10/09/2026
NON TODAS AS EMPRESAS MADEIREIRAS SON IGUAIS
… e non deben pagar xustos por pecadores. Desta volta nin sequera se trata dunha pista (que debe quedar como estaba despois da corta) senón dun simple sinal dun roteiro. A empresa en cuestión, antes de cortar, arrancou o sinal e colocouno noutro lado (segue cumprindo a función) para evitar deterioralo. Cando acabe, volverao ao seu sitio.
Insignificante o detalle? Ao contrario. Moi significativo sobre a maneira de traballar dalgunhas empresas, que non só deixan o monte limpo senón que coidan das vías que usaron e de todo o que puidese quedar mal.
Mentres tanto, unhas autoridades municipais na contorna (non todas, felizmente) que pouco saben do que teñen entre mans. Unha taxa que ao único que axuda é ao abandono do monte e, no caso específico de Riotorto… un absoluto descoñecemento da realidade. Aspirarán a seguir gobernando desde que non haxa nada que gobernar? Pan para hoxe e fame para mañá.
Si, a empresa en cuestión é Madeiras Barcia, pero farían o mesmo Madeiras Torres, Madeiras Fernández Barcia, Madeiras Teixeira e tantas outras. E quen non traballe ben, que o pague, claro que si… pero respectemos quen fai ben o seu traballo para que poida (e queira… e isto é moi importante) seguilo facendo aquí, onde as condicións son máis difícil ca na Terra Chá, por exemplo.
