Addis Ababa City Manager's Office

18/10/2026

18/10/2026

17/10/2026

17/10/2026

የመሠረተ ልማትና የቅንጅት ክላስተር የ90 ቀናት የስራ አተገባበር እቅድ ላይ ውይይት ተካሄደ።

የአዲስ አበባ ከተማ ስራ አስኪያጅ ጽ/ቤት በቀጣይ የሚከናወኑ የመሠረተ ልማት የቅንጅት የ90 ቀናት ስራዎች (ከጥቅምትት 1 እስከ ታህሳስ 30 ) እቅድ ላይ ከክፍለ ከተማ ስራ አስኪያጆች፣ከተጠሪ ተቋማት ኃላፊዎች ጋር የጋራ ውይይት ተካሂዷል።

በመድረኩ በቀጣይ 90 ቀናት በማዘጋጃ ቤታዊ አገልግሎት እና በተቋማት ቅንጅት የሚከናወኑ ዋና ዋና ተግባራት ላይ ማለትም ተቋማትን ከማስስተባበርና ከመደገፍ፣የገቢና የፋይናንስ ስርዓትን ከማሳደግ ፣የኑሮ ዉድነትን ከማረጋጋት፣የሆቴልና የምግብ አቅርቦት ተግባራትን ከማስቀጠል(ኮፖ 32) ፣የተረጂነት ቅነሳ ተግባራትን ከማጠናከር፤የአገልግሎት አሰጣጥ ችግሮችን ከመፍታት፣የማህበረሰብ ተሳትፎን ከማሳደግ፣የከተማ ጽዳት ከማጠናከር፣ከትምህርት ዘርፍ አንፃር፣ቅንጅታዊ አሰራርን ማጠናከር እና ንጹህና ምቹ ከተማን ከመፍጠር በእነዚህ እና በሌሎች ጉዳዮች ላይ የእቅድ ሰነድ በቢሮ ሀላፊ ማዕረግ የአዲስ አበባ ከተማ ም/ስራ አስኪያጅና የጥናትና ልማት ትግበራ ዘርፍ ሀላፊ በወ/ሮ ይመኙሻል ታደሰ ቀርቦ ውይይት ተደርጎባቸዋል።

በመድረኩ ላይ የአዲስ አበባ ከተማ ዋና ስራ አስኪያጅ አህመዲን መሃመድ (ዶ/ር) እንደገለጹት፣ የ90 ቀናት እቅዱን ወደ ተግባር ለመቀየር በሁሉም ዘርፎች የተቀናጀ፣ ውጤት ተኮር እና ኃላፊነት ያለው አሰራርን በመዘርጋት ወደ ስራ መግባት እንደሚያስፈልግ ገልፅዋል።

አህመዲን መሃመድ (ዶ/ር) እቅዶቹ ወደ ተግባር ሲቀየሩ በተለይም በመሠረተ ልማት ግንባታና ጥበቃ፣ገቢና ፋይናንስ ከማሳደግ፣የሆቴልና የምግብ አቅርቦት ተግባራትን ከማስቀጠል(ኮፕ 32) ፣በጽዳት፣ በውበት፣ በህብረተሰብ ተሳትፎ እንዲሁም በሌሎቹ ተግባራት ህብረተሰቡን በባለቤትነት በማሳተፍ የሚከናወኑ ተግባራትን ከተቀመጠዉ እቅድና አቅጣጫ ከተቋማት የስራ ባህሪይ ጋር በማስተሳሰር በልዩ ትኩረት መፈጸም እንዳለበትም አሳስበዋል።

አክለዉም በደረቅ ቆሻሻ አስተዳደር ስርዓት ፣ የበጎ ፈቃደ ተሳትፎ ማጎልበት፣ የመብራት የመሠረተ ልማት ስራ ይበልጥ ከማስቀጠል፣ሀይል ቆጣቢ በቂ መብራት ከመዘርጋት፣ቅንጅታዊ አሰራርን ከማጠናከር፣የጫካ ኘሮጀክትን ከማጠናከር ከዉሀና ፍሳሽ አቅርቦት፣ከፕሮጀክት አፈፃፀም፣ጽዳትን የህብረተሰቡ ባህል ማድረግ፣ የግንዛቤ ማስጨበጫ ስራዎችን ማጠናከር፣የአደጋ ስጋትን ከመከላከል እንዲሁም የበጎ ፈቃድ አገልግሎቶችን በትኩረት ማከናወን እንደሚገባ ጠቁመዋል።

የ90 ቀናት ልዩ የንቅናቄ እቅድ በተያዘለት ጊዜ ሰሌዳ ውጤታማ እንዲሆን የህብረተሰቡን ግንዛቤ ማሳደግና በስፋት ማሳተፍ እንዲሁም የከናወኑ ተግባራትን በህዝብ ግንኙነትና በኮሙኒኬሽን የታጀበ ማድረግ አስፈላጊ መሆኑን አህመዲን መሃመድ (ዶ/ር) ገልጸዋል።

በተለይም በከተማዋ በተገነቡ የተለያዩ መሠረተ ልማትን ስርቆትን ከመቅረፍ፣ ከደረቅ ቆሻሻ አወጋገድ ስርዓት፣ከግንባታ ተረፈ ምርትን፣የኮፖ 32 ስራዎችን ከማጠናከር፣ 24/7 የስራ ባህልን ተግባራዊ በማድረግ፣ ማህበረሰቡን ተሳታፊ ከማድረግ አንፃር እንዲሁም በሌሎች ተግባራት ላይ ያሉ ክፍተቶችን በመለየት ፈጣን ምላሽ መስጠትና እቅዶችን በትኩረት በመመልከት ተቋማት ስራዎችን በትኩረትና በመቀናጀት እንዲሰሩ አቅጣጫ ሰጥተዋል።

16/10/2026

የአዲስ አበባ ከተማ ማዘጋጃ ቤታዊ አገልግሎት አሰጣጥ የነዋሪዎቿን አዳጊ ፍላጎት ያማከለ እንዲሆን ቀጣይነት ያለው ተግባራት ተጠናከሮ መቀጠል ይኖርበታል ሲሉ የአዲስ አበባ ከተማ ዋና ስራ አስኪያጅ አህመዲን መሃመድ (ዶ/ር) አስገነዘቡ።

አህመዲን መሀመድ (ዶ/ር) ይህን ያስገነዘቡት የ2019 በጀት ዓመት የመጀመሪያ ሩብ ዓመት የእቅድ አፈፃፀም ከተቋሙ ፅህፈት ቤት ሰራተኞች ጋር በዛሬው ዕለት በተገመገመበት ወቅት ነው።

በዚሁ የግምገማ መድረክ ላይ በበጀት ዓመቱ 1ኛ ሩብ ዓመት የተከናወኑ የዝግጅት ምዕራፍ ስራዎች ማለትም የክረምት ወራት ንቅናቄዎች፣ የቅድመ አደጋ መከላከል፣ የጽዳትና ውበት፣ የወሳኝ ኩነት ምዝገባ ንቅናቄ፣ የበጎ ፈቃድ ስራዎች፣ የአረንጓዴ አሻራ፣ የፕሮጀክት አፈፃፀም፣ የሲቪክ ማህበራት ተሳትፎን ከማሳደግ፣ የመብራትና የኤሌክትሪክ አገልግሎት አሰጣጥ ስራዎችን እንዲሁም ሌሎች ማዘጋጃ ቤታዊ አገልግሎቶችን የሚያሳይ የእቅድ አፈፃፀም ሪፖርት ቀርቦ ውይይት ተካሂዶበታል።

በመድረኩ የተቋም ግንባታና የአገልግሎት አሰጣጥ ውጤታማነትን በማሳደግ የተገልጋይ እርካታን መጨመር፣ የ90 ቀናት ልዩ የንቅናቄ ስራዎች፣ የተቋማት ሪፎርም፣ የሰው ሀብት አጠቃቀም፣ ስራዎችን በቴክኖሎጂ ከመከወን፣ የአቅም ግንባታ፣ የመልካም አስተዳደር እንዲሁም የግንዛቤ አሰጣጥና ግልፅነትን የመፍጠር ስራዎችን ከማጎልበት አንፃር የተከናወኑ ስራዎች መልካም የሚባል አፈፃፀም እንዳላቸው አህመዲን መሃመድ (ዶ/ር) ገልፀዋል።

አህመዲን መሃመድ (ዶ/ር) አክለውም በፅህፈት ቤቱ በ1ኛው ሩብ ዓመት የተመዘገቡ ውጤቶችን በተሻለ አፈፃፀም የማጠናከር፣ የተቋማት ቅንጅትን የማሳደግ እንዲሁም በማዘጋጃ ቤታዊ ዘርፍ የሚሰጡ አገልግሎቶች የህብረተሰቡን የአገልግሎት እርካታ ደረጃ ያሟሉ መሆኑን የመፈተሽ፣ አገልግሎቶችን በቴክኖሎጂ መር በማድረግ እና ችግር ፈቺ መሆናቸውን በጥናት የማረጋገጥ ጉዳዮች በቀጣይም ትኩረት የሚሹ ተግባራት መሆናቸውን አሳስበዋል ።

በተጨማሪም በመጀመሪያው ሩብ ዓመት የተመዘገቡ ጥንካሬዎችን አጠናክሮ በማስቀጠል፣ የታዩ የአሰራር ክፍተቶችን በመለየትና ከማሟላት አንፃር፤ በተለይም እቅድን ከስራዎች ጋር በጊዜ ገደብ ከመከወን፣ የአገልግሎት ተደራሽነትን በቴክኖሎጂ ከማዘመን፣ ስልጠናዎችን በስፋት ከመስጠት እና የህብረተሰብ ተጠቃሚነትን ከማረጋገጥ አኳያ በቀጣይ ከዚህ የተሻለ አፈፃፀምና የላቀ የአገልግሎት አሰጣጥ ሊኖር እንደሚገባ አቅጣጫ አስቀምጠዋል።