Psoe Ribeira

01/06/2026

❌ O PSOE de Ribeira vota non ós orzamentos por seren contraditorios, improvisados e alleos ás necesidades reais

O Concello pretende investir 0 € no novo polígono industrial e 10.000 € nun cortacéspede para A Fieiteira 🤷‍♂️

ℹ️ Máis info en https://f.mtr.cool/jlzrzqdyer

29/05/2026

Onte votáronse os orzamentos do concello de Ribeira, pero o que quedou claro é que son unhas contas feitas con présa, con pouca rigorosidade e con contradicións evidentes entre a documentación que se nos entrega e o que despois se pretende defender publicamente.

A alcaldesa na sua memoria di unha cousa, pero as partidas reflicten outra ben distinta. E cando lle pedimos explicacións claras sobre esas contradicións, cando lle solicitamos que aclarase que versión era a correcta, simplemente non quixo responder.

Ribeira merece uns orzamentos serios, transparentes e ben traballados. Non unhas contas presentadas ás présas, con incoherencias internas e sen vontade política de dar explicacións cando se lle preguntan cuestións concretas.

27/05/2026

A realidade que hai detrás do traslado da residencia non é só a intención de levantar un edificio dentro do parque de San Roque, algo que xa sería unha auténtica barbaridade. É tamén o modelo que se pretende impor: afastar ás persoas maiores do centro da súa vida cotiá, deixalas máis illadas e crear serias dificultades para que poidan manter unha vida autónoma, para que as súas familias, amizades, traballadores ou persoas voluntarias poidan acompañalas con normalidade.

Pero hai algo máis. O PP quere desenvolver o que eles mesmos denominan Abesadas B, e para iso precisan unha cousa previa: abrir a porta á destrución das zonas verdes de San Roque. Primeiro trasladan, logo ocupan o parque e despois constrúen. Todo envolto nun discurso aparentemente amable, pero cun fondo moi claro.

A cultura do pelotazo nunca abandonou ao PP. Intentan disfrazalo, suavizalo e presentalo como unha solución, pero a realidade é esa: poñer en risco un espazo verde fundamental de Ribeira e empeorar a vida das persoas maiores para favorecer un modelo urbanístico que xa coñecemos demasiado ben.

27/05/2026

O luns realizamos no Pleno a quenda de réplica da proposta presentada de maneira conxunta por todas as forzas da oposición sobre o actual trazado do carril bici. Todas coincidimos nunha cuestión básica: o deseño é mellorable, presenta problemas evidentes e deben estudarse alternativas antes de continuar cunha actuación que non responde ás necesidades reais da veciñanza afectada.

O Goberno, en lugar de rectificar e asumir que o proxecto ten fallos graves, tento transformar a nosa petición nun debate sobre a creación de aparcadoiros disuasorios mcunha enmenda. Pero esa nunca foi a cuestión. O que se estaba a pedir era revisar este trazado concreto, nesta zona concreta e coas consecuencias concretas que xa advertiron os veciños.

Durante o debate quedou moi claro que PP e PBBI din unha cousa e a contraria segundo lles conveña. Din que van facer modificacións, pero tamén que non van cambiar nada. Din que a estrada é de tráfico lento, pero tamén a presentan como unha vía de tráfico rápido. Din que a beirarrúa se vai ampliar, pero ao mesmo tempo recoñecen que ocupará o mesmo espazo incluíndo o carril bici. Unha sucesión de contradicións difícil de entender e imposible de xustificar.

O que pretenden é vender como unha mellora unha actuación que, tal e como está plantexada, vai empeorar a calidade de vida dos veciños afectados. Menos espazo útil, máis problemas de accesibilidade, máis dificultades no día a día e unha solución imposta sen atender ás advertencias da propia veciñanza.

Presumen de falar cos veciños, pero reúnense con eles cando a obra xa está adxudicada e sen ningunha vontade real de modificar nada. Non escoitaron as súas preocupacións: fixeron como que escoitaban, pero o que lles trasladaron entroulles por un oído e saíulles polo outro.

Nós expuxemos a situación como a entende calquera veciño e como nos pediron que a defendésemos as persoas afectadas: con sentido común, con responsabilidade e sen aceptar que se queira disfrazar de mellora unha obra que ten fallos graves e que vai empeorar a vida dos veciños afectados.

Ribeira merece proxectos ben pensados, non imposicións disfrazadas de diálogo. A mobilidade sostible debe facerse contando coa xente, estudando alternativas e corrixindo os erros cando existen. Iso foi o que defendemos no Pleno e iso é o que seguiremos defendendo.

26/05/2026

En Ribeira, como no conxunto de Galicia, a Guerra Civil non tivo unha fronte militar aberta como noutras zonas do Estado. Tras o golpe de xullo de 1936, Galicia quedou rapidamente baixo control dos sublevados

O que aquí se viviu foi unha dura represión política, social e sindical contra persoas vinculadas á República, ao movemento obreiro, ao socialismo, ao galeguismo ou simplemente sinaladas polos seus ideais

A vida diaria quedou marcada polo medo, polas detencións, polas depuracións, polos silencios impostos e pola ruptura de moitas familias. Ribeira, como municipio mariñeiro e traballador, tamén sufriu aquel clima de persecución e control, no que moitas persoas tiveron que calar, agocharse ou asumir as consecuencias dun tempo escuro

Lembrar o que pasou non é abrir feridas: é recoñecer a quen padeceu a inxustiza, defender a memoria democrática e entender que a liberdade e a convivencia nunca deben darse por feitas

25/05/2026

🛣️ Paso histórico para a titularidade da AP-9.

Os socialistas lideramos un acordo para transferir a autoestrada a Galicia fronte aos anos de bloqueo do PP.

O obxectivo final segue sendo o mesmo: a gratuidade. Que a AP-9 deixe de ser un negocio e non lle custe nin un euro máis ás e os galegos.

23/05/2026

22/05/2026

A veciñanza de Palmeira leva meses soportando unha obra paralizada, molestias constantes, problemas de circulación e unha falta absoluta de explicacións claras por parte da Xunta.

A nosa compañeira Patricia Iglesias levou esta situación ao Parlamento de Galicia para esixir respostas, prazos reais e medidas urxentes. Porque non é serio anunciar solucións e, dous meses despois, seguir practicamente igual. Unha cesión contractual non pode converterse nunha escusa interminable mentres Palmeira continúa atrapada nunha obra sen avances visibles.

O máis grave é que o PP votou en contra da iniciativa socialista, impedindo que se reclamase un informe claro sobre o estado das obras, as causas da paralización e a data prevista de finalización.

Palmeira merece respecto, información e solucións. Non máis anuncios baleiros. Non máis desleixo. Non máis tomarlle o pelo á veciñanza.

Patricia Iglesias alerta de que as obras, que tiñan que ter rematado en marzo, continúan paradas mentres o goberno galego mira para outro lado A parlamentaria socialista Patricia Iglesias acusou hoxe

22/05/2026

Hoxe a nosa compañeira Patricia Iglesias levou á Comisión 2ª de Ordenación Territorial, Obras Públicas, Medio Ambiente e Servizos a situación da AC-305 en Palmeira, deixando claro que tardar dous meses en tramitar unha cesión contractual é un auténtico pitorreo.

Non estamos falando dun trámite imposible nin dunha cuestión extraordinaria. Trátase, basicamente, de comprobar os requisitos de solvencia económica e técnica da empresa cesionaria. O que está facendo a Xunta é tomarlle o pelo á veciñanza de Palmeira.

Xa pasaron dous meses desde que se anunciou que a obra se ía retomar e arranxar, pero a realidade é que segue paralizada. Despois presumen de bos xestores, pero non son capaces nin de resolver unha cesión contractual nun prazo razoable.

E mentres tanto, a alcaldesa tarda máis de un mes en informar a veciñanza. Esa falta de rigor é inadmisible. Ademais, non dar unha data certa de finalización da obra demostra un descoñecemento preocupante do procedemento, porque esa data debe figurar necesariamente na cesión contractual.

A alcaldesa debe ser máis seria. E se non sabe, o mínimo que debe facer é chamar á Xunta, pedir a información correspondente e explicarlle á veciñanza de Palmeira que está pasando e cando vai rematar esta situación.

O PP votou en contra da nosa iniciativa. E Palmeira, mentres tanto, segue coas obras paradas.