Lunes 10:00 - 15:00 17:00 - 19:00 Martes 10:00 - 15:00 Miércoles 10:00 - 15:00 Jueves 10:00 - 15:00 Viernes 10:00 - 15:00

CIM Ribeira

O Centro de Información á muller de Ribeira é un servizo para a promoción da igualdade e a prevención da violencia de xénero

05/09/2026

💜 **CHEGA A SEGUNDA EDICIÓN DE “CAMBIA O CONTO!”**

Unha nova oportunidade para **reflexionar, aprender e avanzar cara a relacións máis igualitarias, corresponsables e libres de violencias**.

Ao longo da formación traballaranse cuestións como:

🏠 O reparto equilibrado das tarefas domésticas e dos coidados.
💜 Conceptos básicos sobre igualdade e corresponsabilidade.
👥 Novas masculinidades.
✋ Identificación e prevención das violencias machistas.
💬 Espazos de diálogo e participación entre homes e mulleres.

Unha proposta para compartir experiencias, cuestionar modelos e seguir construíndo novas formas de relacionarnos baseadas na **igualdade, o respecto e a corresponsabilidade**.

📅 **Prazo de inscrición ata o 11 de setembro.**

📝 **Formulario de inscrición:**
https://7cwo9.r.ag.d.sendibm3.com/mk/cl/f/sh/SMK1E8tHeFuBlbNhfncOwtbeOFwC/q_6RpqyfjURf

📣 Animámosvos a participar e tamén a compartir a información con todas aquelas persoas ás que lles poida interesar!

**Unha iniciativa de FADEMUR Galicia.**

26/08/2026

💜 FORMACIÓN ESPECIALIZADA EN VIOLENCIA DE XÉNERO | ÚLTIMAS PRAZAS

Compartimos esta oportunidade formativa da Universidade de Santiago de Compostela para todas aquelas persoas interesadas en ampliar a súa formación e especialización no ámbito da violencia de xénero.

🎓 Diploma de Especialización en Violencia de Xénero

Un posgrao 100 % online e de maneira asíncrona, pensado para facilitar a conciliación da formación coa vida laboral e persoal: cada venres estarán dispoñibles na plataforma as clases e materiais, contando ademais con prazos amplos para a realización dos traballos.

📅 Do 9 de outubro de 2026 ao 26 de febreiro de 2027.

Está dirixido a persoas tituladas en ámbitos como Psicoloxía, Socioloxía, Criminoloxía, Pedagoxía, Dereito e outras titulacións, sempre que a Comisión Académica considere que poden realizar a formación con aproveitamento pola súa traxectoria profesional ou interese na materia.

⚠️ QUEDAN AS ÚLTIMAS PRAZAS!

As persoas que non puideron realizar a preinscrición no prazo pero estean interesadas poden contactar canto antes e, en todo caso, antes do 18 de setembro de 2026, para consultar a posibilidade de matrícula.

📩 Información e contacto: [email protected]

📲 Axudádenos a difundilo entre persoas ás que lles poida interesar!

19/08/2026

🍳 **PRAZAS COMPLETAS!** 💜

Os **Obradoiros de Batch Cooking do CIM de Ribeira** xa teñen todas as súas prazas cubertas!

Queremos agradecer enormemente a **fantástica acollida que tivo esta iniciativa e o gran interese amosado**, que superou amplamente as prazas dispoñibles para esta edición. 🙌

Esta resposta demóstranos tamén o interese por propostas que, a través dunha actividade práctica e cotiá como é a cociña, nos permitan seguir traballando na **corresponsabilidade, no reparto equilibrado das tarefas domésticas e dos coidados e na implicación dos homes dentro dos fogares**. 🏠🍴

Sentimos non poder dar cabida nesta ocasión a todas as persoas que solicitaron participar. **Tomamos boa nota da acollida e da demanda recibida de cara a futuras edicións e novas propostas.** 💜

Grazas a todas as persoas que vos inscribistes, compartistes a información e amosastes interese na actividade.

📣 **Prazas completas — inscricións pechadas.**

Agora só queda poñernos o mandil e comezar! 👨‍🍳🥘

**CIM de Ribeira**

29/07/2026

Hoxe comezan as festas de Ribeira que son para todas e para todos! por unhas festas libres de agresións...

30/06/2026

🌈✨ O Día do Orgullo celebrouse con música, liberdade e moita enerxía!

A xornada contou coa actuación de **Broken Peach**, unha banda chea de forza, cor e ritmo que fixo vibrar ao público e puxo banda sonora a un día moi especial.

Tamén contamos coa presenza de **Silvia Superstar**, referente da escena musical e cultural, que achegou aínda máis personalidade, diversidade e forza a esta celebración.

Porque o Orgullo tamén é isto: saír á rúa, compartir, celebrar quen somos e seguir defendendo unha sociedade máis libre, máis diversa e máis igualitaria.

💜 Grazas a todas as persoas que vos achegastes para cantar, bailar e celebrar connosco o dereito a ser, amar e vivir con orgullo.

26/06/2026

🌈 Ribeira con Orgullo 2026 continúa coa música e coa festa!

Este sábado 27, a Praza Porta do Sol acolle unha tarde-noite chea de ritmo, diversidade e moitas ganas de pasalo ben.

🎧 20:00 h | Silvia Superstar DJ Set
🎤 22:30 h | Broken Peach

Unha proposta para g***r xuntas e xuntos, celebrar a diversidade e seguir facendo de Ribeira un espazo de liberdade, respecto e orgullo.

📍 Praza Porta do Sol
📅 Sábado 27

Agardámosvos! 🌈✨

26/06/2026

🎶 FESTI POPS 2026 APRÁZASE 🎶

Por previsión de fenómenos meteorolóxicos adversos, o concerto Festi POPS 2026, previsto inicialmente para o 26 de xuño, queda aprazado.

📅 Nova data: xoves, 2 de xullo
📍 Praza do Concello de Ribeira

Agardámosvos o vindeiro xoves para g***r dunha xornada chea de música, talento e orgullo compartido! 🌈🎤✨

19/06/2026

Dende o Centro de Información á Muller do Concello de Ribeira convidámosvos a participar na programación de Ribeira con Orgullo 2026, unha cita para dicir si á diversidade, defender os dereitos das persoas LGTBIQ+ e seguir construíndo unha sociedade máis libre, igualitaria e respectuosa.

Porque o orgullo tamén é memoria, cultura, encontro e compromiso colectivo.
Porque todas as persoas temos dereito a vivir, amar e ser con liberdade.

📅 Venres 26 de xuño
🕛 12.00 h. Acto institucional no Auditorio Municipal, sala polivalente.
Homenaxe a Ana Lampón Gude e Elena Rego Fernández.
🕛 12.00 h. e 20.00 h. Festi Pops na Praza do Concello.

📅 Sábado 27 de xuño
🕗 20.00 h. Silvia Superstar DJ Set na Praza Porta do Sol.
🕥 22.30 h. Broken Peach na Praza Porta do Sol.

📅 Domingo 28 de xuño
🕐 13.00 h. Sesión vermú con Dani DJ en García Bayón.
🕘 21.00 h. Cine na rúa: Elisa e Marcela, na Praza do Concello.

📅 Domingo 5 de xullo
🕗 20.00 h. Concerto Grandes Iconas, coa Orquestra Sons, no Auditorio Municipal.

💜 Dende o CIM seguimos apostando por espazos seguros, visibles e diversos, nos que todas as persoas poidan sentirse recoñecidas e libres.

🌈 Ribeira é diversidade. Ribeira é respecto. Ribeira con Orgullo.

29/05/2026

Hoxe compartimos unha formación para este verán! NOVAS FRONTEIRAS PARA A IGUALDADE DE OPORTUNIDADES! Porque formarse, compartir e reflexionar, sempre é bo plan!

29/05/2026

Lembrámosvos que entramos na recta final para presentar candidaturas ao VIII Premio "Luísa Villalta" a proxectos pola igualdade, impulsado pola Sección de Igualdade e Dereitos Civís da Deputación da Coruña.

Este premio é unha oportunidade excelente para impulsar o traballo de persoas autónomas, empresas e entidades de economía social que desenvolvan proxectos con impacto real na igualdade de xénero, a diversidade sexual e a loita contra a violencia machista.

Datos clave:

· Dotación: Ata 12.500 € por proxecto premiado.

· Modalidades:

o Proxectos Sociais (formación, investigación, sensibilización).

o Proxectos Culturais (literatura, teatro, música, cinema, artes visuais, etc.).

· Requisitos: Proxectos orixinais iniciados despois do 1 de xaneiro de 2024 e con execución na provincia da Coruña. (Deberán estar rematados antes do 31 de marzo de 2027).

· 🚨 PRAZO LÍMITE: Ata as 14:00 horas do día 28 de maio de 2026.

· Presentación: 100% telemática a través da plataforma SUBTEL.

O obxectivo é apoiar iniciativas profesionais que sirvan de motor de transformación social na nosa provincia.

Podedes consultar as bases completas e acceder aos modelos de memoria no seguinte enlace:

👉 ACCEDE ÁS BASES AQUÍ

Dirección

Rúa Deán Pequeno Nº 4, Baixo (Edificio Mirador De Padín)
Santa Eugenia De Riveira
15960

Horario de Apertura

Lunes	10:00 - 15:00
	17:00 - 19:00
Martes	10:00 - 15:00
Miércoles	10:00 - 15:00
Jueves	10:00 - 15:00
Viernes	10:00 - 15:00

Página web

https://www.ribeira.gal/

Notificaciones

Sé el primero en enterarse y déjanos enviarle un correo electrónico cuando CIM Ribeira publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.