Bng Lourenzá

18/11/2025

O BNG PROPÓN DOTAR DE ABASTECEMENTO DE AUGA OS PRINCIPAIS NÚCLEOS DA PARROQUIA DE SANTO ADRAO
Vilar, O Rodeiro, Redondelo, A Valiña, Guxide, entre outros, carecen deste servizo municipal
Lourenzá, martes 18 de novembro 2025. A auga potable e o saneamento son dereitos básicos e esenciais para a saúde e calidade de vida dos veciños. Sen embargo, en varios núcleos do municipio aínda se carece de acceso a estes servizos. Ademais, a falta de infraestruturas adecuadas pode xerar problemas medioambientais e obstaculizar o crecemento económico das zonas carentes de acceso a rede municipal de saneamento e abastecemento público de auga.
Debate no pleno deste xoves
Ante esta situación o BNG de Lourenzá vén de presentar unha moción no concello para debater no pleno deste xoves, na que solicitan que se dote do servizo de abastecemento de auga nos núcleos rurais da parroquia de Santo Adrao. Recordan os nacionalistas que a auga potable e o saneamento son dereitos básicos e esenciais para a saúde e calidade de vida da veciñanza. “Esta é unha situación de falta de abastecemento pode poñer en risco a saúde pública e ademáis a falta de infraestruturas adecuadas pode xerar problemas medioambientais e obstaculizar o crecemento económico desas zonas carentes de acceso á rede municipal de abastecemento e tamén de saneamento” afirmou a portavoz nacionalista Belén Fanego.
Esixir das institucións e organismos competentes financiamento para o abastecemento
Para garantir un acceso equitativo aos servizos básicos en todo o concello mellorando a calidade de vida da veciñanza do rural en particular e contribuindo a un desenvolvemento máis xusto de todo o territorio muncipal, o BNG proponle ao pleno que acorde comprometerse a dotar do servizo de abastecemento aos principais núcleo de Santo Adrao carentes del e que se demande das administracións e organismos competentes en materia de infraestruturas e recursos hídricos os orzamentos e axudas suficientes para tal fin.
Saneamento
A edil nacionalista refírese tamén na moción ás necesidades de saneamento existentes no término municipal, polo que demanda tamén que se leve a cabo un estudo pormenorizado sobre as mesmas para poder realizar os correspondentes proxectos.

30/06/2025

23/05/2025

18/05/2025

A deputada Sonia Vidal reclama accións concretas, financiamento real e apoio técnico para salvar a Faba de Lourenzá da desaparición O BNG acusa á Xunta do PP de deixar desprotexido un cultivo estratéxico da Mariña mentres promete axudas que non se materializan

17/05/2025

Dende o BNG de Lourenzá queremos desexar un feliz día das Letras Galegas a todas as nosas veciñas e veciños.

06/02/2025

Propón modificar as subvencións procedentes da PAC para incrementar a súa dotación e que cheguen máis fondos ao sector Avoga por desenvolver unha investigación sobre o impacto do cambio climático para paliar os seus efectos negativos sobre este cultivo Critica a Rueda que lle queira dar 250 M...

11/12/2024

NOTA DE PRENSA.
Ante a complicada situación que atravesa en Lourenzá o sector primario, especialmente o da faba
O BNG PROPÓN UNHA MORATORIA COMO MÍNIMO DE UN ANO NA APLICACIÓN DAS SUBAS DE TAXAS E IBI
Lourenzá, mércores 11 decembro 2024. A situación que atravesa o sector primario en Lourenzá, tanto na gandeiría coma na agricultura pero especialmente no que tén que ver coa faba é gravemente complicada, pois a producción da leguminosa acaba de sufrir as graves consecuencias do cambio climático con considerables perdas na producción debido a proliferación de enfermedades na planta, unhas perdas que suponen perto do 80% da producción.
Desde o BNG aseguran que este feito implica que a economía local se vai ver resentida, posto que o pequeno comercio tamén vai resultar prexudicado pola mingua dos ingresos das fabeiras. “E as perdas non acaban aquí xa que volver a producir en condicións adecuadas levará tempo e diñeiro aos produtores e produtoras ao teren que sanear tanto as terras como mercar novas sementes, o que levará aparellado un maior nivel de gastos” afirmou a portavoz nacionalista Belén Fanego.
Moratoria nas subas de Auga e IBI
A edil trasladou unha proposta á alcaldía e a todos os grupos políticos da corporación municipal para que o Pleno do Concello de Lourenzá aprobe unha moratoria de polo menos un ano na aplicación da suba da taxa polo servizo de subministro de auga e pola suba do Imposto de Bens Inmobles (rústica e urbana), que foron aprobadas no pasado pleno do 13 de novembro, co voto en contra do BNG.
Os nacionalistas laurentinos consideran que os agricultores e gandeiros son un eixo fundamental no desenvolvemento da economía local e dado o momento que están atravesando está máis que xustificada esta proposta de moratoria.
Novas axudas de outras administracións e priorización nos investimentos
Considerando tamén a merma que esta moratoria puidera producir na economía local ao reducir temporalmente o volumen de recadación impositiva, desde o BNG instan ao goberno municipal a buscar novas axudas e investimentos en todas as administracións para que as veciñas e veciños de Lourenzá sigan gozando de servizos de calidade, priorizando e estudando ben cada investimento que se fai, de xeito que se evite endebedar as arcas municipais axustando o gasto e buscando unha maior eficiencia nos proxectos novos que se emprendan.