Sanxenxo Seguridade Cidadá

Casa
España
Sangenjo
Sanxenxo Seguridade Cidadá

Páxina oficial da Policía Local e Emerxencias de Sanxenxo
Esta páxina non é para avisos urxentes. PARA AVISOS URXENTES CHAMA AO 112

Páxina oficial da Policía Local e Emerxencias de Sanxenxo

04/09/2026

🚔 A POLICÍA LOCAL DE SANXENXO DETÉN UN CONDUTOR TRAS UNHA FUXIDA QUE REMATOU CUN ACCIDENTE EN SAMIEIRA

A Policía Local detivo un veciño de Cambados, de 25 anos, tras saltarse dous controis policiais e chocar contra un muro en Samieira.

O condutor, que presuntamente protagonizara varios altercados e causara danos no mobiliario urbano na zona do porto deportivo de Sanxenxo, fuxiu a gran velocidade pola PO-308 en dirección a Pontevedra. Tras o accidente, abandonou o vehículo xunto cun acompañante, pero ambos foron localizados polos axentes nunhas fincas próximas.

Ao identificalo, comprobouse que tiña unha orde de detención en vigor emitida por un xulgado de Caldas e que carecía de permiso de conducir, retirado en 2022. Tamén se negou a realizar as probas de alcohol e dr**as.

Impútanselle presuntos delitos de condución temeraria e contra a seguridade viaria. A Garda Civil de Pontevedra continúa coa instrución das dilixencias.

19/08/2026

👮 A Policía Local tramitou 382 denuncias por ouriñar na vía pública durante o mes de xullo

Durante o mes de xullo, a central da comisaría de Miraflores recibiu 2.540 chamadas para solicitar axuda, denunciar ou pedir información.

Ao longo do mes tramitáronse 1.694 denuncias de tráfico e 548 administrativas. Entre estas últimas, a infracción máis habitual foi ouriñar na vía pública, con 382 denuncias, principalmente en horario nocturno. Esta conduta está tipificada como infracción grave e pode levar aparelladas sancións de ata 400 euros segundo a Ordenanza de Convivencia Cidadá.

A actividade policial deixou tamén 64 denuncias por botellón, 29 por ruídos, 15 por incumprimento de horarios en establecementos hostaleiros e unha por exceso de capacidade.

🔑 Durante xullo, a Policía Local recibiu ademais 364 obxectos perdidos, dos que 145 xa puideron ser devoltos aos seus propietarios. Aneis, documentación e teléfonos móbiles foron os máis habituais, xunto con chaves, tarxetas bancarias e diñeiro en efectivo.

📰 https://tinyurl.com/IncidenciasPolicia

15/08/2026

🔥 Incendio esta madrugada na zona de Palacios, en Sanxenxo

Arredor das 2:00 horas desta madrugada rexistrouse un incendio na zona de Palacios que afectou a unha superficie aproximada de 1.500 m².

🚧 Os traballos de extinción obrigaron a cortar a PO-308 durante algo máis dunha hora para facilitar a intervención dos efectivos e garantir a seguridade na zona.

Non foi necesario realizar ningún desaloxo.

🚒 No operativo participaron Emerxencias de Sanxenxo, Policía Local e Garda Civil.

O lume foi controlado e a estrada puido reabrirse ao tráfico unha vez finalizados os traballos.

31/07/2026

🚨 Esta mañá, coincidindo coa apertura da praia de Panadeira, comprobouse que o baño do areal fora forzado e que se causaran diversos desperfectos no seu interior.

A Policía Local xa revisa as cámaras de videovixilancia situadas na zona e mantén aberta unha investigación para identificar os autores destes feitos.

30/07/2026

🚑 Intervención por unha parada cardiorrespiratoria no Paseo de Silgar

Un home de 77 anos, veciño de Biscaia, sufriu este mediodía unha parada cardiorrespiratoria mentres camiñaba polo Paseo de Silgar.

Nun primeiro momento foi atendido por unha enfermeira e unha cardióloga que se atopaban na zona, quen iniciaron de inmediato as manobras de reanimación cardiopulmonar (RCP) empregando tamén un desfibrilador facilitado polo servizo de Emerxencias.

Ata o lugar desprazouse unha ambulancia medicalizada que, unha vez estabilizado o paciente, procedeu ao seu traslado ao Hospital Montecelo.

Durante a intervención, a Policía Local regulou o tráfico na zona para facilitar a actuación dos servizos de emerxencia. No operativo participou tamén Emerxencias Sanxenxo. Incluso se iniciaron os preparativos para un posible aterraxe do helicóptero medicalizado na praia para o traslado do paciente, aínda que finalmente non foi necesario.

23/07/2026

🚨 Esta tarde produciuse un accidente na cociña da Cafetería Silgar no que unha persoa resultou ferida con queimaduras en brazos, mans, cara e cabeza.

Ata o lugar desprazáronse efectivos de Emerxencias, Policía Local e unha ambulancia. A persoa ferida foi trasladada a un centro sanitario para a súa avaliación e atención médica.

06/07/2026

🚔 A Policía Local de Sanxenxo detivo en dúas ocasións, no prazo de 15 días, a un veciño de Cambados como presunto autor de dous delitos contra a saúde pública relacionados co tráfico de substancias estupefacientes.

A primeira detención produciuse o 15 de xuño durante un control rutineiro na estrada da Lanzada, tras detectar un presunto intercambio de droga. Os axentes interviñeron 15 envoltorios cunha substancia compatible con co***na, cun peso total de 12,86 gramos, así como 125,70 euros en efectivo fraccionados.

A segunda detención tivo lugar o 26 de xuño, tras detectar unha infracción de tráfico cometida polo mesmo condutor. No rexistro corporal, a Policía Local localizou 7 envoltorios máis dunha substancia compatible con co***na ocultos, ademais de 680 euros en metálico entregados voluntariamente.

Ao detido atribúenselle dous presuntos delitos contra a saúde pública por tráfico de substancias estupefacientes. As actuacións enmárcanse nas investigacións conxuntas que desenvolven a Policía Local e a Garda Civil contra o miudeo e a venda de dr**as.

06/07/2026

ℹ️ Esta mañá, a primeira hora, declarouse un incendio nun quiosco de praia do areal da Lapa.

O lume orixinouse na cociña e provocou importantes danos materiais. Ata o lugar desprazáronse efectivos de Emerxencias Sanxenxo, Policía Local e os Bombeiros do Salnés para sufocar o incendio.

A Garda Civil investiga agora as causas do suceso. Afortunadamente, non houbo que lamentar danos persoais.

02/07/2026

🚨 Esta tarde, os servizos de socorrismo da praia da Lapa rescataron do mar a unha muller de 77 anos que sufriu unha parada cardiorrespiratoria.

A bañista atopábase á altura das boias cando comezou a atoparse mal. Os socorristas solicitaron o apoio dunha embarcación de Emerxencias do Grove, que se atopaba nas proximidades e a trasladou ata o areal.

Unha vez en terra, o equipo de socorrismo iniciou de inmediato as manobras de reanimación cardiopulmonar (RCP) ata a chegada da ambulancia medicalizada do 061. Posteriormente, a muller foi trasladada ao Hospital Montecelo para recibir atención especializada.

Dirección

TrAvenida Miraflores, 6
Sangenjo
36960

Página web

http://www.sanxenxo.es/

Notificaciones

Sé el primero en enterarse y déjanos enviarle un correo electrónico cuando Sanxenxo Seguridade Cidadá publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.