Mana Murtii Aanaa Abbichuu fi Nya'aa-Abbichu and Gnea Wereda Court

13/06/2024

Dhimma Naamusa Abbaa Seerummaa Irratti Hubannoo Kenname . Hayyuu Gadaa Tuulamaa

26/03/2024

====//======

Duula Mooraa Qulqulleessuu Hojjattoota Mana Murtii Aanaa Abbichuu fi Nya'aa fi Iddoo Mana Hojii Mootummaa Hawwataa taasisuu.

Bitootessa 17 /2016 Hawaasni Mana Murtii Aanaa Abbichuu fi Nya'aa Hojiilee Idilee Mana Murtii keessatti hojjatamu cinaatti Duula Mooraa qulqulleessuu bifa qindoomina qabuun hirmataniiru

Telegram: t.me/abbichuweredacourt

12/03/2024

=======//=======
Himatamaan Miidhamaa dhuunfaa dhagaa darbatee ija balleesse adabbii hidhaa Cimaatiin adabame..
Himatamaan maqaan isaa…Wandwasan Tasfaayee Araarsoo jedhamu Seera Yakkaa bara 1996 bahe kewt.555(b) irra darbuudhaan ta’e jedhee itti yaadee Miidhaa Qaamaa Namarraan gahuuf gaafa guuyyaa 30-03-2016 guuyyaa keessaa tilmaamaan sa’aatii 8:00 yommuu ta’u Go/Sha/Kaabaa Aanaa Abb/Nya’aa Magaalaa Mandiidaa Ganda 01 iddoo addaa Mooraa Mana Amantaa Maaramii jedhamuun beekamu keessatti Miidhamaa dhuunfaa Maqaan isaa Xilaahuun Saahilee jedhamu sababa tokko malee dhagaadhaan darbatee ija mirgaa irra yeroo tokko rukkutee agartuu ija isaa waan balleesseef Yakka Miidhaa qaamaa Cimaa namarraan gahuu raawwateera jechuudhaan himannaan abbaa alangaa Aanaa Abbichuufi Nya’aatiin irratti dhiyaatee,himatamaanis dhaddachatti dhiyaatee eenyummaan isaa erga adda baheen booda himanni abbaa Alangaa qaqqabee jira...
Himatamaan falmiif qopha’uu ibsee,Dhuunfaan kan falmachuu hin dandeenye ta’uu ibsee Manni murtiis tumaa SY kwt 555/B himatamaan ittin himatame ,Umuriifi sadarkaa barumsaa isaa ilaalcha keessa galchuudhaan himatamaaf abukaatoon ittisaa Mana Murtii akka dhaabbatuuf taasisee jira...
Himatamaan himannaa Abbaa Alangaa waan haaleef bu’uura sdsfy kwt 133/2 tiin fi kwt 136 tiin Abbaan alangaa ragaa isaanii akka dhiyeeffatan Manni Murtii ajajee ragaan abbaa alangaa himatamaa irratti dhagahamee jira...
Manni Murtiis ragaa Abbaa Alangaa ragaa namaafi barreeffamaa Hopitaala irra dhiyaate erga dhagaheen booda, Ragaan Abbaa Alangaa dhiyaate akkaataa himannaa dhiyaaten himatamaan gocha ittin himatame raawwachuu isaa waan mirkaneessaniif himatamaan tumaa SY kwt 555/B jalatti himatame jalatti bu’uura sdfy kwt 142 tiin ofirraa yaa ittisuu jechuudhaan jala-murtii kennee jira...
Himatamaanis ragaa ittisa dhiyeeffatee turus ragaan ittisaa waan irraa hin ittisneef Manni Murtii Aanaa Abbichuufi Nya’a Dhaddachi Yakkaa dhaddacha gaafa guuyyaa 03-07-2016 ooleen SY kwt 555/B jalatti himatamaa fi fakkaattota isaa ni barsiisa jechuun adabbii Hidhaa Cimaa waggaa 3/sadi/ adabamee jira.

Haqaaf haqaan hojjanna!

19/01/2024

Hordoftoonni Amantaa Kiristaanaa hundi baga Ayyaana Cuuphaatiin nagaan isin gahe!

Ayyaanichi kan Nagaa,Kan Fayyaa fi Gammachuu akka isiniif ta'u hawwina.

Ayyaana Gaarii!
========//=========
ለመላው የክርስትና ዕምነት ተከታዮች
እንኳን ለጥምቀት በዓል በሰላም አደረሳችሁ!
***
በዓሉ የሰላም፣ የጤና እና የደስታ እንዲሆንላችሁ እንመኛለን!
መልካም በዓል!

Odeeffannoo Dabalataaf

Telegram: t.me/abbichuweredacourt

19/01/2024

=======//==========
Amajjii 10 /2016 Hawaasni Mana Murtii Aanaa Abbichuu fi Nya'aa Hojiilee Idilee Mana Murtii keessatti hojjatamu cinaatti Duula Mooraa qulqulleessuu bifa qindoomina qabuun hojjatamaa tureera.Bareedummaaa fi Hawwattummaan Mooraa Mana Murtii Keenyaa daran bareedaa dhufeera.

16/01/2024

Manni Murtii Aanaa Abbichuu Fi Nya’aa baasii addaa addaa fi dadhabbii abbaa dhimmaa hir’isuun Vedio conference fayyadamaa jira. Abbaan dhimmaa ol iyyannoo yeroo fudhatu galmeen isaa Scan ta’ee karaa Platform E-filling jedhamuun gara Dhaddacha Dhaabbii shanoo erga ergamee booda galmeen banameefi guyyaan beellama qabamaaf. Abbaan dhimmaas beellama isaanii eeggatanii yeroo dhufan asuma Mana Murtii Aanaa Abbichuu Fi Nya’aatti karaa vedio conference dhan dhimma isaani hordofachuu danda’u.

Telegram: t.me/abbichuweredacourt

06/01/2024

!!
--------------
(Mudde 27, 2016 MMAANY, Mandiidaa)-Hordoftoonni amantaa kiristaanaa marti baga guyyaa dhaloota Yesuus Kiristoosiin isin gahe jechaa, ayyaanichi kan nagaa fi gammachuu akka isiniif ta'u hawwii qabnu ibsina.
---------------
Ayyaana gaarii

Telegram: t.me/abbichuweredacourt

23/12/2023

22/12/2023

Yaa’iin Manneen Murtii Aadaa Aanaa Abbichuu fi Nya’aa gaggeeffame.
===============//==============
Mandiidaa Mudde 12/2016 Yaa’iin Manneen Murtii Aadaa Aanaa Abbichuu fi Nya’aa gaggeeffame...
Akkuma Beekkamu yaa’iin manneen murtii Aadaa sadarkaa Aanaatti yeroo tokko kan gaggeeffamu akka ta’e labsii 240/2013 keessatti tumamee jira ,Haaluma kanaan akka Aanaa keenyattis iddoo hirmaattoonni Jaarsolii Mana Murtii Aadaa hundi,barreessitoota Manneen Murtii Aadaa hundii fi keessummaanni kabajaa,haadholiin Siinqee Abbootii gadaa argamanitti haala hoo’aa ta’en gaggeeffamee jira...
Manni murtii aadaa wal dhabdee hawaasa giddutti uumamu karaa salphaa fi sirna aadaa bu’uureffateen hiikuudhaan hawaasni haqa karaa salphaa ta’een akka argatu taasisaa kan jirudha...
Mannen Murtii Aadaa jaarmiyaa hawaaasni Oromoo ijaaree murtii ittiin kennaa jiruu fi safuu duudhaa hawaasaa ganamaa bakkatti deebisaa kan jiruudha,
Akka Aanaa keenyattis Manni Murtii Aadaa erga hundaa’ee waggoota lama kan lakkofsise yoo ta’u,waggoota muraasa kana keessatti hojiilee heddu kan hojjatee fi haqa dhokate baasaa kan jiruudha,Waliin jireenya hawaasaa fi sabaa fi sablammoota naannnoo keenya keessa jiraatuu fi daangaa waliin qabu keessatti nageenyi akka jiraatu gahee guddaa bahachaa kan jiruudha...
Yaa’ii kana irratti argamuun haasawa baniinsaa kan taasisan pireezidaaantiin Mana Murtii Aanaa Abbichu fi Nya’aa obbo gama isaaniitiin Manneen Murtii Aadaa kenniinsa haqaa seera aadaa irratti hundaa’e dhugaa fi haqa baasuu irratti fooyya’aa tahe,hariiroo hawaasummaa waldhabdootaa cimsuu dandahu, hojirra oolchudhaan kabajamuu mirgoota lammiilee fi ol’aantummaa seeraatiif kan gumachu fi hawaasni naannichaa tajaajila haqaa dhaqqabamaa ,adeemsi isaa salphaa tahe baasii xiqqqaan akka argatu taasisuu keessaati gahee guddaa akka qaban ta’uu isa dubbatanii jiru...
Itti Gaafatamtuun Waajjira Adaa fi Turizimii Adde gama isaaniitiin,manneen murtii aadaa kana daran cimsuu fi jajjeessudhaaf hojiin bal’aan hojjatamaa kan turee ammas cimsanii akka itti fufan ta’uu akkasumas hawaasni duudhaa isa ganamaatti deebi’ee rakkoo isaa furataa kan jiru ta’uu eeranii jiru
Abbootti gadaa, haadhoolii siiqqeef Manguddoota biyyaa aanichaa waliin akkataa hojiirraa olma tumaalee seeraa aadaa irratti mariin gaggeeffamee jira.Ibsi Ejjannoos Kennameera...
Dhuma irratti hanqina jaarsa Mana Murtii Oldabarfataa dubartii tokko bakka buusuun yaa’iin kun sirnaan eebbaan goolabamee jira.

09/12/2023

Baga Guyyaa Saboota, Sablammootaa fi Uummattoota Itiyoophiyaatiin Isin Gahe.
----------------
Uummata Oromoo fi jiraattota Naannoo keenyaa maraan baga guyyaa saboota, sablammootaa fi Uummattoota Itiyoophiyaatiin isin gahe jechaa, ayyaanichi kan tokkummaa fi jaalalaa akka isiniif ta'u hawwii qabnu ibsina.
-----------------
ለኦሮሞ ሕዝብና ለክልላችን ነዋሪዎች በሙሉ እንኳን ለኢትዮጵያ ብሔሮች፣ ብሔራሰቦች እና ሕዝቦች ቀን አደራሳችሁ እያልን በዓሉ የአንድነትና የፍቅር እንድሆንላችሁ እንመኛለን፡፡

Haqaaf haqaan hojjanna

07/12/2023

Fuula Miidiyaa Hawaasaa Telegram irratti Hordoftoota #400 ol horanneerra. Link armaan gadii kanaan seenuun maatii ta'aa!

Galatoomaa🙏

https://t.me/AbbichuWeredacourt