Consello Da Cultura Galega

01/09/2026

O xornalista Pedro Vallín centra a nova sesión de cunha conferencia titulada “IA: hai alguén ao outro lado?”. En formato dialogado con Alba Meijide, consultora e deseñadora de proxectos baseados en intelixencia artificial.

Coordina Celia Pereira Porto.

📢Inscrición aberta
🗓️24/09 18:15 h

https://consellodacultura.gal/evento.php?id=202494

21/08/2026

Guillermo Aymerich é un artista que se despraza pola vida, polo mundo, e eses desprazamentos e mais as súas circunstancias son o eixe sobre o cal xira a obra deste artista tan particular e naturalmente espontáneo.
Este e outros artistas en
https://culturagalega.gal/atalaia/artistas/guillermo-aymerich

19/08/2026

A 44ª edición do Festiletras enche a aldea do Couto os días 22 e 23 de agosto cun programa repleto de cultura, música, literatura e convivencia. Recunca a colaboración co festival que este ano leva ao zanqueiro Koko Pataslongas. A aldea recibirá a visita deste artista que gosta de pasear entre a xente, escoitar, ser escoitado, saír nas fotos e desfrutar das festas.

📆 23/08
📍Aldea do Couto, Ponteceso

O 23 de agosto na Aldea do Couto

14/08/2026

Félix Fernández é deses autores interesados na transformación social e de mediación da arte, que pon o foco na maneira en que nos afectan as cuestións sociopolíticas, tecnolóxicas e ambientais.

Este e outros artistas en
https://culturagalega.gal/atalaia/artistas/fernandez-felix

14/08/2026

A institución expresa a súa satisfacción pola declaración do conxunto patrimonial de Meirás como Lugar de Memoria Democrática, formalizada pola Secretaría de Estado de Memoria Democrática e publicada hoxe, venres 14 de agosto, no Boletín Oficial do Estado (BOE).

A resolución recoñece a singular relevancia histórica de Meirás e a súa capacidade para explicar, nun mesmo espazo, diferentes procesos da historia contemporánea de Galicia e de España: desde o legado cultural e intelectual de Emilia Pardo Bazán, promotora das Torres de Meirás, ata a súa posterior conversión en residencia oficial e símbolo do poder da ditadura franquista, pasando polo proceso de apropiación do inmoble e a súa recuperación para o patrimonio público.

O CCG considera especialmente relevante que esta declaración recoñeza tamén a dimensión cultural, histórica e memorial do conxunto e contribúa a garantir a súa interpretación pública desde os principios de verdade, xustiza, reparación e preservación da memoria colectiva. A institución leva anos participando activamente nos procesos de estudo, documentación e análise relacionados con Meirás. Esta participación materializouse en diferentes informes e comisións técnicas constituídas ao longo dos últimos anos.

https://consellodacultura.gal/noticia.php?id=11999&tipo=noticia

14/08/2026

A Sección de Creación e Artes Visuais Contemporáneas, que coordina Paula Cabaleiro, abre unha consulta para recoller a túa opinión sobre a xestión dos espazos expositivos en Galicia.

👉Participa
🕐 10 min
📆 Ata o 27/09

https://novo.consellodacultura.gal/enquisas/espazos-expositivos/

12/08/2026

Chegou o día da . Consulta as recomendación elaboradas por un grupo de especialistas coordinados por Jorge Mira Pérez para unha experiencia segura.

📔 Documento "Esperando a eclipse total de sol" 👇

https://consellodacultura.gal/publicacion.php?id=4555

11/08/2026

Enrique X. Macías foi un compositor vigués pioneiro na música electroacústica galega e relevante no panorama músical contemporánea da segunda metade do século XX.
Esta mañá recibimos unha parte destacada do seu legado. Son preto de dous mil ítems xa dixitalizados que conteñen, entre outros materiais, 186 gravacións, procedentes tanto do ámbito familiar como de edicións discográficas e materiais relacionados coa actividade artística de Macías, ademais de exemplares de edicións en vinilo e discos compactos.

Un legado que se deposita no para a súa custodia e salvagarda.

A cesión formalizouse esta mañá nun acto no que participou a presidenta ; o doante e o investigador Roberto Oliveira; o director do ASG, Alejo Amoedo Portela, e a alcaldesa de Salceda de Caselas, Loli Castiñeira.

https://consellodacultura.gal/noticia.php?id=11996&tipo=noticia

10/08/2026

O pasado sábado, en Entrimo, recibimos o recoñecemento como Entidade Arraiana 2026, concedido polo Colectivo Arraianos no marco das IX Xornadas Arraianas.

Un premio que recoñece o compromiso da institución coa investigación, a difusión e a preservación da cultura e da memoria compartida entre Galicia e Portugal, e cun territorio que entende a fronteira como espazo de encontro, relación e intercambio.

O xerente do CCG, Marcelino Fernández, recolleu o galardón nun acto no que tamén foron distinguidos os expresidentes da institución Rosario Álvarez, como Arraiana Maior 2026, e Ramón Villares, como Arraiano Maior 2026. Melgaço recibiu o nomeamento de Concello Arraiano 2026.

A xornada incluíu tamén o I Seminario sobre identidade, memoria e fronteira na Raia Seca, organizado polo CCG, o Concello de Entrimo e o Colectivo Arraianos.

07/08/2026

Un xa non é quen de pensar en Antón Lamazares sen imaxinar grandes formatos de cartóns e materiais humildes pintados e vernizados, de aparencia pesada e voluminosa, de sentidas derivas emocionais, de campos tinxidos da cor da terra e de cores primitivas, reflexo de xestos orixinarios á vez que poéticos.

Descubre a este e máis artistas en
https://culturagalega.gal/atalaia/artistas/lamazares-anton