Conselh Generau d'Aran

Casa
España
Viella
Conselh Generau d'Aran

Conselh generau d'Aran Eth Conselh Generau d’Aran ei era principau institucion de govèrn dera Val d’Aran.

Lo formen eth Sindic, eth Plen e era Comission d’Auditors de Compdes. Constituís era estructura administrativa pròpia d’Aran restablida pera Lei 16/1990, de 13 de junhsèga, sus eth regim especiau dera Val d’Aran.

08/09/2026

🎉En motiu dera Hèsta Major de Vielha, eth Conselh Generau d’Aran abilitarà un servici de bus nocturn era net deth 09 ath 10 de seteme.

🚌Damb aguest servici extraordinari eth Govèrn d’Aran vò garantir era seguretat viària en nòste territòri des persones que volguen gaudir des actes previsti.

01/09/2026

📚 Comencen es pròves des certificacions d’aranés/occitan dera convocatòria de seteme deth cors 2025-2026.

📝 Eth Conselh Generau d’Aran a començat aué a examinar dera segona convocatòria, des nivèus A1 enquiath C1, en Vielha e de manèra presenciau.

🏛️ Son es pròves oficiaus entara obtencion des certificats d’aranés/occitan deth Departament de Cultura e Lengua, corresponentes ara convocatòria de seteme deth cors 2025-2026.

📖 Era jornada inaugurau a començat damb es pròves escrites e oraus des nivèus A1 e A2 ena sedença deth Govèrn d’Aran, en Vielha, de manèra presenciau.

📅 Ath long d’aguesta segona convocatòria, que se hè entre er 1 e eth 4 de seteme de 2026, se haràn es examens des nivèus A1, A2, B1, B2 e C1.

👩‍🏫 Cau remercar qu’es pròves escrites e oraus se hèn de manèra presenciau ena sedença deth govèrn aranés.

🗣️ En aguesta segona convocatòria i a ua quarantea de candidats que s’examinen.

🌐 Tota era informacion sus es certificats se poiràn consultar ena web oficiau:
aranes.conselharan.org

31/08/2026

🏃 Era 29au Corsa e caminada des 15 pòbles
torne a méter en valor es camins tradicionaus dera Val d’Aran

👥 Eth nombre d’inscrits ena edicion d’enguan artenh es 466 corredors, des quaus 196 an estat hemnes e 270 òmes.

🏔️ Era Val d’Aran acuelhec dissabte, 29 d'agost, era 29au edicion dera Corsa e caminada des 15 pòbles, ua des pròves esportives mès arraïtzades en territòri, que combine era practica esportiva damb eth coneishement e era descubèrta deth patrimòni e des camins tradicionaus dera Val.

🥾 Era corsa mès longa auie un recorrut de 21,5 quilomètres e 1.132 mètres de desnivèu positiu, mès eth programa tanben includie diferentes prepauses adaptades a d’auti perfils de participants: era caminada de 15 quilomètres, eth Trofèu Arturo Riba, d’11 quilomètres, e era Corsa e caminada Trofèu Roland Giné, de 5 quilomètres.

📊Es resultats e es classificacions dera pròva se pòden consultar en: https://sportmaniacs.com/c/29-corsa-e-caminada-des-15-pobles-26

25/08/2026

🏔️ S’a recuperat eth camin dera Cabana dera Trauèssa, en Sant Joan de Toran.

📍 Eth Conselh Generau d’Aran a acabat es trabalhs de recuperacion deth camin dera Trauèssa, un itinerari circular que connècte diuèrsi punts d’interès dera zòna de Sant Joan de Toran e eth Baish Aran.

💶 Era intervencion, a consistit ena recuperacion deth traçat e er apariament dera plataforma deth camin, atau com dera melhora dera senhalizacion der itinerari.

🪧 En çò que hè ara senhalizacion, es tres pannèus direccionaus ja son plaçats, e era setmana que ven se completarà era senhalizacion orizontau damb es corresponentes mèrques auriòles.

🥾 Er itinerari ei circular, a ua longada de 10,6 quilomètres e un desnivèu acumulat d’uns 800 mètres, e se pòt completar en 4 o 5 ores, en foncion deth ritme. Eth camin se pòt hèr enes dus sentits.

🗺️ Gessent deth refugi dera Honeria, eth recorrut passe per Sant Joan de Toran, era cabana dera Trauèssa, era cabana de Plan e eth Plan de Grauèrs, entà tornar a baishar tath refugi pera zòna deth barratge de Sant Joan de Toran.

📲Mès Informacion:

22/08/2026

🏃‍♀️ 29au Corsa e caminada des 15 pòbles.

📅 Aguesta activitat esportiva serà en dissabte, per tresau an consecutiu, en compdes de dimenge, damb gessuda en Es Bòrdes.

🏔️ Eth dissabte 29 d’agost, era Val d’Aran tornarà a èster un gran circuït de montanha. Es camins que connècten es pòbles serviràn, un còp mès, d’itinerari tara 29au edicion dera Corsa e caminada des 15 pòbles, que damb gessuda en Es Bòrdes e arribada en Vielha ei ua cita arraïtzada en calendari esportiu aranés.

🤝Era 29au edicion dera Corsa e caminada des 15 pòbles ei organizada per Èm Aran Sports Foundation, damb eth supòrt des institucions e entitats collaboradores dera Val d’Aran.

📲Tota era informacion des dates e eth ligam tara inscripcion en: Instagram_ÈM_ARAN

21/08/2026

🔴ACTUALIZACION: Eth Conselh Generau d’Aran informe dera redubertura des barbacoes des airaus recreatius dera Val d’Aran dempús dera era mesura preventiva de barrament deth passat 10 de junhsèga coma conseqüéncia der increment deth risc d’incendi forestau.

🌧️ Dempús des ploges des darrèri dies e qu’era vegetacion ei mès umida, eth Conselh Generau d’Aran a decretat era dubertura des barbacoes exclusivament enes installacions exprèssament abilitades ad aguest efècte e damb eth compliment dera normativa aplicabla en matèria de prevencion d’incendis forestaus, en tot extremar es mesures de prudéncia e seguretat en emplec deth huec.

⚠️ En cas que i age un increment significatiu deth risc, un cambi desfavorable des condicions meteorologiques o ua activacion superiora deth Plan Alfa que hèsque aconselhable limitar er usatge deth huec, s’adoptaràn nauament mesures preventives de restriccion o barrament des installacions.

🌲 Era prudéncia e era collaboracion de toti son fondamentaus entà protegir as persones, as nòsti bòsqui e ath patrimòni naturau.

20/08/2026

🪨 Manteniment e conservacion damb pèira seca deth hilat de camins tradicionaus dera Val d’Aran.

🏛️ Eth Conselh Generau d’Aran a hèt diuèrsi trabalhs de reconstruccion e reparacion de murs damb aguest materiau en camins deth terçon de Marcatosa.

🧱 Damb aguestes accions s’an apariat quate murs de pèira seca plaçadi en camins d’Aubèrt, Arròs e Vila, qu’auien queigut ath long des mesi d’iuèrn e que podien afectar era seguretat des usatgèrs.

🔨 Entara sua reparacion s’an aplicat tecniques tradicionaus de construccion de pèira seca, entà garantir era estabilitat des murs e conservar-ne eth valor patrimoniau.

🌍 Er art dera construccion de pèira seca siguec includit ena Lista Representativa deth Patrimòni Culturau Immateriau dera UNESCO en 2018, en reconeishement ath sòn valor culturau e tradicionau.

📲Mès Informacion:

14/08/2026

🎉Eth Conselh Generau d’Aran abilitarà un servici de bus nocturn era net deth 15 ath 16 d’agost, damb motiu dera Hèsta Major de Bossòst

🚌Damb aguest servici extraordinari eth Govèrn d’Aran vò garantir era seguretat viària en nòste territòri des persones que volguen gaudir des actes previsti.

12/08/2026

🔔Conservacion des campanes dera glèisa de Sant Pèir de Gessa.

🏛️Eth Conselh Generau d’Aran a hèt ua intervencion de conservacion e reparacion des campanes dera glèisa de Sant Pèir de Gessa, entà garantir-ne era integritat, eth corrècte foncionament e era conservacion deth conjunt dera estructura d’ancratge.

🛠️ Aguesta intervencion conjunta damb era EMD de Gessa, a consistit ena substitucion des joates des dues campanes, entà respectar era tipologia e era foncionalitat des elements anteriors, damb husta naturau e tractada sense vernisi sintetics.

🔨 Tanben s’a hèt era consolidacion, adequacion e reparacion de tota era estructura d’ancratge, damb es joates naues e es batalhs, e s’an installat es campanes en sòn lòc originau.

✨ Ua actuacion entà preservar e conservar eth patrimòni culturau e arquitectonic dera Val d’Aran.

📲Mès Informacion:

Dirección

Plaça D'Aran 1-2
Viella
25530

Página web

http://www.conselharan.org/

Notificaciones

Sé el primero en enterarse y déjanos enviarle un correo electrónico cuando Conselh Generau d'Aran publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.