Convergéncia Aranesa

Casa
España
Viella
Convergéncia Aranesa

Benvengut/ Benvenguda entar espaci que mos a de servir entà dar projecccion a tot çò que pensam e

11/11/2025

🖤Era familha de Convergéncia Aranesa vò expressar eth sòn mès sentit dò pera pèrta d’Anna Díaz Morelló, que siguec conselhèra en Conselh Generau d’Aran deth 2011 enquiath 2019 e ajudèc en impuls deth torisme ena Val d’Aran a toti es nivèus.

Companha de partit mès, sustot ua amiga, Anna sigue ua des persones mès implicades en auanç socioeconomic de toti es vesins deth territòri e era projeccion internacionau d’Aran.

Gràcies per tot çò que mos as aportat. Jamès te desbrembaram.

02/01/2025

Èm coneishedors qu’aguestes hèstes de Nadau era Val d’Aran a artenhut ues excellentes donades d’ocupacion. Èm d’enorabona. Aufrim un gran servici gràcies ar esfòrç de toti es vesins e trabalhadors deth territòri en toti es sectors que, malerosament, se ve clarament perjudicat pr’amor d’aguestes imatges.

Non vam a hèr ua critica senon un petit tòc d’atencion tà qu’eth nau servici de remassada de lordères, qu’a entrat en foncionament recentaments, sigue mès eficient de çò qu’auem vist aguesti dies. Era imatge qu’aufrim dera nòsta neteja ei parièra o mès importanta qu’era rèsta de servicis, perqué ei çò que projectam ar exterior.

Des de Convergéncia Aranesa extiem era man ar actuau govèrn d’Unitat d’Aran tà cercar solucions ath respècte.

18/12/2024

🖤Convergéncia Aranesa vò transméter es mès sentides condolences a tota era familha e amics der illustre vesin dera Val d’Aran, Jusèp Amiell Solè, qu’entre d’auti reconeishements, siguec aunorat damb era Midalha d’Òr deth Conselh Generau en 2010, era Creu de Sant Jordi en 2012 o mès recentament en 2018 damb un bust ath cant dera glèisa Sant Julià de Garòs, pòble que lo vedec néisher.

Gràcies per tot eth legat que mos dèishes eth quau demorarà en nòste rebrembe e aproparam as futures generacions.

17/06/2024

💙Erosa hèsta d’Aran entà toti!

Aué auem sentut enes discorsi institucionaus es bones paraules e intencions per part deth President deth Parlament, e era vicepresidenta en funcions, , en çò que tanh ath compromís de desplegar era Lei d’Aran der an 2015 e era volentat d’aufrir ath país d’un milhor finançament, un ahèr que toti es aranesi meritam.

Coma formacion politica i seram ath dessús entà que se poguen arténher aguesti compromisi en tot bastir ua oposicion constructiva entà crear un país de present e futur.

Bona hèsta entà totes e toti! Seguim trabalhant enes ajuntaments a on governam e enes emplaçaments a on auetz decidit qu’auem de hèc des dera oposicion.

05/04/2024

❌Convergéncia Aranesa critique eth mensprètz e infrafinançament per part d’Unitat d’Aran ar Institut d’Estudis Aranesi-Acadèmia Aranesa dera Lengua Occitana

🫷🫸Pendent es darrèri ans, s’a constatat ua clara escision economica en matèria de subvencions entre era maxima institucion politica deth territòri, eth Conselh Generau d’Aran, e era maxima institucion lingüistica deth territòri, er IEA-AALO. Convergéncia Aranesa a auut tostemp ua clara sensibilizacion damb era lengua e es projèctes que se poguen prebotjar des deth país e pr’amor d’açò se destinèren es darrèrs 4 ans que siguec en govèrn un totau de 97.000 èuros ad aguesta institucion.

💶Unitat d’Aran, damb eth Sindic, Francés Boya e era Sindica, Maria Vergés, an aportat sonque 20.000 èuros es darrèrs 6 ans ara Acadèmia en un clar mensprètz ara autoritat que fixe es critèris dera lengua e que promò publicacions e articles tanplan interessanti e fonamentaus entath devier dera lengua.

🇪🇸Aguesta posicion partidista s’a vist clarament reflectida en Congrés des Deputats dies endarrèr a on, eth deputat aranés, Amador Marqués, non votèc a favor d’aufrir ara Acadèmia era possibilitat d’èster finançada annauments e de forma regulara per part der Estat. E mos preguntam, per quin motiu un deputat aranés non volerie arténher es maxims recorsi tar aranés e tara maxima institucion lingüistica.

ERC, JUNTS, BILDU, PP E SUMAR votèren a favor dera proposicion non de lei. Eth PSOE s’abstièc e VOX votèc en contra. Deisham ath vòste judici es reflexions e opinions apertientes.

15/03/2024

Aué en Plen deth Conselh Generau d'Aran auem presentat ua Mocion de supòrt ath sector dera pagesia e ramadèrs.

Deuant des eveniments devenguts a nivèu generau (Catalunya, er Estat o França) es nòsti ramadèrs tanben an reivindicacions a hèr e atau ac auem manifestar enes nòsti punts d'acòrds.

Auem hèt cambis en dus punts a peticion deth Govèrn e s'a aprovat.

Demoram qu'arriben a bon pòrt es demanes hètes!!

19/01/2024

🤚🏻🛑Convergéncia Aranesa vòte en contra dera demagògia d’Unitat d’Aran sus er ahèr dera viuenda e eth sòn intent de voler trèir es competéncies as municipis e ajuntaments dera Val d’Aran.

👎🏻Eth govèrn d’Unitat d’Aran en Conselh emplegue era complicada situacion dera viuenda d’ua forma perilhosa e sajant de cercar eth titular facil e demagogic. Dejà ac poguérem comprovar en periòde electorau a on se prometèc viuendes sociaus en parcatge des militars de Vielha en video que aciu vos adjunham e que non en tornam a saber arren mès.

🤔D’un aute costat, mos preguntam per quin motiu se posicionen en contra dera Lei 12/2023 de viuenda e non hèren cap tipe de reclamacion ath respècte en moment de gésser era Lei dera Generalitat ara lum.

✅Non èm en contra dera viuenda digna. De hèt, er Ajuntament de Naut Aran, ei er unic qu’a projectades 8 viuendes sociaus qu’anaràn directament a vesins. Hèts, non paraules. Tanben cediram terrèn public en Baqueira entà que se poguen bastir viuendes tà temporèrs.
‼️‼️Quines mesures a hèt UA en matèria d’abitatge e siguen tangibles a dia d’aué? Vos deisham era reflexion a vosati.

Damb er ahèr dera viuenda e es illusions des vesins, non se jògue.

04/12/2023

🚒Des de Convergéncia Aranesa volem felicitar a tot eth collectiu de ena hèsta dera sua patrona, Santa Barbara, autant coma arregraïr-les tot eth trabalh qu’amien a tèrme per suenhar-mos a toti es que residim en Aran.

Felicitats pompières e pompièrs! Endauant!

01/12/2023

Vielha e Mijaran a aprovat es pressupòsti mès gran dera sua istòria. Era dusaua part dera pellicula que non vos an condat ei qu’an hèt era major pujada d’impòsti dera istòria e que seràn es vesins d’aguest municipi es que patiràn es conseqüéncies.

❗️E a qué ei degut açò? Cau pagar es pujades de salaris as politics e senon poderien auer quedat en negatiu es compdes der ajuntament.

E diden que se doble es pressupòsti as pedanies. Ei cèrt. Çò que non vos an condat ei que les an dat aguesti sòs entà que agen mès competències (limpiesa de carrèrs e zònes publiques, desbrossar cementèris e terrena des EMD’S, flors, loguèr e collocacion de lums de Nadau…) e, per tant, auràn mès problèmes e mens solucions. Es pedanies an de besonh mès sòs entà hèr accions, non entà hèr toti es manteniments. Volem pòbles transformadi, non reparadi.

Enric Jimenez, portavotz de Convergéncia Aranesa en Ajuntament de Vielha e Mijaran

Dirección

Sarriulèra, 10
Viella
25530

Página web

http://www.convergencia-aranesa.org/

Notificaciones

Sé el primero en enterarse y déjanos enviarle un correo electrónico cuando Convergéncia Aranesa publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.