌 ዋትስአፕ፦ https://whatsapp.com/channel/0029Vb6HDQq7YSd9ag0mug47
በመወዳጀት ይከታተሉን፡፡
ዘወትር ከእኛ ጋር ስላሉ እናመሰግናለን!

18/01/2026

ለክርስትና እምነት ተከታዮች በሙሉ እንኳን ለብርሃነ ጥምቀቱ በዓል በሰላም አደረሳችሁ!

18/01/2026

18/01/2026

የክርስትና እምነት ተከታዮች በሙሉ እንኳን ለብርሃነ ጥምቀቱ በዓል በሰላም አደረሳችሁ!

የጥምቀት በዓል ጌታችን መድኃኒታችን ኢየሱስ ክርስቶስ በትሕትና በዮርዳኖስ ወንዝ የተጠመቀበት፣ የታላቅ ምስጢር እና የሰላም መገለጫ የሆነ በዓል ነው። ይህ በዓል ከሃይማኖታዊ እሴቱ ባለፈ፣ ኢትዮጵያውያን በአንድነት የምናከብረውና በዓለም አቀፍ ደረጃ (በዩኔስኮ) የማይዳሰስ ቅርስ ሆኖ የተመዘገበ የታላቅነታችን መገለጫ ነው።

ክልላችን ባለው ሰፊ የተፈጥሮ ጸጋና የሰው ኃይል ተጠቅሞ በሥነ-ምግብ ዋስትና ራሱን እንዲችል ለማድረግ ቢሯችን በትጋት እየሰራ ይገኛል።

በዓሉን ስናከብርም በፍቅርና በአንድነት፡ የተቸገሩትን በመርዳትና በማሰብ፤ የጀመርናቸው የእንስሳትና ዓሳ ሃብት ልማት ሥራዎች ፍሬ አፍርተው የክልላችንን ኢኮኖሚ እንዲያሳድጉ በታላቅ ቁርጠኝነት በመነሳሳት፤ ለሀገራችንና ለክልላችን ዘላቂ ሰላምን በመመኘት ሊሆን ይገባል።

በዓሉ የሰላም፣ የፍቅር፣ የጤና እና የብልጽግና እንዲሆንላችሁ ከልብ እመኛለሁ።

መልካም የጥምቀት በዓል!
የአማራ ብሔራዊ ክልላዊ መንግስት የእንስሳትና ዓሳ ሃብት ልማት ቢሮ ኃላፊ ጋሻው ሙጨ (ዶር)

በተለያዩ የማህበራዊ ሚዲያ አማራጮች ስለ እንስሳትና ዓሳ ሃብት ልማት ቢሮ ወቅታዊ መረጃዎችን ለማግኘት
Like,Shares & Comment ያድርጉ

📌 ድረ-ገጽ፦ http://www.anrslivestock.gov.et/
***
📌 ፌስቡክAmhara Livestock and Fisheries Resources Development Bureauau
***
📌 ዩቲዩብ፦ https://www.youtube.com/
***
📌 ቲክቶክ፦ www.tiktok.com/
***
📌 ቴሌግራም፦ https://t.me/AmharaLivestockBureau
***
📌 ቲዊተር፦ https://x.com/AmharaLivestock
***
📌 ኢንስታግራም፡- https://www.instagram.com/amhara_livestock_bureau/
***
📌 ዋትስአፕ፦ https://whatsapp.com/channel/0029Vb6HDQq7YSd9ag0mug47
በመወዳጀት ይከታተሉን፡፡
ዘወትር ከእኛ ጋር ስላሉ እናመሰግናለን!

16/11/2025

08/09/2025

የመስሪያ ቤታችን ባልደረባ በሆኑት በዶ/ር ዘውዱ በላይ እማኘው ድንገተኛ ህልፈተ ህይወት የተሠማንን ጥልቅ ሀዘን እንገልፃለን!

የአማራ ክልል እንስሳትና ዓሳ ሃብት ልማት ጽ/ቤት ባልደረባ የነበሩት ዶ/ር ዘውዱ በላይ እማኘው ከዚህ አለም በሞት ተለዩ።

ቅንና በባልደረቦቻቸው ዘንድ ተወዳጅ የሆኑት ዶ/ር ዘውዱ በላይ እማኘው በመስሪያቤቱ ውስጥ የበሽታ ቅኝት ስርጭት ክትትል ባለሙያ ሁነው ያገለግሉ ሲሆን በሥራቸው ታታሪና ትጉህ እንዲሁም ሰው አክባሪ ሰራተኛ ነበሩ፡፡

ዶ/ር ዘውዱ በላይ እማኘው ባጋጠማቸው ድንገተኛ ህመም ምክንያት በባህርዳር ፈለገ ህይወት ሆስፒታል እና በጋምቢ ጠቅላላ ሆስፒታል ህክምናቸውን ሲከተተሉ ቆይተው ሊሻላቸው ባለመቻሉ በህክምና ላይ እንዳሉ ጳጉሜ 03/2017 ዓ/ም ከዚህ ዓለም በሞት ተለይተዋል።

የቀብር ስነ ስርዓቱም በዛሬው እለት(በ03/13/2017 ዓ.ም) በባህርዳር ከተማ ተፈጽሞል ።

በዶ/ር ዘውዱ በላይ እማኘው ድንገተኛ ህልፈተ ህይወት የተሰማንን ጥልቅ ሀዘን እየገለፅን ለቤተሰቦቻቸው ፣ ለሥራ ባልደረቦቻቸው እና ለወዳጅ ዘመዶቻቸው መፅናናትን እንመኛለን፡፡
ነፍስ ይማር
የአማራ ክልል እንስሳትና ዓሳ ሃብት ልማት ጽ/ቤት

19/08/2025

06/08/2025

የወተት ላሞች ጤና አጠባበቅ

የወተት ላሞች ጤና አጠባበቅ ማለት የጤና ሁኔታ መከታተልን፣ መቆጣጠርንና ማሻሻልን ያካትታል፡፡ ጤናማ፣ ቀልጣፋና ምርታማ የሆኑ የወተት ላሞች እርባታ ዘርፈ ብዙ ጠቀሜታ ያለው ሲሆን ይህም ስኬታማ እንዲሆን ዘላቂነት ያለው በመከላከል ላይ ያተኮረ የእንስሳት ጤና ጥበቃ ሥርዓት መዘርጋትን ይጠይቃል::

የወተት ላሞች ጤና መከታተያ መዘርዝር (Dairy cow health management Checklist)

በወተት ላሞች እርባታ ጣቢያ ውስጥ የሚገኙ ከብቶች ከተለያዩ የጤና ጠንቆች ተጋላጭነት የተጠበቁ መሆናቸውን ማረጋገጥ ተገቢ ነው፡፡ ይህንንም ለመተግበር የሚከተሉትን ዝርዝር ጉዳዮች ማስተዋልና ትኩረት መስጠት ያስፈልጋል፡፡

ሀ. የላሞች ሥነ-ባህርይ (Behaviour)

ከከብቶች ምቹ በሆነ ርቀት ላይ በመቆም መኖ በአግባቡ መመገባቸውን፣ ውሃ መጠጣታቸውን፣ ማመንዠካቸውን፣ እበት የመጣልና ሽንት የመሽናት የዕለት ተለት እንቅስቃሴያቸውን ወዘተ መመልከት ያስፈልጋል፡፡ ከላይ ከተጠቀሱት የተለመዱ ባህርያት ወጣ ያለ ችግር ከታየ እና በተጨማሪም ከመንጋዉ ለየት ብለው የቆሙ፣ የተኙ ወይም የመፍዘዝ ምልክት ያሳዩ ከብቶች ካሉ በእንስሳት ህክምና ባለሙያ ሙሉ ምርመራ ማድረግ አስፈላጊ ነዉ፡፡

ለ. አቋቋም እና አካሄድ (Posture and gait)

የጥፍር እና የቀንድ ከአግባብ ውጭና ከመጠን በላይ ማደግ፣ማነከስ፣ የተንጋደደ አካሄድ፣ የጀርባ አጥንት መጉበጥና የአጥንት መገጣጠሚያ አካባቢ እብጠት ምልክት የሚታይባቸው ከሆነ ለእንስሳት ጤና ባለሙያ ማሳየት አስፈላጊ ነዉ፡፡

ሐ. የጨጓራ መሙላት (Rumen fill)

የጤነኛ እንስሳት ሆድ ሞላ ብሎ ጎልቶ ይታያል፡፡ ወደ ዉስጥ በጣም ጎድጉዶ የሚታይ ከሆነ መኖ አለመመገባቸዉን ወይም በሽታ መኖሩን የሚያሳይ ሲሆን በጣም የተነፋ ከሆነም የህመም ምልክት ሊሆን ስለሚችል በአግባቡ ትኩረት መስጠትና መከታተል ያስፈልጋል፡፡

መ. የጨጓራ እንቅስቃሴ (Rumen motility)

በግራጎን በኩል የሚገኘዉ የሆድ ክፍል የጨጓራ እንቅስቃሴን ለማየት የሚያስችል ሲሆን የእንስሳት ጨጓራ በትክክል ምግብ እየፈጨ መሆኑን ያሳያል፡፡ ጤነኛ ጨጓራ በአንድ ደቂቃ ዉስጥ ከ2-3 ጊዜ የሚንቀሳቀስ ሲሆን በእጅ ጨብጦ በመጫን እንቅስቃሴዉን ማየት ይቻላል፡፡

ሠ. የአካል አቋም ልኬት (Body condition score)

የአካል አቋም ልኬት የእንስሳት ጤና እንክብካቤ ላይ ወሳኝነት አለው፡፡ ለምሳሌ የጎን አጥንትን በማየት እንስሳው በጣም የከሳ ወይም የወፈረ ነው ለማለት ያስችላል፡፡ አንዲት ላም እንደወለደች የተወሰነ የክብደት መቀነስ ሊታይባት ይችላል፡፡ ይሁንና ከደረት ጀምሮ ከ3 በላይ የጎን አጥንት መቆጠር የለበትም፡፡ጤነኛ እንስሳት እንዲኖረን የአካል ውፍረት በጣም የከሳ ወይም የወፈረመሆን የለበትም፡፡

ረ. የእግር አቋቋም (Legs Conformation)

ከእንስሳው በስተኋላ በመቆም የእግሮችን አቋቋም ሁኔታ በሚገባ መመልከት ተገቢ ሲሆን ጤነኛ እግሮች ከሆኑ በደንብ ቀጥ ብሎ መቆም አለበት፡፡ ይህ ካልሆነ ግን የጥፍር ወይም ሸኮና ማደግ፤ ስብራትና ሌሎች ተያያዥ ችግሮች ሊሆኑ ስለሚችሉ መከታተል ያስፈልጋል፡፡

ሰ. የቆዳ ፀጉር (Hair coat)

የጤነኛ ከብት ፀጉር ሲዳሰስ ለስላሳ እና ሲታይ የሚያብረቀርቅ ነዉ፡፡ ነገር ግን በምግብ እጥረት፤ በጥገኛ ትላትል እና ሌሎች የዉስጥ ደዌ በሽታዎች የተጠቃ ከብት ፀጉር ሲዳሰስ ሸካራ እና በዓይን ሲታይ የቆመ ነዉ፡፡

ሸ. የአተነፋፈስ ስርዓት (Breathing rate)

በጤናማ ሁኔታ ላይ የሚገኝ እንስሳ በደቂቃ ከ 12-16 ጊዜ ይተነፍሳል፡፡ ይህም የሚለካዉ አየር በሆድ ሲገባ መሙላቱን ሲወጣ ደግሞ መቀነሱን በመቁጠር ነው፡፡ የመተንፈሻ አካላት ላይ ችግሮች ካሉ የአተነፋፈስ ሥርዓቱ የተዛባ ይሆናል፡፡

ቀ. የጆሮ ሙቀት (Ear temperature)

የእንስሳትን ጆሮ የሙቀት ሁኔታ በእጅ በመንካት/በመዳሰስ ጤነኛ መሆን አለመሆናቸውን ለማወቅና ክትትል ለማድረግ ይጠቅማል፡፡ ለምሳሌ የጆሮ ሙቀት በጣም የወረደ/ቀዝቃዛ ከሆነ የካልስየም እጥረት በሽታ ምልክት ሊሆን እንደሚችል ይገመታል፡፡

በ. የአካል ሙቀት (Body temperature)

የጤነኛ እንስሳት የአካል ሙቀት በአማካኝ ከ38-39 ዲግሪ ሴልሽየስ ሲሆን ከዚህ በላይ መጨመር ወይም ከዚህ በታች መቀነስ የጤና ችግር መኖሩን ያሳያል፡፡

የጤነኛ እንስሳት አፍና አፍንጫ በተፈጥሮ እርጥበታማ ሲሆን የአፍና አፍንጫ አካባቢ መድረቅ ግን የጤና ችግር መኖርን ያመለክታል፡፡