11/09/2026
.
💜🟰 PROGRAMA DE PREVENCIÓN DA VIOLENCIA NA MOCIDADE (PARTE 3️⃣)
💜📖 Hoxe presentamos a parte 3, e xa final, do Programa de Prevención da Violencia na Mocidade, realizado co alumnado do IES Carlos Casares durante o curso pasado e que se articulou en diferentes fases:
1️⃣ Unha primeira parte, na que se impartiron diferentes obradoiros de prevención da violencia, fomento do bo trato en parella, etc.
2️⃣ Unha segunda parte, coa creación dun mural a partir das conclusións, ideas e reflexións extraídas dos obradoiros.
3️⃣ E agora, nesta terceira e última parte, coa creación e reparto dos fanzines “sexualidades.rar”, elaborados por Outonía S. Coop. Gal. a partir das reflexións do alumnado participante nos obradoiros sobre como entenden a sexualidade desde un marco biopsicosocial.
💜📖 Estes fanzines converten as voces, ideas e reflexións das mozas e mozos nun material para compartir, cuestionar estereotipos e seguir promovendo relacións baseadas no respecto, a igualdade, o consentimento e a diversidade.
💜📖 Unha iniciativa que pon no centro á mocidade, dando valor á súa voz e fomentando espazos de participación, reflexión e aprendizaxe para avanzar na prevención das violencias e na construción de relacións máis sas e igualitarias.
👏👏 Grazas ao alumnado participante e ao profesorado do IES Carlos Casares a súa implicación e colaboración en todas as actividades propostas dende o CIM. Grazas tamén ás compañeiras de Outonía S. Coop. Gal e a Eva Piay o seu gran traballo para facer posible este completísimo programa.
💜🟰 Estas actividades de prevención da violencia na mocidade, financiadas con fondos do Pacto de Estado contra a Violencia de Xénero, reforzan o compromiso do CIM e do Concello de Viana do Bolo coa educación en igualdade e coa prevención das distintas formas de violencia
💜🟰 Porque educar en igualdade, sensibilizar e previr é a fórmula máis eficaz para avanzar cara a unha sociedade libre de violencias.
