Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00 Sábado 09:00 - 13:00

Concello de Teo

Casa
España
Teo
Concello de Teo

Esta é a páxina oficial de facebook do Concello de Teo, xestionada dende a institución.

19/06/2026

A alcaldesa, Lucía Calvo de la Uz, reuniuse onte por terceira vez coa directiva da empresa que xestiona o Servizo de Axuda no Fogar (SAF) en Teo e o comité de empresa da CIG, para tratar de mediar no actual conflito laboral entre as partes.

Ambas partes mostráronse conciliadoras e puxéronse sobre a mesa dúas opcións para tratar de finalizar o conflito laboral.

Un conflito que afectou aos usuarios do Concello de Teo e, por iso, o Goberno local actuou de mediador para que se chegara a un acordo polo ben dos usuarios deste servizo e das propias traballadoras.

Máis info en teo.gal, no apartado de novas.

19/06/2026

📷 Onte inaugurouse a exposición fotográfica "Xente de Teo no 2026", cos traballos dos alumnos e alumnas do obradoiro municipal de Fotografía, o cal foi impartido por Carlos Folgoso Sueiro. Estará aberta ao público ata o vindeiro 26 de xuño, en horario de 9 a 14 horas. Animámosvos a desfrutar destes traballos, que recollen a esencia da nosa veciñanza nos seus postos de traballo. Unha marabilla de fotografías!

18/06/2026

Como consecuencia do paso do incendio forestal de Herbón-Padrón por Teo, a área arqueolóxica do Monte Piquiño veuse afectada. De feito, hai varios elementos da Ruta dos Petróglifos poderían estar danados polo lume. Unha circunstancia que xa foi posta en coñecemento da Dirección Xeral de Patrimonio Cultural da Xunta de Galicia, os cales xa nos indicaron que nos vindeiros días pasarían os técnicos a revisar a zona.

Por iso, ante os perigos que poida haber na zona, o Concello solicita á veciñanza que non acuda a esta zona, para maior seguridade de todos. Cando volva a estar dispoñible a ruta para o seu desfrute, comunicarémolo. Grazas de antemán e desculpade as molestias.

18/06/2026

A alcaldesa, Lucía Calvo de la Uz, acompañada pola concelleira de Cultura e Turismo, Margarita Rosende, e o arquiveiro municipal, Pablo Sanmartín, supervisaron o resultado final dos traballos de restauración do Cruceiro de Vilanova, na parroquia de Oza, da man do restaurador, Xabi Berna.

Estes labores centráronse na corrección dos problemas de estabilidade que presentaba a súa cimentación, coa colocación dun muro de contención que permitiu consolidar o terreo e proporcionar un apoio adecuado. Tamén se procedeu á limpeza dos elementos pétreos e da contorna do cruceiro.

18/06/2026

📢 O Concello vén de licitar o contrato para actividades e escolas deportivas no municipio para o curso 2026-2027, coa posibilidade de prórroga ata o 2028.

👉 No contrato especifícanse as actividades para adultos, entre as que están a ximnasia de mantemento e con ritmo, actividades de relaxación, artes marciais, tenis e tiro con arco; e para a rapazada, con actividades de artes marciais, tenis, iniciación a deportes varios, patín, xadrez e tiro con arco.

👉 En ambos casos -maiores e rapazada-, o período de realización das actividades e escolas será do 5 de outubro ao 12 de xuño para o curso 26/27.

👉 Os interesados teñen toda a información do proceso na Plataforma de Contratación do Sector Público e poderán presentar ofertas ata o vindeiro 2 de xullo.

18/06/2026

📋 Publicadas as listaxes definitivas das solicitudes admitidas para o Diverteo XULLO 2026.

🔗 Tendes toda a info en teo.gal, no apartado de convocatorias.

18/06/2026

Controlado o incendio forestal de Herbón-Padrón.

17/06/2026

📋 Publicadas as listaxes de persoas admitidas nos campamentos infantil e xuvenil de verán, que organiza o Concello na Coruña. Agradecemos que revisedes as listas, por se houbera algunha incidencia. Non haberá sorteo público ao entrar todas as solicitudes recibidas.

17/06/2026

Este venres, 19 de xuño, a 🚌 𝐮𝐧𝐢𝐝𝐚𝐝𝐞 𝐦𝐨́𝐛𝐢𝐥 da Axencia de Doazón de Órganos e Sangue estará situada ao carón do restaurante Pórtico, en Cacheiras, para facilitar a doazón a toda a veciñanza.

⏰ 𝐇𝐨𝐫𝐚𝐫𝐢𝐨 de 15.30 a 21.00 h

❤️ Se tes máis de 18 anos e pesas máis de 50 kg, podes facerte doante en apenas uns minutos e axudar a salvar vidas.

🩸𝐃𝐨𝐚 𝐬𝐚𝐧𝐠𝐮𝐞, 𝐝𝐨𝐚 𝐯𝐢𝐝𝐚

16/06/2026

Unha vez recibidos os datos de incidencias relacionados coa prestación das atencións por parte do Servizo de Axuda no Fogar, tanto do día de onte como de hoxe, o Concello decidiu aplicar penalidades á empresa que presta o servizo en Teo por incumprimento do contrato vixente. Así mesmo, convocouse á directiva da empresa a unha xuntanza urxente na Casa Consistorial, que terá lugar este mesmo xoves.

Dirección

Travesía Da Ramallosa, Número 38, A Ramallosa
Teo
15883

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00
Sábado	09:00 - 13:00

Página web

http://teo.gal/

Notificaciones

Sé el primero en enterarse y déjanos enviarle un correo electrónico cuando Concello de Teo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.