BNG Ribeira

04/09/2026

Forzamos un pleno extraordinario para esixir que se faga a residencia pública de Ribeira

👎 Un ano despois da moción de censura, non se cedeu ningún terreo á consellaría, non hai proxecto nin partida orzamentaria e o PP pretende tirar ao lixo cos 800.000€ xa investidos nas Saíñas.

Estamos falando dunha infraestrutura vital para prestarlle servizo ás persoas maiores. Porén, un ano despois de que o PP volvera ao goberno local, non só a residencia pública continúa paralizada, senón que existen outros proxectos permanecen parados.

💸 O PP quere tirar ao lixo máis de 800.000€
A decisión de querer levar a residencia para San Roque suporía perder todo o traballo realizado e tirar cos 800.000 euros xa investidos de cartos públicos nas Saíñas. San Roque supón levar aos maiores ao monte, xa que estaría illada, non disporía de transporte público e implicaría máis atrasos mentres que facer a residencia nas Saíñas implicaría que nuns meses podería estar en construción.
⚠️ Actualmente, a Consellería de Política Social non ten o terreo á súa disposición, tampouco ten un novo proxecto, nin ten habilitada a partida orzamentaria para poder construíla.

✅Reclamamos manter o proxecto nas Saíñas
Neste pleno reclamamos que se execute o proxecto da residencia pública de maiores nas Saíñas tal e como estaba previsto xa que nesta localización non existe ningún tipo de lexislación que impida a construción da residencia nese emprazamento tal e como confirmou o goberno español. Esta localización trátase dun terreo accesible, con zonas verdes e conectada co mar, conta con transporte público e xa se realizaron importantes investimentos públicos. O proxecto das Saíñas podería estar en construción en poucos meses se se quixera.

📄 Tamén esiximos á Xunta que faga públicos os supostos informes técnicos nos que se baseou para cuestionar esta localización.

🤝 O exalcalde insistiu: Ribeira non imos consentir máis demoras nunha infraestrutura destinada a atender ás persoas maiores e ás familias. "Defendemos que se faga un uso racional dos cartos públicos e que as persoas maiores, teñan unha nova residencia pública. Imos traballar e esforzarnos para que sexa unha realidade canto antes".

ℹ https://www.bng-ribeira.gal/bng-psdeg-e-non-adscritos-forzan-un-pleno-extraordinario-para-desbloquear-a-residencia-publica-de-ribeira/

02/09/2026

“Con todos os problemas que temos no sector, coa cantidade de investimentos que farían falta para investigación, vostedes o que fan é pasar cartos dun ano para outro, pero realmente sempre deixan cartos sen executar”, recriminou Rosana Pérez.

Dende o BNG solicitamos que estes cartos sexan reinvestidos no propio sector do mar e nos portos.

Rosana Pérez acusa a conselleira do Mar de “tirar balóns fóra” e denuncia a falta de resposta ás preguntas do BNG sobre o destino dos fondos 

31/08/2026

Alexandre Millet, director da Orquestra Sons e o exalcalde e portavoz do BNG Luís Pérez Barral, intercambiaron impresións sobre o traballo da equipa de Sons 🎶

31/08/2026

Unha fin de semana acompañando iniciativas que fan unha Ribeira en grande. Ocasións para estar e escoitar á veciñanza.

🐙 O Polbo de Palmeira puido coa chuvia!

Estivenos na XII Festa do Polbo, unha celebración gastronómica que tamén reivindica o carácter mariñeiro desta parroquia e pon en valor o traballo do mar.

Queremos parabenizar á pregoeira, Ana Lorenzo Vizcaya, polo seu pregón e por representar nesta edición o orgullo e o vínculo con Palmeira, tanto como palmeirana, como por doutora que exerce na sanidade pública, a cal defendeu no seu discurso.

Viva o polbo, viva Palmeira e viva a sanidade pública e de calidade 👏

🚶🏻‍♀️O venres vivimos unha nova edición de “Os Camiños da Memoria”, a andaina solidaria de AGADEA que volveu encher Ribeira dunha marea morada para visibilizar o alzhéimer e apoiar ás persoas afectadas, ás súas familias e ás persoas coidadoras.

Foi moi especial contar nesta edición con Nuska Chousa e Rogelio Santos, que se sumaron á iniciativa e contribuíron tamén a darlle visibilidade a esta causa tan necesaria.

Dende o BNG agradecemos a AGADEA, ao voluntariado e a todas as persoas que participaron por facer posible unha xornada de solidariedade e concienciación que xa é tradición cada ano.

🖼️ Inauguración de ‘Macropsia’, a nova exposición da artista Mónica Alonso no Museo do Gravado de Artes, unha extraordinaria viaxe por tres décadas da súa traxectoria creativa.

Na inauguración estiveron varias compañeiras e a concelleira Cruz Rivadulla, que lle trasladou o noso recoñecemento á grande artista Mónica Alonso! 👏🎨

27/08/2026

Na pasada fin de semana, desde o BNG estivemos acompañando á escola El Tomasón nunha gala moi especial para celebrar as súas vodas de prata. Un cuarto de século enchendo Ribeira de baile, música, ilusión e, sobre todo, creando comunidade arredor da danza.

Parabéns por estes 25 anos, Orlando e equipo! E grazas por facer do baile unha parte máis da vida cultural deste pobo, achegándoo a persoas de todas as idades e convertendo as rúas e os escenarios en lugares de encontro 👏👏👏

Vémonos a na vindeira fin de semana nunha nova edición de Salsa na Rúa!

26/08/2026

Castiñeiras volveu celebrar as súas festas, mantendo viva a esencia dunha parroquia profundamente ligada ao mar.

Estes días tivemos a oportunidade de compartir coa veciñanza algunhas das actividades das festas de Castiñeiras, unhas celebracións que son moito máis ca diversión: son tamén encontro, tradición e comunidade.

A gran sardiñada foi acollida con moito éxito no porto, un deses momentos para xuntarse, conversar e desfrutar da nosa gastronomía e da música tradicional.

E, como non, a celebración do Carme, un momento especialmente emotivo para unha comunidade tan vencellada ao mar.

Queremos agradecer á comisión organizadora e a todas as veciñas e veciños que fan posible que estas festas continúen sendo un punto de encontro para toda a parroquia, pois as festas son tamén cultura, memoria e comunidade.

25/08/2026

A pasada fin de semana tivemos a oportunidade de acompañar a María Vilas nun acto moi especial na súa parroquia, onde se descubriu a estrela coa que Castiñeiras quere recoñecer a traxectoria dunha das grandes deportistas da historia de Ribeira.

María foi a primeira deportista ribeirense en participar nuns Xogos Olímpicos, en Río 2016, e levou o nome de Castiñeiras e de Ribeira moito máis alá das nosas fronteiras. Unha carreira construída a base de esforzo, constancia, traballo e moitas horas de adestramento.

Moitos parabéns!! 🌟

24/08/2026

O BNG non quixo perderse unha das citas máis singulares da Festa da Dorna, o Baile de Jala. Unha mostra dese humor, desa retranca e desa capacidade de participación que fan da nosa festa algo único. A Dorna é cultura popular, é identidade e, sobre todo, é xente.

Pero este ano hai algo que non podemos deixar pasar: o 24 de xullo, Día da Dorna, non foi festivo local en Ribeira.

E nós temos claro que debe selo. Porque non estamos falando simplemente dun día sen traballar: estamos falando de recoñecer institucionalmente unha celebración que forma parte da identidade colectiva de Ribeira e que leva décadas mobilizando a veciñanza. A propia Festa da Dorna naceu en 1948 e hoxe é Festa de Interese Turístico de Galicia.

Sempre ó voso carón,
VIVA A FESTA DA DORNA 💚❤️

22/08/2026

Un grupo de compañeiros e compañeiras xuntámonos para degustar unhas tapas no Gastromar. Probamos algunhas das marabillas que nos ofrece o noso mar. 🐟🦐

Animámosvos a achegarvos a esta feira gastronómica e, sobre todo, a apostar polo peixe fresco: o que pescan os nosos mariñeiros e que chega ás nosas mesas da man das nosas praceiras e peixeiras.

Consumir produto local é apoiar o noso mar, o noso sector pesqueiro e a nosa economía. 🌊

22/08/2026

Demandamos atallar o caos na recollida de lixo e na limpeza e que se atendan as queixas da veciñanza ♻️

O BNG denuncia o deterioro do servizo de recollida de lixo e limpeza tras as numerosas queixas recibidas durante todo o verán por contedores desbordados, malos cheiros, sucidade acumulada e falta de limpeza e desinfección.

O actual contrato arrastra importantes deficiencias derivadas da súa mala planificación no ano 2014, pero o Goberno municipal non pode quedar de brazos cruzados: hai que gobernar, planificar e resolver os problemas da veciñanza.

Tamén solicitamos reforzos de limpeza tras eventos multitudinarios e medidas para impulsar o uso do contedor marrón e a compostaxe, reducindo custos e permitindo destinar máis recursos á mellora dos servizos públicos.

Despois dos eventos que congregan a miles de persoas é necesario planificar reforzos e realizar limpezas en profundidade, como faciamos cando o BNG estivo á fronte da Alcaldía, para recuperar canto antes a normalidade nos espazos públicos. Hoxe botamos en falta esa planificación e esa capacidade de organización.

Seguiremos nas rúas e nas parroquias, escoitando á veciñanza, levando as súas demandas ao Concello e propoñendo solucións para que Ribeira funcione cada día mellor.

ℹ️

Recollemos as numerosas queixas veciñais chegadas durante todo o verán por contedores desbordados, sucidade acumulada e falta de limpeza e desinfección O BNG faise eco das numerosas queixas que veciñas e veciños do municipio que veñen trasladando ao longo do verán a situación que presenta o ...