Galiza Nova

01/09/2026

🔊 Os días 25, 26 e 27 de setembro terán lugar en Corcubión as ###VI Xornadas de Formación de Verán de Galiza Nova.

📝 Inscríbete con data límite o mércores, 16 de setembro no formulario da nosa biografía!

Nun contexto marcado polo avance do discurso reaccionario e pola normalización da xenofobia como unha das súas principais manifestacións, esta xornada pretende abrir un espazo de formación, aprendizaxe e debate críticos arredor da inmigración na Galiza, así como á resposta antirracista e antifascista que debemos dar como mocidade galega.

Grazas a Belén Fernández, Antía Pérez, Helena Miguélez, Keina Espiñeira, Neal Baxter, Laura Bugalho e Gabriela Frias, así como ás achegas de tódalas participantes, ofreceremos tempo de reflexión e debate arredor de conceptos como inmigración, xenofobia, galeguidade, antirracismo e soberanía. Tamén queremos agradecer ao Concello de Corcubión por cedernos os espazos.

En definitiva, estas xornadas constitúen unha ferramenta para reforzarmos a análise política e avanzarmos na construción dunha República galega soberana e igualitaria.

18/08/2026

17/08/2026

Día da Galiza Mártir ✊🏼💙

Hoxe, 17 de agosto lembramos a figura de Alexandre Bóveda, asasinado polo fascismo, e a de tódalas persoas que foron represaliadas por defender a liberdade, a democracia e os dereitos nacionais do noso pobo.

Na nosa terra cumprirase a vontade dos mártires!

12/08/2026

Moncho Reboiras foi un mozo galego asasinado pola policía franquista o 12 de agosto de 1975 por defender o seu país e as clases populares galegas.

Na Galiza Nova reivindicamos a súa figura, reafirmando o noso compromiso inquebrantábel na construción dunha Galiza ceibe e popular.

Moncho Reboiras, a loita continúa! ✊

06/08/2026

📅 O vindeiro 17 de agosto vémonos en Pontevedra no Día da Galiza Mártir, para facer memoria contra o que representa o terror fascista e reivindicar o legado de Alexandre Bóveda e de todas as persoas que deron a súa vida por defender a liberdade, a democracia e os dereitos do noso pobo. ✊

💙🤍 Vémonos alí.

05/08/2026

🔊 Sae á luz o caderno de formación Imperialismo. Chaves para entender o mundo actual!

📚 Partindo dos debates mantidos na pasada Xornada de formación Antimilitarista en Vigo, este caderno ten como obxectivo achegar algunhas chaves para comprender o imperialismo, como se manifesta no mundo actual e que consecuencias ten para unha nación dependente como a nosa.

📖 Editado polo Grupo de Traballo de Formación, estas páxinas tratarán de ofrecer as ferramentas teóricas para interpretar as dinámicas internacionais dende unha perpectiva antiimperialista, pois a loita pola emancipación nacional do noso pobo non se pode disociar do marco xeral imperialista en que vivimos.

✊ Agardamos que este caderno contribúa a ese obxectivo e que sirva para crear unha conciencia crítica entre a mocidade organizada!

📣 Dispoñíbel en PDF na nosa web!

30/07/2026

Intervención do noso Secretario Xeral, Artai Gabiás, no Día da Patria Galega:

Galiza é unha nación, queiran ou non, somos unha nación! e temos dereito á autodeterminación!

28/07/2026

Rosalía e Castelao non nos deixaron só unha obra, senón un ideario e un camiño a percorrer. As súas ideas viven mentres a liberdade deste país siga sendo unha tarefa pendente. Por iso, nós seguimos loitando até acadar a Galiza ceibe con que soñamos!

📸 Iciaa💫