EVGal, Empresarios Veterinarios de Galicia, Avd. de Laza, 82, Verín (2026)

12/06/2026

Hai algunhas semanas, un venres 𝟚𝟡 𝕕𝕖 𝕞𝕒𝕚𝕠, a presidenta de EVGal, María Xesús Blanco, tivo unha reunión moi importante que contaremos hoxe aquí. Foi unha xornada moi frutífera. A xuntanza era con Iago Roel, Doutor en Psicoloxía pola Universidade de Santiago de Compostela, e quería trasladarlle a felicitación das empresas veterinarias galegas a propósito do seu excelente estudo de Saúde Mental no ámbito veterinario. Un traballo académico que, polo que contou o propio Roel, espertou moitísimo interese na comunidade universitaria, sobre todo no colectivo académico de Psicoloxía. Falaron tamén de que todas as persoas veterinarias deben estar atentas, no seu día a día, no traballo habitual, para poder distinguir os sinais de alerta que se producen.

Que saiu desa reunión? Pois que 𝗲𝗻 𝘀𝗲𝘁𝗲𝗺𝗯𝗿𝗼 haberá unha cita que debedes marcar 📆 na vosa axenda. O propio Iago Roel, explicará, a todas as persoas que asistan da EVGal, múltiples detalles do seu estudo. Tamén será unha Xornada imprescindible para preguntar e tomar nota 🖋️ dos innumerables recursos que ofrece o Dr Roel para aquelas situacións, relacionadas coa saúde mental, nas que o colectivo veterinario precisa axuda de profesionais.

𝐏𝐞𝐫𝐨 𝐡𝐚𝐢 𝐦𝐚𝐢𝐬 (máis con til). O estudo precisa dunha ampliación de entrevistas para pasar de Q2 a Q1 e, precisamente por iso, nos grupos de WSP e vía e-mail trasladarase unha ampliación deste documento de investigación. Pero ollo, SÓ PARA AQUELAS VETERINARIAS E VETERINARIOS que non cubriron o estudo inicial.

Iago Roel

25/05/2026

O pasado sábado 𝟡 𝕕𝕖 𝕞𝕒𝕚𝕠, ás 16 h horas Germán Quintana Diez, empresario veterinario da Mariña Lucense, do Centro Veterinario A Marosa en Lugo e tamén CEO de Wairua Genetics, impartiu un 'Obradoiro de IA aplicado á práctica clínica' en Xixón. Concretamente no Hotel ABBA. Ben sabedes que Germán é 𝕠 𝕟𝕠𝕤𝕠 𝕥𝕖𝕤𝕠𝕦𝕣𝕖𝕚𝕣𝕠, un importante activo da Xunta de Goberno de EVGal, ademais 𝕕𝕦𝕟 𝕖𝕤𝕡𝕖𝕔𝕚𝕒𝕝𝕚𝕤𝕥𝕒 𝕧𝕖𝕥𝕖𝕣𝕚𝕟𝕒𝕣𝕚𝕠 𝕔𝕠𝕟 𝕞𝕠𝕚𝕥𝕒𝕤 𝕙𝕠𝕣𝕒𝕤 𝕕𝕖 𝕧𝕠𝕠 𝕟𝕚𝕤𝕥𝕠 𝕕𝕒 𝔸𝕀. Recomendamos a asistencia cada vez que Germán sobe a un escenario a falar, pero cando se trata de IA e veterinaria, moitísimo máis.

De feito, recentemente vén de presentar, dentro do proxecto WAIRUA, a primeira ferramenta web que lanzan, WAIRUA VetAI. Trátase dunha WebApp multifunción pensada para veterinarios/as clínicos/as, especialmente para usar no ordenador da clínica, xunto ao programa de xestión habitual. Pero como aínda está en fase beta, pode ter erros, por iso é importante que teña un uso real veterinario. Inclúe o seguinte:

💊 Consulta de medicamentos conectada con CIMA Vet e CIMA
📚 Guía farmacolóxica con filtros e buscas prácticas
🧮 Calculadoras clínicas: fluidoterapia, conversións de unidades e outras ferramentas útiles
🧰 Unha caixa de ferramentas veterinarias que iremos ampliando pouco a pouco
🔎 Utilidades pensadas para aforrar tempo, reducir erros e facilitar o traballo diario

Podedes ter acceso a todas as ferramentas activas con este código:

GTABILBAO2026

Enlace á aplicación:
https://guia-terapeutica.vercel.app/

Despois de probala, existe un formulario de feedback á disposición da/do usuaria/o.
https://forms.gle/5KYctPSHZfky1HCB9

18/05/2026

Hoxe ímonos 🤿 mergullar nun exercicio veterinario de transición. Da transición concretamente ao 1976. Atopamos "pesetas", "don Ricardo", "Orenses", "perreras" e algúns cheiros a rancio que nos levan á decada dos 📽️ setenta. 'Cuéntame' e esas cousas. As palabras deste inspector veterinario ourensán poden sorprender nalgúns dos seus termos. Pero. Cando imos á 𝓵𝓮𝓽𝓻𝓪 𝓹𝓮𝓺𝓾𝓮𝓷𝓪 deste prospecto de cincuenta anos... Ai! Como imos de rabia? Mal. Europa. 2026.

🐶

13/05/2026

𝔼𝕍𝔾𝔸𝕃 𝕟𝕠 𝕘𝕒𝕝𝕚𝕔𝕚𝕒 𝕓𝕚𝕠𝕕𝕒𝕪𝕤 𝟚𝟘𝟚𝟞 ou
que reflexións traen Germán e Juan dun dos eventos máis importantes de GZ en cuestión de ciencia & empresa?

"Hoxe foi" comeza Germán, "un deses días nos que volves coa 🌈 sensación de que o sector veterinario ten que estar onde se están tomando as decisións sobre ciencia, tecnoloxía, datos, saúde e innovación".

Juan e Germán veñen de estar na profundidade dese 🩷 vermello corporativo que é o 𝗴𝗮𝗹𝗶𝗰𝗶𝗮 𝗯𝗶𝗼𝗱𝗮𝘆𝘀. "Dende a Asociación de Empresas Veterinarias de Galicia mantivemos reunións con entidades moi relevantes, cun obxectivo claro: que as clínicas e hospitais veterinarios galegos estean representadas, conectadas e preparadas para o que vén". Apuntan "... porque as nosas empresas non só atenden animais. Xeran coñecemento 🌊 , datos clínicos 🔬, experiencia sanitaria 💊 , emprego ⚗️, innovación 🧬 e un impacto directo na saúde pública, benestar animal e One Health".

Tiveron a oportunidade de reunirse con FEUGA, a Fundación Empresa-Universidade Galega, para falar sobre a profesión 🩺 veterinaria, os retos actuais, a relación coa universidade, a evolución dos campus e posibles vías de colaboración futura entre empresa, investigación e formación.

"Tamén mantivemos unha conversa moi interesante con Qubiotech" subliñan, "unha empresa tecnolóxica con liñas de traballo en diagnóstico por imaxe e análise avanzado, explorando posibles conexións co sector veterinario e coas necesidades reais dos nosos centros".

👉 Outra das reunións, especialmente relevante foi con CESGA, o Centro de Supercomputación de Galicia, que está impulsando un espazo de datos One Health. E aquí as veterinarias e os veterinarios teñen moito que dicir. "Os datos que xeramos na práctica clínica poden ser clave para a vixilancia epidemiolóxica, a medicina preditiva, a detección temperá de riscos, o desenvolvemento de novos fármacos e a prevención de futuras ameazas sanitarias".

📌 Tamén se puido falar con NNBI, empresa navarra especializada en intelixencia artificial, sobre proxectos de futuro, biotecnoloxía, saúde e posibles aplicacións ao sector veterinario.

Continúa en comentarios...

05/05/2026

Un 'Cascade System' é unha árbore 🪾 de decisións baseada no risco, que axuda aos veterinarios e ás veterinarias a decidir que produto utilizar (comezando polos menos daniños) cando non hai ningún 𝕞𝕖𝕕𝕚𝕔𝕒𝕞𝕖𝕟𝕥𝕠 𝕧𝕖𝕥𝕖𝕣𝕚𝕟𝕒𝕣𝕚𝕠 autorizado dispoñible.

📌 A Comisión Europea aclara o uso "en cascada" de medicamentos veterinarios. A Comisión Europea vén de aclarar a aplicación do artigo 106 para medicamentos veterinarios non antimicrobianos, atendendo ás demandas do sector e aportando maior seguridade xurídica aos profesionais. Son dous documentos técnicos 💊💊 e unha noticia web 📌 sobre o uso de medicamentos veterinarios e a flexibilización do artigo 106 do Regulamento (UE) 2019/6.

1. Recomendacións do Grupo
de Expertos / Primeiro documento.
Este documento técnico establece que, aínda que os medicamentos veterinarios deben usarse segundo os termos da súa autorización de comercialización (MA), estas autorizacións non cubren todos os escenarios da práctica clínica. Por iso, clarifícase o uso da "cascada" (Artigos 112 a 114) para abordar necesidades clínicas non satisfeitas.

👉 Cando se xustifica a "cascada"? É aplicable se non hai un medicamento autorizado dispoñible, se o escenario clínico específico non está contemplado, ou se o animal non responde adecuadamente ao tratamento (falta de eficacia) ou sofre eventos adversos. Debe ser unha 𝕣𝕦𝕥𝕒 𝕖𝕩𝕔𝕖𝕡𝕔𝕚𝕠𝕟𝕒𝕝, para necesidades non cubertas, coa fin de evitar un sufrimento inaceptable e baixo a responsabilidade persoal da veterinaria/o.

👉 Escenarios permitidos. Permítese o uso baixo "cascada" para subgrupos específicos de animais (ex. xestantes, neonatos, animais moi vellos), animais con condicións de saúde subxacentes (ex. insuficiencia renal ou hepática), ou en casos de uso concomitante con outros medicamentos non previstos na MA.

2. Presentación sobre o Uso de Medicamentos fóra da MA / Segundo documento.
Esta presentación da Comisión Europea profundiza no marco legal, reiterando que o artigo 106 non é un principio absoluto e permite excepcións mediante a "cascada". Cómpre dicir que 𝕖𝕤𝕥𝕖 𝕒𝕧𝕒𝕟𝕔𝕖 𝕗𝕠𝕚 𝕚𝕞𝕡𝕦𝕝𝕤𝕒𝕕𝕠 𝕖𝕟 𝕘𝕣𝕒𝕟𝕕𝕖 𝕞𝕖𝕕𝕚𝕕𝕒 pola Organización Colexial Veterinaria (OCV) de España, que presentou un dossier con preto de 70 casos clínicos demostrando a necesidade de adaptar los tratamentos á evidencia científica.

👉 Antimicrobianos excluidos. Polo de agora, os medicamentos antimicrobianos quedaron fóra desta flexibilización, debido á sensibilidade sobre a resistencia 🔬 aos antibióticos, e abordaranse en reunións futuras.

+ info
https://www.diarioveterinario.com/t/5860142/comision-europea-aclara-desviaciones-medicamentos-veterinarios-flexibiliza-articulo-106?utm_source=newsletter&utm_medium=email&utm_campaign=Newsletter%20www.diarioveterinario.com

28/04/2026

Parece que falaron estes días nalgúns medios de comunicación de que 'O pasaporte para mascotas xa é obrigatorio para viaxar 🚂 na Unión Europea'. E claro, en varios centros veterinarios teñen preguntado. É certo que ás veterinarias e veterinarios galegos, coma noutras partes de Europa, isto non nos (vos) sorprende, porque aquí xa levamos con esta rutina dende hai anos e vai asociado ao microchip, sen embargo, noutros países da UE e noutras comunidades SI lles afecta.

Dende este mércores 22 de abril, cruzar a fronteira con animais de compañía -can, gato ou furón- implicará este requisito. O pasaporte europeo para mascotas 𝕡𝕒𝕤𝕒 𝕒 𝕤𝕖𝕣 𝕠𝕓𝕣𝕚𝕘𝕒𝕥𝕠𝕣𝕚𝕠 para ✈️ viaxar dentro da Unión Europea. A normativa reforza as condicións xa existentes e busca garantir o seguimento, a identificación e a seguridade sanitaria nos desprazamentos entre países membros. Nunha Europa onde case a metade dos fogares convive con animais, o cambio afecta a millóns de pasaxeiros cada ano.

Pasaporte Europeo: 1/ Obrigatorio para cruzar fronteiras dentro da UE, 2/ Inclúe número de microchip, datos do propietario e vacinación antirrábica, 3/ Debe estar actualizado no momento da viaxe 4/ Obtense a través dun veterinario autorizado. 5/ Ademais, en destinos como Irlanda, Malta ou Finlandia, os cans deberán recibir un tratamento específico contra E. multilocularis entre 24 r 120 horas antes da chegada. 6/ O incumprimento pode supoñer unha infracción grave, con multas que poden alcanzar os 50.000 euros. 7/ Pódense trasladar ata cinco animais (con excepcións xustificadas) e a viaxe non debe ter fins comerciais. 8/ O animal debe viaxar co seu dono ou unha persoa autorizada. Pode facelo nun transporte distinto, pero nun prazo máximo de cinco días respecto ao propietario.

22/04/2026

Falabamos a pasada semana deste estudo de Iago Roel (Pontevedra, 1986), un amigo de EVGal que traballa dende a excelencia no campo da psicoloxía.

🇬🇧 'Mental health in spanish veterinarians: emotional exhaustion, affective symptomatology and suicidal ideation'
by Sergio Guntín, Santiago López-Roel, Manuel Isorna and Francisca Fariña

"A práctica veterinaria implica unha exposición continua a esixencias psicosociais específicas que aumentan a vulnerabilidade emocional dos profesionais. Varios estudos documentaron que veterinarios e veterinarias enfróntanse a múltiples factores estresantes que afectan negativamente ao seu benestar 🧠 mental, nun contexto laboral, socioeconómico e cultural especialmente esixente. Entre estes factores inclúense a sobrecarga de traballo, a presión ética constante, o illamento profesional e o escaso recoñecemento social, condicións que poden fomentar a frustración, a despersonalización e unha sintomatoloxía afectiva grave, o que pode conducir a procesos de esgotamento, fatiga por compaixón e estrés traumático secundario. En consonancia con isto, a evidencia 🔬 empírica amosa que os profesionais veterinarios presentan taxas particularmente elevadas de ansiedade, depresión, esgotamento emocional e ideas suicidas que, con frecuencia, superan as rexistradas noutras profesións sanitarias (Bartram et al., 2009b; Best et al., 2020; Hatch et al., 2011; Hernández-Esteve et al., 2025; Máté et al., 2025). Os problemas de saúde mental e o risco de suicidio tamén afectan aos estudantes de veterinaria (Schunter et al., 2025)".

"No 🇬🇧 Reino Unido, por exemplo, observaron que na profesión veterinaria obtiñan puntuacións significativamente máis baixas en canto ao benestar psicolóxico xeral e presentaban níveis máis elevados de psicopatoloxía en comparación coa poboación xeral. Outros estudos internacionais demostraron que os níveis de esgotamento neste grupo superan aos do resto da poboación (Pohl et al., 2022). Investigacións realizadas en Austria (Neubauer et al., 2024), Australia (Hatch et al., 2011) e Canadá (Best et al., 2020) tamén confirmaron unha alta prevalencia de esgotamento e depresión no ámbito veterinario cun deterioro xeral da saúde mental, con taxas particularmente elevadas entre as mulleres".

📌 A continuación podedes consultar o estudo:
https://www.mdpi.com/2254-9625/16/4/49

17/04/2026

Iago Roel (Pontevedra, 1986) leva quince anos traballando 🔬 con deportistas de alto nivel. Doutor en Psicoloxía do Deporte, o Alto Rendemento levouno a traballar noutro ámbito como é o da empresa. Con persoas e equipos. O obxectivo sempre é a procura do benestar emocional 💙. E foi así como contactou con EVGal. O seu traballo rigoroso no académico levouno a interesarse pola 'síndrome de burnout' como un dos factores de risco máis preocupantes do sector veterinario.

👉 'Saúde mental nos veterinarios españois: esgotamento emocional, sintomatoloxía afectiva e ideas suicidas' leva por título o seu traballo de estudo máis recente coas veterinarias e veterinarios.

🇬🇧 'Mental health in spanish veterinarians: emotional exhaustion, affective symptomatology and suicidal ideation'
by Sergio Guntín, Santiago López-Roel, Manuel Isorna and Francisca Fariña

A saúde mental 🧠 da profesión veterinaria tense convertido nunha preocupación crecente debido aos elevados niveis de malestar psicolóxico e risco de suicidio descritos nesta profesión. O seu estudo examinou a asociación entre o esgotamento emocional e as ideas suicidas, tendo en conta o papel mediador dos síntomas 💊 depresivos, de ansiedade e de estrés. Un total de 216 profesionais da veterinaria española completaron cuestionarios estandarizados para avaliar o esgotamento emocional, os síntomas afectivos e as ideas suicidas. Os resultados revelaron unha alta prevalencia de extenuación emocional, con máis da metade dos participantes que referían niveis altos ou moi altos. Ademais, unha proporción considerable da mostra informou ter experimentado polo menos un indicador de ideas suicidas durante o ano anterior. O esgotamento emocional asociuse con niveis máis altos de depresión, ansiedade e estrés. Sen embargo, a análise de mediación indicou que só os síntomas depresivos explicaban a relación entre o esgotamento emocional e as ideas suicidas, mentres que a ansiedade e o estrés non mostraron un efecto mediador significativo. En xeral, o modelo explicaba 🧭 unha proporción substancial da varianza nas ideas suicidas. Estes achados poñen de relevo o papel fundamental que desenvolve a depresión na relación entre o esgotamento emocional e as ideas suicidas, o que subliña a necesidade de detectar e previr de xeito temperán os síntomas depresivos nas e nos profesionais veterinarios.

📌 A continuación podedes consultar o estudo:
https://www.mdpi.com/2254-9625/16

IAGO ROEL

11/04/2026

A resposta, en forma de carta, de 𝐕𝐄𝐓𝐒𝐔𝐍𝐈𝐃𝐎𝐒 a D. Jesús Aguilar.

𝔸𝔾𝕌𝕀𝕃𝔸ℝ 𝔼𝕃 ℂ𝕆𝕄ℙ𝔸ℝ𝔼ℂ𝕀𝔼ℕ𝕋𝔼
ℂ𝔸ℙ𝕀𝕋𝕌𝕃𝕆 𝔽𝕀ℕ𝔸𝕃 + ℤ𝔸𝕊ℂ𝔸!

A carta comeza dirixíndose ao suxeito farmacéutico:
"Sr. D. Jesús Aguilar, presidente del Consejo General de Colegios Farmacéuticos:"

Pasan a responder dende 𝐕𝐄𝐓𝐒𝐔𝐍𝐈𝐃𝐎𝐒 cunha breve introdución onde indican que escoitaron a súa comparecencia. Para engadir, a continuación, que as e os veterinarios son (sodes), certamente, unha profesión sanitaria e científica e, aínda que compañeira, dende hai tempo maltratada e esquecida para o sistema sanitario do Estado e outras profesións sanitarias, que foron metendo a súa cabeza nas súas (vosas) competencias. 𝐙𝐚𝐬𝐜𝐚! E seguen. A profesión veterinaria non só colabora para mellorar a saúde dende a perspectiva One Health, senón que é o seu piar fundamental xa que ningunha outra profesión está capacitada, cualificada ou autorizada legalmente nas competencias da saúde e a sanidade animal.

Din, tamén compartir co comparecente a urxencia de poñer en marcha a especialidade veterinaria de saúde pública, pero (oh, sorpresa) o CXCOF, que este señor comparecente preside, "personouse" ante a Sala do Contencioso-Administrativo do Tribunal Supremo para opoñerse a que os e as graduadas en Veterinaria poidan acceder á formación da especialidade de Laboratorio Clínico. Obras son amores e non boas razóns. 𝐙𝐚𝐬𝐜𝐚!

Pero moito ollo que aquí vén outro 𝐙𝐚𝐬𝐜𝐚! moi importante. Apuntan que NON é certo que os compañeiros clínicos de animais destinados a consumo humano ou équidos, cando entrou en vigor o RD666/23 acatárano sen máis e non houbera ningunha protesta (tal e como afirmaba, sen ningún rubor, 𝔸𝔾𝕌𝕀𝕃𝔸ℝ 𝔼𝕃 ℂ𝕆𝕄ℙ𝔸ℝ𝔼ℂ𝕀𝔼ℕ𝕋𝔼). De feito, o RD666/23 recibiu miles de alegacións dos clínicos de todos os ámbitos antes de ser aprobado polo Consello de ministros saínte. Unha vez aprobado foi recorrido ao TS por 3 asociacións veterinarias, e téñense mantido centos de comunicacións e escritos por parte das e dos profesiomais clínicos de gandeiría co MAPA para explicar o incompatible que é esa lexislación coa práctica da clínica e o moito máis restritiva que é en relación coa europea, sen que teñan sido escoitados. Acto seguido explican a persecución que supón PRESVET, e a comparación co que pedían dende Europa, para o 2030. Entre outras cousas.

A Resposta completa
na seguinte ligazón:
https://axoncomunicacion.net/respuesta-de-vetsunidos-a-d-jesus-aguilar/

08/04/2026

Continuamos coa polémica, e pouco rigorosa, intervención do presidente do Consello Xeral de Colexios de Farmacéuticas e Farmacéuticos, Jesús Aguilar, na Subcomisión para o Estudo da Situación da Veterinaria que tivo lugar no Congreso dos Deputados (e Deputadas) en Madrid hai dúas semanas.

𝔸𝔾𝕌𝕀𝕃𝔸ℝ 𝔼𝕃 ℂ𝕆𝕄ℙ𝔸ℝ𝔼ℂ𝕀𝔼ℕ𝕋𝔼
ℂ𝔸ℙ𝕀𝕋𝕌𝕃𝕆 𝕀𝕀

O 70% das prescricións de antibióticos que se usan en animais de compañía concéntranse en só 3 principios activos dos 33 dispoñibles”, explicou, facendo referencia ao perigo de xerar resistencia aos antibióticos. Ao que engadiu que “cando se empregan de xeito masivo un numero tan limitado de antimicrobianos, por criterios posiblemente económicos e non clínicos, non só se vulnera o marco legal, senón que se compromete a saúde pública e se favorece a aparición de resistencias”. Sobre por que se utilizan só 3 principios activos, o comparecente argumentou que é porque é imposible que nunha clínica se dispoña de “todo o arsenal farmacéutico” que si pode haber nunha farmacia.

Por outra banda, a pesar das queixas dos veterinarios sobre as dificultades dos propietarios á hora de atopar medicamentos veterinarios en farmacias, Aguilar asegurou que “non existe ningún problema de dispoñibilidade. A distribución farmacéutica conta co 97% dos antibióticos veterinarios, que poden ser dispensados nunha farmacia”, afirmou. Pero tamén argumentou que a metade das presentacións comercializadas de antibióticos veterinarios non están adaptadas para poder ser dispensadas nos centros farmacéuticos, con formatos de centenares de cápsulas ou comprimidos alonxados da posoloxía.

Sobre a falta de dispoñibilidade de medicamentos veterinarios nas farmacias, que leva tempo denunciando a Organización Colexial Veterinaria, 𝔸𝔾𝕌𝕀𝕃𝔸ℝ 𝔼𝕃 ℂ𝕆𝕄ℙ𝔸ℝ𝔼ℂ𝕀𝔼ℕ𝕋𝔼 pronunciouse tamén. “O que hai é unha prescrición, non sabemos se forzada ou non, de medicamentos non comercializados ou con problemas de subministración; nada máis e nada menos que nunha cantidade do 70%”, indicou.

Para finalizar, o presidente dos farmacéuticos, 𝔸𝔾𝕌𝕀𝕃𝔸ℝ 𝔼𝕃 ℂ𝕆𝕄ℙ𝔸ℝ𝔼ℂ𝕀𝔼ℕ𝕋𝔼, reivindicou a transparencia do seu colectivo, algo que, apuntou, debería ser igual en todas as profesións sanitarias.

EVGal, Empresarios Veterinarios de Galicia

12/06/2026

25/05/2026

18/05/2026

13/05/2026

05/05/2026

28/04/2026

22/04/2026

17/04/2026

11/04/2026

08/04/2026

Dirección

Página web

Notificaciones

Contacto La Organización

Atajos

Compartir

Categoría