12/05/2021
🔥 LIMPEZA SOLUCIÓN XA! 🔥
Hai pouco máis dun ano o país pechábase case por completo. Unha situación de gravidade para a saúde das persoas traduciuse nun confinamento total agás das actividades absolutamente esenciais. Entre as profesións que non pararon por suposto se encontraban doutoras, enfermeiras e persoal sanitario en xeral. Pero xunto a elas outras tantas traballadoras arriscaban a súa saúde para manter as constantes vitais da sociedade.
Podemos dicir que tivemos unha mostra empírica do que entendemos como imprescindible para o noso normal desempeño. Entre estas profesións, un tanto máis anónimas no foco mediático, atopábase e atópase o persoal de limpeza. A elas tamén ían dirixidos os aplausos de milleiros de veciñas. Moitos empresarios e gobernantes sumábanse a este recoñecemento público nos grandes medios e a través de lacrimóxenas campañas de marketing.
Pois ben, non pasou nin un ano para amosarse como unha inmensa hipocresía das élites empresariais e políticas do país. En setembro do 2020 comezouse a negociar coa patronal do sector da limpeza na provincia da Coruña, e a actitude das grandes empresas rebosou de prepotencia para coas traballadoras, facendo un acto manifesto de menosprezo ás súas condicións materiais e á súa dignidade como traballadoras.
Queren que as traballadoras renuncien ó dereito á xubilación parcial, e ó dereito a incrementar a xornada cando estando a tempo parcial e hai prazas libres no centro de traballo ou na empresa. Ademáis queren conxelar ou realizar unha subida simbólica do salario a pesar de que, gracias ó COVID, estes avariciosos empresarios incrementaron o seu volume de negocio a conta do necesario incremento das tarefas de desinfección. Queren, como calquer empresa no sistema capitalista, incrementar ós seus beneficios a conta da precariedade e do risco de contaxio do persoal. Xogan coas nosas vidas sen ternos en conta para nada e menosprezando o noso traballo.
Por iso a Xuventude Comunista chama ás traballadoras do sector a que se organicen e loiten por un convenio digno primeiro, e logo continuen á ofensiva para que se sucedan conquistas de dereitos nos diferentes centros de traballo, nas diferentes empresas.
Pero tamén chamamos ó conxunto da clase traballadora a solidarizarse coas traballadoras da limpeza. É un claro exemplo do menosprezo de clase que teñen os empresarios coas traballadoras. Somos imprescindibles, sumemos forzas para conquistar os dereitos que como tal nos corresponden. Pasemos á ofensiva!
![[ ] Tal día coma hoxe Manolito Bello era asasinado polo franquismo a garrote vil despois de ser torturado e sometido a u...](https://img5.govern1.com/608/015/1874120376080158.jpg)
