Addis ketema Wereda 13 Communication

26/10/2026

እንችላለን!

የከተማችን ብስራት የሆነው የተፈጥሮን ጸጋ ከዘመናዊ የከተማ ስልጣኔ ጋር አዋህዶ የነዋሪዎቿን የኑሮ ዘይቤ የሚያሻሽለውን የቀጨኔ–አምባሳደር–ጊዮን–ኢሬቻ ፓርክ እስከ ባምቢስ የሚዘልቀውን ግዙፍ የወንዝ ዳርቻ ልማት ፕሮጀክት ለህዝባችን ክፍት ተደርጏል ።

በእርግጥም አዲስ አበባ የኢትዮጵያ የስልጣኔ አምባ እና የዘመናዊነትና የመደመር ምልክት ሆና ጐልታ የወጣችበት፣ መሰረተ ልማት ከአደራ ጠባቂነትና ከዜጎች ህይወት ጋር ተሰናስሎ የተገነባበት በከተማችን የመታደስ ታሪክ ውስጥ ትልቅ የታሪክ መታጠፊያ የሆነ ብሩህ ገጽ የተከፈተበት ጊዜ ነው::

ወንዞቻችን የከተማችን የትላንት ድብቅ ገመናዎቻችን መሸፈኛ ነበሩ፣ የከተማችንን ቆሻሻ ማጠራቀሚያ፣ ፍሳሽ እና መጸዳጃ ማስወገጃ፤ ለበርካታ ተላላፊ በሽታዎች እና ለህዝባችን ጤና መጓደል ጥልቅ መንስኤ ሆነው ኖረዋል።

ዛሬ ላይ ግን ያ ታሪክ ላይመለስ ተቀይሮ ወንዞቻችን ህይወት ዘርተዋል፣ የታመሙ ወንዞቻችንን ታክመው ከበሽታ ምንጭነት ወደ ጤና ማዕከልነት፣ ከቆሻሻ ማከማቻነት ወደ ውበት ሰገነትነት፣ ለመጠጋት ከሚፈራበት ወደ ማረፊያ ጊዜ ማሳለፍያና መዝናኛነት ተቀይረዋል።

አሁን ወንዞቻችን ዜጎች የደስታ ጊዜ የሚያሳልፉባቸው፣የጤና፣ የስፖርት፣ የንባብ፣ የኪነ-ጥበብ (የአርት)፣ የእረፍት እና የማህበራዊ መስተጋብር ማዕከላት፤ እንዲሁም ማህበረሰቡ የሚገበያይባቸው ማራኪ የከተማችን ጌጦች ሆነዋል።

ይህ ድንቅ ስፍራ ተፈጥሮን ከታሪክ፣ ዘመናዊነትን ከብዝሀነት ፣ውበትን ከጥራት ጋር አቀናጅቶ ለከተማችን ተጨማሪ ድምቀት ሆነዋል::

26/10/2026

👉ከቀጨኔ፣ በአምባሳደር፣ ጊዮን፣ ኢሬቻ እስከ ባምቢስ የሚዘልቀው የወንዝ ዳርቻ ልማት የማለዳ ውብ ገፅታ:-

26/10/2026

25/10/2026

አይቻልምን ይቻላል ያደረገው ልማት አዲስ አበባ!
ከንቲባ አዳነች አቤቤ

25/10/2026

ወንዞቻችንን ወደ ሕይወት፣ ተፈጥሮን ወደ ውበት፣ አካባቢያችንን ወደ ቱሪስት መዳረሻነት እየቀየርን ነው!

የከተማ ልማት ማለት መሠረተ ልማትን መገንባት ብቻ ሳይሆን፣ ለነዋሪዎች ንጹሕና ምቹ አካባቢ፣ የመዝናኛና የማኅበራዊ ትስስር ዕድሎች፣ የሥራና የገቢ ምንጮችን መፍጠርም ጭምር ነው።

ዛሬ መርቀን ለህዝብ ክፍት ያደረግነው ከቀጨኔ፣ አምባሳደር፣ ኢሬቻና ባምቢስ እስከ ሰላም መንገድ የሚዘልቀው የወንዝ ዳርቻ ልማት፣ የተፈጥሮ ሀብታችንን በመንከባከብ አዲስ አበባን ለመኖር፣ ለመሥራትና ለመዝናናት ምቹ፣ አረንጓዴና ውብ ከተማ የማድረግ ጉዟችን አካል ነው።

በፕሮጀክቱ የግንባታ ሂደት ከ56,000 በላይ የሥራ ዕድሎች ተፈጥረዋል። አሁንም በንግድ፣ በአገልግሎት፣ በመዝናኛና በአረንጓዴ ልማት እንክብካቤ ለብዙ ዜጎች የሥራና የገቢ ዕድሎች እየተፈጠሩ ነው።

በተጨማሪም፣ በጎርፍ አደጋ ለመጋለጥ ተገደው የነበሩ ነዋሪዎቻችንን አዲስና ምቹ ወደሆኑ መኖሪያ ቤቶች በማሸጋገር ደኅንነታቸውንና የኑሮ ሁኔታቸውን ለማሻሻል ተችሏል። የግብርና ምርቶች ማቅረቢያ ማዕከላትን፣ የዕደ ጥበብ ምርት ማምረቻና መሸጫ ስፍራዎችን እንዲሁም ዘመናዊ የገበያ ማዕከላትን በማዘጋጀት የአምራቾችን፣ የነጋዴዎችንና የሸማቾችን ትስስር እያጠናከርን ነው።

ለዚህ ውጤት ከሐሳብ ማመንጨት ጀምሮ አቅጣጫ በመስጠትና በማበረታታት ለደገፉን ክቡር ጠቅላይ ሚኒስትራችን፣ በጥናት፣ በዕቅድ፣ በግንባታና በቅንጅት ለደከሙ የከተማችን አመራሮች፣ ባለሙያዎች፣ አማካሪዎችና ተቋራጮች ልባዊ ምስጋናዬን አቀርባለሁ።

በተለይም ለልማቱ መሳካት በትብብርና በመተማመን ከጎናችን ለቆማችሁ ነዋሪዎቻችን ያለኝን ከፍተኛ አክብሮትና ምስጋና እገልጻለሁ። የዛሬው ውጤት የጋራ ጥረታችንና የትብብራችን ፍሬ ነው።

ፈጣሪ ኢትዮጵያንና ሕዝቦቿን ይባርክ!
ከንቲባ አዳነች አቤቤ

25/10/2026

የረዳን ፈጣሪ አምላክ የተመሰገነ ይሁን!

ዛሬ የእንጦጦ ፒኮክ የወንዝ ዳርቻ ልማት አካል የሆነው፣ ከቀጨኔ በአምባሳደርና በኢሬቻ እስከ ባምቢስ የተዘረጋው የወንዝ ዳርቻ ልማት ፕሮጀክት በክቡር ጠቅላይ ሚኒስትራችን አስመርቀን ለሕዝብ ክፍት አድርገናል።

ይህ ታላቅ ልማት የአዲስ አበባን ውበት፣ የነዋሪዎቿን የኑሮ ጥራት፣ የከተማዋን የቱሪዝም መዳረሻነትና የኢኮኖሚ እንቅስቃሴ የሚያሳድግ ወሳኝ ሥራ ነው።

የወንዝ ዳርቻዎቻችንን ከብክለት፣ ከተፈጥሮ መራቆትና ከአደጋ ተጋላጭነት በማውጣት፣ ለአረንጓዴ ልማት፣ ለመዝናኛ፣ ለስፖርት፣ ለንግድና ለማኅበራዊ ትስስር ምቹ ስፍራዎችን እየፈጠርን ነው። ይህ ሥራ የወንዞቻችንን ተፈጥሯዊ ይዘት ከመመለስ ባለፈ፣ ከተማችንን ለነዋሪዎቿ የበለጠ ምቹ፣ ማራኪና ለኑሮ የተሻለች እያደረጋት ነው።

የፕሮጀክቱ ዋና ዋና ውጤቶች፤
ከቀጨኔ በአምባሳደርና በኢሬቻ እስከ ባምቢስ የተዘረጋው ይህ ፕሮጀክት 351 ሄክታር ስፋትና 10 ኪሎ ሜትር ርዝመት የሚሸፍን ሲሆን፣ የተለያዩ ዘመናዊ መሠረተ ልማቶችንና የሕዝብ መገልገያዎችን አካትቷል።

1. የተፈጥሮና የአካባቢ ጥበቃ

የአፈርና የውሃ ጥበቃ፣ የወንዝ ማጽዳት፣ የጎርፍ መከላከል፣ አረንጓዴ ስፍራዎችን የማስፋፋትና የገጽታ ማስዋብ ሥራዎች ተከናውነዋል።

2. ዘመናዊ የመንገድና የእግረኛ መሠረተ ልማት

• 16 ኪሎ ሜትር የአስፋልት መንገድ፤
• 20 ኪሎ ሜትር የብስክሌት መንገድ፤
• 22 ኪሎ ሜትር የእግረኛ መንገድ፤
• 5 ኪሎ ሜትር የመሮጫ ትራክ፤
• 18 የተሽከርካሪ ድልድዮች፤
• 23 የእግረኛ ድልድዮች ተገንብተው፣ ነባሮቹም ታድሰዋል።

3. ለስፖርት፣ ለመዝናኛና ለማኅበራዊ ትስስር የተዘጋጁ ስፍራዎች

ፕሮጀክቱ 12 የስፖርትና የጤና ማዕከላትን፣ ዘመናዊ የስፖርት ሜዳዎችን፣ ጂምናዚየሞችንና የፉትሳል ሜዳዎችን አካትቷል።
በተጨማሪም፦

• 21 የሕፃናት መጫወቻ ስፍራዎች፤
• 15 ፕላዛዎችና አምፊ ቲያትሮች፤
• 8 ፋውንቴኖችና የውሃ ትርዒት ማሳያዎች፤
• በተለያዩ አካባቢዎች የሕዝብ መጸዳጃ ቤቶች ተገንብተዋል።

4. የኢኮኖሚ እንቅስቃሴና የሥራ ዕድል ፈጠራ

የከተማችንን ኢኮኖሚ ለማሳደግ፣ የወጣቶችን ተጠቃሚነት ለማረጋገጥና የሥራ ዕድሎችን ለማስፋት 30 ካፌዎችና 185 ሱቆች ተዘጋጅተዋል። የባንክ አገልግሎቶችም ተካትተዋል።

በወንዝ ዳርቻው አካባቢ ለሚኖሩ ነዋሪዎች የኑሮና የአኗኗር ሁኔታን ታሳቢ ያደረገ የዕደ ጥበብ ምርቶች ማምረቻ፣ ማሳያና መሸጫ ማዕከል ተዘጋጅቷል። በተጨማሪም የግብርና ምርቶችን ለማቅረብና ለመሸጥ የሚያስችል ማዕከል ተካትቷል።

5. የውሃ፣ የፍሳሽና የጎርፍ መውረጃ መሠረተ ልማት

የከተማ ዩቲሊቲዎችን ለማዘመንና የፍሳሽ አወጋገድ ሥርዓቱን ለማሻሻል፦

• 6 ኪሎ ሜትር የንጹሕ ውሃ መስመር፤
• 11 ኪሎ ሜትር የፍሳሽ ማስወገጃ መስመር፤
• 12 ኪሎ ሜትር የጎርፍ መውረጃ መስመር፤
• 5 አነስተኛ ግድቦች፤
• 6 የውሃ ፍሰት መቆጣጠሪያ ግድቦች፤
• 3 የውሃ ማጣሪያ ማዕከላት ተገንብተዋል።

እነዚህ መሠረተ ልማቶች የውሃ ሀብታችንን ለመጠበቅ፣ የጎርፍ አደጋን ለመቀነስና የአካባቢውን ጤናማነት ለማሻሻል ወሳኝ ሚና ይኖራቸዋል።

6. ለዘላቂ ትራንስፖርትና ለአካባቢ ጥበቃ የተዘጋጁ መሠረተ ልማቶች

የአየር ንብረት ለውጥን ለመቋቋምና ምቹ የመኪና ማቆሚያ ስፍራዎችን ለማስፋት 22 የመኪና ማቆሚያ ስፍራዎችና 8 የኤሌክትሪክ መኪና ቻርጅ ማድረጊያ ማዕከላት ተገንብተዋል። እነዚህ ማዕከላት በአንድ ጊዜ ከ100 በላይ መኪናዎችን ቻርጅ ለማድረግ ያስችላሉ።

7. የከተማችንን ታሪክና ባህል የሚያስተዋውቁ መገለጫዎች

የወንዝ ዳርቻ ልማት ሙዚየምና “ወደ ምንጩ

25/10/2026

ዛሬ፣ የቀጨኔ–አምባሳደር–ጊዮን-ኢሬቻ–ባምቢስ የወንዝ ዳርቻ ልማትን መርቀን ለአገልግሎት አብቅተናል፤ ይህ የ351 ሄክታር አጠቃላይ ስፋት እና የ10 ኪ.ሜ ርዝማኔ ያለውን የኮሪደር ልማት ዘመናዊ፣ አረንጓዴ እና ሁሉንም አካታች የሆነች አዲስ አበባን የመገንባት ራዕያችንን እውን የሚያደርግ ትልቅ ፕሮጀክት ነው።

የእግረኛ መንገዶችን፣ የብስክሌት መንገዶችን እና የተቀናጁ የትራንስፖርት መሠረተ ልማቶችን ያካተተ በመሆኑ፣ ይህ ልማት ይበልጥ ተደራሽ እና ለኑሮ ተስማሚ የሆነ የከተማ ከባቢን ይፈጥራል። የልጆች መጫወቻ ስፍራዎች፣ ፕላዛዎችና አምፊ ቲያትሮች፣ የስፖርት ማዘውተሪያዎች፣ እንዲሁም የውሃ ትርዒት ማሳያዎች ለመዝናኛና ማህበራዊ ግንኙነት አዳዲስ ዕድሎችን ያበረክታሉ። የመኪና ማቆሚያ ስፍራዎች እና ከ100 በላይ መኪኖችን በአንድ ጊዜ መሙላት የሚያስችሉ ስምንት የኤሌክትሪክ መኪና መሙያ ማዕከላት የዘመናዊ መሠረተ ልማቱን አቅም ይበልጥ ያጠናክራሉ። በወንዝ አስተዳደር፣ በአፈርና ውሃ ጥበቃ፣ እንዲሁም በወንዝ ዳርቻ አረንጓዴ ስፍራዎች አማካኝነት የአካባቢ ጥበቃን ከከተማ ገፅታ ለውጥ ጋር እያቀናጀን እንገኛለን።

በተመሳሳይ መልኩ ይህ ልዩ የኮሪደር ልማት አዳዲስ የኢኮኖሚ ዕድሎችን መፍጠር ያስቻለ ነው። የተዘጋጀው የገበያ ማዕከል ቀደም ሲል በወንዝ ዳርቻው አካባቢ ይኖሩ ለነበሩ ነዋሪዎች የዕደ ጥበብ ምርቶችን እንዲያመርቱ፣ ለማሳያና ለመሸጫ እንዲጠቀሙበት የሚያስችል ሲሆን፣ የግብርና ምርት መሸጫ ማዕከ ደግሞ የግብርና አምራቾችን ከገበያው ጋር ያገናኛል።

የእኛ ርዕይ ለዛሬውና ለሚቀጥሉት ትውልዶች ውብ ብቻ ሳትሆን ምርታማና ሁሉንም አካታች እንዲሁም ህዝቧን የምትመጥን ከተማ መገንባት ነው!

ጠቅላይ ሚኒስትር ዐቢይ አሕመድ (ዶ/ር)

24/10/2026

በአዲስ ከተማ ክ/ከተማ በሚገኙ ህብረት ስራ ማህበራት ጥራት ያለዉ ምርት በተመጣጣኝ ዋጋ በማቅረብ ለገበያ ቀርቧል::
***************
ጥቅምት 14-2019ዓ.ም
የሸማቾች ህብረት ስራ ማህበራት የምርት አቅርቦት እና ተደራሽነታቸውን በማስፋት የተረጋጋ የገበያ ሁኔታ እንዲፈጠር የማይተካ ሚና እየተጫወቱ ይገኛሉ::

ሸማች ማህበራቱ በተለይ ሪፎርም ከተደረጉ በሗላ አሰራራቸውን በማዘመን ወደ ዘመናዊ ሱፐር ማርኬትነት በመቀየር አገልግሎታቸውን ወደ አንድ ማዕከል አድረገው ዘመኑን የዋጀ አገልግሎት በመስጠት ላይ ናቸው::

በዚህም መሰረት በመደብሮቻቸዉ ደረጃቸዉን የጠበቁ ሁሉንም አይነት ምርቶች ለገበያ ያቀረቡ ሲሆን ጤፍ፣ ስንዴ፣ በቆሎ አይነት የግብርና ምርቶች እንዲሁም የፋብሪካ ምርቶች በስፋትና በጥራት ቀርበው ህብረተሰቡ እየተገበያየ ይገኛል::


መረጃን ከምንጭ በተለያየ አማራጭ
https://linktr.ee/Addis_Ketema_Communication

24/10/2026

በአዲስ ከተማ ክ/ከተማ አስተዳደር በአገልግሎት አሰጣጥና በመልካም አስተዳደር ጉዳዮች ዙሪያ የአገልጋይ ተገልጋይ የእንጠያየቅ መድረክ ተካሄደ።
************************
ጥቅምት 14- 2019 ዓ.ም

በአዲስ ከተማ ክፍለ ከተማው ኮሙኒኬሽን ጽ/ቤት ባዘጋጀው የእንጠያየቅ መድረክ ከሁሉም ወረዳዎች የተውጣጡ ነዋሪዎች በመገኘት በተለያዩ ሴክተር መሥሪያ ቤት እየተሰጡ ያሉ አገልግሎቶችንና የመልካም አስተዳደር ችግሮችን ለማሻሻል፣ የነዋሪዎችን ጥያቄና ቅሬታ ለማዳመጥ እንዲሁም ተጠያቂነትን ለማጠናከር ያለመ የእንጠያየቅ መድረክ ተካሂዷል።

በመድረኩ የመክፈቻ ንግግር ያደረጉት የአዲስ ከተማ ክ/ከተማ ምክር ቤት ዋና አፈ ጉባኤ አቶ በቀለ ጉታ ዘመኑን የሚመጥን ፈጣን፣ ቀልጣፋና ምቹ አገልግሎት ተደራሽ ለማድረግ በርካታ ስራዎችን እየተሰሩ መሆኑን ጠቅሰው የዛሬው መድረክ መዘጋጀቱ አስተዳደሩ በበለጠ ክፍተቶችን ለይቶ ለማስተካከል የሚያግዝ ነው ሲሉ ገልፀዋል::

የመድረኩ ተሳታፊዎች ከጤናው ዘርፍ አንፃር በጤና መድህን አገልግሎት ዙሪያ፣ ከትምህርት ዘርፉ እንዲሁም ከምግብና መድሃኒት ቁጥጥር አንፃር ጥያቄዎችን ያነሱ ሲሆን የየዘርፉ የስራ ሃላፊዎች ምላሽና ማብራሪያ ሰጥተዋል::

በአዲስ ከተማ ክፍለ ከተማ ትምህርት ጽ/ቤት ኃላፊ አቶ ብሩክ ተክለማርያም በትምህርት ዘርፍ የሚስተዋሉ ችግሮችን በተመለከተ የተነሱትን ጥያቄዎች በማብራራት፣ የተጠቀሱ ችግሮችን በማጣራትና አስፈላጊውን የማሻሻያ እርምጃ በመውሰድ አገልግሎቱን ለማሻሻል የሚደረገውን ጥረት አብራርተዋል።

የክፍለ ከተማው ጤና ጽ/ቤት የማህበረሰብ አቀፍ ጤና መድህን አስተባባሪ ቡድን መሪና አቶ ዳንኤል ፀጋ በበኩላቸው የተነሱ ጥያቄዎችና ቅሬታዎች በአግባቡ ተለይተው እንዲታዩ፣ ከሚመለከታቸው አካላት ጋር በመነጋገር ተገቢው ምላሽ እንዲሰጥና የተቋማት ተጠያቂነት እንዲጠናከር የመድረኩ ፋይዳ ከፍተኛ መሆኑን አመልክተዋል።

የክፍለ ከተማው ምግብና መድኃኒት ቁጥጥር ጽ/ቤት ኃላፊ ሲ/ር ሰላም ኑሪ በበኩላቸው በምግብና መድኃኒት ደህንነት፣ ጥራትና ቁጥጥር አገልግሎት ዙሪያ ለተነሱ ጥያቄዎች ምላሽ በመስጠት፣ በተጠቀሱ ጉዳዮች ላይ ተገቢው ማጣራትና ክትትል እንዲደረግ የሚያስፈልጉ እርምጃዎችን አብራርተዋል።

የእንጠያየቅ መድረክ በነዋሪዎችና በመንግሥት ተቋማት መካከል ያለውን ቀጥተኛ ግንኙነት በማጠናከር፣ ግልጽነትንና ተጠያቂነትን በማሳደግ የሕዝብ አገልግሎት ይበልጥ ቀልጣፋ፣ ተደራሽና ተገልጋይ ተኮር እንዲሆን የሚያግዙ መድረኮች ናቸው።


# # # # # # # # # # #
መረጃን ከምንጭ በተለያየ አማራጭ
https://linktr.ee/Addis_Ketema_Communication

24/10/2026

በክፍለ ከተማው የተዘረጉ የሰንበት ገበያዎች ሁሉንም አይነት ምርት በማቅረብ የተረጋጋ የገበያ ሁኔታ እንዲፈጠር ከፍተኛ ሚና እየተወጡ ይገኛሉ::
***********************
ጥቅምት 14-2019 ዓ.ም

በአዲስ ከተማ ክ/ከተማ በተዘረጉ ከ27 በላይ የቅዳሜና እሁድ ሰንበት ገበያዎች ሁሉም አይነት የግብርናና የኢንዱስትሪ ምርቶች ቀርበዋል::

በሰንበት ገበያዎች በቂና ሁሉንም አይነት ምርቶች በመቅረባቸው የተረጋጋ ገበያ እንዲፈጠር የህብረተሰቡ የጀርባ አጥንት ሆነው እያገለገሉ ነው ሲሉ የፍጆታ ምርት ሲሸምቱ ያገኘናቸው ነዋሪዎች ተናግረዋል::

ሁሉም አይነት የግብርናና የኢንዱስትሪ ምርቶች የቀረቡ ሲሆን የንግድ ቢሮ ባወረደው የመሸጫ ዋጋ መሰረት እየተገበያየ ይገኛል::


!!

# # # # # # # # # # #
መረጃን ከምንጭ በተለያየ አማራጭ
https://linktr.ee/Addis_Ketema_Communication