Concello Viana do Bolo

Casa
España
Viana del Bollo
Concello Viana do Bolo

Páxina Oficial do Concello de Viana do Bolo (Ourense)

04/09/2026

.
🤝🤝 VISITA INSTITUCIONAL DE ANA PONTÓN A VIANA DO BOLO
🤝🤝 Hoxe recibimos en Viana do Bolo a visita institucional de Ana Pontón, quen mantivo un encontro coa alcaldesa para coñecer de primeira man os principais proxectos nos que está a traballar o Concello e as necesidades do noso municipio.
🤝🤝 Durante a súa visita, Ana Pontón tamén tivo ocasión de conversar con parte do persoal municipal, coñecendo as funcións que desempeñan, o traballo que realizan no día a día e as necesidades que se presentan no desenvolvemento dos seus cometidos.
🤝🤝 Un encontro para compartir propostas, trasladar necesidades e seguir buscando solucións e oportunidades para Viana do Bolo e para as súas veciñas e veciños.

04/09/2026

.
📚 ABERTO O PRAZO DE MATRÍCULA NA ESCOLA OFICIAL DE IDIOMAS DE O BARCO
🗣️ Queres aprender idiomas, abrir portas e vivir novas oportunidades? A Escola Oficial de Idiomas de O Barco amplía o prazo de matrícula ata o 18 de setembro, tanto para cursos oficiais como para cursos monográficos.
🇫🇷 FRANCÉS

A1-A2: martes e xoves, de 17:15 a 19:15 h
B1: martes e xoves, de 19:15 a 21:15 h
Monográfico de preparación das probas de certificación B2: luns, de 18:15 a 20:15 h
🇬🇧 INGLÉS

A1 e B1: martes e xoves, de 19:15 a 21:15 h
A2: mércores e venres, de 17:15 a 19:15 h
B2.1 e C1.2: luns e mércores, de 19:15 a 21:15 h
B2.2: martes e venres, de 17:15 a 19:15 h
C1.1: martes e xoves, de 17:15 a 19:15 h
Monográfico de inglés para viaxar B1: luns, de 18:15 a 19:15 h
📲 Consulta toda a información e realiza a matrícula escaneando os códigos QR do cartel.
✨ Máis idiomas, máis oportunidades!
📩 [email protected]

04/09/2026

.
⚠️🥵 AVISO NIVEL DE ALERTA VERMELLO POR VAGA DE CALOR

04/09/2026

.
🎶🎵 ESCOLAS MUSICAIS MUNICIPAIS 2026-2027
🎶🎵O Concello de Viana do Bolo abre o vindeiro luns prazo de inscrición para as Escolas Musicais Municipais do curso 2026-2027,
🎼 MODALIDADES OFERTADAS:
🎵 Linguaxe musical – Solfexo (martes)
🎸 Guitarra (martes)
🎹 Piano (xoves)
🥁 Percusión (mércores)
🪈 Gaita (mércores)
🪗 Acordeón (mércores)
👥 Dirixidas a nenos e nenas a partir de 6 anos e persoas adultas.
💶 CUSTO MENSUAL:
• 1 modalidade musical: 10 €
• 1 modalidade + solfexo: 12 €
• 2 modalidades: 14 €
• 3 modalidades: 17 €
• 4 modalidades: 30 €
• 5 modalidades: 35 €
(Descontos para familias numerosas ou en risco de exclusión social)
📌 PRAZOS DE INSCRICIÓN:
• 7, 8 e 9 de setembro: participantes das escolas musicais do curso pasado, sexan ou non do Concello.
• 10 e 11 de setembro: persoas empadroadas en Viana do Bolo que non participaron no curso pasado.
• Do 15 ao 18 de setembro: acceso libre.
📍 As solicitudes poden presentarse telematicamente ou presencialmente no Concello.
🏁 Inicio das escolas no mes de outubro
👉 O formulario de inscrición estará dispoñible na páxina web do concello "www.vianadobolo.gal" a partir do venres 4 de setembro ás 14:00 horas.
🎶 Anímate a aprender, desfrutar e vivir a música en Viana do Bolo!

03/09/2026

.
⛔️🚗 PROHIBIDO APARCAR
⛔️🚗 Lembramos a veciños/as e visitantes que dende o 1 de setembro, e seguindo a Ordenanza Municipal, está prohibido aparcar nas rúas e horarios indicados.
⛔️🚗 Así mesmo, lembramos que a Garda Civil e a Garda Civil de Tráfico teñen delegadas as competencias para a tramitación das sancións derivadas do incumprimento da normativa establecida polo Concello.
🙏🙏 Agradecemos a colaboración de todos/as para cumprir as normas e contribuír a unha mellor convivencia e seguridade viaria.

03/09/2026

.
🤝🤝 REUNIÓN ENTRE O CONCELLO DE VIANA DO BOLO E A DEPUTACIÓN DE OURENSE
🤝🤝 Onte, a Alcaldesa de Viana do Bolo mantivo en Ourense unha reunión de traballo co Presidente da Deputación Provincial de Ourense na que se abordaron diferentes cuestións de interese para o noso concello.
🛣️ A SITUACIÓN DAS ESTRADAS E AS COMUNICACIÓNS

Durante o encontro, a alcaldesa trasladou diversas necesidades e solicitudes de colaboración para a mellora das vías do municipio:

🔹 Estrada A Bouza–Pexeiros (OU-904): solicitouse información e máxima axilidade para o seu arranxo e reapertura, xa que continúa pechada desde as riadas do pasado mes de xuño.

🔹 Estrada Pexeiros–O Castro: aínda sendo unha vía de titularidade municipal, solicitouse colaboración para o seu acondicionamento, dado que actualmente soporta un importante incremento de tráfico debido ao corte da OU-904.

🔹 Estradas Viana do Bolo–Vilariño de Conso e Viana do Bolo–Manzaneda: interesámonos polo estado dos trámites tras a aprobación na Deputación da moción presentada para impulsar a mellora destas comunicacións.

🔹 Estrada de Santo Agostiño: solicitouse colaboración ante o seu importante deterioro e abordouse tamén a posibilidade de que a Deputación poida asumir a súa titularidade, ao enlazar con dúas vías que xa son de titularidade provincial.
🌧️ RECUPERACIÓN DOS NÚCLEOS AFECTADOS POLAS RIADAS

As riadas tamén tiveron un papel destacado na reunión. O Presidente da Deputación mostrou o seu compromiso para asumir a reparación e posta en servizo, coa maior urxencia posible, das vías provinciais afectadas.
🌉 PONTE DE UMOSO

Solicitouse igualmente axuda e financiamento para acometer o arranxo integral da Ponte de Umoso, unha actuación que tamén foi trasladada á Xunta de Galicia.
💶 SERVIZO DE RECADACIÓN

Por último, a alcaldesa solicitou que se retome o servizo de recadación, que é competencia da Deputación, para facilitar as xestións ás veciñas e veciños.

🤝 Foi unha reunión moi produtiva, na que se trasladaron directamente as necesidades e demandas de Viana do Bolo e se analizaron posibles vías de colaboración.
💚 Desde o Concello agardamos agora poder contar con respostas, avances e solucións concretas que permitan seguir mellorando as infraestruturas, os servizos e, en definitiva, a vida das veciñas e veciños de Viana do Bolo.

02/09/2026

.
🤝🤝 REUNIÓN DE TRABALLO ENTRE O CONCELLO DE VIANA DO BOLO E A XUNTA DE GALICIA
🤝🤝 A alcaldesa de Viana do Bolo mantivo hoxe unha reunión de traballo co delegado territorial da Xunta de Galicia en Ourense, na que se abordaron diferentes cuestións de especial relevancia para o noso concello e para o benestar das nosas veciñas e veciños, entre as que destacan:
🌧️ 1. SITUACIÓN ACTUAL E FUTURA DAS ALDEAS AFECTADAS POLAS RIADAS

Un dos asuntos prioritarios da xuntanza foi a situación actual e futura das aldeas de A Bouza, Pradocabalos, Pexeiros e O Castro, unha cuestión que continúa a ser a maior preocupación deste Goberno municipal.

Neste sentido, solicitouse información sobre as intervencións previstas para a restauración forestal e hidrolóxica das zonas afectadas, así como sobre as medidas de prevención que se van adoptar para minimizar o risco de que unha situación similar poida volver producirse no futuro.

Así mesmo, solicitouse que se tramiten axudas para as persoas afectadas polas riadas, co obxectivo de que poidan facer fronte aos danos e perdas ocasionados por estes episodios.

Tamén se preguntou polo estado da tramitación da declaración de zona de emerxencia, aprobada polo Pleno do Concello de Viana do Bolo o pasado 25 de xuño de 2026, así como pola súa evolución administrativa.
🛣️ 2. MELLORA DA OU-533 E SEGURIDADE VIARIA

Outro dos asuntos tratados foi o estado dos trámites relativos ao proxecto de mellora da estrada OU-533.

Así mesmo, trasladouse á Xunta a necesidade de mellorar e facer máis seguro o tránsito de vehículos e peóns pola nosa vila, solicitando a creación de pasos de peóns máis seguros e tamén a posibilidade de executar unha rotonda no acceso a Viana do Bolo.

Neste sentido, agardamos recibir nos próximos días a chamada da Directora Xeral de Infraestruturas, co obxectivo de avanzar nestas cuestións relacionadas coa seguridade viaria.
👵👴 3. CENTRO DE DÍA EN VIANA DO BOLO

Tamén se puxo sobre a mesa a posibilidade de crear un Centro de Día en Viana do Bolo, unha infraestrutura que consideramos fundamental e unha necesidade real para o noso concello, caracterizado por unha poboación cada vez máis envellecida e por unha importante dispersión xeográfica.
🌉 4. SITUACIÓN DA PONTE DE UMOSO

Finalmente, abordouse a situación actual da Ponte de Umoso, unha infraestrutura moi deteriorada, pero de grande importancia para as persoas que a utilizan.

Desde o Concello solicitouse a colaboración e financiamento das distintas administracións públicas para poder acometer unha actuación integral que permita recuperar esta ponte e garantir a súa seguridade e funcionalidade.
🤝🤝 UNHA REUNIÓN PRODUTIVA, Á ESPERA DE SOLUCIÓNS E INFORMACIÓN

A reunión foi produtiva e permitiu trasladar directamente á Xunta as principais necesidades e preocupacións do Concello de Viana do Bolo, así como coñecer o estado dalgunhas das actuacións e trámites pendentes.

Agora quedamos á espera de solucións e de información concreta sobre os diferentes asuntos abordados, así como de que os compromisos e cuestións trasladadas se traduzan en actuacións e avances reais e axiles

O compromiso do Concello segue sendo claro: defender os intereses de Viana do Bolo, reclamar as actuacións que o noso concello precisa e traballar para conseguir melloras e solucións para as nosas veciñas e veciños.
💚 Viana do Bolo merece atención, investimentos e solucións.

01/09/2026

.
🤝🤝 REUNIÓN DE TRABALLO EN OURENSE
🤝🤝 A alcaldesa de Viana do Bolo, Graciela Diéguez Rodríguez, manterá mañá unha reunión en Ourense co presidente da Deputación, Luis Menor, e co delegado territorial da Xunta de Galicia, Manuel Pardo, para abordar diferentes asuntos de interese para o noso concello.
🤝🤝 Un dos principais temas que se tratarán será a situación actual das aldeas afectadas polas riadas, concretamente, A Bouza, Pradocaballos, Pexeiros e O Castro.
🤝🤝 Para o Goberno municipal, a atención ás persoas afectadas e a recuperación das zonas danadas é unha prioridade, polo que a alcaldesa trasladará ás dúas administracións as necesidades existentes e a importancia de impulsar, coa maior brevidade posible, as actuacións necesarias.

🤝🤝 Agardamos que esta reunión permita coordinar esforzos, avanzar en solucións concretas e dar resposta ás necesidades dos/as veciños/as afectados/as.

🤝🤝 Dende o Concello seguiremos traballando e realizando todas as xestións necesarias para que as actuacións que sexan precisas se leven a cabo o antes posible e coa máxima coordinación entre as administracións implicadas.

01/09/2026

.
👶💶 BONO CONCILIA FAMILIA
✅ Que é?
O Bono Concilia Familia é unha axuda directa que contribúe a financiar servizos de conciliación contratados polas familias durante as vacacións escolares ou ante necesidades puntuais.
✅ Quen pode beneficiarse?
En 2026, poderán beneficiarse as familias con nenos e nenas de 4 a 13 anos (nacidos entre o 1/1/2013 e o 31/12/2022) que teñan a súa residencia en Galicia e precisen dun recurso para cubrir necesidades puntuais de conciliación polas obrigas laborais, persoais ou as responsabilidades familiares.
✅ Cal é o seu importe?
A axuda cobre ata o 75% do servizo; pero amplíase ata o 100% para as familias de especial consideración.
En todos os casos aplican estas contías máximas:
💶 500 euros por familia para contratar un coidados a domicilio.
💶 200 euros por fillo/a no caso de asistencia a servizos de conciliación colectivos
✅ Cando se pode solicitar?
Dende o 9 de setembro de 2026 (a partir das 9:00 horas) ata o 9 de outubro de 2026 (ata as 14:00 horas).
➕ℹ️ Máis información e acceso ás inscricións (cando se abra o prazo) na seguinte ligazón: 👇👇👇
https://www.pan.gal/gl/bono-concilia-familia

Dirección

Constitución 14
Viana Del Bollo
32550

Página web

http://www.vianadobolo.gal/

Notificaciones

Sé el primero en enterarse y déjanos enviarle un correo electrónico cuando Concello Viana do Bolo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.