11/04/2026
የሲዳማ ክልል ጠ/ፍ/ቤት ፕሬዝዳንት የተከበሩ አቶ ደምሴ ዱላቻ ለትንሳኤ በዓል ያስተላለፉት መልዕክት፧
ለክርስትና እምነት ተከታዮች በሙሉ፣ እንኳን ለጌታችንና ለመድኃኒታችን ለኢየሱስ ክርስቶስ ትንሳኤ መታሰቢያ በዓል በሰላም አደረሰን!! በዓሉ የሠላም፣ የፍቅርና የደስታ ይሁንልን!!
Qooqqowinke Yoo Mini Massagaano, Yooaano, loosaasinennenna hattono Kirstinnu amma’no haruunsaano baalunkura: hawalle Mootichinkenna xagichinke rewonna kaop qaangeemmo ayyaanira wo’manka keerunni iillishinonke!!
Luqas 23:2. Hunda borreessinoonni garinni- Soodita dagate geerri, kahiinootu, roorrootunna Seeru rosiisaano mitteenni gamba yite Yesuusi haadhe Philaaxoosiwa massite: «Kuni manchi mannanke so'risiisanna anfoommo; Roomu Moote Qeesaarirano giwire baantannikki gede hoolanni no. Qoleno, ‹Ani moote Kiristoosaati› yee coyi'rino» yite bushiishshusi".yaanno. Tenne yaatto giddo “bushiishshusi” yaanno qaali yinokkirenna assinokkire assino yite kaphunni qaxxaro shiqishshinota leellishanno.
Tenne kaphu qaxxaro ikkaseno Philaaxoosi seekke buuxinoha ikkirono gashshootisi giddo cancamannore hoolatenna haammata manna hagiirsiisate hede halalaancho yoo yaa agure hasiissannokki yoo yiino.
Yesuusi Maganimmasi ayirrigne agure uullara dayinohu togonni ikke reyaaranna reyootennino ka”ara tennenni ammantannorino hegeri heeshsho afidhanno gede assaraati.
Tini hedosi balaxxe Maganu widoonni hedantenna gumulante noota ikka hooggoommero Hattenne yannara kaphu qaxxaronninna farconni Yesuusa bushiishuri; hattono philaaxoosi uyino Gumulo barshenna makki’ne gimbannita ikkaserano aleenni hegeri heeshshoro baaddete assine kullanni hee'nannite.
Techo hee’noommo yannarano beebbaataamu manchi aana busha gantannorinna kaphu qaxxaro shiqishatenninna hattennerano kaphu farco qixxeessite barshete gumulo uyisiissara hasidhannori hoogganno yine hendannikkihura ayirrado daganke togoore qorophatenninna effi’re giwatenni, yooaanonkeno Philaaxoosi uyi gedee gumulo aa hoogate jawa qoropho assa hasiissanno.
Nugusu Selemooni maganu jawa basera Nugusa assisihu gedensaanni Magano togo yee huucciri: "mannakki taashshe gashsha dandeemmo gede hayyonna egenno uyie.» yii. (2ኛ ዜና 1:10.) Isino togo yee qolisi:..." xa'mi'rootto hayyonna egenno...eemmohe» yiisi." (2ኛ ዜና 1:12)
Togo yee huuccire hee'reenna Maganuno hayyonna egenno oyeesi hee’reenna yooaante qarrissanno hajo albasiinni shiqqusi.
Lame ilaano meenti insa calluwu galanno mini giddo mitte qaaqqise aana goxxe sh*tuhu gedensaanni reyinoha te’enne mule worte hattenneha umisera adhite yekkeerote qixxaabbe Nugusu albaanni shiqqe togoonni yekkeerantino: «Dee'ni! Lubbotenni noohu ane qaaqqooti; reynohu ateho!» yitu. Balaxxe coydhuti qolte, «Dee'ni! Reynohu ateho; lubbotenni noohu aneho» yitu.
Meentu kunni garinni mootete albaanni coyi'rami. (መፅ. ነገ. ቀዳ 3:23.)
Tenne gumulo aate qarrissanno hajora Selemooni Maganu uyinosi egenno horoosi’re uyinota halaalaanchonna techo geeshshano macciishshi manni baalu wodana tashshi assitanno gumulo uyinota baalunku afino hajooti.
Kunnira, yooaanono ikko gashshineemmo manni uyineemmo hiittenne gumulorano halaale xawisannonke gede Magano huucci’no!! yaanni Ayaanu kuni Yesuusi loosinonkeha bayira looso la’nanni hagiidhineemmoha mulenke noo mannira baxille leellishanni ayirrinseemmoha ikkannonke gede halcho’yaati.
https://t.me/supreme2016/22
https://t.me/c/1427545893/571
