Consorcio de Santiago

07/09/2026

🌲 O venres 4 de setembro arrancou a segunda parte do CEGOR coa visita a Maderas Besteiro, o laboratorio PEMADE-USC e o edificio IMPULSO VERDE do Concello de Lugo. En Maderas Besteiro, Adolfo Montero, director da Oficina Técnica, guiou unha visita polas instalacións, na que se puido ver funcionando a máquina de control numérico de 6 eixes para a mecanización de elementos estruturais de madeira. Impresionante, un orgullo contar con empresas como Maderas Besteiro en Galicia.

Tras a visita a Maderas Besteiro visitouse o laboratorio PEMADE-USC. Na visita, guiada polo catedrático Manuel Guaita e polo profesor Jose Antonio Lorenzana, o grupo CEGOR tivo a oportunidade de presenciar o ensaio a rotura dun elemento estrutural de madeira e coñecer os últimos avances no desenvolvemento de estruturas mixtas de madeira-formigón que está desenvolvendo a Universidade de Santiago en colaboración coa empresa RODIÑAS, outro motivo de orgullo, que vén verificar o lema de «máis madeira, que isto é Galicia».

🏗️ Para finalizar a xornada visitouse o edificio IMPULSO VERDE do Concello de Lugo. Recibiunos o arquitecto Benigno Jauregui, da Empresa Municipal de Vivenda e un dos artífices do proxecto de referencia de construción sostible en madeira, no que Galicia é, cada día máis, un referente de iniciativas públicas e privadas de éxito.

📸 Na última imaxe podemos ver ao CEGOR posando en PEMADE-USC cos profesores Manuel Guaita e Jose Antonio Lorenzana sobre as estruturas híbridas de madeira-formigón desenvolvidas no proxecto europeo LIFE, no que tamén participou a empresa galega de prefabricados RODIÑAS.

03/09/2026

🪨🥾 Un dos labores máis importantes que leva a cabo o Consorcio de Santiago na Cidade Histórica é o mantemento dos pavimentos polos que cada día camiñamos miles de persoas.

👷‍♀️ A través do programa A Pedra Que Pisas, o Consorcio traballa desde 2008 na conservación e mantemento do enlosado histórico, así como no estudo e mellora dos métodos de intervención para a súa reparación e conservación.

🏛️ Máis de 60.000 metros cadrados de pavimento que forman parte da identidade de Compostela e que coidamos día a día.

03/09/2026

🏅 A Premio Nobel de Física en 2023, Anne L'Huillier, será este outono a vindeira convidada do Programa ConCiencia da Universidade de Santiago de Compostela e do Consorcio de Santiago, dirixido polo catedrático Jorge Mira Perez. Entre o extenso programa de actividades previsto, a profesora da Universidade de Lund (Suecia) pronunciará a conferencia ‘O mundo dos átomos á escala de tempo do attosegundo’, aberta ao conxunto da cidadanía.

📆 2 de outubro
⏰ 19.30 horas
📍 Auditorio ABANCA (Rúa Preguntoiro, 23. Santiago)

🌟 A investigadora, que conseguiu o recoñecemento da Academia sueca polos seus métodos experimentais que xeran pulsos de luz de attosegundos para o estudo da dinámica do electrón na materia, manterá xuntanzas con persoal investigador da USC e mesmo chegará a impartir unha clase na Universidade de Santiago de Compostela. 📸: Kennet Ruona

🗞️ https://www.usc.gal/gl/programa-conciencia/novas/nobel-fisica-2023-anne-lhuillier-proxima-convidada-programa-conciencia-impartira-clase-outono-usc

02/09/2026

🏛️ A fachada leste da Facultade, renovada

Xa podemos apreciar o resultado da intervención realizada polo Consorcio de Santiago na fachada leste da Facultade de Xeografía e Historia.

Os traballos centráronse na restauración, conservación e limpeza dos paramentos pétreos, coa finalidade de estabilizar a pedra e frear os procesos de deterioración provocados por diversos factores ambientais e polo paso do tempo. Unha actuación que contribúe a preservar o valor patrimonial do edificio.

27/08/2026

🪵🏛️ O CEGOR 2026, o curso que a Fundación Laboral de la Construcción Galicia organiza en colaboración co Consorcio de Santiago, continúa achegando ao alumnado o coñecemento directo dos materiais e dos oficios tradicionais.

🪚 O vindeiro 12 de setembro, Casa RIA acollerá a conferencia «Madeira: man e vidas», impartida por Frank Buschmann, arredor do traballo coa madeira e dunha maneira de entender a ebanistaría baseada no coñecemento profundo do material e do oficio.

👥 A sesión, que forma parte do CEGOR, estará aberta tamén ao público, aínda que con prazas moi limitadas.

📅 Sábado 12 de setembro
🕘 De 9.00 a 10.30 h
📍 Casa RIA · Virxe da Cerca, 6 · Santiago de Compostela

👉 Reserva necesaria en [email protected], e máis información en fundacionria.org/programa

21/08/2026

Buscas unha actividade para estes días de agosto? ☀️

Aínda estás a tempo de visitar "A cidade que se soñou a si mesma. Obras e proxectos na Compostela rexionalista", unha exposición que revisita a arquitectura rexionalista de Compostela e a súa pegada na configuración da cidade que hoxe coñecemos.

👥 A mostra está comisariada por Jesús Ángel Sánchez García, docente e investigador da Facultade e membro do grupo de investigación IDEAHS. Investigación e Desenvolvemento en Artes e Humanidades, e por Santiago Rodríguez Caramés, antigo integrante do grupo.

Entre proxectos realizados e outros que quedaron no papel, a exposición recupera a historia de arquitecturas e arquitectos que contribuíron a construír unha Compostela singular, desde a estación de ferrocarril ou o campus universitario ata o Mercado de Abastos.

Un dos grandes protagonistas da mostra é o proxecto que Antonio Palacios imaxinou en 1932 para a Rúa Galicia, pensado para conectar Porta Faxeira co Obradoiro e que agora podemos coñecer tamén a través dunha virtualización en 3D e dun percorrido 360º.

📍 Casa do Cabido, Santiago de Compostela
📅 Ata o 30 de setembro
🔗 Máis informaicón: https://www.ideahs.es/acidadequesesonhou

14/08/2026

🏛️✨ Queres descubrir como se foi construíndo a Compostela que coñecemos hoxe... e tamén a que nunca chegou a existir?

📐 A exposición “A cidade que se soñou a si mesma. Obras e proxectos na Compostela rexionalista” amosa a transformación de Santiago no século XX, cando a cidade foi definindo a súa identidade entre o Románico, o Barroco e a tradición galega.

📸 Fotografías, planos e documentos históricos permiten coñecer tanto os edificios construídos como os proxectos que quedaron no papel, revelando a Compostela que foi e a que puido ser.

🎥 Destaca a recreación 3D do proxecto de Antonio Palacios para unir a Porta Faxeira coa Praza do Obradoiro, realizada polo Centro Infográfico Avanzado de Galicia (CIAG).

📍 A mostra pode visitarse de balde na Casa do Cabido na Praza de Praterías, de martes a sábado de 10:00 a 14:00 h e de 17:00 a 21:00 h, e os domingos de 11:00 a 14:00 h.

14/08/2026

📣Xa podes consultar as listaxes definitivas de persoas admitidas e as puntuacións do programa de formación e emprego 'RenÓbrate' en colaboración coa Xunta de Galicia.

ℹ️ Podes ler toda a información aquí: https://galicia.fundacionlaboral.org/actualidad/noticias/territorial/publicadas-as-listaxes-definitivas-do-programa-de-formacion-e-emprego-renobrate-en-colaboracion-coa-xunta-de-galicia

Concello de Arteixo Concello do Carballiño Pazo de Raxoi Consorcio de Santiago

11/08/2026

📣Xa podes consultar as listaxes provisionais de persoas admitidas e as puntuacións do programa de formación e emprego 'RenÓbrate' en colaboración coa Xunta de Galicia.

ℹ️ Podes ler toda a información aquí: https://galicia.fundacionlaboral.org/actualidad/noticias/fundacion/consulta-as-listaxes-provisionais-de-persoas-admitidas-do-programa-de-formacion-e-emprego-renobrate-en-colaboracion-coa-xunta-de-galicia

Concello de Arteixo Concello do Carballiño Pazo de Raxoi Consorcio de Santiago

10/08/2026