Menjar Shenkora werda Communication

07/10/2026

የምንጃር ሸንኮራ ወረዳ ብልፅግና ፓርቲ ቅርንጫፍ ጽሕፈት ቤት ከወረዳው መንግሥት ኮሙዩኒኬሽን ጉዳዮች ዋና ጽሕፈት ቤት በመገኘት አጠቃላይ የተቋሙን የሥራ እንቅስቃሴና አስተዳደራዊ ሥራዎች ዙሪያ የድጋፍ ተኮር ውይይት አካሄደ።
‎
‎በውይይት መድረኩ ተቋሙ ከተቋቋመለት ዓላማ፣ ርዕይና ተልዕኮ አንፃር አሁን ያለበትን አጠቃላይ የሥራ እንቅስቃሴና የአመራር ብቃት በዝርዝር በጥንካሬና በእጥረት በየሥራ ሂደቱ ቀርቦ ተገምግሟል።
‎
‎መድረኩን የመሩት የምንጃር ሸንኮራ ወረዳ ብልፅግና ፓርቲ ቅርንጫፍ ጽሕፈት ቤት ኃላፊ አቶ ሱራፊል ጌታነህ እንደገለጹት፤ የሥራዎች ሁሉ መጀመሪያ ዕቅድን በተገቢው መንገድ በወቅቱና በአግባቡ ሰፋ አድርጎ ማቀድ፣ ለእቅዱ ተገዥ መሆን፣ ተቋማትን በመርህ፣ በመተማመንና በመግባባት በኃላፊነት ማስተዳደር ያስፈልጋል ብለዋል።
‎
‎ጊዜውን የዋጀ፣ ጥንቃቄ የተሞላበትና ሥራ ተኮር መግባባት በመፍጠር በባለቤትነትና በቁጭት መሥራት እንደሚገባ አሳስበዋል።
‎
‎አክለውም ተቋሙ አቅምን አሟጦ በመጠቀም ፈጣንና ፈጠራ የተሞላበት በመሆን፣ ወረዳዊና ተቋማዊ ሥራዎችን ከሕዝብ ወደ መንግሥት ከመንግሥትም ወደ ማኅበረሰቡ ማድረስ እንደሚገባ አቅጣጫ አስቀምጠዋል።
‎
‎የምንጃር ሸንኮራ ወረዳ ብልፅግና ፓርቲ አደረጃጀት ዘርፍ ጽሕፈት ቤት ኃላፊ አቶ ጋሻው ማሞ በበኩላቸው፣ ተቋሙ በርካታ ሥራዎችን እያከናወነ ቢሆንም ከሚጠበቅበት ሚና አንፃር አሁን ያለው አፈፃፀም አነስተኛ መሆኑን ጠቁመው፤ ከጠባቂነት ችግር በመውጣት በእውቀት፣ በኃላፊነት፣ መረጃን ከትክክለኛ ምንጭ በማነፍነፍ፣ አደረጃጀትን ጠብቆና በጋራ በመቀናጀት መሥራት እንደሚገባ አሳስበዋል።
‎
‎የተቋሙ ባለሙያዎች በበኩላቸው የተደረገው የድጋፍና የውይይት መድረክ የነበሩ ክፍተቶችን በማረም እና በማሻሻል፣ ያለውን ጥንካሬ በማስቀጠል ቀጣይ ተቋሙ የተሻለ አፈፃፀም እንዲያመጣ ትልቅ እገዛ እንዳለው በመገለጽ አመስግነዋል።

06/10/2026

የሰሜን ሸዋ ዞን አረርቲ ከተማ አስተዳደር የአረርቲ የመጀመሪያ ደረጃ ሆስፒታል ያስገነባውን ዘመናዊ የጨቅላ ህፃናት ህክምና ክፍል በደማቅ ሁኔታ አስመረቀ።
‎
‎በምረቃ መርሃ ግብሩ ላይ የአረርቲ ከተማ አስተዳደር ዋና ከንቲባ እና የሆስፒታሉ ቦርድ ሰብሳቢ አቶ ተሻለ ጥላሁን፣ የምንጃር ሸንኮራ ወረዳ ምክትል አስተዳዳሪና የኢንቨስትመንትና ኢንዱስትሪ ጽ/ቤት ሃላፊ አቶ ዘካሪያስ ተክሉ፣ የአረርቲ የመጀመሪያ ደረጃ ሆስፒታል ዋና ስራ አስኪያጅ አቶ ጎሳ ተስፋዬ ጨምሮ ከፍተኛ ስራ ሃላፊዎች፣ የሆስፒታሉ ዳይሬክተሮች፣ የኮሚቴ አባላት እና ጥሪ የተደረገላቸው እንግዶች ተገኝተዋል።
‎
‎ሆስፒታሉ ከተመሠረተበት ጀምሮ አገልግሎት መስጠት ቢጀምርም የነበሩ ክፍተቶችን በመቅረፍ የህክምና አገልግሎቱን በዘመናዊ መልኩ ለማከናወን፤ ማህበረሰቡ በቅርብ ጥራት ያለው አገልግሎት እንዲያገኙ፣ ሪፈርን ለመቀነስ እና እናቶች ንጽህናው በተጠበቀ መልኩ እንዲገለገሉ በማሰብ ግንባታው መከናወኑ ተገልጿል።
‎
‎ግንባታ ባለ አንድ ብሎክ ሲሆን በውስጡ 12 ክፍሎችን የያዘና አጠቃላይ በ5,858,129.68 (በአምስት ሚሊየን ስምንት መቶ ሀምሳ ስምንት ሺ አንድ መቶ ሀያ ዘጠኝ) ብር በሆነ ወጪ እንደተገነባም ተገልጿል ።
‎
‎በመሆኑም ግንባታ ፤ በታቀደው ጊዜና ከተያዘለት በጀት በታች መጠናቀቁ ትልቅ ጥንካሬ እንደነበር ተመላክቷል።
‎
‎ በተጨማሪም የኮሚቴው አባላት በታላቅ ሃላፊነት መንፈስ ያለምንም ክፍያ የራሳቸውን ወጪ ጭምር በመጠቀም ስራውን እውን ማድረግ መቻላቸው ተመስግኗል።
‎
‎ለዚህ አርአያነት ያለው ግንባታ እውን መሆን የምንጃር ሸንኮራ ወረዳ አስተዳደር፣ የአረርቲ ከተማ አስተዳደር፣ የተለያዩ በጎ አድራጊ ድርጅቶችና ግለሰቦች እንዲሁም የማህበረሰቡ ሰፊ ተሳትፎ የገንዘብና የቁሳቁስ ድጋፍ አድርገዋል።
‎
‎በመርሃ ግብሩ ላይ የአረርቲ ከተማ አስተዳደር ዋና ከንቲባ እና የቦርድ ሰብሳቢ አቶ ተሻለ ጥላሁን፤ ሆስፒታሉን የተሻለ ደረጃ ላይ ለማድረስ እና የተፋጠነ ጥራት ያለው አገልግሎት በመስጠት ጤናማ ማህበረሰብ ለመፍጠር በቁጭት፣ በፍላጎትና በቅንጅት መስራት እንደሚገባ አሳስበዋል።
‎
‎የምንጃር ሸንኮራ ወረዳ ምክትል አስተዳዳሪና የኢንቨስትመንትና ኢንዱስትሪ ጽ/ቤት ሃላፊ አቶ ዘካሪያስ ተክሉ በበኩላቸው፤ ዘመናዊ የህክምና ተቋማትን ለመገንባትና ውጤታማ አገልግሎት ለመስጠት እቅድ ማቀድ፣ አሰራርን ማሻሻል፣ በጋራ መቆም እና ውጤታማ አስተዳደር ማስፈን ተቀዳሚ ተግባር መሆኑን አንስተዋል።
‎
‎ተሳታፊዎች በሰጡት አስተያየትም፤ ከመንግስት ጠባቂነት በመውጣት ሆስፒታሉ የ"እኛነቱ" ስሜት ሊሰማን ይገባል ብለዋል።
‎
‎በመሆኑም የወረዳው ተወላጆችና ማህበረሰቡ ተቋሙን አሁን ካለበት ደረጃ ለማሻሻልና ለማዘመን የበኩላቸውን ድርሻ መወጣት እንዳለባቸው አጽንኦት ሰጥተው አሳስበዋል።
‎
‎በቀጣይም ተቋሙን ከማዘመንና የቴክኖሎጂ ተጠቃሚ ከማድረግ አኳያ ሰፊ ስራዎች እንደሚሰሩ አቅጣጫ ተቀምጧል።
‎
‎በመጨረሻም የምስጋና የእውቅና ሽልማት በማበርከት መድረኩ ተጠናቋል።

06/10/2026

06/10/2026

የሕዝብ ተወካዮች እና የፌዴሬሽን ምክር ቤቶች የጋራ የመክፈቻ ስነ-ሥርዓት - በምስል



#የመደመርመንግሥት

05/10/2026

የምክትል ጠቅላይ ሚኒስትር ተመሥገን ጥሩነህ መልእክት፦

የመደመር ዕሳቤን በማፍለቅ፣ ሀገር ወዳድነትን በራዕይ በማጣመር እና ፈጠራን ከትጋት ጋር በማዋሐድ ለውጦችን የመሩት ጠቅላይ ሚኒስትር ዐቢይ አሕመድ (ዶ/ር) የኢፌዴሪ ጠቅላይ ሚኒስትር ሆነው በመመረጥዎ እንኳን ደስ አለዎት።

የመደመር መንግሥት ምሥረታ አዲስ የሥልጣን ጅማሮ ብቻ አይደለም፤ ከሕዝብ የተሰጠ አደራ እንደገና የተረከበበት ኃላፊነት ነው። በቀጣይም የተገኙ ስኬቶችን ማስቀጠል፣ ያሉ ችግሮችን ማረም፣ የሰላምን መሠረት ማጽናት፣ ኢኮኖሚያዊ እድገትን ማፋጠን እና ለቀጣዩ ትውልድ ጠንካራ የሀገር መሠረት መጣል ዋና ዋና ተልዕኮዎቹ ይሆናሉ።

ጠቅላይ ሚኒስትር ዐቢይ አሕመድ (ዶ/ር) በዚህ ትልቅ የኃላፊነት ቦታ ሀገራችንን በቅንነት፣ በጥበብ እና በጥልቅ የዓላማ ስሜት እንደሚያገለግሉ ሙሉ እምነት አለኝ። በአገልግሎት ዘመንዎ የላቀ ስኬት እንዲኖርዎት እመኛለሁ።

! 🇪🇹

05/10/2026

የሕዝብ ተወካዮች ምክር ቤት እና የፌዴሽን ምክር ቤት አፈ ጉባዔነትና ምክትል አፈ ጉባዔነት ለተመደቡ መሪዎች መልካም የሥራ ዘመን እመኛለሁ

በዚህም መሰረት
1. አቶ አሕመድ ሽዴ የህዝብ ተወካዮች ምክር ቤት ዋና አፈ ጉባዔ
2. ወ/ሮ ሙፈሪሃት ካሚል የፌዴሬሽን ምክር ቤት ዋና አፈ ጉባዔ
3. ወ/ሮ አየለች እሸቴ የህዝብ ተወካዮች ምክር ቤት ምክትል አፈ ጉባዔ
4. አቶ ደስታ ሌዳሞ የፌዴሬሽን ምክር ቤት ምክትል አፈ ጉባዔ ሆነው ተሹመዋል።

05/10/2026

ዐቢይ አሕመድ (ዶ.ር) የኢፌዴሪ ጠቅላይ ሚኒስትር ኾነው ተሾሙ።

የኢትዮጵያ ፌዴራላዊ ዴሞክራሲያዊ ሪፐብሊክ 7ኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባውን ማካሄድ ጀምሯል።

ምክር ቤቱ ዐቢይ አሕመድን (ዶ.ር) የኢፌዴሪ ጠቅላይ ሚኒስትር አድርጎ ሾሟል።

ጠቅላይ ሚኒስትር ዐቢይ አሕመድ (ዶ.ር) በ2010 ዓ.ም ወደ ሥልጣን ከመጡ በኋላ በርካታ ስኬታማ ተግባራትን ሠርተዋል።

ሀገር በቀል የመደመር የፖለቲካ እሳቤ አዲስ የፖለቲካ ባሕል እንዲኾን አስችለዋል።

የጥል ግድግዳ እናፍርስ፤ የፍቅር ድልድይ እንገንባ በሚለው መርሐቸው ለዓመታት ተራርቀው የነበሩ ፖለቲከኞችን አገናኝተዋል። በሥልጣን ዘመናቸው ተፎካካሪ የፖለቲካ ፓርቲ መሪዎች በሀገሪቱ ሥልጣን እንዲይዙ እና ሀገር እንዲያገለግሉ አድርገዋል።

በከፍተኛ ችግር ውስጥ የነበረውን የሕዳሴ ግድብ ከችግር በማውጣት እንዲጠናቀቅ አመራር ሰጥተዋል። ከሕዳሴው ግድብ መጠናቀቅ ማግስት ታላላቅ ፕሮጄክቶችን አስጀምረዋል።

በአረንጓዴ አሻራ መርሐ ግብር በዓለም ላይ አዲስ ታሪክ አጽፈዋል። ኢትዮጵያን ከግብርና መር ኢኮኖሚ ወደ ብዝኃ ኢኮኖሚ በማሸጋገር አስደናቂ የኢኮኖሚ እድገት እንዲኖራት አድርገዋል። በከተማ እና በገጠር ኮሪደር ልማቶች የኢትዮጵያን ገጽታ በከፍተኛ ሁኔታ ቀይረዋል። የኢትዮጵያን ከተሞች ከተጎሳቆሉበት አውጥተው ወደ ውብ እና ሳቢ ገጽታ መልሰዋል።

ኢትዮጵያ የስንዴን ምርት ከውጭ መቀበል አቁማ ለውጭ ገበያ የምታቀርብ ሀገር ያደረጓት በእርሳቸው የሥልጣን ዘመን ነው። በሌማት ቱሩፋት መርኃ ግብርም በእንስሳት ሃብት ሀገሪቱ በታሪኳ አይታው የማታውቀውን እድገት እና ለውጥ አምጥተዋል።

ጠቅላይ ሚኒስትሩ የጀመሯቸው ታላላቅ ሀገራዊ ሥራዎችን ያሳኩ ዘንድ በድጋሜ በጠቅላይ ሚኒስትርነት ኢትዮጵያን እንዲመሩ ተሹመዋል።

ትልቅ ሀገር፣ ትልቅ ሕዝብ፣ ታላቅ ርዕይ 🇪🇹

05/10/2026

ወይዘሮ አየለች እሸቴ የሕዝብ ተወካዮች ምክር ቤት ምክትል አፈጉባኤ ኾነው ተሾሙ።

ወይዘሮ አየለች እሸቴ የሕዝብ ተወካዮች ምክር ቤት ምክትል አፈጉባኤ ኾነው ተሹመዋል።

የኢትዮጵያ ፌዴራላዊ ዴሞክራሲያዊ ሪፐብሊክ ሰባተኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባ እየተካሄደ ነው።

ምክር ቤቱ ወይዘሮ አየለች እሸቴን የሕዝብ ተወካዮች ምክር ቤት ምክትል አፈጉባኤ አድርጎ ሾሟል።

#ትልቅ ሀገር፣ ትልቅ ሕዝብ፣ ታላቅ ርዕይ!

05/10/2026

አቶ አሕመድ ሽዴ የሕዝብ ተወካዮች ምክር ቤት አፈጉባኤ ኾነው ተሾሙ።

የኢትዮጵያ ፌዴራላዊ ዴሞክራሲያዊ ሪፐብሊክ ሰባተኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባ እየተካሄደ ነው።

ምክር ቤቱ አቶ አሕመድ ሽዴን የሕዝብ ተወካዮች ምክር ቤት አፈጉባኤ አድርጎ ሾሟል።

አቶ አሕመድ ሽዴ ባለፉት ዓመታት የገንዘብ ሚኒስትር ኾነው ሀገራቸውን እና ሕዝባቸን አገልግለዋል።

ዛሬ ደግሞ የሕዝብ ተወካዮች የምክር ቤቱ አፈጉባኤ ኾነው ተሹመዋል።
#ትልቅ ሀገር፣ ትልቅ ሕዝብ፣ ታላቅ ርዕይ

አሚኮ

05/10/2026

ወይዘሮ ሙፈሪሃት ካሚል የፌደሬሽን ምክር ቤት አፈጉባኤ ኾነው ተመረጡ።

ወይዘሮ ሙፈሪሃት ካሚል የፌደሬሽን ምክር ቤት አፈጉባኤ ኾነው ተመርጠዋል።

የኢፌዲሪ ፌደሬሽን ምክር ቤት 7ኛው የፓርላማ ዘመን፣ 1ኛ ዓመት የሥራ ጊዜ፣ 1ኛ መደበኛ ጉባኤውን እያካሄደ ይገኛል።

ምክር ቤቱ ወይዘሮ ሙፈሪሃት ካሚልን የፌደሬሽን ምክር ቤት ዋና አፈጉባኤ አድርጎ መርጧል። አቶ ደስታ ሌዳሞ ደግሞ የፌደሬሽን ምክር ቤት ምክትል አፈጉባኤ ኾነው ተመርጠዋል።

#ትልቅ ሀገር፣ ትልቅ ሕዝብ፣ ታላቅ ርዕይ 🇪🇹