Concello de Toén

19/06/2026

16/06/2026

📢 INFORMACIÓN SOBRE AS PARROQUIAS PRIORIZADAS PARA A XESTIÓN DA BIOMASA FORESTAL

O Concello de Toén informa á veciñanza das parroquias de **Toén (Santa María), Moreiras (San Pedro) e Xestosa (Santa María)** da súa inclusión no sistema público de xestión da biomasa nas faixas secundarias, dentro do convenio de colaboración entre a Xunta de Galicia e SEAGA para a prevención e defensa contra os incendios forestais.

🌿 A participación neste servizo é voluntaria e permite ás persoas propietarias das parcelas incluídas nas zonas priorizadas adherirse a un sistema de xestión que contribúe a mellorar a seguridade das persoas, das vivendas e do territorio fronte ao risco de incendios forestais.

🔥 A correcta xestión da biomasa é unha ferramenta fundamental para a prevención de incendios e para a protección dos núcleos de poboación, especialmente nas zonas máis sensibles.

ℹ️ As persoas interesadas poden consultar toda a información relativa ás condicións do servizo, custos, duración dos contratos e localización das faixas secundarias na seguinte ligazón:

👉 https://toen.gal/informacion-sobre-as-parroquias-priorizadas-para-a-xestion-da-biomasa-forestal/

12/06/2026

📢 O verán xa está á volta da esquina e no Concello de Toén xa temos preparadas dúas das actividades máis agardadas destas datas.

☀️ Campamento de Verán 2026
Dirixido a nenos e nenas de entre 3 e 14 anos, con actividades, xogos, obradoiros e moita diversión durante os meses de xullo e agosto.

📅 Prazo de inscrición: do 10 ao 25 de xuño.

🏊 Piscinas Municipais
As instalacións abrirán ao público o vindeiro 26 de xuño, en horario de 14:30 a 21:30 horas.

As persoas empadroadas poderán solicitar os seus abonos de tempada antes da apertura. Toda a información sobre inscricións, tarifas e acceso está dispoñible nos anuncios publicados polo Concello.

👉 Consulta os carteis para coñecer todos os detalles.

11/06/2026

🏁 O 60 Rallye Ourense volverá pasar por Toén.

Durante a presentación dos pilotos locais, , presidente da Escudería Ourense, puxo en valor a importancia histórica do tramo de Toén dentro da proba.

Segundo destacou, o tramo de Toén é o que máis veces se realizou ao longo da historia do e tamén o que acumula un maior número de quilómetros disputados na competición.

Un recoñecemento ao papel que Toén leva desempeñando desde hai décadas nunha das citas deportivas máis importantes de Galicia e do automobilismo nacional.

📍 O 60 Rallye Ourense volverá ter a Toén como protagonista.

10/06/2026

O Concello de Toén abre o proceso selectivo para a contratación temporal de persoal da brigada de prevención e defensa contra os incendios forestais 2026.

👨‍🚒 Postos convocados:
• 1 xefe/a de brigada
• 4 peóns/peoas

📄 Modalidade: contrato laboral temporal a xornada completa.
⏳ Duración: 3 meses.
📋 Sistema de selección: concurso de méritos.

🗓️ O prazo de presentación de solicitudes será de 5 días hábiles contados desde o día seguinte á publicación do anuncio no BOP.

As bases completas poden consultarse nas oficinas municipais e na sede electrónica do Concello de Toén.

👉 Para máis información, diríxete ao Concello ou consulta a sede electrónica municipal.