08/02/2025
Despois de ter adiado, por causa do temporal, as mobilizacións previstas en toda Galiza para o último domingo de xaneiro, os colectivos reunidos na Coordinadora Eólica Así Non convocamos a veciñas e veciños para o 𝗗𝗢𝗠𝗜𝗡𝗚𝗢 𝟵 𝗗𝗘 𝗙𝗘𝗕𝗥𝗘𝗜𝗥𝗢 á protestas contra o espolio eólico do país.
En Ourense, a concentración terá carácter provincial e celebrarase 𝗘𝗡 𝗖𝗔𝗥𝗧𝗘𝗟𝗟𝗘, 𝗔́𝗦 𝟭𝟮,𝟬𝟬 𝗛𝗢𝗥𝗔𝗦, no lugar da feira na alameda, por ser Cartelle e Castrelo de Miño, concello veciño, os focos neste momento da loita contra a invasión do territorio por parte das corporacións do negocio eléctrico.
A mobilización ourensá está apoiada polos seguintes colectivos: Aira das Bestas, Afiando o vento, Amigas das Árbores de Ourense, Amigas das Cegoñas, Amigas da Terra, Asociación cultural e medioambiental Tarabelada, Asociación Cultural Follas Vivas Lois Antón de Ramirás, C.S. A Alvariça de Allariz, Ecologistas em ação Galego-Trasmontano, Movemento Ecoloxista da Limia, Plataforma comarcas Limia - Verín Non ás Minas, Salvemos A Serra Martiñá, Salvemos o Támega ADEGA Monterrei e Stop Eólicos A Limia Xurés Celanova.
Noutras comarcas do país, están previstas para ese mesmo domingo mobilizacións en Val do Dubra, Mazaricos, Ortigueira, O Morrazo, Pontevedra cidade, Campo Lameiro, Sarria e Lugo.
En Cartelle, durante a concentración, habilitarase unha mesa de recollida de alegacións contra o proxecto de planta fotovoltaica de 16.000 módulos e unha potencia de 9,8 Mw que pretenden instalar entre A Bouza e Reigoso. Desde esta mesma fin de semana recolleranse alegacións en puntos de información en Cartelle, Outomuro, Castrelo de Miño, Ribadavia, Celanova, A Limia e outras comarcas.
𝐕𝐞́𝐦𝐨𝐧𝐨𝐬 𝐞𝐧 𝐂𝐚𝐫𝐭𝐞𝐥𝐥𝐞 𝐞𝐧 𝐧𝐨𝐯𝐞 𝐝𝐢́𝐚𝐬, 𝐨 𝟗 𝐝𝐞 𝐟𝐞𝐛𝐫𝐞𝐢𝐫𝐨, 𝐩𝐚𝐫𝐚 𝐛𝐞𝐫𝐫𝐚𝐫 𝐛𝐞𝐧 𝐟𝐨𝐫𝐭𝐞: 𝐄𝐨́𝐥𝐢𝐜𝐚 𝐀𝐬𝐢́ 𝐍𝐨𝐧!
POR UNHA MORATORIA EÓLICA REAL
NON AO ESPOLIO DOS NOSOS RECURSOS
NON AO ESPOLIO DO NOSO PATRIMONIO
QUE NOS ESCOITEN, QUEREMOS VIVO O MONTE
MONTE PRODUTIVO, PERO CON SENTIDO
ENERXÍA AO SERVIZO DO POBO
Movemento Ecoloxista da Limia SALVEMOS O TAMEGA.ADEGA-MONTERREI Amigas das árbores · Ourense Sindicato Labrego Galego Salvemos as Montañas de Trevinca Ecologistas Galego-Transmontano Actualidade en Petón do Lobo Amigas da Terra Plataforma comarcas Limia - Verín Non ás Minas Salvemos A Serra Martiñá Los Libros del Salvaje O Sorriso de Daniel Asociación Cultural Follas Vivas Lois Antón A Galleira Ourense Asociación Ecoloxista ADEGA Federación Ecoloxista Galega Fruga Federación Rural Galega Asociación Ridimoas BNG de Cartelle BNG Castrelo de Miño GRUPO PNB - Associação Povo e Natureza do Barroso Stop Parques Eólicos Chandrexa de Queixa Ecologistas Galego-Transmontano Ecoloxistas Galiza Atlantica e Verde Auga limpa xa
