Lunes 08:00 - 14:00 Martes 08:00 - 14:00 Miércoles 08:00 - 14:00 Jueves 08:00 - 14:00 Viernes 08:00 - 14:00

Concello de Sada

Casa
España
Sada
Concello de Sada

Canle de comunicación do Concello de Sada. Preme en “Me Gusta” para estar ao día das noticias, emprego público, axenda, avisos, licitacións, plenos...

Se queres estar ao día, dálle a ''Me Gusta''. Noticias, ofertas de emprego, axenda, avisos, plenos e moito máis. Tamén podes visitar sada.gal, a web do Concello de Sada, onde ademais de ter toda a información do municipio poderás enviar incidencias. Tamén te podes pór en contacto connosco. Estaremos encantadxs de escoitar as túas suxestións e de axudarche na medida do posible coas túas demandas.

03/09/2026

🔶ACTIVIDADES MAIORES 55 ANOS. CURSO 2026-2027🔶
O programa de actividade sociais para persoas maiores de 55 anos, promovido pola Concellería de Benestar Social e Igualdade e Emprego, ten como finalidade: contribuir a un envellecemento saudable, fomentar a autonomía persoal, promover a participación e integración social das persoas, e previr situacións de risco e/ou de exclusión social.

🔹ACTIVIDADES:
Mantemento físico e da saúde: Ximnasia Terapéutica - Taichí - Ioga
Estimulación cognitiva: Reforzo da Memoria
Formación e creatividade: Pintura

🔹PRESENTACIÓN DE SOLICITUDES: FORMA E PRAZO DE INSCRIPCIÓN
As solicitudes presentaranse nas oficinas do Concello: no rexistro xeral, a través da sede electrónica, ou en algún dos lugares sinalados no artigo 16 da Lei 39/2015. Mediante o modelo autorizado para tal fin (Anexo I). O prazo de presentación de solicitudess remata o 7 setembro.

ℹINFORMACIÓN, BASES REGULADORAS DE PARTICIPACIÓN DAS ACTIVIDADES SOCIAIS PARA MAIORES DE 55 ANOS PARA O CURSO 2026/2027 E FORMULARIOS DE INSCRICIÓN -https://acortar.link/bPqNln

03/09/2026

🔶VOLVEN AS SAÍDAS DE SENDEIRISMO AO CONCELLO DE SADA 🔶

Xa está dispoñible a programación do 3º trimestre de 2026, con tres rutas guiadas por expertos en interpretación medioambiental:

📍 20 de setembro – Terra Chá (Outeiro de Rei) - Inscrición do 7 ao 13 de setembro
📍 4 de outubro – Costa de Laxe
📍 15 de novembro – Serra de Forgoselo (As Pontes)

👉 Todas as actividades son de día completo.

📅 Consulta os prazos de inscrición de cada saída e solicita a túa praza en : https://www.sada.gal/

03/09/2026

🔶ACTIVIDADES SOCIOCULTURAIS E DEPORTIVAS NAS PARROQUIAS DE SADA - CURSO 2026-2027🔶
Sada organiza, a través da concellería de Promoción Económica, Turismo e Participación Cidadá, actividades e prácticas deportivas dirixidas á poboación adulta co obxectivo da promoción de hábitos de intervención saudables e terapéuticos ademáis de fomentar a participación social no tempo libre.

🔹Actividades a realizar nas parroquias: Pilates - Zumba - Ioga - Horto Urbano.
🔹Prazo de inscrición: Ata o 23 de setembro

ℹ MÁIS INFORMACIÓN, BASES DE PARTICIPACIÓN E FORMULARIO DE INSCRICIÓN DAS ACTIVIDADES PARROQUIAS 2026-2027 (ATA O 23 DE SETEMBRO) - https://acortar.link/tPXd1S

02/09/2026

🔶SADA, CON CEUTA🔶

Hoxe, Día de Ceuta, o Concello de Sada quere trasladar a súa solidariedade e apoio á cidadanía ceutí ante a situación extraordinaria que está a vivir tras a chegada de máis de 70.000 persoas migrantes o pasado 30 de xullo a través da fronteira con Marrocos. Polo menos 96 persoas morreron intentando alcanzar territorio español. Hoxe, segundo os datos trasladados polo Goberno central, aínda permanecen en territorio ceutí algo máis de 5.000 persoas, moitas delas menores.

Ceuta está a vivir momentos de enorme dificultade, cunha forte presión sobre os seus servizos públicos e sobre a vida cotiá dos seus veciños e veciñas. Por iso, é necesario que conte con recursos, apoio e coordinación entre todas as administracións. Pero tan importante como isto é lembrar que a solidariedade con Ceuta non pode nin debe construírse contra ninguén.

Defender a convivencia significa garantir seguridade e servizos públicos para a cidadanía de Ceuta, reforzar a resposta das administracións ante situacións extraordinarias e, ao mesmo tempo, respectar os dereitos humanos e a dignidade de todas as persoas.

Non podemos permitir que as persoas migrantes sexan utilizadas unha vez máis como arma arreboladiza, nin que unha situación tan complexa sexa instrumentalizada para alimentar o medo, o odio ou a confrontación social.

Desde Sada queremos dicilo con claridade: estamos con Ceuta, cos seus veciños e veciñas e cunha convivencia baseada na legalidade, no respecto, na solidariedade e na dignidade das persoas.

Sada, con Ceuta.

02/09/2026

🔶QUICO CADAVAL: 30 ANOS A CONTAR HISTORIAS🔶
Quico Cadaval leva trinta anos a calcar os distintos camiños da memoria e da imaxinación. Tende a perderse e a reatoparse, sempre coa axuda do público.

Os seus espectáculos pertencen a un movedizo mundo escénico que foi definida de distintas maneiras. Teatro da palabra, narración oral escénica ou literatura ao vivo, foron alguns dos xeitos de designalo.

É un espectáculo mestizo entre o conto de lareira, o cabaret literario e o teatro épico.

ℹ️ DOMINGO 13 DE SETEMBRO ÁS 19 HORAS. Casa da Cultura . Entrada de balde ata completar aforo

02/09/2026

🔶EXPOSICIÓN DOS OBRADOIROS DA ASOCIACIÓN DE AMAS DE CASA DE SADA🔶

A Casa da Cultura Pintor Lloréns acolle durante todo o mes de setembro a exposición das obras realizadas nos obradoiros de pintura, restauración, calceta e costura da Asociación de Amas de Casa, Consumidores e Usuarios da Coruña – Delegación de Sada.

📅 Do 1 ao 30 de setembro
📍 Casa da Cultura Pintor Lloréns
🎟️ Entrada libre

Máis info: https://acortar.link/Vcbvcn

02/09/2026

🔶FESTA DOS MAIORES DE SADA🔶
A festa dos maiores terá lugar o sábado 12 de setembro de 2026 entre as 18 e as 22 horas no Pavillón Municipal de Sada. Na primeira parte da tarde disfrutaredes dunha deliciosa merenda que sobre as 20 horas dará paso ao baile e actuación musical a cargo de Xilo.

Para asistir é imprescindible inscribirse previamente. As inscricións realizaranse de xeito presencial na Oficina da Xuventude entre o luns 24 de agosto e o venres 4 de setembro en horario de 9 a 14 horas. O número máximo de prazas dispoñibles por cuestións de aforo é de 450 persoas que serán outorgadas por rigurosa orde de chegada.

O único requisito é estar empadroado/a no Concello de Sada e ser maior de 65 anos (ou cumprilos no que queda de ano 2026). Para verificar ambos aspectos, deberán acudir obrigatoriamente co DNI no momento de realizar a inscrición.
Se algún dos asistentes desexa vir acompañado/a poderá facelo sen problema (máximo 1 por persoa inscrita). O/a acompañante non terá que cumprir os criterios de estar empadroado en Sada nin ser maior de 65 anos

02/09/2026

🔶FESTAS DE MONDEGO 2026🔶
A parroquia de Mondego celebra as súas festas do 4 ao 6 de setembro

🔹Venres 4 de Setembro, neste día celebrarase unha gran churrascada popular e o V Concurso de Tortillas e terán lugar as actuacións do grupo folclórico Nova Troula, ás 21.00 horas, e do dúo Deluxe na verbena das 22.30 horas. Ás 00.00 horas soltarase o globo de papel de 10 metros.

🔹Sábado 5 ás 19.30 horas comezará a gran pulpada. Ás 21.30 horas, verbena co dúo Crazy.

🔹Domingo 6, ás 12.00 horas celebrarase a misa en honra ao Santísimo co Coro de Mondego, seguida da procesión pola alfombra floral. Acto seguido dará inicio a sesión vermú con degustación de callos e música con Aixa Romai. O colofón da festa será o xantar popular onde os comensais traerán a súa propia comida.

01/09/2026

🔶PRAZO EXTRAORDINARIO MATRICULACIÓN ESCOLA MUNICIPAL MUSICA SADA. CURSO 26-27🔶
A Escola Municipal de Música de Sada abre prazo extraordinario de Mattriculación para as segintes prazas:
- 3 prazas de Música e movemento 1º (5 anos cumpridos)
- 3 prazas de Música e movemento 2º
- 2 prazas de Vento – metal (trompeta / trompa)

O prazo para presentar as solicitudes no rexistro municipal será do 7 ao 11 de setembro (inclusive).

O impreso de solicitude de praza poderá descargarse na paxina web municipal e presentarse no rexistro municipal ben sexa presencialmente ou en sede electrónica.

O alumnado de novo ingreso deberá agardar á publicación da listaxe de admitidos, 17 de setembro, e de agarda na web municipal unha vez finalice o prazo.

01/09/2026

✨ REVIVE OS MELLORES MOMENTOS DUN VERÁN INESQUECIBLE EN SADA.
Dende a maxia de San Xoán, pasando polas festas do Carme, a Feira Modernista os concertos de agosto, o Día da Xuventude e as Festas Patronais, co espectacular broche final cos fogos do 18 de agosto.

🎥 Preme no vídeo e goza dun percorrido pola música, a tradición, a alegría e os momentos compartidos que fixeron vibrar Sada. Familia, música, xogos, maiores, Modernismo, cultura, tradicións, mar, xente, gastronomía, alegría.. e moita festa!

🙏 Grazas a todas as persoas que formastes parte destas festas. ¡Vémonos o vindeiro ano!

Dirección

Avenida Da Mariña, 25
Sada
15160

Horario de Apertura

Lunes	08:00 - 14:00
Martes	08:00 - 14:00
Miércoles	08:00 - 14:00
Jueves	08:00 - 14:00
Viernes	08:00 - 14:00

Teléfono

+34981620075

Página web

http://www.sada.gal/

Notificaciones

Sé el primero en enterarse y déjanos enviarle un correo electrónico cuando Concello de Sada publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.