Quiroga. Concello de Quiroga

05/09/2026

Tic tac…⏰

Hoy, 5 de septiembre a las 20:00h damos en primer paso para Quiroga Trail Challenger 2027.



No es una carrera de montaña más.
Es volver al Courel.
Es el “doLor” que se elige 😜.
Es volver a calor de los amigos.
Es la fiesta del Trail Gallego.

A las 20:00h nos vemos en la línea de salida.

Link en la Bio.

💙🤍💙🤍
Hoxe, 5 de setembro, ás 20:00h damos o primeiro paso para o Quiroga Trail Challenger 2027.



Non é unha carreira de montaña máis.
É volver ao Courel.
É o “doLor” que se elixe 😜.
É volver ao calor dos amigos.
É a festa do Trail Galego.

Ás 20:00h vémonos na liña de saída.

Link na Bio.

05/09/2026

𝗗𝗘𝗦𝗖𝗨𝗕𝗥𝗜𝗥 𝗤𝗨𝗜𝗥𝗢𝗚𝗔 𝗘𝗡 𝗦𝗘𝗚𝗪𝗔𝗬

RTMQ. Esta mañá tiña lugar unha das actividades máis novas do programa de dinamización turística Descubrir Quiroga: “ Segway Mini Aventura”. Un entretido percorrido polo Paseo Fluvial de Quiroga para g***r da paisaxe local dun xeito diferente e sobre rodas.

O Concelleiro de Turismo, Vicente Parra, encargouse de recibir a algún dos grupos de participantes e ademais de darlle a benvida, pois a maioría eran de fora do municipio; lembrou que o Descubrir Quiroga deste ano está integramente financiado pola Deputación Provincial de Lugo.

Os participantes saían en pequenos grupos, distanciados unha hora, dende o aparcamento do paseo fluvial para, tras unhas pequenas explicacións e prácticas a cargo da empresas Enoturismo Galicia, desfrutar das beiras do río Quiroga en segway.

A experiencia, segundo os participantes, máis que satisfactoria, tanto polo entorno como polo vehículo empregado para facer o recorrido.

O programa descubrir Quiroga continúa neste mes de setembro, con outras dúas citas. A primeira “Raíces e Ritmos das Montañas”, unha actividade no Museo Etnográfico concibida para achegar aos asistentes ás tradicións, á artesanía e á cultura das montañas quiroguesas.

E a seguinte , unha nova cita co barranquismo, para a que xa están todas as prazas cubertas. Dada o boa acollida que ten a actividade de barranquismo e a gran demanda deste deporte en Quiroga, o Concelleiro de Turismo, Vicente Parra, quere lembrarlle a todos os aventureiros que esta actividade, así como a espeleoloxía, está regrada e suxeita a unha normativa ambiental.

Os barrancos de Quiroga, ao igual que todos os do Xeoparque Montañas do Courel, están incluídos dentro da Rede Natura 2000 polo que para practicar este deporte, en calquera dos barrancos do municipio, é preciso contar coa autorización de Patrimonio Natural de Galicia (Consellería de Medio Ambiente e Cambio Climático da Xunta de Galicia), ou acudir cun monitor que conte con esta autorización.

Para o mes de outubro aínda están previstas dúas actividades. O día 3, un recorrido polas fervenzas de Quiroga coincidindo coa espectacular época de caída da folla no municipio. E o día 18 un recorrido polo Camiño do Ferradal co que se pechará o programa Descubrir Quiroga por este ano.

As persoas interesadas en participar nestas actividades poden formalizar a súa inscrición na Oficina de Turismo de Quiroga, no teléfono 982 43 51 25 ou no enderezo electrónico: [email protected]. As prazas deste programa gratuíto son limitadas, polo que é preciso Inscribirse canto antes.

04/09/2026

04/09/2026

𝗔𝗧𝗔 𝗢 𝗩𝗘𝗡𝗥𝗘𝗦 𝟭𝟭 𝗗𝗘 𝗦𝗘𝗧𝗘𝗠𝗕𝗥𝗢 𝗣𝗢́𝗗𝗘𝗡𝗦𝗘 𝗣𝗘𝗗𝗜𝗥 𝗔𝗦 𝗔𝗫𝗨𝗗𝗔𝗦 𝗣𝗔𝗥𝗔 𝗔𝗟𝗨𝗠𝗡𝗔𝗗𝗢 𝗖𝗢𝗡 𝗡𝗘𝗖𝗘𝗦𝗜𝗗𝗔𝗗𝗘𝗦 𝗘𝗦𝗣𝗘𝗖𝗜́𝗙𝗜𝗖𝗔𝗦

RTMQ. O venres 11 de setembro remata o prazo para solicitar as axudas que concede o Ministerio de Educación, Formación Profesional e Deportes para alumnado con necesidades específicas de apoio educativo para o curso 2026-2027.

Trátase de axudas directas para alumnado, incluíndo o alumnado con TDAH (trastorno por déficit de atención por hiperactividade) que necesiten apoios e atencións educativas específicas derivadas de discapacidade, trastornos graves de conduta ou de trastornos graves da comunicación e da linguaxe asociados a necesidades educativas especiais. Tamén poderá ser beneficiario o alumnado con TEA (Trastorno do espectro autista) que requira os apoios e atencións educativas específicas.

Tamén se inclúen subsidios por necesidades educativas especiais derivadas de discapacidade ou trastornos de conduta ou trastornos graves da comunicación e da linguaxe asociados a necesidades educativas especiais para familias numerosas e alumnos con TEA.
Axudas para programas específicos complementarios á educación regrada para alumnado con necesidade específica de apoio educativo asociado a ‘altas capacidades intelectuais’.

E subsidio de contía fixa para gastos adicionais de carácter xeral derivados da escolarización do alumnado con necesidade específica de apoio educativo asociada a discapacidade, trastornos graves de conduta ou trastornos graves da comunicación e da linguaxe. Tamén para TEA e alumnado con altas capacidades.

Os requisitos para optar a estas axudas para o alumnado con discapacidade, trastorno grave de conduta, trastorno grave da comunicación ou da linguaxe ou trastorno do espectro autista son ter 2 ou máis anos a 31 de decembro de 2025; e no caso de alumnado con altas capacidades ter 6 ou máis anos. Ademais de estar escolarizado nun centro específico de educación especial ou nun centro ordinario que teña unidades de educación especial ou que estea autorizado para escolarizar a alumnos con necesidades educativas especiais.

As axudas poden cubrir diversas necesidades como as derivados do ensino, transporte, comedor, residencia, educación especial ou libros e material didáctico entre outras.

Estas axudas pódense solicitar a través da Sede Electrónica do Ministerio de Educación, Formación Profesional e Deportes, descargar o formulario e entregalo no centro educativo ou a través do servizo de Orientación Escolar do centro no que se vaia a matricular no curso 2025-2026.

Dende a Concellería de Servizos Sociais e a Concellería de Educación, Infancia e Igualdade do Concello de Quiroga lembran a existencia destas axudas e aconsellan ás familias informarse ben delas e aproveitalas no caso de reunir as condicións que se establecen na convocatoria. Lembran tamén que dende os servizos de orientación dos Centros de Ensino daranlle indicacións e facilitarán a tramitación das mesmas ás familias que o precisen.

Ayudas para alumnado con necesidad específica de apoyo educativo.

03/09/2026

𝗡𝗢𝗩𝗢 𝗘𝗤𝗨𝗜𝗣𝗢 𝗗𝗘 𝗙𝗨́𝗧𝗕𝗢𝗟 𝗦𝗔𝗟𝗔, 𝗢 𝗩𝗔𝗟 𝗗𝗢 𝗦𝗜𝗟 𝗤𝗨𝗜𝗥𝗢𝗚𝗔 𝗙𝗨́𝗧𝗦𝗔𝗟

RTMQ. Tras o descanso estival pouco a pouco volve o deporte a Quiroga. A pasada semana presentábanse os equipos de fútbol do Quiroga, tanto o Sénior como o Xuvenil. Para a presentación organizáronse dous encontros amistosos.

Deste mesmo xeito, cun partido amistoso, preséntase un novo equipo de fútbol sala, o Val do Sil Quiroga Fútsal. Con este equipo recupérase o fútbol sala máis alá das Escolas Deportivas.

Baixo as ordes de Paquiño arranca en Quiroga un equipo que se presenta baixo o lema “unha terra, un club, unha familia” e que volverá facer vibrar de emoción o pavillón municipal despois da desaparición do Covirán.

O partido amistoso de presentación será este sábado 5 de setembro a partir das oito do serán no pavillón municipal, contra o Bolo FS.

03/09/2026

𝗡𝗢 𝗠𝗘𝗦 𝗗𝗘 𝗦𝗘𝗧𝗘𝗠𝗕𝗥𝗢 𝗖𝗢𝗡𝗧𝗜𝗡𝗨́𝗔 ❞𝗗𝗘𝗦𝗖𝗨𝗕𝗥𝗜𝗥 𝗤𝗨𝗜𝗥𝗢𝗚𝗔❞

RTMQ. Coa chegada do mes de setembro continúa o programa de dinamización turística Descubrir Quiroga. Este programa organizado dende a Concellería de Turismo conta co financiamento da Deputación Provincial.

Este sábado, día 5 de setembro, terá lugar unha das actividades máis novas, “ Segway Mini Aventura”, un entretido percorrido polo Paseo Fluvial de Quiroga para g***r da paisaxe local dun xeito diferente e sobre rodas.

O 12 de setembro, “Raíces e Ritmos das Montañas”, unha actividade no Museo Etnográfico concibida para achegar aos asistentes ás tradicións, á artesanía e á cultura das montañas quiroguesas.

As persoas interesadas en participar nestas dúas actividades poden formalizar a súa inscrición na Oficina de Turismo de Quiroga, no teléfono 982 43 51 25 ou no enderezo electrónico: [email protected]. As prazas deste programa gratuíto son limitadas, polo que é preciso Inscribirse canto antes

Ademais contará cunha nova cita co barranquismo, para a que xa están todas as prazas cubertas. Dada o boa acollida que ten a actividade de barranquismo e a gran demanda deste deporte en Quiroga, o Concelleiro de Turismo, Vicente Parra, quere lembrarlle a todos os aventureiros que esta actividade, así como a espeleoloxía, está regrada e suxeita a unha normativa ambiental.

Os barrancos de Quiroga, ao igual que todos os do Xeoparque Montañas do Courel, están incluídos dentro da Rede Natura 2000 polo que para practicar este deporte, en calquera dos barrancos do municipio, é preciso contar coa autorización de Patrimonio Natural de Galicia (Consellería de Medio Ambiente e Cambio Climático da Xunta de Galicia), ou acudir cun monitor que conte con esta autorización.

02/09/2026

Volve a Festa do Terror, o QuiMedo!

👻🔥 **A VOLTA DO TERROR XA ESTÁ AQUÍ… E ESTA VEZ VAI SER AÍNDA MÁIS BRUTAL!** 🔥👻

**QUIMEDO 7 – FESTA DO TERROR** 🩸💀
📍 **Quiroga**
📅 **Sábado 24 de outubro**
⏰ **21:30 h**

Prepárate para entrar nun mundo onde **o medo, a adrenalina e a diversión se mesturan nunha experiencia que non esquecerás**. 😈

🏚️ **CASAS DO TERROR**
👹 Personaxes terroríficos
🌑 Ambientes de pesadelo
🔥 Sorpresas, sustos e moita adrenalina
🩸 Unha noite na que nunca saberás o que te espera ao virar a seguinte esquina…

⚠️ **NON VEÑAS SÓ… VEN A SENTIR O TERROR!**

🚨 **EN PRÓXIMAS HORAS ABRIRANSE AS INSCRICIÓNS** 🚨

Se queres vivir **QUIMEDO 7**, prepara o teu grupo, porque as prazas son **LIMITADAS** e poden voar! 🏃‍♂️💨

🎟️ **Reúne á túa xente. Atrévete. Entra. E comproba se es capaz de chegar ata o final.**

🖤 **QUIMEDO 7 – A volta da mellor festa de terror de Galicia.**
**Unha ruta de casas do terror única.**

👻💀🩸🔥

02/09/2026

𝗨𝗡 𝗖𝗔𝗠𝗣𝗨𝗦 𝗗𝗘 𝗥𝗢𝗕𝗢́𝗧𝗜𝗖𝗔 𝗣𝗔𝗥𝗔 𝗣𝗘𝗤𝗨𝗘𝗡𝗢𝗦 𝗜𝗡𝗩𝗘𝗡𝗧𝗢𝗥𝗘𝗦

RTMQ. Onte comezaba un Campus de Robótica que se desenvolverá ata o vindeiro luns 7 de setembro e que está deseñado especificamente para fomentar a creatividade e o interese pola tecnoloxía entre a mocidade.

A iniciativa, concibida baixo o lema "Clases de Robótica para Pequenos Inventores Creativos", está dirixida a nenos e nenas con idades comprendidas entre os 6 e os 12 anos.

As sesións, que se desenvolven na Aula Cemit da Casa da Cultura a partir das dez da mañá, son unha oportunidade formativa e de lecer que busca achegar o mundo da programación e a robótica aos máis novos dun xeito práctico e dinámico.

Na primeira clase os nenos e nenas participantes aprenderon a realizar un ventilador e un robot que foi capaz de avanzar, retroceder, utilizar luces e incluso de inclinarse.

Será unha semana para compartir, aprender, experimentar e achegarlles as novas tecnoloxías aos máis novos, dun xeito diferente, educativo e moi divertido.

O campus impartido pola Academia Aulario Athenea conta co apoio da área de Cultura da Vicepresidencia da Deputación de Lugo e co impulso do Concello de Quiroga. Polo que coincidindo co seu inicio ata este campus achegouse o Alcalde de Quiroga, José Luis Rivera; e o Concelleiro de Servizos Sociais e Normalización Lingüística, Xosé Manuel Fernández; para dar a benvida aos participantes, agradecer á Vicepresidencia o seu apoio e desexar que este campus sexa o inicio da carreira de moitos enxeñeiros.

01/09/2026

𝗢 𝗔𝗖𝗘𝗜𝗧𝗘 𝗗𝗘 𝗤𝗨𝗜𝗥𝗢𝗚𝗔 𝗖𝗢𝗡𝗧𝗜𝗡𝗨́𝗔 𝗥𝗢𝗗𝗔𝗡𝗗𝗢 𝗡𝗔 𝗩𝗢𝗟𝗧𝗔 𝗖𝗜𝗖𝗟𝗜𝗦𝗧𝗔 𝗔 𝗘𝗦𝗣𝗔𝗡̃𝗔

RTMQ. O aceite de Quiroga está acompañando unha vez máis á volta ciclista a España. O aceite quirogués forma parte do posto “...E para comer, Lugo”, que a asociación de hostalaría da provincia de Lugo (APEHL) coloca na zona vip de todas as saídas de etapa da volta ciclista coa intención de destacar a provincia como destino turístico e gastronómico.

A volta ciclista arrancaba o pasado 22 de agosto e rematará o domingo 13 de setembro cubrindo unha distancia de 3.275 quilómetros repartidos en 21 etapas, maioritariamente polo oeste de España.

Esta é a sétima vez que o aceite de Quiroga participa nesta promoción turística que fai a asociación de hostalaría da provincia dende hai catorce anos e na que participan produtos presentados por distintos consellos reguladores da provincia.

É o propio persoal da Asociación quen atende aos asistentes na saída de cada etapa e, a maiores de servir tapas e aperitivos elaborados con produtos autóctonos, difunde exemplares da última edición da guía turístico gastronómica …E para comer, Lugo.

01/09/2026

𝗔 𝗘𝗫𝗣𝗢𝗦𝗜𝗖𝗜𝗢́𝗡 ❞𝗖𝗢𝗥𝗘𝗦 𝗗𝗔 𝗥𝗜𝗕𝗘𝗜𝗥𝗔 𝗦𝗔𝗖𝗥𝗔❞ 𝗗𝗘 𝗙𝗥𝗔𝗡𝗖𝗛𝗨 𝗠𝗘𝗗𝗜𝗔𝗟𝗗𝗘𝗔, 𝗖𝗛𝗘𝗚𝗔 𝗔 𝗤𝗨𝗜𝗥𝗢𝗚𝗔 𝗗𝗔 𝗠𝗔𝗡 𝗗𝗢𝗦 𝗣𝗥𝗘𝗦𝗕𝗜́𝗧𝗘𝗥𝗢𝗦 𝗗𝗔 𝗖𝗢𝗠𝗔𝗥𝗖𝗔

RTMQ. A sala de exposicións da Casa da Cultura inaugura o vindeiro luns, 7 de setembro, ás 11:00, a exposición “Cores da Ribeira Sacra: acuarelas de Franchu Medialdea”, organizada polos presbíteros das comarcas de Quiroga e Castro Caldelas.

A exposición recolle a unión das acuarelas de Franchu Medialdea con textos de autores galegos, creando un diálogo artístico, cultural e emocional interrexional que reflicte a fascinación por unha das paisaxes máis máxicas de Galicia: A Ribeira Sacra.

Esta colección supón unha viaxe sensorial polas paisaxes dos concellos de Castro Caldelas, Quiroga e o Courel. A través de transparencias, luces e unha paleta cromática vibrante, o pintor plasma a maxia e a singularidade dun contorno único en Galicia. As acuarelas capturan con delicadeza a bruma, a pedra e o paso do tempo, demostrando o dominio técnico do artista sobre a auga e o pigmento.

Nado en Úbeda (Xaén) en 1974, Francisco Jesús Medialdea Guerrero —coñecido artisticamente como Franchu Medialdea— conta cunha sólida traxectoria no panorama pictórico nacional. Licenciado en Belas Artes pola prestixiosa Universidade de Granada, ao longo da súa carreira foi galardoado con numerosos recoñecementos, entre os que destacan os primeiros premios no Certame Nacional Artífice ou na Bienal Luis Aldehuela. Na actualidade, compaxina a súa faceta creativa coa docencia como profesor de pintura.

O recoñecido artista ubetense Franchu Medialdea, da man da Confraría da Virxe dos Remedios de Quiroga, está a converterse no centro das olladas culturais, en terras de Quiroga e Castro Caldelas, coas súas recentes creacións plásticas. A súa recente obra conecta de xeito directo coas raíces galegas a través de dúas propostas que ligan a fe, a tradición e o patrimonio natural do país.

Ademais desta exposición, Medialdea asina os novos carteis anunciadores para as romarías da Virxe dos Remedios, na igrexa de Santa María de A Ermida e na capela dos Remedios de Santa María de Quintá de Lor. O primeiro dos carteis representa de forma maxistral a emblemática peza en alabastro da Virxe dos Remedios da Ermida. O segundo cartel plasma a singularidade arquitectónica e o misticismo da capela dos Remedios.

Con este dobre traballo, o autor logra actualizar a iconografía relixiosa sen perder o respecto pola tradición, entregando dúas imaxes potentes que xa comezan a convocar aos fieis.