Conselh Generau d'Aran

Casa
España
Viella
Conselh Generau d'Aran

Conselh generau d'Aran Eth Conselh Generau d’Aran ei era principau institucion de govèrn dera Val d’Aran.

Lo formen eth Sindic, eth Plen e era Comission d’Auditors de Compdes. Constituís era estructura administrativa pròpia d’Aran restablida pera Lei 16/1990, de 13 de junhsèga, sus eth regim especiau dera Val d’Aran.

09/06/2026

🎓Er IES d’Aran acuelh des d’aué es pròves d’Accès ara Universitat.

🏫Enguan, per siesau an consecutiu, es Pròves d'Accès ara Universitat se hèn en Aran. Per aquerò qu'es estudiants der IES non s'an de desplaçar entà Lhèida, e supòse un estauvi important entàs familhes des alumnes.

👩‍🎓👨‍🎓Era Val d’Aran acuelh aguesta setmana es PAU, qu’enguan amassen un totau de 42 alumnes d’Aran e 28 de Pònt de Suert.

🤝Eth passat mes de mai se hègen es pròves deth Bachibac ena Val d’Aran, per dusau an consecutiu, dempús dera sollicitud de trasladar-les tath territòri a peticion deth Conselh Generau d’Aran. Un programa educatiu que permet as estudiants de bachelierat obtier de manèra simultanèa dus títols de segondària: eth titòl de Bachelierat espanhòu e eth de Baccalauréat francés.

👏Des deth Conselh Generau d'Aran volem desirar fòrça sòrt a toti es alumnes que realizen es PAU en Institut e un bon començament en ua naua etapa educativa dera sua vida.

08/06/2026

🏔️ Vestís eth tòn balcon entara Hèsta d'Aran!

🎊Eth Conselh Generau d'Aran met, un an mès, a disposicion dera ciutadania deth territòri, drapèus dera Val d'Aran entà celebrar era Hèsta d'Aran deth 17 de junh.

📍Totes es persones que volguen penjar eth drapèu en sòn balcon ja le pòden anar a remassar, en aguesti lòcs e oraris:

📅 Des d'aué e enquiath 16 de junh:

🏢 Ena Oficina de Torisme de Vielha
📆 De deluns a dissabte
🕙 10:00 - 13:30 h
🕟 16:30 - 20:00 h

🏛️ En Ajuntament de Bossòst
📆 De deluns a diuendres
🕣 08:30 - 14:30 h

🏛️ En Ajuntament de Les
📆 De deluns a diuendres
🕘 09:00 - 14:00 h

📅 Deth 9 enquiath 12 de junh:

🏢 Ena Oficina de Torisme de Salardú
📆 De dimars a dissabte
🕣 08:30 - 13:30 h
🕔 17:00 - 19:00 h

⚠️ Sonque se poirà remassar un drapèu per persona.

04/06/2026

🎉 Eth Conselh Generau d’Aran presente era tresau edicion deth “Hestau Terson, eth son dera tèrra”

📅 Per tresau an consecutiu, eth Conselh Generau d’Aran presente eth programa deth Hestau Terson, un amàs d’actes organizadi ath torn dera celebracion dera Hèsta d’Aran deth 17 de Junh, damb era collaboracion de diuèrses institucions e entitats deth país.

🎭 Eth programa, damb activitats pensades entà toti es publics, se desvoloparà entre eth diuendres 12 e eth dimèrcles 17 de junh, e aufrirà fòrça propòstes culturaus, musicaus e participatives entà gaudir-ne en familha e damb amics.

04/06/2026

🚧 Eth Conselh Generau d’Aran reclame accions urgentes entà garantir era seguretat rotèra ena N-230.

📩 Era sindica d’Aran s’a adreçat per carta as ministres d’Interior, Fernando Grande-Marlaska, e de Transpòrts e Mobilitat Sostenibla, Óscar Puente, entà reclamar era màger celeritat possibla entara milhora dera N-230 e que s’aumente era seguretat dera via.

🚛 Eth Govèrn d’Aran tanben demane garantir contròls efectius enes restriccions dera circulacion de camions ath long dera tempsada d’iuèrn.

📲Mès Informacion: https://l1nq.com/wmvkny0

01/06/2026

🎶Aguest dijaus, 4 de junh, tàs 19:00 ores, era sedença deth Conselh Generau d’Aran acuelherà era presentacion dera tresau edicion deth hestau “TerSon”, er hestau dedicat ara cultura en Aran.

🎉Er Hestau TerSon s’includís laguens des actes dera Hèsta d’Aran e permet qu’eth 17 de junh age tanben un carácter popular e participatiu des entitats culturaus deth país, damb un programa plen d’activitats entà toti es publics, que se darà a conéisher deman pendent era presentacion dubèrta ath public.

01/06/2026

📍 Arribe era edicion numèro vint dera mitica pròva Pedals de Foc Non Stop.

🏛️ Era sedença deth Conselh Generau d’Aran, en Vielha, acuelhie era presentacion oficiau dera XXau edicion dera Pedals de Foc Non Stop, que se harà eth dissabte 27 de junh.

🏅 Recòrd d’inscrits e nauetats en recorrut:

📈 Aguesta vintau edicion consolide es sues dues distàncies classiques damb ua chifra recòrd de 1.200 participants: 1.000 ciclistes participaràn en modalitat Òr (211 km e 6.200 m de desnivèu positiu) e 200 ena modalitat Argent (83 km e 1.900 m d+).

🌍 Era corsa compdarà damb ua grana representacion de totes es comunautats autonòmes der Estat espanhòu e damb corredors internacionaus arribadi de Portugal, França, Andòrra e Soïssa.

31/05/2026

🚜 Era brigada de Servicis deth Conselh Generau d’Aran seguís damb es trabalhs de neteja, manteniment e melhora des entorns naturaus e espacis publics dera Val d’Aran.

🌿 Aguesti dies se hè eth desbrossatge manuau dera vegetacion des camins vesiaus e des accèssi entre pòbles e era N-230. En totau, se trabalhe en mès de 126 km de camins, des de Garòs enquia Pontaut e tanben en zònes de nauta montanha.

🏰 Entre es darrères intervencions, cau remercar era retirada dera vegetacion e des èrbes dera muralha deth castèth de Pijoèrt, en Les, entà ajudar a conservar eth patrimòni e melhorar era imatge der entorn.

🎨 Tanben s’an hèt trabalhs de pintura en Palai d’Espòrts entà caperar es grafitis dera façada e recuperar eth bon estat der equipament.

🚧 Ath madeish temps, era retroexcavadora trabalhe ena dubertura e manteniment de pistes forestaus, ena retirada d’arbes queiguts, pèires e petits esbaussi entà melhorar era seguretat e era accessibilitat.

📍Es intervencions se hèn enes pistes de:
• Saubaga
• Vila-Montcorbau
• Margalida
• Portet
• Betren

🌱 En parallèl, tanben s’an hèt trabalhs de neteja, desbrossatge e espodalhada en entorn dera Residéncia de Les.

🛠️ Ena pista forestau de Casau, s’a nivelat eth paviment, s’an hèt es vorères e eishamplint era via entà melhorar era visibilitat e facilitar era dubertura de pas.

31/05/2026

🔍Compartim es principaus, eveniments e actes enes qu’a participat eth Govèrn d’Aran pendent es darrèri dies.

29/05/2026

♻️ Eth Conselh Generau d’Aran a encetat ua torn d’amassades damb es ajuntaments dera Val d’Aran e entà presentar eth nau sistèma de contenedors que se plaçaràn ena tardor enes ièrles acordades.

🗂️ En aguestes amassades s’expliquen es diferentes tipologies de contenedors e es detalhs deth desplegament previst en tot eth territòri.

🤝 Es Ajuntaments de Naut Aran, Les e Es Bòrdes an estat es prumèrs municipis en conéisher aguest projècte e es sues caracteristiques.

📍 Ee amassades continuaràn era setmana que ven damb es Ajuntaments de Vielha-Mijaran e Canejan. Un còp que s’agen acabat es sessions informatives damb es municipis, se començaràn damb es EMD.

🌱 Aguesta accion forme part des intervencions entà melhorar era gestion des residus e adaptar es servicis ambientaus as besonhs dera Val d’Aran.

27/05/2026

👉Eth Conselh Generau d’Aran a aprovat era convocatòria de subvencions en airau d’espòrts entar an 2026.

💪 Ua linha d’ajudes entà impulsar eth teishut esportiu aranés, er espòrt de basa, era formacion e es activitats esportives deth nòste territòri.

📅 Activitats subvencionables entre er 1 de gèr e eth 31 de deseme de 2026.

📄 Consulta es bases e tota era informacion ena web deth Conselh

📲Mès Informacion: https://shorturl.at/eRPoM

Dirección

Plaça D'Aran 1-2
Viella
25530

Página web

http://www.conselharan.org/

Notificaciones

Sé el primero en enterarse y déjanos enviarle un correo electrónico cuando Conselh Generau d'Aran publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.