የካ ወረዳ 1 ኮሙኒኬሽን _ Yeka woreda 1 communication

14/06/2026

የአፍሪካ ሬቲናል ማኅበር ሳይንሳዊ ጉባኤ ተሳታፊዎች የአዲስ አበባን የቱሪዝም መዳረሻዎች ጎበኙ

ከተለያዩ አፍሪካ ሀገራት የተውጣጡ የ6ኛው የአፍሪካ ሬቲናል ማኅበር ሳይንሳዊ ጉባኤ እና ጠቅላላ ጉባኤ ተሳታፊዎች ከፍተኛ የህክምና ባለሙያዎች በአዲስ አበባ የተሰሩ ሰው ተኮር ልማቶችና የተለያዩ የቱሪዝም መዳረሻዎችን ጎብኝተዋል፡፡

ጉብኝቱ የኢትዮጵያን መልካም ገፅታ፣ ታሪክና ባህል ለማስተዋወቅ እንዲሁም የመዲናዋን የቱሪዝም መስህቦችና አዳዲስ የልማት ፕሮጀክቶች ለህክምና ዘርፍ ባለሙያዎችና ምሁራን ለማስገንዘብ እንደሚያችል ከአዲስ አበባ ቱሪዝም ኮሚሽን የተገኘው መረጃ ያመላክታል።

14/06/2026

ለኪነ-ጥበብ ልዩ ትኩረት የሰጠችው አዲስ አበባ !
አዲስ አበባ የበርካታ ከያኒያን መፍለቂያ ከተማ ብትሆንም ሙያተኞችን እና ታዳሚውን የሚመጥን የጥበብ መመልካቻና መታደሚያ ስፍራ እብዛም አልነበራትም ።

ከለውጡ በፊት የነበሩ ቲያአትር እና ሲኒማ ቤቶች እርጅና የተጫናቸው ከመሆናቸው በተጨማሪ የጥበብ ቤተሰቦችን የማይመጥኑ ነበሩ። ከለውጡ በኃላ በተከናወነው ዘርፈ ብዙ የልማት ስራ በተለይም በከተማዋ በሚከናወኑ ግዙፍ ፕሮጀክቶች ለዘርፉ ልዩ ትኩረት በመስጠት በርካታ አምፊ ቲያአትር ቤቶችና ሲኒማ ቤቶች መገንባት ተችሏል።

ለአብነትም በቅርቡ ግንባታቸው ተጠናቆ ለህዝብ ክፍት የተደረጉ የህፃናት እና ወጣቶች ቲያአትር ቤት እንዲሁም የአዲስ ሲኒማ ኮንፕሌክስ እና በአደዋ ሙዚየም ውስጥ የሚገኘው ስማርት ሲኒማ ቤት ጨምሮ በተለያዩ የከተማ አካባቢዎች የተገነቡ ታላላቅ ሁነቶቸን ማስተናገድ የሚችሉ ግዙፍ ስፍራዎች ለዚህ አይነተኛ ማሳያ ናቸው፡፡

የነዚህ አንፊ ቲያአትር ቤቶቸ እና ሲኒማ ቤቶች ግንባታ ለጥበበኞች የፈጠራ መፍለቂያ ከመሆን ባለፈ በኢትዮጵያ የኪነጥበብ ኢንዱስትሪ አዲስ ታሪክ መፃፍ የቻሉ እንዲሁም ከያኒያን ስራዎቻቸውን በዓለም አቀፍ ጥራት ለተመልካች ማቅረብ እንዲችሉ ዕድል የከፈቱ ናቸው፡፡

በተጨማሪም ለከተማዋ ነዋሪዎችና ጎብኚዎች ጥበብን በከፍተኛ ጥራትና በምቾት የሚታደሙበት ልዩ መዳረሻ መሆን ችለዋል፡፡ የአዲስ አበባ ከተማ አስተዳደር ልማት ሁለንተናዊ መሆኑን በመገንዘብ አሁንም በሚሰራቸው የልማት ስራዎች ሁሉን አካታችነት ላይ ቅድሚያ ሰጥቶ በትኩረት መስራቱን ይቀጥላል።

13/06/2026

13/06/2026

የአረንጓዴ ዐሻራ መርሃ ግብር ወቅት ላይ እንገኛለን። ከስምንት ቢሊዮን በላይ ችግኞች ለተከላ ዝግጁ በሆኑበት በዚህ ወቅት፣ አረንጓዴ ለሆነች ነገ፣ ሁላችንም ተስፋን እንትከል!

The Green Legacy season is upon us. With more than eight billion seedlings raised and ready for planting, let us plant hope for a greener tomorrow.

13/06/2026

በየካ ወረዳ 01 የሰንበት ገበያ የሸማቹን ማህበረሰብ ተጠቃሚነት እያረጋገጠ ነው!

የካ ወረዳ 01 ኮሙኒኬሽን
ሰኔ 6/2018 ዓ.ም

የየካ ወረዳ 01 አስተዳደር የኑሮ ውድነትን ለማረጋጋትና ነዋሪው መሰረታዊ የፍጆታ ምርቶችን በተመጣጣኝ ዋጋ እንዲያገኝ ያስቻለው የሰንበት ገበያ በዛሬው ዕለት በ"ኢየሱስ 41" እና በ"ኬላ" የገበያ ቦታዎች በድምቀት ተካሂዷል።

የሰንበት ገበያው በዋናነት አምራቾችንና የሸማች ማህበራትን በቀጥታ ከነዋሪው ጋር በማገናኘት፣ ደላላን በማስቀረትና የዋጋ ንረትን በመከላከል ረገድ ከፍተኛ አስተዋጽኦ እያበረከተ ይገኛል።

የገበያ ማረጋጋት ግብረ ሀይሉ ሁለቱንም የሰንበት ገበያዎች ምልከታ ያደረገ ሲሆን የቀረቡ ምርቶች በተቀመጠላቸዉ ደረጃና ዋጋ መጠን ግብይት እየተካሄደባቸዉ መሆኑን አረጋግጧል።

👇👇👇በሁሉም የሚዲያ አማራጮች እንዲያገኙን ከታች የተቀመጠዉን ሊንክ ይጫኑ
https://heylink.me/Woreda01com/

13/06/2026

የወንዝ ዳርቻ ልማት አካባቢን የማፅዳትና የመንከባከብ ሰፊ የህዝብ ንቅናቄ ተከናወነ።

የካ ወረዳ 01 ኮሙኒኬሽን
ሰኔ 4/2018 ዓ.ም

የየካ ክፍለ ከተማ የወረዳ 01 አስተዳደር የአካባቢን ውበት ለመጠበቅ፣ ለነዋሪዎች ምቹ ከባቢን ለመፍጠር እና አረንጓዴ ልማትን ለማፋጠን ያስቀመጠውን ግብ መሠረት በማድረግ፣ በወንዝ ዳርቻ ልማት አካባቢዎች ላይ ሰፊ የመጽዳትና የመንከባከብ ሥራ አከናውኗል።

በዚህ የንቅናቄ መድረክ ላይ የወረዳው ጠቅላላ አመራሮች፣ የአካባቢው ወጣቶች፣ የነጋዴው ማህበረሰብ እና የነዋሪው ተወካዮች በነቂስ በመውጣት በንቃት ተሳትፈዋል።

የወንዝ ዳርቻ ልማት ፕሮጀክቶች ዘላቂነታቸው ሊረጋገጥ የሚችለው የማህበረሰቡ ቀጥተኛ ባለቤትነት ሲታከልበት መሆኑን አመራሮቹ ገልጸዋል። በዕለቱም በአካባቢው የተከማቹ ደረቅና ፈሳሽ ቆሻሻዎችን በጋራ በማንሳት አካባቢውን ለኑሮና ለالعረፍት ምቹ የማድረግ ሥራ ተሰርቷል።

ይህ የጽዳት ዘመቻ "ከምርጫ ድል ማግስት ጠንካራ መንግስት" ለመገንባት የተያዘው ግብ አንዱ አካል ሲሆን፣ ጠቅላላ አመራሩ ከህዝቡ ጋር በጋራ በመሆን በተግባር የህዝብ አገልጋይነቱን ያሳየበት መድረክ ሆኗል።

👇👇👇በሁሉም የሚዲያ አማራጮች እንዲያገኙን ከታች የተቀመጠዉን ሊንክ ይጫኑ
https://heylink.me/Woreda01com/

12/06/2026

12/06/2026

ከቱሪስት መተላለፊያነት ወደ ቀዳሚ መዳረሻነት የአዲሷ አዲስ አበባ ቱሪዝም ሽግግር

ቀደም ሲል የፖለቲካና የዲፕሎማሲ ማዕከል በመሆን ብቻ የምትታወቀው የአፍሪካ መዲና አዲስ አበባ፣ ዛሬ ላይ የውበት፣ የጥንካሬ እና የዘመናዊነት ተምሳሌት በመሆን ዓለምን በክብር መጋበዝ ጀምራለች።

የከተማዋን ገጽታ በዋናነት ከቀየሩት ሥራዎች መካከል የኮሪደር ልማቱ ቀዳሚውን ስፍራ ይይዛል።

እግረኞችን፣ ብስክሌተኞችን እና አካል ጉዳተኞችን ያማከሉ ሰፋፊ መንገዶችን ያካተተ በመሆኑም ከተማዋን በእግር ለመጎብኘት እጅግ ምቹ አድርጓታል።

ከዚህ በተጨማሪም ቀደም ሲል በቆሻሻ ተሸፍነው የነበሩት የወንዝ ዳርቻዎች በሸገር ፕሮጀክት አማካኝነት ዛሬ ወደ ውብ የአረንጓዴ መናፈሻነት ተቀይረዋል።

እንደ ወዳጅነት አደባባይ፣ አንድነት ፓርክ፣ እንጦጦ ፓርክ፣ ታላቁ ብሔራዊ ቤተመንግስት፣ የሳይንስ ሙዚየም እና የአድዋ ሙዚየም ያሉ ታላላቅ የቱሪስት መስህቦች መገንባትም የከተማዋን ድምቀት አሳድገውታል።

እነዚህ አዳዲስ ስፍራዎች ዓለም አቀፍ እንግዶች በከተማዋ የሚያሳልፉትን ጊዜ እንዲያራዝሙ በማድረጋቸው፣ በሆቴልና በእንግዳ ተቀባይነት ዘርፉ ላይ ከፍተኛ የገበያ መነቃቃት ፈጥረዋል።

የቱሪስቶች የቆይታ ጊዜ መራዘምና የጎብኚዎች ቁጥር መጨመርም የሀገሪቱን የውጭ ምንዛሬ ፍሰት በከፍተኛ ሁኔታ ከፍ አድርጎታል።

እነዚህ ሁለንተናዊ የልማት ሥራዎች ከተማዋን ስማርት እና ውብ በማድረግ፣ የአፍሪካ መዲና የሆነችው አዲስ አበባ ትላልቅ ዓለም አቀፍ ስብሰባዎችን እና ሁነቶችን ይበልጥ እንድትስብ ተጨማሪ አቅም ፈጥረውላታል።

የልማት ሥራዎቹ ከቱሪዝም ዘርፍ ባሻገር ዘላቂ የሥራ ዕድል በመፍጠር ረገድም ሰፊ ሚና አበርክተዋል።

በተለይም በፓርኮች ጥበቃ፣ በጽዳት፣ በአስጐብኝነት እና በተለያዩ የንግድ ሱቆች ውስጥ ለብዙ ሺህ ወጣቶችና ሴቶች አዲስ የገቢ ምንጭ መሆን ችለዋል።

ቀደም ሲል በከተማ አስተዳደሩ በቀረበው የ9 ወራት የዕቅድ አፈፃፀም ሪፖርት ላይ እንዳመላከተው አዲሷ አዲስ አበባ የነዋሪዎቿን ተጠቃሚነት ባረጋገጠ እና የቱሪዝም መዳረሻነቷን ባሳደገ መልኩ የዘመናዊነት ተምሳሌት ሆና ትቀጥላለች።
AMN

12/06/2026

በባለጉዳይ ቀን ከአንድ ማዕከል በተጨማሪ በየተቋማቱ እንግዳ በመቀበል ተመድበው እያገለገሉ ያሉ ባለሙያዎች የባለጉዳይን መጉላላት የመቀነስ መሆኑን ተገልጋዮች ገለፁ

ሰኔ 05/2018 ዓ.ም የካ ኮሙኒኬሽን

በክፍለ ከተማው አስተዳደር በተቋማት ውስጥ የሚሰጠው የአንድ ማዕከል አገልግሎት በተጨማሪ በየተቋማቱ እንግዶችን በመቀበል የሚያስተናግዶ ባለሙያዎች የተገልጋዮችን መጉላላት በመቀነስ ረገድ የሚበረታታ መሆኑን ገልፀውልናል።

በየካ ክፍለ ከተማ አስተዳደር የአንድ ማዕከል አገልግሎትን ጨምሮ በሁሉም ተቋማት የአገልግሎት አሰጣጥ በተሻለ እና በተቀላጠፈ መልኩ እየተሰጠ ይገኛል።

በክፍለ ከተማው የባለጉዳይ ቀን አገልግሎት አሰጣጥን ቀልጣፋ በማድረግ ማህበረሰቡን ለማርካትና የተገልጋዩን እንግልት ለመቀነስ የሚያስችል የተቋማት አገልግሎት አሰጣጥ ተጠናክሮ ቀጥሏል።

አመራሩ፣ ባለሙያዎችና ባለድርሻ አካላት ባለጉዳዮችን በቢሮ በመቀበል ፈጣንና ወቅታዊ ምላሽ የመስጠት ስራ በተቀናጀና በተጠናከረ መልኩ እየተከናወነ ይገኛል።

11/06/2026

ኢትዮጵያ መርጣለች፤ አሸንፋለች!

"የድህረ ምርጫ ሥራዎችን በተሟላ መልኩ ለማሳካት በትኩረትና በቅንጅት መሥራት ይገባል"!
ወ/ሮ ቡዜና አልካድር
የአዲስ አበባ ከተማ ምክር ቤት ዋና አፈ ጉባኤ

ሰኔ 04/2018 ዓ.ም የካ ኮሙኒኬሽን

የየካ ክፍለ ከተማ አስተዳደር በየደረጃው ከሚገኙ የከተማ ደጋፊ፣ ከክፍለ ከተማና ከወረደ ጠቅላላ አመራሮች ጋር በ7ኛው ሀገራዊ ምርጫ የተያዙ መንትያ ግቦችን ለማሳካት የተከናወኑ ስራዎችን በመገምገም የቀጣይ አቅጣጫ አስቀመጠ።

መድረኩን የመሩት የአዲስ አበባ ምክር ቤት ዋና አፈ ጉባኤ ክብርት ቡዜና አልከድር እንደገለፁት በ7ኛው ሀገራዊ ምርጫ ህዝባችን ባራመደው ግልፅ አቋም፣ ከሌሊት እስከ ሌሊት በፅናት ድምፁን በመስጠት ባስተላለፈው ተግባራዊ መልዕክት ኢትዮጵያ አሸናፊ መሆኗን አስገንዝበዋል።

ሰባተኛው ሀገራዊ ምርጫ ዴሞክራሲያዊ ፣ ጤናማ ፣ ገለልተኛ እና ሰላማዊ እንዲሆን የብልፅግና ፓርቲ አመራርና አባላት የምርጫ ስነ-ምግባርን ባከበረ መልኩ አበረታች እንቅስቃሴዎችን ማድረጋቸውን ተናግረዋል።

የሚዲያ ተቋማት ሀሳቦችን በሚዛናዊነትና በፍትሀዊነት በማስተናገድ ፣ የፀጥታ አካላት ገለልተኛ ሚናቸውን በመወጣት፣ ሲቪል ማህበራት ፣ ተፎካካሪ የፖለቲካ ፓርቲዎች ፣ ሁሉም የህብረተሰብ ክፍሎች የድርሻቸውን በማበርከት ጉልህ ሚናቸውን መወጣታቸውን አፈ-ጉባዔዋ ጠቁመዋል።

የየካ ክፍለ ከተማ አስተዳደር ዋና ስራ አስፈፃሚ አቶ ፍፁም ኃይሌ በበኩላቸው ሰላማዊና ዴሞክራሲያዊ ምርጫ ለማካሄድ በተደረገው አበረታች ርብርብ ውጤታማ ስራ መሰራቱን ገልፀዋል።

ለመድብለ ፓርቲ ስርዓት ግንባታ የተሰጠው ልዩ ትኩረት በምርጫው ሂደትም መንፀባርቁን አቶ ፍፁም አስረድተዋል።

የየካ ክፍለ ከተማ የዴሞክራሲ ስርአት ግንባታ ማስተባበሪያ ቅርንጫፍ ጽህፈት ቤት ኃላፊ አቶ መገርሳ ገላና ባቀረቡት የውይይት መነሻ ሰነድ ብልፅግና ፓርቲ በ7ኛው ሀገራዊ ምርጫ መንትያ ግቦችን አስቀምጦ ፣ የምርጫ ቦርድን ህጎች ፣ አዋጅና መመሪያዎች ተከትሎ ፣ ከተፎካካሪ ፓርቲዎች ጋር በትብብር እና በፉክክር በመስራት ከቅድመ ምርጫው ጀምሮ ለምርጫው ሰላማዊነትና ዴሞክራሲያዊነት የድርሻውን መወጣቱን አብራርተዋል።

ህዝባችን ከሌሊት እስከ ሌሊት በመሰለፍና ድምፁን በመስጠት ለዴሞክራሲያዊ ስርዓት ግንባታ ያለውን ቁርጠኝነት ማሳየቱን የጠቆሙት አቶ መገርሳ ቀን ከሌት 7/24 መትጋትን አጠናክሮ ማስቀጠል እንደሚገባ አሳስበዋል።

ለተጨማሪ መረጃዎች ድረ-ገጻችንን እና ማህበራዊ ሚዲያዎቻችንን ይከታተሉ፦
🔗 ድረ-ገጽ:↘️
yekacommunication.gov.et/article
🔗 ሊንክትሪ: ↘️
https://beacons.ai/yekasubcitysocialcommunicatio