Bng Pontedeume

Casa
España
Puentedeume
Bng Pontedeume

https://pontedeume.bng.gal/

29/05/2026

Hoxe estivemos en Ferrol en apoio das traballadoras e traballadores do sector da alimentación na provincia da Coruña, na manifestación convocada con motivo da folga en defensa dun convenio digno. 💪🛒

Todo o noso apoio para as traballadoras e traballadores do sector que están a loitar por unhas condicións dignas de traballo, en especial ás numerosas traballadoras deste sector no Concello de Pontedeume.

26/05/2026

Deixámosvos a ligazón para escoitar a entrevista que lle realizaron na Cadena SER Ferrol ao noso portavoz, Aarón Curbeira.

Nela trátanse temas de actualidade da vila, como:

🏠 A vivenda pública

🐚 A situación crítica do sector do marisqueo

🚧 As obras na ponte de pedra

🚌 🚂 A falta de transporte público por estrada e ferrocarril

Escoita aquí a entrevista completa: 👇

https://cadenaser.com/audio/1778670529964/

23/05/2026

O Centro de Maiores acolleu a pasada quinta-feira (xoves) un acto público do BNG necesario e urxente para debullar o porvir que queremos para o noso país.

O encontro foi conducido polo noso compañeiro do Consello Local, Brais Rei, e contou coa participación de Bieito Lobeira, membro do Consello Nacional do BNG.

O pacifismo e o anti-militarismo foron os eixes centrais do debate, deixando claro que o futuro de Galiza ten que estar lonxe do belicismo promovido polos países membros da OTAN.

Puxemos o punto final acto cun chamamento a participar o vindeiro 30 de maio en Vigo na manifestación contra o desfile das forzas armadas españolas.

🗣️ Na Galiza: paz, soberanía e dereitos! ✊

19/05/2026

Desde o BNG de Pontedeume manifestamos o noso apoio e orgullo polo éxito da folga convocada no sector do metal da provincia da Coruña. Unha folga que busca negociar un convenio digno para as e os traballadores.

Esta loita ten unha enorme importancia para a nosa vila e, en xeral, para as comarcas do Eume e Ferrolterra, onde o metal é un motor económico fundamental.

Todo o noso apoio ás traballadoras e traballadores nas seguinte xornadas convocadas para o 26 e 27 deste mes! 💪🛠️

17/05/2026

Hoxe, desde o BNG de Pontedeume, participamos en dous grandes actos convocados con motivo do Día das Letras Galegas.

Por un lado, no Cortexo Cívico de Pontedeume, organizado polo Ateneo Eumés e Colectivo Terra.

E por outro, na manifestación de Queremos Galego que ateigou Compostela.

Vivan as Letras Galegas! 💙

14/05/2026

🗣️ Na Galiza: paz, soberanía e dereitos

📍Este 21 de maio, ás 20:30 h, temos acto público no Centro de Maiores de Pontedeume.

➕ Con Bieito Lobeira, membro do Consello Nacional do BNG.

✊ Un encontro para falar de paz, anti-militarismo e futuro para Galiza.

13/05/2026

📢 O 17 de maio saímos á rúa coa plataforma baixo o lema “O galego, lingua vital”.

Fronte ao abandono da nosa lingua por parte da Xunta, defendamos os nosos dereitos lingüísticos.

📍 Alameda, Compostela
🕛 12:00 h

🚌 Consulta os autobuses en QueremosGalego.gal

11/05/2026

O marisqueo en Pontedeume atravesa unha situación límite. É un sector fundamental para a nosa vila e para moitas familias que leva tempo sufrindo o abandono e a falta de medidas.

Por iso, desde o BNG levamos unha iniciativa ao Parlamento Galego a través do noso deputado Xosé Manuel Golpe Acuña, que se debaterá mañá, día 12 de maio, para defender o sector marisqueiro e reclamar actuacións reais por parte do Goberno da Xunta.

Porque a nosa ría e o marisqueo deben ter futuro.

07/05/2026

📢 Pontedeume aproba a moción en defensa da clase traballadora

O Pleno de Pontedeume do mes de abril deu luz verde á moción presentada polo BNG para frear o intento da Xunta de criminalizar as baixas laborais. Unha medida que pon o foco da sospeita sobre quen sofre unha enfermidade ou accidente.

✅ A favor: BNG e PSOE.
❌ En contra: PP.

O que defendemos:

🚫 Basta de sospeitas: Galiza ten unha das taxas de baixas máis baixas do Estado.

🏥 Máis Sanidade Pública: O atraso nas baixas é culpa das listas de espera, non da fraude.

⚠️ Máis seguridade e saúde laboral: Prioridade absoluta a previr e reducir a sinistralidade e as enfermidade laborais.

🛑 Non máis poder para as mutuas: A saúde laboral debe ser pública, non privada.

Esiximos que a Xunta reforce a Atención Primaria e respecte os dereitos das e dos traballadores. ✊💪

25/04/2026

🕊️ NA GALIZA: PAZ, SOBERANÍA E DEREITOS

Fronte á escalada militar e ao discurso do medo, desde o BNG apostamos por máis paz e máis dereitos.

✊ Que defendemos?

• Priorizar o gasto social fronte ao gasto militar

• Unha política exterior baseada na soberanía e na paz

• Desmilitarización: educar na igualdade e na paz e devolución dos espazos militares na Galiza

• O rexeitamento ao servizo militar obrigatorio

Galiza non pode formar parte da lóxica da guerra. Queremos decidir o noso futuro en paz.

📍 Vémonos o 30 de maio en Vigo

Dirección

Xulgado De Pontedeume
Puentedeume
15600

Página web

http://pontedeume.bng.gal/

Notificaciones

Sé el primero en enterarse y déjanos enviarle un correo electrónico cuando Bng Pontedeume publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.